Connect with us

india

‘അലാവുദ്ദീന്റെ അല്‍ഭുത വിളക്ക്’ വിറ്റ് കാശാക്കി; ഡോക്ടര്‍ക്ക് പോയത് 31 ലക്ഷം രൂപ

വിളക്കിന് പുറത്ത് തിരുമ്മിയാല്‍ നാം ഉദ്ദേശിച്ച ആഗ്രഹം സാധിച്ചു തരുന്ന ജിന്ന് മുമ്പില്‍ പ്രത്യക്ഷപ്പെടുന്നതായാണ് കഥയിലുള്ളത്. ഡോക്ടറെ വിശ്വസിപ്പിക്കാന്‍ ഒരു ‘ജിന്നിനെ’യും ഇവര്‍ ഏര്‍പ്പാടാക്കിയിരുന്നു

Published

on

സ്വര്‍ണ നിറമുള്ള വിളക്ക് കാണിച്ച് അലാവുദ്ദീന്റെ അല്‍ഭുത വിളക്കാണെന്നു പറഞ്ഞ് തട്ടിപ്പു നടത്തിയ രണ്ടു പേര്‍ പിടിയില്‍. ഉത്തര്‍പ്രദേശിലാണ് സംഭവം. ഒരു ഡോക്ടറാണ് തട്ടിപ്പിനിരയായത്. അറബിക്കഥയിലെ അലാവുദ്ദീന്റെ അല്‍ഭുത വിളക്കാണെന്നും നമ്മുടെ ഏതാഗ്രഹവും സാധിപ്പിച്ചു തരുമെന്നും പറഞ്ഞ് ഡോക്ടറില്‍ നിന്ന് പ്രതികള്‍ 31 ലക്ഷം രൂപ തട്ടിയെടുക്കുകയായിരുന്നു. വിളക്കിന് പുറത്ത് തിരുമ്മിയാല്‍ നാം ഉദ്ദേശിച്ച ആഗ്രഹം സാധിച്ചു തരുന്ന ജിന്ന് മുമ്പില്‍ പ്രത്യക്ഷപ്പെടുന്നതായാണ് കഥയിലുള്ളത്. ഡോക്ടറെ വിശ്വസിപ്പിക്കാന്‍ ഒരു ‘ജിന്നിനെ’യും ഇവര്‍ ഏര്‍പ്പാടാക്കിയിരുന്നു.

ഇക്രാമുദ്ദീന്‍, അനീസ് എന്നീ രണ്ടു പേരെയാണ് പൊലീസ് അറസ്റ്റ് ചെയ്തത്. തട്ടിപ്പ് തിരിച്ചറിഞ്ഞ് ഡോ. എല്‍എ ഖാന്‍ ഒക്ടോബര്‍ 25 പൊലീസില്‍ പരാതി നല്‍കുകയായിരുന്നു. ഇതേ തുടര്‍ന്നാണ് അറസ്റ്റ്. ഇരുവരുടെയും അമ്മയെന്നവകാശപ്പെട്ട ഒരു സ്ത്രീയെ ചികിത്സിക്കുന്നതിനായി വീട്ടില്‍ കൂട്ടിക്കൊണ്ടു പോയതു വഴി ഡോക്ടറുമായി പരിചയത്തിലായിരുന്നു. ഈ പരിചയം തട്ടിപ്പിനു വേണ്ടി പ്രയോജനപ്പെടുത്തുകയായിരുന്നു.

ചികിത്സയുടെ ഭാഗമായി വീട്ടിലെത്തിയിരുന്ന ഡോക്ടറോട് അദ്ഭുതസിദ്ധികളുള്ള ബാബയെകുറിച്ച് സ്ഥിരമായി ഇവര്‍ പറയാനാരംഭിച്ചു. ബാബയെ കാണാനും ഇവര്‍ ഡോക്ടറെ നിര്‍ബന്ധിക്കാനാരംഭിച്ചു. അവസാനം ബാബയെ സന്ദര്‍ശിച്ചതായി ഡോക്ടര്‍ പരാതിയില്‍ പറഞ്ഞു. പിന്നീട് ഇവര്‍ ഡോക്ടടറുടെ മുമ്പില്‍ വിളക്കുമായെത്തി. ഒന്നരക്കോടി രൂപയാണ് ഇവര്‍ അദ്ഭുതവിളക്കിന് പ്രതിഫലമായി ആവശ്യപ്പെട്ടത്. അവസാനം 31 ലക്ഷം രൂപക്ക് വിളക്ക് നല്‍കാമെന്ന് സമ്മതിച്ചു.

