കേന്ദ്ര ആഭ്യന്തരമന്ത്രി അമിത്ഷാ ഇന്ന് മണിപ്പൂര്‍ സന്ദര്‍ശനത്തിനെത്തും. സംഘര്‍ഷാവസ്ഥ തുടരുന്ന മണിപ്പൂരില്‍ മൂന്നുദിവസത്തെ സന്ദര്‍ശനത്തിനായാണ് അമിത് ഷാ എത്തുന്നത്. ഗവര്‍ണറുമായും മുഖ്യമന്ത്രിയുമായും ഉന്നത ഉദ്യോഗസ്ഥരുമായും ചര്‍ച്ചകള്‍ നടത്തും. അക്രമമുണ്ടായ മേഖലകളും സന്ദര്‍ശിക്കും.

മണിപ്പൂര്‍ സംഘര്‍ഷത്തിന്റെ പശ്ചാത്തലത്തില്‍ കോണ്‍ഗ്രസ് സംഘം അധ്യക്ഷന്‍ മല്ലികാര്‍ജുന്‍ ഖര്‍ഗയുടെ നേതൃത്വത്തില്‍ നാളെ രാഷ്ട്രപതിയെ കാണും.

കരസേനാ മേധാവി ജനറല്‍ മനോജ് പാണ്ഡെ ഇതിനോടകം സംസ്ഥാനത്തെത്തി സ്ഥിതി വിലയിരുത്തുന്നുണ്ട്. ചില ഗോത്രവര്‍ഗ സംഘങ്ങള്‍ അത്യാധുനിക ആയുധങ്ങളുമായി വീണ്ടും പ്രശ്‌നങ്ങള്‍ സൃഷ്ടിക്കാന്‍ ശ്രമിക്കുന്നതായാണ് സര്‍ക്കാര്‍ വിലയിരുത്തല്‍.

ഇന്നലെ രാത്രി ഇംഫാലില്‍ ഉണ്ടായ അക്രമത്തില്‍ സുരക്ഷാ ഉദ്യോഗസ്ഥന് പരുക്കേറ്റു. പലയിടങ്ങളിലും വെടിവയ്പ്പുണ്ടായി. സംഘര്‍ഷം സായുധ കലാപത്തിലേക്ക് വഴിമാറുമോ എന്ന ആശങ്ക നിലനില്‍ക്കെ, ഇതുവരെ 40 തീവ്രവാദികളെ കൊലപ്പെടുത്തിയെന്നാണ് മുഖ്യമന്ത്രി എന്‍.ബിരേന്‍ സിങ് പറഞ്ഞത്.

മസ്കറ്റ്: ദുബായിൽ നിന്നും വിസ മാറ്റത്തിനായി ഓമനിലെത്തിയ തിരുവനന്തപുരം വട്ട കരിക്കകം രാജീവ്‌ ഗാന്ധി നഗർ സ്വദേശിയായ സിബി (41) മസ്കത്ത് അൽഖുവൈറിലെ സ്വകാര്യ ആശുപത്രിയിൽ വെച്ച് ഹൃദയാഘാതം മൂലം മരണപ്പെട്ടു.

മൃതദേഹം മസ്കറ്റ് കെഎംസിസി അൽഖുവൈർ ഏരിയ കമ്മിറ്റിയുടെ നേതൃത്വത്തിൽ നടപടി ക്രമങ്ങൾ പൂർത്തിയാക്കി നാട്ടിലേക്ക് അയച്ചു.

കയ്പമംഗലം തായ്‌നഗറില്‍ വാടകവീട്ടില്‍ നിന്നുമാണ് കഞ്ചാവ് പിടികൂടിയത്. സംഭവവുമായി ബന്ധപ്പെട്ട് വാടക വീട്ടില്‍ താമസിച്ചിരുന്ന പുറനാട്ടുകര സ്വദേശി പ്രിന്റോ, പനങ്ങാട് സ്വദേശി സബിത്ത് എന്നിവരെ പോലീസ് അറസ്റ്റ് ചെയ്തു.

കൊടുങ്ങല്ലൂര്‍ ഡി.വൈ.എസ്.പി. സലീഷ് എന്‍. ശങ്കരന്റെ നേതൃത്വത്തിലുള്ള അന്വേഷണ സംഘം നടത്തിയ പരിശോധനയിലാണ് കഞ്ചാവ് കണ്ടെത്തിയത്. ശനിയാഴ്ച്ച രാത്രി ഒന്‍പത് മണിയോടെയാണ് രഹസ്യവിവരത്തെ തുടര്‍ന്നാണ് പരിശോധന നടത്തിയത്. കരിങ്കല്ല് പണിക്കെന്ന വ്യാജേന എത്തിയാണ് ഇവര്‍ വീട്ടില്‍ താമസിച്ചിരുന്നത്.

പ്രിന്റോ നിരവധി ക്രിമിനല്‍ കേസുകളില്‍ പ്രതിയാണ്. പ്രതികളെ ഇന്ന് കോടതിയില്‍ ഹാജരാക്കും. വലപ്പാട് ഇന്‍സ്‌പെക്ടര്‍ കെ.എസ്.സുശാന്ത്, കയ്പമംഗലം എസ്.എച്ച്.ഒ കൃഷ്ണ പ്രസാദ്, എസ്.ഐ സൂരജ്, കൊടുങ്ങല്ലൂര്‍ എസ്.ഐ രവി, െ്രെകം സ്‌ക്വാഡ് എസ്.ഐമാരായ പി.സി.സുനില്‍, സി.ആര്‍.പ്രദീപ്, സി.പി.ഒമാരായ നിശാന്ത്, ബിജു, സൈറ ബാനു എന്നിവരും അന്വേഷണ സംഘത്തില്‍ ഉണ്ടായിരുന്നു.