Connect with us

Video Stories

വിദ്വേഷത്തിന്റെ കാഷായം

Published

on

സ്വാമി വിവേകാനന്ദന്റെ കാവിയല്ല, ബി.ജെ.പിയിലെ യോഗി ആദിത്യനാഥ് മുതല്‍ സാക്ഷി മഹാരാജ് വരെയുള്ളവരുടെ കാവി. വിദ്വേഷത്തിന്റെ വിഷം കവിളില്‍ നിറച്ച് നടക്കുന്ന ഈ സംഘത്തെ സ്ഥലവും കാലവും നോക്കി വിന്യസിക്കുന്ന രീതിയാണ് ബി.ജെ.പിയുടേത്. മുക്താര്‍ അബ്ബാസ് നഖ്‌വിയെയും ഷാനവാസ് ഹുസൈനേയും പോലും ബേജാറിലാക്കുന്നതാണ് ഇവരുടെ വായ്‌നാറ്റം. നാലിന്റെയും നാല്‍പതിന്റെയും കഥ ആദ്യമായല്ല, സാക്ഷി മഹാരാജ് എന്ന സ്വയം പ്രഖ്യാപിത ആചാര്യന്‍ വിളമ്പുന്നത്.

ഏറ്റവും ഒടുവിലത്തേത് യു.പിയില്‍ തെരഞ്ഞെടുപ്പ് വിജ്ഞാപനം വന്നതിന് ശേഷമായതിനാല്‍ തെരഞ്ഞെടുപ്പ് കമ്മീഷന്‍ ഇടപെട്ടുവെന്ന് മാത്രം.ചിലപ്പോഴെങ്കിലും അദ്ദേഹം പാകിസ്താനിലേക്കുള്ള റിക്രൂട്ടിങ് ഏജന്റാകും. മാട്ടിറച്ചി തിന്നുന്നവരെ, മതപരിവര്‍ത്തനം നടത്തുന്നവരെ എല്ലാം പാകിസ്താനിലേക്ക് അയക്കുമെന്ന് സാക്ഷി പ്രസ്താവിച്ചാലും രാജ്യത്തെ നിയമ സംവിധാനം അത് സഹിഷ്ണുതയോടെ കേള്‍ക്കും. കേസെടുത്ത് പൊല്ലാപ്പുണ്ടാക്കില്ല. എടുത്ത കേസുകള്‍ തന്നെ തെളിവില്ലെന്ന് കണ്ടെത്തി വിട്ടയക്കുകയായിരുന്നു. ചില്ലറ കേസുകളല്ല. കൊല, ബലാല്‍സംഗം തുടങ്ങിയവയാണ് കുറ്റങ്ങള്‍. ബി.ജെ.പി നേതാവും നിയമസഭാംഗവുമായ ബ്രഹ്മദത്ത ദ്വിവേദിയെ കൊല ചെയ്ത കേസില്‍ സാക്ഷി മഹാരാജിനെ അറസ്റ്റ് ചെയ്തതും കുറ്റപത്രം സമര്‍പിച്ചതുമാണ്.

തെളിവില്ലെന്ന് കണ്ട് കോടതി വെറുതെ വിട്ടു. വിചാരണക്കാലത്ത് തിഹാര്‍ ജയിലില്‍ ഒരു മാസം കിടന്നതു മിച്ചം. മറ്റൊരു ബി.ജെ.പി പ്രവര്‍ത്തകയും സാക്ഷി തന്നെ നടത്തുന്ന കോളജിലെ പ്രിന്‍സിപ്പലും സാക്ഷിയുടെ ആശ്രമത്തിന്റെ അനുയായിയുമായ സുജാത വര്‍മ എന്ന സ്ത്രീയെയാണ് കാറില്‍ വെച്ച് മരുമക്കളുടെ സഹായത്തോടെ കൂട്ട ബലാല്‍സംഗം ചെയ്ത് വെടി വെച്ചു കൊന്നുവെന്നത്. ഇതിലും അറസ്റ്റും കുറ്റപത്രവും വിചാരണയുമൊക്കെയുണ്ടായി. തെളിവു മാത്രം കോടതിക്ക് കണ്ടെത്താനായില്ല. കൊല്ലപ്പെട്ട ദ്വിവേദി വാജ്‌പേയിയുടെ ഉത്തമ അനുയായിയായിരുന്നു. അതിനാല്‍ സാക്ഷിക്ക് പാര്‍ലിമെന്റിലേക്ക് സ്ഥാനാര്‍ഥിത്വം കൊടുക്കരുതെന്ന് വാജ്‌പേയി ശഠിച്ചു.