ഒരു തവണ അലാവുദ്ദീനെ കണ്ടതായും ഡോക്ടര്‍ പറഞ്ഞു. അറസ്റ്റിലായവരില്‍ ഒരാള്‍ തന്നെയാണ് അലാവുദ്ദീനായി വേഷമിട്ട് തന്റെ മുന്നിലെത്തിയതെന്ന് പിന്നീട് തിരിച്ചറിഞ്ഞതായും ഡോക്ടര്‍ കൂട്ടിച്ചേര്‍ത്തു. ഈ സംഘം മറ്റു പല വീടുകളിലും തട്ടിപ്പ് നടത്തിയതായി കണ്ടെത്തിയതായി പൊലീസ് അറിയിച്ചു. സംഘത്തിലെ ഒരു സ്ത്രീയെ കൂടി അറസ്റ്റ് ചെയ്യാനുണ്ടെന്ന് പോലീസ് പറഞ്ഞു.

india

‘ബാബരി മസ്ജിദ്; നീതി കേട്, ഗുജറാത്ത് മോഡല്‍; മുഖം മിനുക്കല്‍’ നിലപാട് വ്യക്തമാക്കി സര്‍വലകശാല ചാന്‍സലര്‍ മല്ലിക സാരാഭായ്

ഉള്ളില്‍ അര്‍ബുദം ബാധിച്ചയാള്‍ മുഖം മിനുക്കുന്നതാണ് ഗുജറാത്ത് മാതൃക എന്നായിരുന്നു മല്ലിക സാരാഭായിയുടെ പ്രതികരണം.

Published

on

കലാമണ്ഡലം കല്‍പിത സര്‍വലകശാല ചാന്‍സലറായി ചുമതലയേറ്റ പ്രശസ്ത നര്‍ത്തകി മല്ലിക സാരാഭായ് നിലപാട് വ്യക്തമാക്കി. ഗുജറാത്തിലുള്ള മല്ലിക സാരാഭായി മലയാളം പത്രത്തിന് നല്‍കിയ അഭിമുഖത്തിലാണ് തന്റെ നിലപാടുകള്‍ വ്യക്തമാക്കിയത്. ഗുജറാത്ത് മോഡലിനെ കുറിച്ചും ബാബരി മസ്ജിദ് വിഷയത്തിലും കടുത്ത നിലപാടാണ് അറിയിച്ചത്.

ഗുജറാത്തില്‍നിന്ന് കേരളത്തിലേക്ക് വരുന്ന താങ്കള്‍ക്ക് രണ്ട് സംസ്ഥാനങ്ങളിലെയും മാതൃക താരതമ്യം ചെയ്യാമോ എന്ന ലേഖകന്റെ ചോദ്യത്തിന് മറുപടി നല്‍കുകയായിരുന്നു അവര്‍. ഉള്ളില്‍ അര്‍ബുദം ബാധിച്ചയാള്‍ മുഖം മിനുക്കുന്നതാണ് ഗുജറാത്ത് മാതൃക എന്നായിരുന്നു മല്ലിക സാരാഭായിയുടെ പ്രതികരണം.

ഡിസംബര്‍ ആറിനായിരുന്നു മല്ലികാ സാരാഭായിയുടെ നിയമന ഉത്തരവ്. ബാബരി മസ്ജിദ് ഹിന്ദുത്വ തീവ്രവാദികള്‍ തകര്‍ത്തിട്ട് മുപ്പത് വര്‍ഷം തികഞ്ഞ ദിവസം. ബാബരി മസ്ജിദ് തകര്‍ത്തതിനെതിരെ ശക്തമായ നിലപാടെടുത്തയാളെന്ന നിലയില്‍ ഇടതു സര്‍ക്കാരിന്റെ രാഷ്ട്രീയ പ്രഖ്യാപനമാണോ ഈ നിയമനം എന്ന ചോദ്യത്തിനും അവര്‍ കൃത്യമായ ഉത്തരം നല്‍കി. ഇന്ത്യന്‍ ജനതയോട് കാട്ടിയ നീതികേടാണ് ബാബരി മസ്ജിദ് തകര്‍ക്കല്‍ എന്നും ആ ദിവസത്തെ ഞെട്ടലോടെയാണ് ഓര്‍ക്കുന്നതെന്നും പറഞ്ഞ മല്ലിക ഭരണഘടനാ ലംഘനങ്ങള്‍ക്കെതിരേ പൊരുതാന്‍ കരുത്തുണ്ടാകണമെന്ന് ആഗ്രഹിക്കുന്നു എന്ന് കൂടി കൂട്ടിച്ചേര്‍ത്തു.

