Connect with us

Video Stories

വിടപറഞ്ഞത് കുഷ്ഠ രോഗികളുടെ അത്താണിയായിരുന്നു ഫാത്തിമ ഹജ്ജുമ്മ

Published

on

കോഴിക്കോട്: മാറാവ്യാധിക്കാര്‍ക്ക് അത്താണിയായിരുന്ന ഫാത്തിമ ഹജ്ജുമ്മക്ക് കണ്ണീരില്‍ കുതിര്‍ന്ന യാത്രാമൊഴി. അര നൂറ്റാണ്ടിലേറെ കാലം ചേവായൂര്‍ ത്വക്ക്‌രോഗാശുപത്രിയിലെ രോഗികളെ പരിചരിച്ച കൊണ്ടോട്ടി മൊറയൂര്‍ സ്വദേശിനിയാണ് ഇന്നലെ വിടപറഞ്ഞത്. കുഷ്ഠരോഗം ബാധിച്ച് വീടുകളില്‍ നിന്നും വര്‍ഷങ്ങളോളം ആവശ്യത്തിന് പരിചരണം പോലം ലഭിക്കാതെ ആശുപത്രിയില്‍ ദിനങ്ങള്‍ തള്ളി നീക്കുന്നവരുടെ എല്ലാമായിരുന്നു ഫാത്തിമ ഹജ്ജുമ്മ. ഭര്‍ത്താവിന്റെ സഹോദരിക്ക് കുഷ്ഠരോഗമുണ്ടായപ്പോള്‍ നിത്യ സന്ദര്‍ശകയായ ഫാത്തിമയുടെ ജീവിത ഗതിയില്‍ മാറ്റമുണ്ടാവുകായായിരുന്നു. സുമനസ്സുകളുടെ കാരുണ്യത്തില്‍ കഴിഞ്ഞു കൂടുന്ന രോഗികളുടെ രക്ഷിതാവായി പതുക്കെ മാറുകയായിരുന്നു. ആരുമില്ലാത്തവരുടെ എല്ലാമായി മാറാന്‍ അവര്‍ക്ക് കഴിഞ്ഞു.
മലപ്പുറം ജില്ലയിലെ മൊറയൂര്‍ ഒഴുകൂരില്‍ യാരത്ത് പറമ്പിലാണ് ഫാത്തിമയുടെ തറവാട്. വിവാഹം കഴിച്ചതോടെയാണ് കോഴിക്കോട് വട്ടാംപൊയിലിലെത്തിയത്. രോഗികള്‍ക്ക് അനുഗ്രഹമായി മാറിയ ഇവരുടെ പരിചരണം മിക്കവാറും ദിവസങ്ങളില്‍ ഉണ്ടാകുമായിരുന്നു. എത്ര തിരക്കുണ്ടായാലും വെള്ളിയാഴ്ചകളില്‍ ഫാത്തിമ താത്ത അവിടെ സന്ദര്‍ശിക്കുമായിരുന്നു. കുഷ്ഠരോഗാശുപത്രിയുമായി ബന്ധം കൂടുതല്‍ ദൃഢമായതോടെ അവര്‍ തന്റെ പരിചയത്തിലുള്ളവരോടെല്ലാം ഈ ആശുപത്രിയെ കുറിച്ചും അഗതി മന്ദിരത്തെ കുറിച്ചും അവിടങ്ങളിലെ അന്തേവാസികളെ കുറിച്ചും പറഞ്ഞു. കിട്ടാവുന്നവരില്‍ നിന്നെല്ലാം സഹായങ്ങള്‍ സ്വീകരിച്ച് ആശുപത്രിയിലേയും അഗതി മന്ദിരത്തിലേയും അന്തേവാസികള്‍ക്ക് എത്തിച്ചുകൊടുത്തു. ആശുപത്രിയില്‍ സഹായവുമായെത്തുന്ന പലരെയും ആശുപത്രി സൂപ്രണ്ട് ഹജ്ജുമ്മയുടെ വിസിറ്റിംഗ് കാര്‍ഡായിരുന്നു കൊടുത്തിരുന്നത്. അവരെ കണ്ടെത്തിയാണ് പലരും രോഗികള്‍ക്കുള്ള സഹായം കൈമാറിയിരുന്നത്. തുടര്‍ന്ന് ഹജ്ജുമ്മ സഹായങ്ങളുമായി തന്നെ കാത്തിരിക്കുന്ന അന്തേവാസികള്‍ക്കടുത്തെത്തുകയും ചെയ്യുമായിരുന്നു.