1991ല്‍ മഥുരയില്‍ നിന്നും 1996ലും 98ലും ഫാറൂഖാബാദില്‍ നിന്നും ലോക്‌സഭയിലെത്തിയ സാക്ഷിക്ക് 1999ല്‍ പാര്‍ട്ടി സ്ഥാനാര്‍ഥിത്വം നല്‍കിയില്ല. അതോടെ ‘ഭാജ്പാകാ കാല്‍ ഫൂന്‍’ എന്ന് ബി.ജെ.പിയെ തെറി പറഞ്ഞ് പുറത്തുപോയ സാക്ഷി സമാജ്‌വാദി പാര്‍ട്ടിയില്‍ ചേരുകയും ഫാറൂഖാബാദില്‍ തന്നെ സ്ഥാനാര്‍ഥിയാവുകയും ചെയ്തു. പരാജയപ്പെട്ട ഇദ്ദേഹത്തെ രാജ്യസഭയിലേക്ക് അയച്ചത് മുലായംസിങാണ്. യാദവര്‍ക്ക് പിന്നാലെ പ്രബല പിന്നാക്ക ജാതിയായ ലോധ സമുദായത്തില്‍ നിന്ന് ജനസ്വാധീനമുള്ള ഒരാളെ മുലായത്തിന് വേണമായിരുന്നു.

 

എന്നാല്‍ വൈകാതെ കല്യാണ്‍സിങ് ബി.ജെ.പി വിട്ട് രാഷ്ട്രീയ ക്രാന്തി പാര്‍ട്ടി രൂപവത്കരിച്ചപ്പോള്‍ അതിന്റെ ഭാഗമായി. പിന്നീട് ആ പാര്‍ട്ടി ബി.ജെ.പിയില്‍ ലയിച്ചപ്പോള്‍ ബി.ജെ.പിയില്‍ തിരിച്ചെത്തി. 2007ല്‍ സോറോണില്‍ നിന്ന് നിയമസഭയിലേക്കും 2009ല്‍ ഫാറൂഖാബാദില്‍ നിന്ന് ലോക്‌സഭയിലേക്കും ആര്‍.കെ.പി സ്ഥാനാര്‍ഥിയായും 2012ല്‍ ഭൂഗാവില്‍ നിന്ന് ബി.ജെ.പി സ്ഥാനാര്‍ഥിയായും ജനവിധി തേടിയപ്പോള്‍ ആചാര്യന് കനത്ത തോല്‍വി ഏറ്റു വാങ്ങേണ്ടിവന്നു. 2009ലെ ലോക്‌സഭാ തെരഞ്ഞെടുപ്പിലെ സ്ഥാനം പതിനൊന്നാമതായിരുന്നു. 2014ല്‍ ഉനോയില്‍ നിന്ന് മോദി തരംഗത്തില്‍ വീണ്ടും ലോക്‌സഭയിലെത്തി.

ബാബ്‌രി മസ്ജിദ് തകര്‍ത്ത കേസില്‍ പ്രതിയായ ഇദ്ദേഹത്തിന് കേസും വിചാരണയും പുത്തരിയല്ല. 17 വിദ്യാഭ്യാസ സ്ഥാപനങ്ങളുള്ള സാക്ഷി മഹാരാജ് ഗ്രൂപ്പ് ഓഫ് ഇന്‍സ്റ്റിറ്റിയൂഷന്റെ നടത്തിപ്പുകാരനാണ്. അമ്പതിലേറെ ആശ്രമങ്ങളും ഉത്തരേന്ത്യയിലാകെ പരന്നു കിടക്കുന്നു. ആയുധധാരികളായ അംഗരക്ഷകര്‍ക്കൊപ്പം ശീതീകരിച്ച കാറില്‍ മാത്രം സഞ്ചരിക്കുന്ന ഈ ലോധാനേതാവ് എം.പിമാരുടെ പ്രാദേശിക വികസന ഫണ്ടില്‍ അഴിമതി കാട്ടിയതിന് രാജ്യസഭ പുറത്താക്കിയ 11 പേരില്‍ ഒരാളാണ്. സ്വന്തം കോളജിന് എം.പി ഫണ്ടില്‍നിന്ന് 25 ലക്ഷം രൂപ നല്‍കിയതായി ജില്ലാ മജിസ്‌ട്രേറ്റ് കണ്ടെത്തി. ശ്രീ നിര്‍മല്‍ പഞ്ചായത്ത് അക്കാദയുടെ ജഗദ്ഗുരു ശങ്കരാചാര്യ പദവിക്ക് തുല്യമായ ആചാര്യ മഹാമണ്ഡലേശ്വര്‍ പദവി സ്വയം എടുത്തണിഞ്ഞതാണ്. ഡോക്ടര്‍ എന്ന് പേരിന്റെ കൂടെ കൊണ്ടുനടക്കുന്നു. പഞ്ചാബ് സര്‍വകലാശാലയില്‍ നിന്നാണത്രെ ഡോക്ടറേറ്റ്. ഇദ്ദേഹത്തിന്റെ നേതാവ് നരേന്ദ്രമോദിക്ക് തന്നെ ഏത് കോളജില്‍ പഠിച്ചുവെന്നു അറിയില്ലല്ലോ.