Continue Reading

india

ഈ വിജയം നേതാജിക്ക്; മെയിന്‍പുരി വിജയത്തിന് ശേഷം എസ്പി സ്ഥാനാര്‍ത്ഥി ഡിംപിള്‍ യാദവ്

ബിഹാറിലെ മുസാഫര്‍ പൂര്‍ ജില്ലയിലെ കുര്‍ഹാനി നിയമസഭാ മണ്ഡലത്തിലേക്ക് നടന്ന ഉപതെരഞ്ഞെടുപ്പില്‍ ബിജെപിയും ആര്‍ജെഡിയും തമ്മില്‍ ഇഞ്ചോടിഞ്ച് പോരാട്ടം

Published

on

അഞ്ച് സംസ്ഥാനങ്ങളിലെ ആറ് നിയമസഭാ മണ്ഡലങ്ങളിലേക്കും മെയിന്‍പുരി ലോക്‌സഭാ സീറ്റിലേക്കും വോട്ടുകള്‍ എണ്ണി. ഉത്തര്‍പ്രദേശിലെ രാംപൂര്‍, ഖതൗലി, ഒഡീഷയിലെ പദംപൂര്‍, രാജസ്ഥാനിലെ സര്‍ദാര്‍ഷഹര്‍, ബിഹാറിലെ കുര്‍ഹാനി, ഛത്തീസ്ഗഡിലെ ഭാനുപ്രതാപൂര്‍ എന്നീ നിയമസഭാ മണ്ഡലങ്ങളിലാണ് ഉപതിരഞ്ഞെടുപ്പ് നടന്നത്.

ബിഹാറിലെ മുസാഫര്‍ പൂര്‍ ജില്ലയിലെ കുര്‍ഹാനി നിയമസഭാ മണ്ഡലത്തിലേക്ക് നടന്ന ഉപതെരഞ്ഞെടുപ്പില്‍ ബിജെപിയും ആര്‍ജെഡിയും തമ്മില്‍ ഇഞ്ചോടിഞ്ച് പോരാട്ടം നടന്നു. മെയിന്‍പുരി ലോക്‌സഭാ മണ്ഡലത്തില്‍ സമാജ്‌വാദി പാര്‍ട്ടി സ്ഥാനാര്‍ത്ഥി ഡിംപിള്‍ യാദവിനാണ് വിജയം. ഈ വിജയം നേതാജിക്കാണെന്ന് എസ് പി സ്ഥാനാര്‍ത്ഥി ഡിംപിള്‍ യാദവ് പറഞ്ഞു.

Continue Reading

india

ഹിമാചല്‍ പ്രദേശ് വിജയം; ഏറ്റുമുട്ടിയത് വര്‍ഗീയ പ്രചരണത്തേയും പണാധിപത്യത്തേയും; വിഡി സതീശന്‍

ചരിത്രവിജയത്തിന് വേണ്ടി കഠിനാധ്വാനം ചെയ്ത നേതാക്കള്‍ക്കും പ്രവര്‍ത്തകര്‍ക്കും അഭിനന്ദനങ്ങള്‍ നല്‍കി

Published

on

ഹിമാചല്‍ പ്രദേശ് വിജയത്തില്‍ പ്രതികരിച്ച് പ്രതിപക്ഷ നേതാവ് വിഡി സതീശന്‍. ഹിമാചല്‍ പ്രദേശില്‍ ബി.ജെ.പിയോട് നേരിട്ട് ഏറ്റുമുട്ടിയാണ് കോണ്‍ഗ്രസ് അധികാരത്തില്‍ തിരിച്ചെത്തിയതെന്ന് അദ്ദേഹം ഫേസ്ബുക്ക് പേജിലൂടെ പ്രതികരിച്ചു. പണാധിപത്യത്തേയും വര്‍ഗീയ പ്രചരണത്തേയും നേരിട്ടാണ് ബി.ജെ.പി ദേശീയ അധ്യക്ഷന്‍ ജെ.പി. നഡ്ഡയുടെ തട്ടകത്തില്‍ കോണ്‍ഗ്രസ് വിജയക്കൊടി പാറിച്ചതെന്നും പറഞ്ഞു.

താഴെത്തട്ടിലുള്ള ചിട്ടയായ പ്രവര്‍ത്തനമാണ് വിജയത്തിന്റെ അടിസ്ഥാന കാരണമെന്ന് അദ്ദേഹം നിരീക്ഷിച്ചു. ചരിത്രവിജയത്തിന് വേണ്ടി കഠിനാധ്വാനം ചെയ്ത നേതാക്കള്‍ക്കും പ്രവര്‍ത്തകര്‍ക്കും അഭിനന്ദനങ്ങള്‍ നല്‍കി. അതോടൊപ്പം ഗുജറാത്തിലെ തിരിച്ചടി അംഗീകരിക്കുന്നതായും. ജനവിധി മാനിക്കുന്നതായും വ്യക്തമാക്കി. ആം ആദ്മി പാര്‍ട്ടിയും ഉവൈസിയുടെ എ.ഐ.എം.ഐ.എം പാര്‍ട്ടിയും മതേതര വോട്ടുകള്‍ ഭിന്നിപ്പിച്ചെന്നും കൂട്ടിച്ചേര്‍ത്തു.

Continue Reading

Trending