ടൂറിന്‍: ചാമ്പ്യന്‍സ് ലീഗില്‍ ബാഴ്‌സലോണ, യുവന്റസ് , ചെല്‍സി എന്നീ ക്ലബ്ബുകള്‍ നോക്കൗട്ട് കടന്നു. ഡൈനാമോ കെവിനെ എതിരില്ലാത്ത നാല് ഗോളിന് തോല്‍പ്പിച്ചാണ് ബാഴ്‌സ അവസാന നോക്കൗട്ടില്‍ ഇടം നേടിയത്. ഡെസ്റ്റ്, ബ്രെവൈറ്റ്(ഡബിള്‍)ഗ്രീസ്മാന്‍ എന്നിവരാണ് ബാഴ്‌സക്കായി ഗോള്‍ നേടിയത്. മെസിക്കും ഡിജോങ്ങിനും കോച്ച് കോമാന്‍ വിശ്രമം അനുവദിച്ചിരുന്നു.

ഫെറാങ്ക് വാറോസിനെ ഒന്നിനെതിരെ രണ്ട് ഗോളിന് തോല്‍പിച്ച് യുവന്റസും അവസാന പതിനാറില്‍ കടന്നു. ഫെറാങ്കിനു വേണ്ടി യുസുനി ആദ്യം ഗോള്‍ നേടി. പിന്നാലെ ക്രിസ്റ്റ്യാനോ തിരിച്ചടിച്ചു. ഇതോടെ സമനിലയിലായ മത്സരത്തില്‍ ഇഞ്ചുറി ടൈമിലെ മൊറാട്ടയുടെ ഗോളാണ് യുവന്റസിനെ വിജയ തീരത്തെത്തിച്ചത്.

ഗ്രൂപ്പ് ഇയില്‍ നിന്ന് മിന്നും ജയത്തോടെ ചെല്‍സിയും സെവിയ്യയും നോക്കൗട്ടില്‍ ഇടം നേടി. ഫ്രഞ്ച് ക്ലബ്ബ് റെനീസിനെതിരേ 2-1ന്റെ ജയമാണ് ചെല്‍സി നേടിയത്. ഇഞ്ചുറി ടൈമില്‍ ഒലിവര്‍ ജിറൗദ്് നേടിയ ഗോളാണ് ചെല്‍സിക്ക് ജയമൊരുക്കിയത്. 22ാം മിനിറ്റില്‍ ഹുഡ്‌സണ്‍ ഒഡോയിയിലൂടെ ചെല്‍സി ലീഡെടുത്തു. എന്നാല്‍ ഗുറാസെയിലൂടെ 85ാം മിനിറ്റില്‍ റെനീസ് സമനില പിടിച്ചു. തുടര്‍ന്ന് അവസാന നിമിഷം ഫ്രഞ്ച് താരം ജിറൗദ് ചെല്‍സിക്ക് ജയമൊരുക്കുകയായിരുന്നു. എഫ് കെ കരാസ്‌നോദറിനെതിരേ 21ന്റെ ജയമാണ് സ്പാനിഷ് ക്ലബ്ബ് സെവിയ്യ നേടിയത്. റാക്കിറ്റിക്ക് എല്‍ ഹദാദി എന്നിവരാണ് സെവിയ്യയുടെ സ്‌കോറര്‍മാര്‍.