Connect with us

Video Stories

സദ്ദാമില്ലാത്ത ഇറാഖിന് 10 വയസ്; മരിക്കാതെ ഇന്നും ജനഹൃദയങ്ങളില്‍

Published

on

ബഗ്ദാദ്: ഇറാഖ് പ്രസിഡന്റ് സദ്ദാം ഹുസൈന്‍ തൂക്കിലേറ്റപ്പെട്ടിട്ട് ഇന്നേക്ക് 10 വര്‍ഷം തികയുന്നു. 2006 ഡിസംബര്‍ മുപ്പതിന് വടക്കന്‍ ബഗ്ദാദിലെ കാദിമിയ്യയില്‍ സൈനിക ഇന്റലിജന്‍സ് ആസ്ഥാനത്താണ് സദ്ദാമിനെ തൂക്കിലേറ്റിയത്. ഇറാഖില്‍ അമേരിക്കയുടെ നേതൃത്വത്തിലുള്ള അധിനിവേശത്തെ തുടര്‍ന്ന് ഒളിവില്‍പോയ അദ്ദേഹത്തെ 2003 ഡിസംബര്‍ 13ന് തിക്രിതിലെ ഒളിത്താവളത്തില്‍നിന്ന് യു.എസ് സേന പിടികൂടുകയായിരുന്നു. കിരാതമായ ആ കൊലപാതകത്തിന് 10 വയസ് പൂര്‍ത്തിയാകുമ്പോള്‍ ഇറാഖ് എന്ന രാഷ്ട്രം പൂര്‍ണമായും തകര്‍ന്നിരിക്കുകയാണ്.

വംശീയ വൈരവും ഭീകരവാദികളുടെ തേര്‍വാഴ്ചയും ഇറാഖിന്റെ അസ്ഥിത്വത്തെ തന്നെ അപകടപ്പെടുത്തിയിരിക്കുന്നു. സമാധാനം സാധ്യമാക്കിയെന്ന് അവകാശപ്പെട്ട് അമേരിക്കന്‍ സേന പിന്‍വാങ്ങിയെങ്കിലും ലോകത്തെ ഏറ്റവും അപകടം പിടിച്ച ദുരന്തഭൂമിയായി ഇറാഖ് മാറി. സദ്ദാമിന്റെ പഴയ കാലത്തേക്ക് തിരിച്ചുപോകാനാണ് ഇറാഖികള്‍ ഇപ്പോള്‍ ആഗ്രഹിക്കുന്നത്. അമേരിക്ക ഇടപെട്ട് പാവഭരണകൂടത്തെ പ്രതിഷ്ഠിച്ചെങ്കിലും രാഷ്ട്രീയമായും വംശീയമായും ഇറാഖ് ചിന്നിച്ചിതറുകയായിരുന്നു.
ശിയാക്കള്‍ക്ക് ആധിപത്യമുള്ള ഭരണകൂടം സുന്നികളോട് പ്രതികാരബുദ്ധിയോടെയാണ് പെരുമാറിയത്. അത് പുതിയ പ്രശ്‌നങ്ങള്‍ക്ക് വഴിവെച്ചു. വംശീയ പ്രശ്‌നങ്ങള്‍ മുതലെടുത്ത് ഇസ്്‌ലാമിക് സ്റ്റേറ്റി(ഐ.എസ്)നെപ്പോലുള്ള ഭീകരസംഘടനകള്‍ തഴച്ചുവളര്‍ന്നു. അമേരിക്കയും മറ്റു പാശ്ചാത്യ ശക്തികളും അവര്‍ക്ക് ആയുധങ്ങളും പണവും ഒഴുക്കിക്കൊടുത്തു. യു.എസ് നല്‍കിയ ആയുധങ്ങള്‍ ഉപയോഗിച്ച് ഇറാഖികള്‍ ചേരിതിരിഞ്ഞ് പരസ്പരം കഴുത്തറുക്കുകയാണിപ്പോള്‍. ഫലൂജയടക്കം രാജ്യത്തിന്റെ നിരവധി ഭാഗങ്ങള്‍ ഐ.എസ് പിടിച്ചെടുത്തു. ഭീകരാക്രമണങ്ങള്‍ വര്‍ധിച്ചു. ഇറാഖിനെ ആസ്ഥാനമാക്കിയായിരുന്നു ഐ.എസിന്റെ വളര്‍ച്ച. ഒടുവില്‍ ഇറാഖില്‍ അബദ്ധം സംഭവിച്ചുവെന്ന് അമേരിക്കക്ക് സമ്മതിക്കേണ്ടിവന്നു. പ്രത്യക്ഷമായും പരോക്ഷമായും പ്രസിഡന്റ് ബറാക് ഒബാമ അതു സൂചിപ്പിക്കുകയുംചെയ്തു. ഇറാഖ് ഭരിക്കാന്‍ യോഗ്യന്‍ സദ്ദാം തന്നെയാണെന്ന് മുന്‍ സി.ഐ.എ ഉദ്യോഗസ്ഥന്‍ ജോണ്‍ നിക്‌സണ്‍ തന്റെ പുതിയ പുസ്തകത്തില്‍ അഭിപ്രായപ്പെട്ടു.

തിക്രിതിലെ ഒളിത്താവളത്തില്‍നിന്ന് പിടികൂടിയ ശേഷം സദ്ദാമിനെ ചോദ്യംചെയ്ത സി.ഐ.എ ഉദ്യോഗസ്ഥരില്‍ ഒരാളായിരുന്നു അദ്ദേഹം. അമേരിക്ക കരുതുന്നതുപോലെ എളുപ്പമായിരിക്കില്ല ഇറാഖ് ഭരണമെന്ന് സദ്ദാം തനിക്ക് മുന്നറിയിപ്പുതന്നിരുന്നതായി നിക്‌സണ്‍ വെളിപ്പെടുത്തി. സുന്നി, ഷിയാ വിഘടനവാദികളെ ഒരുപോലെ മെരുക്കാന്‍ സദ്ദാമിനെപ്പോലെ ശക്തനായ ഒരാള്‍ വേണമന്ന് ഇപ്പോള്‍ തോന്നുന്നതായും അദ്ദേഹം പറഞ്ഞു. എങ്ങനെയാണ് ഇത്രയും കാലം സദ്ദാം ഇറാഖിനെ ഭരിച്ചതെന്ന് ഓര്‍ക്കുമ്പോള്‍ അദ്ദേഹത്തോട് ബഹുമാനം തോന്നുന്നതായും നിക്‌സണ്‍ കൂട്ടിച്ചേര്‍ത്തു. ഒരിക്കല്‍ നിക്‌സണിന്റെ ചോദ്യങ്ങള്‍ക്ക് മറുപടി പറയവെ ജനങ്ങളെ യോജിച്ചുപോകാന്‍ പഠിപ്പിച്ചത് താനാണെന്ന് അദ്ദേഹം അവകാശപ്പെടുകയുണ്ടായി. ഇപ്പോള്‍ ഇറാഖിന് അത്തരമൊരു ആളെയാണ് ആവശ്യവും.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending