Video Stories

നിപ്പ ദുരന്തം: ഗൗരവമുള്ള നടപടികള്‍ വേണം

Published

6 years ago

May 21, 2018

പതിനഞ്ചുദിവസത്തിനിടെ അജ്ഞാതരോഗം ബാധിച്ച് സംസ്ഥാനത്ത് പതിനഞ്ചോളംപേര്‍ മരിച്ചെന്ന വാര്‍ത്ത നമ്മുടെ ആരോഗ്യരംഗത്ത് വലിയതോതിലുള്ള ആശങ്കകള്‍ക്ക് ഒരിക്കല്‍കൂടി വഴിതുറന്നിരിക്കുന്നു. കോഴിക്കോട്, മലപ്പുറം ജില്ലകളിലായാണ് ഇത്രയും പേര്‍ മരിച്ചത്. പേരാമ്പ്ര ചങ്ങോരത്ത് ഒരുവീട്ടില്‍ മൂന്നുപേര്‍ മരിക്കാനിടയായത് അജ്ഞാതരോഗം ബാധിച്ചാണെന്ന നിഗമനത്തിലായിരുന്നു ആരോഗ്യവകുപ്പ്. ആദ്യമരണം നടന്ന് പതിനഞ്ചാം ദിവസം ഞായറാഴ്ച മരിച്ച രോഗികളുടെ സ്രവപരിശോധനയിലൂടെ പൂനെയിലെ വൈറോളജിക്കല്‍ ലബോറട്ടറിയില്‍ തെളിഞ്ഞത് ലോകത്തെ നടുക്കുന്ന നിപ വൈറസാണ് രോഗഹേതുവെന്നാണ്. 1997ല്‍ മലേഷ്യയിലും പിന്നീട് ബംഗ്ലദേശിലും നൂറുകണക്കിനുപേരുടെ മരണത്തിന് കാരണമായ വൈറസാണ് കേരളത്തില്‍ ഇതാദ്യമായി കണ്ടെത്തിയിരിക്കുന്നത്. മെയ് അഞ്ചിനും പതിനെട്ടിനും പത്തൊമ്പതിനുമായാണ് ഇരുപത്താറും ഇരുപത്തെട്ടും വയസ്സുളള സാദിഖും സാലിഹും ഇവരുടെ ബന്ധു അമ്പതുകാരി മറിയവും മരണപ്പെട്ടത്. വിവാഹമുറപ്പിച്ച യുവതിയും യുവാക്കളുടെ പിതാവുമടക്കം രണ്ടുപേര്‍ ചികില്‍സയിലാണ്. ഇവരെ പരിചരിച്ച മരിച്ച പേരാമ്പ്ര താലൂക്ക്ഗവ.ആസ്പത്രിയിലെ നഴ്‌സ് ലീനയുടേത് മേരിക്യൂരിയുടേതിന് സമാനമായ ത്യാഗമാണ്. കിണറില്‍നിന്നാണ് രോഗം ആദ്യം പടര്‍ന്നതെന്നാണ് വിവരം. പേരാമ്പ്രക്ക് പുറമെ മലപ്പുറംജില്ലയിലെ ചട്ടിപ്പറമ്പ്, തെന്നല, കൊളത്തൂര്‍, മുന്നിയൂര്‍ എന്നിവിടങ്ങളിലും കഴിഞ്ഞദിവസങ്ങളിലുണ്ടായ മരണങ്ങള്‍ നിപ മൂലമാണെന്നാണ് സംശയിക്കുന്നത്. അമ്പതോളം പേരാണ് ഈ വൈറസ്പനി ബാധിച്ച് കോഴിക്കോട് മെഡി.കോളജുള്‍പ്പെടെ വിവിധ ആതുരകേന്ദ്രങ്ങളില്‍ കഴിയുന്നത്. ഇതില്‍ ഏതാനുംപേരുടെ നില ഗുരുതരം.
1997ല്‍ മലേഷ്യയിലുണ്ടായ വരള്‍ച്ചയെതുടര്‍ന്ന് വവ്വാലുകള്‍ അഥവാ നരിച്ചീറുകള്‍ വ്യാപകമായി കൃഷിയിടങ്ങളിലേക്ക് ഇറങ്ങിയതിനെതുടര്‍ന്ന് അവയുടെ കടിയേറ്റ് ആദ്യം പന്നികളിലേക്കും പിന്നീട് മനുഷ്യരിലേക്കും പടര്‍ന്ന വൈറസ് ആണ് നിപ എന്ന് വിദഗ്ധര്‍ ചൂണ്ടിക്കാട്ടുന്നു. രോഗം ബാധിച്ചവരില്‍ 74 ശതമാനം പേര്‍ക്കും മരണകാരണമാകുന്നതാണ് നിപ വൈറസ്. ഫലപ്രദമായ ചികില്‍സയിലൂടെ മരണനിരക്ക് കുറക്കാനാകുമെന്ന് സിംഗപ്പൂര്‍ തെളിയിച്ചിട്ടുണ്ട്. വവ്വാലുകള്‍ കടിച്ച പഴവര്‍ഗങ്ങള്‍ തിന്നുന്നവരിലേക്കാണ് രോഗം ആദ്യം പടരുന്നത്. രോഗികളുമായുള്ള സമ്പര്‍ക്കംമൂലം കൂടുതല്‍ പേരിലേക്ക് രോഗം പടരാനിടയാകുന്നു. പനിയും മൂക്കടപ്പും തലവേദനയുമാണ് രോഗലക്ഷണം. രോഗിയുടെ മൂക്കില്‍നിന്നും വായില്‍നിന്നും വരുന്ന സ്രവമാണ് രോഗംപടര്‍ത്തുന്നത്. അതിനാല്‍ പരിചാരകരും ഭിഷഗ്വരന്മാരും അതീവജാഗ്രത പാലിക്കേണ്ടതുണ്ട്. ജനങ്ങളാണ് സ്വയം കൂടുതല്‍ ജാഗ്രതപാലിക്കേണ്ടത്. രോഗികളുമായുള്ള സഹവാസം കുറക്കുകയാണ് പ്രധാനപ്രതിവിധി. പഴങ്ങള്‍ ഭക്ഷിക്കുന്നത് തല്‍കാലത്തേക്കെങ്കിലും ഒഴിവാക്കുക. നാട്ടിന്‍പുറങ്ങളില്‍ നിന്ന് ലഭിക്കുന്ന മാങ്ങ, കശുമാങ്ങ, പേരയ്ക്ക, ഞാവല്‍ തുടങ്ങിയവയും കള്ളും രോഗം പടര്‍ത്താം. രോഗികള്‍ തമ്മില്‍ ഒരുമീറ്ററെങ്കിലും അകലംപാലിക്കുക, തുറസ്സായ സ്ഥലങ്ങളില്‍ മലമൂത്രവിസര്‍ജനം ഒഴിവാക്കുക, ശുദ്ധമായ ജലം ഉപയോഗിക്കുക തുടങ്ങിയവയാണ് ഇതരപ്രതിരോധമാര്‍ഗങ്ങള്‍. രോഗംവന്നാല്‍ ഫലപ്രദമായ ഔഷധമില്ലെന്ന് വ്യക്തമായ നിലക്ക് പരമാവധി ജാഗ്രത പുലര്‍ത്തുകയാണ് കരണീയമായിട്ടുള്ളത്. ആരോഗ്യപ്രവര്‍ത്തകരുമായി സഹകരിക്കാനും ശ്രദ്ധിക്കണം. ലോകോത്തരനിലവാരമുള്ള ആരോഗ്യസംവിധാനത്തെക്കുറിച്ച് നാം വാതോരാതെ സംസാരിച്ചുകൊണ്ടിരിക്കുമ്പോള്‍തന്നെയാണ് എച്ച്‌വണ്‍ എന്‍വണ്‍, പക്ഷിപ്പനി, ചിക്കുന്‍ഗുനിയ പോലുള്ളവ നമ്മുടെ സഹജീവികളെ ഇഹലോകത്തുനിന്ന് കൊണ്ടുപോയത്. തമിഴ്‌നാട്ടിലും കഴിഞ്ഞവര്‍ഷം അഞ്ഞൂറോളം പേരാണ് പനിബാധിച്ച് മരണത്തിന് കീഴടങ്ങിയത്. മറ്റുജില്ലകളിലേക്ക് രോഗം പടരാതിരിക്കാനുള്ള തീവ്രപരിശ്രമമാണ് ആരോഗ്യപ്രവര്‍ത്തകരുടെയും ഉദ്യോഗസ്ഥരുടെയും ഭാഗത്തുനിന്നുണ്ടാവേണ്ടത്. ഇക്കാര്യത്തില്‍ സംസ്ഥാനമനുഷ്യാവകാശകമ്മീഷന്‍തന്നെ മുന്നിട്ടിറങ്ങിയത് സംഭവത്തിന്റെ ഗൗരവം ഉള്‍ക്കൊണ്ടുകൊണ്ടാണ്.
ഭീതി പടര്‍ത്തരുതെന്ന അഭ്യര്‍ത്ഥനയുമായി സംസ്ഥാനആരോഗ്യമന്ത്രി കെ.കെ.ശൈലജ ആദ്യംതന്നെ രംഗത്തുവന്നത് പ്രതിസന്ധിയുടെ ആഴം മനസ്സിലാക്കാതെയായിരുന്നുവെന്ന് വേണം നിരീക്ഷിക്കാന്‍. രോഗപ്രതിരോധത്തിനല്ല, രാഷ്ട്രീയപ്രതിരോധത്തിനാണ് മന്ത്രി തിടുക്കം കാട്ടിയത്. കഴിഞ്ഞവര്‍ഷം സംസ്ഥാനത്ത് മുന്നൂറിലധികം പേരുടെ മരണത്തിനിടയാക്കിയ പകര്‍ച്ചപ്പനിയുടെ പേരില്‍ ഒരുപാട് പഴികേട്ട സര്‍ക്കാരാണിത്. എന്നിട്ടും വേനലവധി അവസാനിക്കാറായിട്ടും വേണ്ടത്ര മുന്‍കരുതല്‍ എടുത്തില്ലെന്നത് സര്‍വരംഗത്തും ഈ സര്‍ക്കാര്‍ കാട്ടുന്ന അലംഭാവത്തിന്റെ ഭാഗമായേ കാണാനാകൂ. നിപ പടരുന്ന പശ്ചാത്തലത്തില്‍ സര്‍ക്കാരിനെ പഴിക്കുന്നതിനുള്ള സമയമല്ല ഇതെങ്കിലും, കാലവര്‍ഷം അണയാന്‍ ഒരാഴ്ചമാത്രം അവശേഷിക്കവെ പകര്‍ച്ചവ്യാധികളുടെ കാര്യത്തില്‍ നാം പാലിക്കേണ്ട ജാഗ്രതയെക്കുറിച്ച് ഒരുതരത്തിലുള്ള സന്ദേഹത്തിനും ആലസ്യത്തിനും ഇനി ഇടമില്ല. കൊതുക്-ഈച്ച ജന്യരോഗങ്ങള്‍ പടരുന്ന കാലമാണ് വരാന്‍ പോകുന്നത്. ആരോഗ്യശുശ്രൂഷ-ഗവേഷണരംഗങ്ങള്‍ എത്രകണ്ട് പുരോഗമിച്ചെന്നാലും വര്‍ഷങ്ങള്‍ കഴിയുന്തോറും പകര്‍ച്ചവ്യാധിമരണങ്ങളുടെ സംഖ്യ കൂടിക്കൂടിവരുന്നത് ഗൗരവത്തോടെ കാണേണ്ടതുണ്ട്. ശുചിത്വത്തോടുള്ള നമ്മുടെ അലംഭാവമാണ് ഇതിലൊന്ന്. രണ്ടുനേരവും കുളിച്ച് സ്വയം ശരീരശുദ്ധിവരുത്തി സുഗന്ധങ്ങളും പൂശിപുറത്തിറങ്ങുന്ന മലയാളിക്ക് യാത്രക്കിടെ മൂക്കുപൊത്തിയിരിക്കേണ്ട അവസ്ഥ സംജാതമായിട്ട് കാലമേറെയായി. കഴിക്കുന്ന മാംസ-മല്‍സ്യാവശിഷ്ടങ്ങളും പ്ലാസ്റ്റിക് മുതലായവയും യഥാവിധം സംസ്‌കരിക്കുന്ന