 

രാഹുല്‍ ഗാന്ധി മാട്ടിറച്ചി തിന്ന ശേഷം കേദാര്‍നാഥ് സന്ദര്‍ശിച്ചതാണ് നേപ്പാളിലെ ഭൂകമ്പ കാരണമെന്നും സൂര്യ നമസ്‌കാരത്തില്‍ പങ്കെടുക്കാത്തവര്‍ കടലില്‍ ചാടട്ടെ എന്നും മുഹമ്മദ് നബി ഏറ്റവും വലിയ യോഗാചാര്യനാണെന്നും പ്രസ്താവിച്ചപ്പോഴും ബി.ജെ.പി. വക്താക്കള്‍ അങ്കലാപ്പിലായി. മദ്രസകളെ തീവ്രവാദ പഠന കേന്ദ്രങ്ങളെന്ന് വിശേഷിപ്പിച്ച ഇദ്ദേഹം പാര്‍ലിമെന്റില്‍ വെച്ച് ഗോദ്‌സെ മഹാത്മാഗാന്ധിജിയെ പോലെ രാജ്യസ്‌നേഹിയാണെന്ന് പ്രസ്താവിച്ചത് വലിയ വിമര്‍ശനത്തിനിടയാക്കി.

 

ഹിന്ദു സ്ത്രീകള്‍ നാലു പെറണമെന്ന് നിര്‍ദേശിച്ച സാക്ഷി പക്ഷെ വിവാഹിതനല്ല. മുസ്‌ലിംകള്‍ നാലു കെട്ടി നാല്‍പത് കുട്ടികളെ സംഭാവന ചെയ്യുമ്പോള്‍ ഹിന്ദുക്കള്‍ നാലു പ്രസവിക്കുകയെങ്കിലും വേണമെന്നായിരുന്നു വിവാദ പ്രസംഗം. ജനസംഖ്യയെ കുറിച്ച് ഏറെ ആശങ്കപ്പെടുന്ന ഈ ഭീകര സന്യാസിമാരെല്ലാം വിഭാര്യരാണ്. ഈ പ്രക്രിയയില്‍ ഇവര്‍ക്കൊരു പങ്കുമില്ലെന്ന് വേണം കരുതാന്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ഹിമാചല്‍ ഫലം പ്രതീക്ഷ നല്‍കുന്നത്; തരൂരിനെ പ്രയോജനപ്പെടുത്തും: എം.എം ഹസന്‍

മതേതരത്വം പറയുകയും ന്യൂനപക്ഷങളുടെ സംരക്ഷണം ഉറപ്പുവരുത്തുകയും ചെയ്യുന്നതിനോടൊപ്പം രാജ്യത്തെ ഭൂരിപക്ഷ ജനതയുടെ സാംസ്‌കാരിക സ്വത്വത്തെ അംഗീകരിക്കാനും പാര്‍ട്ടി ശ്രദ്ധിക്കും.

Published

on

അഭിമുഖം/കെ.പി ജലീല്‍

തിരുവനന്തപുരം: രാജ്യം വര്‍ഗീയതയുടെയും ജനാധിപത്യ ധ്വംസനത്തിന്റെയും പിടിയിലമരുമ്പോള്‍ ഹിമാചല്‍പ്രദേശിലെ കോണ്‍ഗ്രസ് നിയമസഭാ തെരഞ്ഞെടുപ്പ് വിജയം പ്രതീക്ഷക്ക് വക നല്‍കുന്നതാണെന്ന് മുതിര്‍ന്ന കോണ്‍ഗ്രസ് നേതാവ് എം.എം ഹസന്‍. ഇന്നലെ ഗുജറാത്തിലെയും ഹിമാചലിലെയും ഫലങ്ങള്‍ പുറത്തു വന്നപ്പോള്‍ അധികാരത്തിന്റെ സ്വാധീനം ഉപയോഗിച്ചും വോട്ടിംഗ് യന്ത്രത്തില്‍ കൃത്രിമം നടത്തിയും നേടിയ വിജയമാണ് ഗുജറാത്തില്‍ കണ്ടത്. 27 വര്‍ഷമായി അധികാരത്തിലുള്ള സംസ്ഥാനത്ത് ബി.ജെ.പിക്ക് തെരഞ്ഞെടുപ്പിനെ അട്ടിമറിക്കാന്‍ ഉദ്യോഗസ്ഥരെ പ്രയോജനപ്പെടുത്താനായി. എന്നാല്‍ ഹിമാചല്‍ പ്രദേശില്‍ 5 വര്‍ഷത്തെ ഭരണം കൊണ്ട് അതിനവര്‍ക്ക് കഴിഞ്ഞില്ല. മാത്രമല്ല ഹിമാചലില്‍ പ്രിയങ്ക ഗാന്ധി നടത്തിയ പ്രചാരണവും ജനങ്ങളില്‍ മതേതരത്വ ബോധം വളര്‍ത്തുന്നതില്‍ സഹായിച്ചെന്ന് ഹസന്‍ പറഞ്ഞു.
തിരുവനന്തപുരത്ത് ചന്ദ്രിക ഓണ്‍ലൈനിന് അനുവദിച്ച അഭിമുഖത്തില്‍ സംസാരിക്കുകയായിരുന്നു യു.ഡി.എഫ് കണ്‍വീനര്‍.