ആശുപത്രിയിലേയും അഗതി മന്ദിരത്തിലേയും അന്തേവാസികള്‍ക്ക് ആവശ്യമായ സഹായ സഹകരണങ്ങളും പണവും ഭക്ഷണവും ഇവര്‍ വഴി എത്തിക്കാറുണ്ടായിരുന്നു. കുഷ്ഠരോഗം മാറിയിട്ടും വീട്ടുകാര്‍ ഏറ്റെടുക്കാത്തവര്‍ക്ക് വേണ്ടി എല്ലാ മാസവും രണ്ട് ചാക്ക് അരി എത്തിക്കാന്‍ ഹജ്ജുമ്മ ശ്രദ്ധിക്കുന്നത് വലിയ അനുഗ്രവുമായിരുന്നു. രോഗം മൂര്‍ച്ഛിച്ച് കാലുകള്‍ മുറിച്ചു മാറ്റിയവര്‍ക്ക് കൃത്രിമക്കാലുകള്‍ വെക്കാനുള്ള സഹായം, അസുഖ ബാധിതരായി ചികിത്സിക്കാന്‍ വഴിയില്ലാത്തവര്‍ക്ക് അതിനുള്ള മാര്‍ക്ഷങ്ങള്‍, ശസ്ത്രക്രിയ ചെയ്യാന്‍ പണമില്ലാതെ കുഴങ്ങിയവര്‍ക്ക് ധനസഹായത്തിനുള്ള വഴിയടയാളങ്ങള്‍ തുടങ്ങി എത്രയോ വലിയ സഹായങ്ങളാണ് ഫാത്തിമയുടെ ഇടപെടലിലൂടെ ചെയ്തത്. രോഗികള്‍ക്കെല്ലാം അവര്‍ ഫാത്തിമ താത്തയായിരുന്നു. അവരുടെ ഓരോ സന്ദര്‍ശനവും രോഗികള്‍ക്ക് ആത്മവിശ്വാസം പകരുന്നതായിരുന്നു. ഫാത്തിമ താത്തയുടെ മരണം നൂറിലധികം വരുന്ന രോഗികളെ വീണ്ടും അനാഥരാക്കിയിരിക്കുകയാണ്.
ഫാത്തിമ ഹജ്ജുമ്മയുടെ നിശബ്ദ സേവനത്തിന് നിരവധി അംഗീകാരങ്ങളും ലഭിച്ചിട്ടുണ്ട്. 2011 ല്‍ എം.ഇ.എസ് യൂത്ത് വിങ്ങിന്റെ ഡോ. പി.കെ അബ്ദുല്‍ ഗഫൂര്‍ കാരുണ്യ പ്രതിഭാ പുരസ്‌കാരം, 2012 ല്‍ തന്റേടം ജെന്റര്‍ ഫെസ്റ്റില്‍ ആരോഗ്യ പരിരക്ഷക്കുള്ള മഹിളാ തിലകം അവാര്‍ഡ്, 2013 ല്‍ സാമൂഹിക നീതി വകുപ്പിന്റെ ജനസഭയുടെ ആദരം തുടങ്ങി നിരവധി അംഗീകാരങ്ങളും അവരെ തേടിയെത്തിയിരുന്നു. ഹജ്ജുമ്മ എന്നു വിളിക്കുമ്പോള്‍ നാട്ടുകാരുടെ മുന്നില്‍ പുഞ്ചിരി തൂകി കൈവീശാനും ആശുപത്രി കിടക്കയില്‍ ഫാത്തിമ താത്തയെ കാത്തിരിക്കുന്ന രോഗികള്‍ക്ക് സ്‌നേഹം ചൊരിയാനും ഇനി അവര്‍ ഉണ്ടാവുകയില്ല.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കാന്‍സര്‍ രോഗിയെ വിമാനത്തില്‍ നിന്ന് ഇറക്കിവിട്ട് അമേരിക്കന്‍ വിമാന കമ്പനി