കാര്യത്തില്‍ തദ്ദേശസ്ഥാപനങ്ങളുള്‍പ്പെടെ വേണ്ടത്ര ശ്രദ്ധപുലര്‍ത്തുന്നില്ല. മഴക്കാലത്തിനുമുമ്പ് വിതരണം ചെയ്യുന്ന നോട്ടീസുകളില്‍ മാത്രമായി ശുചിത്വബോധം ഒതുങ്ങിക്കൂടാ. അത് ഓരോ അടുക്കളയില്‍നിന്ന് ആരംഭിക്കണം. സര്‍ക്കാരുകള്‍ ശ്രദ്ധവെച്ചാല്‍ ഉപരിതലത്തില്‍ കുറെയൊക്കെ മാറ്റംവരുത്താന്‍ കഴിയാമെന്നുമാത്രം.
കേന്ദ്രസംഘം ഇന്നലെ സംസ്ഥാനത്ത് എത്തി ആരോഗ്യവകുപ്പുമന്ത്രിയടക്കം ഉന്നതഉദ്യോഗസ്ഥരുമായി സംസാരിച്ച് നടപടികള്‍ നിര്‍ദേശിച്ചത് ഫലപ്രദമായി താഴേത്തട്ടിലേക്ക് എത്തിക്കുകയാണ് ഇനി വേണ്ടത്. കോഴിക്കോട് മെഡിക്കല്‍കോളജില്‍ മാത്രം മുപ്പതോളം പേരാണ് നിപ സംശയിച്ച് ചികില്‍സക്ക് വിധേയമായിട്ടുള്ളത്. ഓരോ ജില്ലയിലെയും പ്രാഥമികാരോഗ്യേകേന്ദ്രങ്ങളിലും സ്വകാര്യആസ്പത്രികളിലും രോഗലക്ഷണം കണ്ടാലുടന്‍ കുറഞ്ഞചെലവില്‍ അടിയന്തിര വിദഗ്ധചികില്‍സ നല്‍കുന്നുണ്ടെന്നുകൂടി സര്‍ക്കാര്‍ ഉറപ്പുവരുത്തണം. 2000ന്റെ തുടക്കം മുതല്‍ പശ്ചിമബംഗാളിലെ മലയോരഗ്രാമങ്ങളില്‍ അമ്പതോളം പേരുടെ മരണത്തിനിടയാക്കിയ നിപ വൈറസിനെക്കുറിച്ച് കൂടുതല്‍ പഠിക്കുന്നതിനും പ്രതിരോധമരുന്ന് കണ്ടെത്തുന്നതിനും കേന്ദ്രസര്‍ക്കാര്‍ ഇനിയെങ്കിലും മതിയായ ശ്രദ്ധ പുലര്‍ത്തിയേതീരൂ. ലോകാരോഗ്യസംഘടനയുടെ ഇടപെടലും അനിവാര്യമാണ്. പ്രശ്‌നത്തെ ദേശീയദുരന്തമായി പ്രഖ്യാപിച്ച് വിദഗ്ധരെ എത്തിക്കുന്നതടക്കമുള്ള അടിയന്തിരനടപടികള്‍ കേന്ദ്രത്തില്‍നിന്നുണ്ടായേ തീരൂ. കേന്ദ്രസംസ്ഥാനസഹായങ്ങള്‍ മേമ്പൊടിയില്‍ ഒതുങ്ങരുത്.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

4 days ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

4 days ago

April 23, 2024

webdesk13

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

5 days ago

April 22, 2024

webdesk13

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.