Connect with us

kerala

ഇടുക്കിയില്‍ പള്ളി ഉദ്ഘാടനം കഴിഞ്ഞ് മടങ്ങുമ്പോള്‍ വഴിയരികിലെ കടയില്‍ കയറി കഞ്ഞി കുടിച്ച് പാണക്കാട് സാദിഖലി തങ്ങള്‍

Published

on

പീരുമേട്ടില്‍ നിന്ന് പള്ളി ഉദ്ഘാടനം കഴിഞ്ഞു മടങ്ങുന്നതിനിടെ ഉണ്ടായ അനുഭവം പങ്കുവെച്ച് മുസ്‌ലിം ലീഗ് സംസ്ഥാന അദ്ധ്യക്ഷന്‍ സാദിഖലി ശിഹാബ് തങ്ങള്‍. ഉച്ചഭക്ഷണം കഴിക്കാന്‍ കയറിയ കടയെ കുറിച്ചും കടയുടമയെയും കുറിച്ചാണ് ഫേസ്ബുക്കില്‍ പങ്കുവെച്ച കുറിപ്പ്

തങ്ങള്‍ ഫെയ്‌സ് ബുക്കില്‍ കുറിച്ചത്

‘പീരുമേട്ടില്‍ ഇന്നലെ പള്ളി ഉല്‍ഘാടനമുണ്ടായിരുന്നു.
രാത്രിവൈകിയതിനാല്‍ ഇന്ന് മടക്കയാത്ര.
വളവും തിരിവും പിന്നിടുന്ന ഹൈറേഞ്ച് റോഡുകള്‍.
ഇരുവശവും വനം പ്രദേശം.
കടകളും മറ്റും കുറവ്.

ഉച്ചക്ക് രണ്ടരയോടെ താഴ്‌വാരത്തെത്തി.
വെള്ളച്ചാട്ടവും അരുവിയുമുള്ള സ്ഥലം.അവിടെ ചെറിയൊരു കടകണ്ടു.

വിശപ്പുണ്ടായിരുന്നതിനാല്‍ വേഗമിറങ്ങി.ഞാനും സുഹൃത്ത് വി.ഇ..ഗഫൂറും െ്രെഡവറും ഉള്ളിലേക്ക് കയറി.
‘കഞ്ഞിയൊണ്ടു,മോരും പയറുപ്പേരി പപ്പടവുമൊണ്ട്’കടയിലെ സ്ത്രീ ഞങ്ങളോടായി പറഞ്ഞു.
കഞ്ഞിയും മോരുമെന്നു കേട്ടപ്പോള്‍ വിശപ്പ് ഇരട്ടിച്ചപോലായി.

തൊട്ടടുത്ത വെളച്ചാട്ടത്തിലെ ശബ്ദവും ആസ്വദിച്ചു ഞങ്ങള്‍ കഞ്ഞി കുടിച്ചുതീര്‍ത്തു.

പുറത്തിറങ്ങി കൈകഴുകി തിരിച്ചു വന്നപ്പോള്‍
കടക്കാരനും പുറത്തുവന്നു.
‘ആദ്യം മനസ്സിലായില്ലാട്ടോ,സന്തോഷായി കണ്ടതിലും ഞങ്ങളെ കഞ്ഞികുടിച്ചതിലും,പിന്നാ ഞാനും ഒരു രാഷ്ട്രീയക്കാരനാട്ടോ,എന്റെ കൈപിടിച്ചു സ്വരം താഴ്ത്തി ചെറുചിരിയോടെ പറഞ്ഞു’ഞാന്‍ സി.പി.എമ്മാ,എന്ന്.

അത് നല്ലതല്ലേ ആര്‍ക്കായാലും ഒരു രാഷ്ട്രീയം വേണം,നമ്മള്‍ കേരളക്കാരല്ലേ ഞാനും പറഞ്ഞു.

ഗ്രാമീണതയുടെ നിഷകളങ്കതയും കുലീനതയുമായിരുന്നു അയാളുടെയും കുടുബിനിയുടെയും മുഖത്ത്.

അപ്പോഴും പ്രകൃതിക്കു ഇക്കിളിയിട്ട് പൊട്ടിച്ചിരിച്ചും തിമര്‍ത്തും കടക്കു പിന്നില്‍ വെള്ളം ചാടിക്കൊണ്ടിരുന്നു.
ഞങ്ങള്‍ ഫോട്ടോയെടുത്തു പിരിഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കണ്ണൂരില്‍ അധ്യാപികമാരുടെയും വിദ്യാര്‍ത്ഥിനികളുടെയും ചിത്രം മോര്‍ഫ് ചെയ്ത് പ്രചരിപ്പിച്ചു; വിദ്യാര്‍ഥികള്‍ക്കെതിരെ കേസ്

ഡോണ്‍ബോസ്‌കോ കോളേജിലെ വിദ്യാര്‍ത്ഥികള്‍ക്ക് എതിരെയാണ് കേസ്.