ഡല്‍ഹിയില്‍ നിന്ന് ന്യൂയോര്‍ക്കിലേക്ക് പോകേണ്ട അമേരിക്കന്‍ കമ്പനിയുടെ വിമാനത്തില്‍ നിന്നാണ് മീനാക്ഷി സെന്‍ ഗുപ്ത എന്ന യുവതിയെ വിമാന അധികൃതര്‍ ഇറക്കിവിട്ടത്.

Published

on

കാന്‍സര്‍ രോഗിയായ യുവതിയെ വിമാനത്തില്‍ നിന്ന് ഇറക്കിവിട്ടു. ഡല്‍ഹിയില്‍ നിന്ന് ന്യൂയോര്‍ക്കിലേക്ക് പോകേണ്ട അമേരിക്കന്‍ കമ്പനിയുടെ വിമാനത്തില്‍ നിന്നാണ് മീനാക്ഷി സെന്‍ ഗുപ്ത എന്ന യുവതിയെ വിമാന അധികൃതര്‍ ഇറക്കിവിട്ടത്.

വിമാനത്തിലേക്ക് കയറിയപ്പോള്‍ കയ്യിലുള്ള ബാഗ് മുകളിലേക്ക് എടുത്തുവെക്കാന്‍ അധികൃതര്‍ ആവശ്യപ്പെട്ടു. എന്നാല്‍ കുറച്ചുനാളുകള്‍ക്കു മുമ്പ് ശാസ്ത്രക്രിയ കഴിഞ്ഞതിനാല്‍ ഒറ്റയ്ക്ക് അത് ചെയ്യാന്‍ സാധിക്കില്ലെന്നും ബാഗ് മുകളില്‍ വയ്ക്കാന്‍ സഹായിക്കണമെന്ന് യുവതി അഭ്യര്‍ത്ഥിച്ചു. എന്നാല്‍ ഇത് തന്റെ ജോലി അല്ലെന്നായിരുന്നു വിമാനം അധികൃതരുടെ മറുപടി. ശേഷം യുവതിയോട് വിമാനത്തില്‍ നിന്ന് ഇറങ്ങാന്‍ ആവശ്യപ്പെടുകയും ചെയ്തു.

സംഭവത്തില്‍ വിശദമായ അന്വേഷണം ആരംഭിച്ചതായി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ ഡിജി അരുണ്‍കുമാര്‍ വ്യക്തമാക്കി.

Continue Reading

News

വിന്‍ഡോ സീറ്റിന്റെ പേരില്‍ വിമാനത്തില്‍ കൂട്ടത്തല്ല്; 2 മണിക്കൂര്‍ വൈകി

15 ഓളം പേര്‍ക്കെതിരെകേസെടുത്തു. ഇവരെ യാത്രയില്‍നിന്ന് ഒഴിവാക്കിയശേഷമാണ് യാത്ര ആരംഭിച്ചത്.

video

Published

on

വിമാനത്തിലെ വിന്‍ഡോ സീറ്റിന് വേണ്ടി യാത്രക്കാര്‍ തമ്മില്‍ കൂട്ടത്തല്ല്. ഇതേതുടര്‍ന്ന് പുറപ്പെടാന്‍ രണ്ട് മണിക്കൂര്‍ വൈകി. ബ്രസീലിലാണ് സംഭവം. സാല്‍വദോറില്‍നിന്ന് സാവേ പോളോയിലേക്ക് പോകാനിരുന്ന വിമാനത്തിലാണ്‌സംഭവം. ഭിന്നശേഷിക്കാരനായ കുട്ടിയുമൊത്ത് വന്ന യാത്രക്കാരി അരികിലെ സീറ്റ് ആവശ്യപ്പെട്ടെങ്കിലും സഹയാത്രക്കാരി അത് നല്‍കാന്‍ തയ്യാറായില്ല. തുടര്‍ന്ന് വാഗ്വാദത്തിനിടയിലാണ് ഇരുവരും തല്ല് തുടങ്ങിയത്. യാത്രക്കാരും ഇടപെട്ടതോടെ കൂട്ടത്തല്ലായി. കാബിന്‍ ക്രൂവ് എത്തി ശാന്തമാക്കാന്‍ ശ്രമിച്ചെങ്കിലും മണിക്കൂറോളം തല്ല് തുടര്‍ന്നു. 15 ഓളം പേര്‍ക്കെതിരെകേസെടുത്തു. ഇവരെ യാത്രയില്‍നിന്ന് ഒഴിവാക്കിയശേഷമാണ് യാത്ര ആരംഭിച്ചത്.

video

Continue Reading

Celebrity

ഗായിക വാണി ജയറാം അന്തരിച്ചു

മികച്ച ഗായികക്കുള്ള ദേശീയ ചലച്ചിത്രപുരസ്കാരം മൂന്നു തവണ

Published

on

പ്രശസ്ത പിന്നണി ഗായികയും പദ്മഭൂഷണ്‍ ജേതാവുമായ വാണി ജയറാം (77) അന്തരിച്ചു. ചെന്നൈയിലെ വസതിയിലായിരുന്നു അന്ത്യം.

തമിഴ്, തെലുഗു, കന്നട, മലയാളം, മറാത്തി, ഹിന്ദി എന്നീ ഭാഷകളിലായി നൂറുകണക്കിന് ഗാനങ്ങള്‍ ആലപിച്ചിട്ടുണ്ട്. മികച്ച ഗായികക്കുള്ള ദേശീയ ചലച്ചിത്രപുരസ്കാരം മൂന്നു തവണ നേടിയിട്ടുണ്ട്.

ഇക്കഴിഞ്ഞ റിപബ്ലിക് ദിനത്തിലാണ് പദ്മഭൂഷണ്‍ പുരസ്കാരം തേടിയെത്തിയത്.

Continue Reading

Trending