Published

on

കണ്ണൂര്‍ അങ്ങാടിക്കടവ് അധ്യാപികമാരുടെയും വിദ്യാര്‍ത്ഥിനികളുടെയും ചിത്രം മോര്‍ഫ് ചെയ്ത് പ്രചരിപ്പിച്ച സംഭവത്തില്‍ വിദ്യാര്‍ഥികള്‍ക്കെതിരെ നടപടി. ഡോണ്‍ബോസ്‌കോ കോളേജിലെ വിദ്യാര്‍ത്ഥികള്‍ക്ക് എതിരെയാണ് കേസ്.

ഷാന്‍ മുഹമ്മദ്, ഷാരോണ്‍, അഖില്‍ എന്നിവര്‍ക്കെതിരെ കോളേജ് അധികൃതര്‍ നല്‍കിയ പരാതിയിലാണ് പൊലീസ് കേസെടുത്തത്. കരിക്കോട്ടക്കരി പൊലീസ് ആണ് സംഭവത്തില്‍ കേസെടുത്തത്.

Continue Reading

kerala

വയനാട് പുനരധിവാസത്തിനായി 529.50 കോടി വായ്പ അനുവദിച്ച് കേന്ദ്രം

ടൌണ്‍ഷിപ്പിലെ പൊതു കെട്ടിടങ്ങള്‍, റോഡുകള്‍, ദുരന്തമേഖലയിലെ പുഴയുടെ ഒഴുക്ക് ക്രമീകരിക്കല്‍, സ്‌കൂള്‍ നവീകരണം തുടങ്ങിയവക്കാണ് സഹായം

Published

on

വയനാട് പുനരധിവാസത്തിന് 529.50 കോടി വായ്പ കേന്ദ്രം അനുവദിച്ചു. ദുരന്ത നടന്ന പ്രദേശങ്ങളുടെ പുനര്‍നിര്‍മ്മാണത്തിനായി സമര്‍പ്പിച്ച 16 പദ്ധതികള്‍ക്കാണ് കേന്ദ്രം സഹായം അനുവദിച്ചത്. സംസ്ഥാനം കേന്ദ്രത്തില്‍ സമര്‍പ്പിച്ച 535.56 കോടി രൂപയുടെ പദ്ധതികളായ ടൌണ്‍ഷിപ്പിലെ പൊതു കെട്ടിടങ്ങള്‍, റോഡുകള്‍, ദുരന്തമേഖലയിലെ പുഴയുടെ ഒഴുക്ക് ക്രമീകരിക്കല്‍, സ്‌കൂള്‍ നവീകരണം തുടങ്ങിയവക്കാണ് സഹായം.

സംസ്ഥാനങ്ങള്‍ക്കുളള മൂലധന നിക്ഷേപ സഹായത്തില്‍ ഉള്‍പ്പെടുത്തിയാണ് വായ്പ അനുവദിച്ചിട്ടുള്ളത്. മൂലധന നിക്ഷേപ സ്‌കീമിലെ വായ്പകള്‍ക്ക് പലിശയില്ലാത്തതിനാല്‍, പണം 50 കൊല്ലം കൊണ്ട് തിരിച്ചടച്ചാല്‍ മതി.

Continue Reading

kerala

തൃശൂരില്‍ കിണറ്റില്‍ വീണ് വര്‍ക്ക്‌ഷോപ്പ് ജീവനക്കാരന്‍ മരിച്ച സംഭവം; കൊലപതകമെന്ന് പൊലീസ്

വല്ലച്ചിറ സ്വദേശി സന്തോഷ് ആണ് കിണറ്റില്‍ വീണ് മരിച്ചത്.

Published

on

തൃശൂരില്‍ കിണറ്റില്‍ വീണ് വര്‍ക്ക്‌ഷോപ്പ് ജീവനക്കാരന്‍ മരിച്ച സംഭവം കൊലപതകമെന്ന് പൊലീസ്. വല്ലച്ചിറ സ്വദേശി സന്തോഷ് ആണ് കിണറ്റില്‍ വീണ് മരിച്ചത്. മദ്യപാനത്തിനിടെയുള്ള തര്‍ക്കത്തിനിടെയാണെന്ന് സന്തോഷ് കൊല്ലപ്പെട്ടതെന്ന് പൊലീസ് പറഞ്ഞു. കേസില്‍ തൃശൂര്‍ സ്വദേശി വിനയനെ പൊലീസ് അറസ്റ്റ് ചെയ്തു.

Continue Reading

Trending