 

  •  വരുന്ന തെരഞ്ഞെടുപ്പുകളില്‍ ഹിമാചല്‍ ആവര്‍ത്തിക്കാന്‍ കഴിയുമോ ?

തീര്‍ച്ചയായും. പ്രിയങ്ക ഗാന്ധിയുടെ കൂടുതല്‍ സജീവമായ ഇടപെടലുണ്ടാകും. രാഹുല്‍ ഗാന്ധി ജോഡോ യാത്ര കഴിഞ്ഞാല്‍ ഉടന്‍ തെരഞ്ഞെടുപ്പ് ഒരുക്കങ്ങളിലേക്ക് കടക്കും.

  • 2024 ലേക്ക് ഒരുക്കമായോ ? 

അതിനാണ് റായ്പൂരില്‍ എ.ഐ.സി .സി സമ്മേളനം വിളിച്ചിട്ടുള്ളത്. അവിടെ വെച്ച് സംസ്ഥാന നിയമസഭകളിലേക്കും ലോക്‌സഭയിലേക്കുമുള്ള തെരഞ്ഞെടുപ്പ് തന്ത്രം ആവിഷ്‌കരിക്കും. മതേതരത്വം മുറുകെപ്പിടിച്ച് കൊണ്ട് മാത്രമേ കോണ്‍ഗ്രസിന് മുന്നോട്ടുപോകാനാകൂ.

  • ബി.ജെ.പി യുടെ ഹിന്ദുത്വ രാഷ്ട്രീയത്തെ എങ്ങനെ നേരിടും ? 

മതേതരത്വം പറയുകയും ന്യൂനപക്ഷങളുടെ സംരക്ഷണം ഉറപ്പുവരുത്തുകയും ചെയ്യുന്നതിനോടൊപ്പം രാജ്യത്തെ ഭൂരിപക്ഷ ജനതയുടെ സാംസ്‌കാരിക സ്വത്വത്തെ അംഗീകരിക്കാനും പാര്‍ട്ടി ശ്രദ്ധിക്കും.

  • ആം ആദ്മി പാര്‍ട്ടിയുടെ ഭീഷണി എങ്ങനെ കാണുന്നു ? 

അവര്‍ ആദര്‍ശമെല്ലാം ബി.ജെ.പിക്ക് കീഴില്‍ അടിയറവ് വെച്ച് അവരുടെ ബി ടീമായി പ്രവര്‍ത്തിക്കുകയാണ്. ഹിന്ദുത്വം പറയുമ്പോള്‍ അത് നന്നായി പറയുന്ന ബി.ജെ.പി യെയാണ് ആളുകള്‍ സ്വീകരിക്കുക. ആപ്പിനെ യല്ല. അതാണ് ഗുജറാത്തില്‍ കണ്ടത്.

  • ? നേതാക്കളുടെ കുറവ് അലട്ടുന്നില്ലേ ? 

നേതാക്കളും അണികളും പാര്‍ട്ടിയില്‍ നിന്ന് അകന്ന് പോയി. യു.പിയിലുള്‍പ്പെടെ അവരെ തിരികെ കൊണ്ടുവരാന്‍ കഴിയണം. രാഹുലും പ്രിയങ്കയും ഖാര്‍ഗെയും മറ്റു നേതാക്കളും അതിനാണ് രംഗത്തിറങ്ങുക.

  • രാഹുല്‍ഗാന്ധിയെക്കുറിച്ച് ? 

അദ്ദേഹം നിഷ്‌കളങ്കനും സത്യസന്ധനുമാണ്. അധികാര മോഹം ഒട്ടുമില്ല. ഡോ. മന്‍മോഹന്‍ സിംഗ് രാഹുലിനെ ഗ്രാമവികസന മന്ത്രിയാക്കാര്‍ നിര്‍ദേശിച്ചിട്ടും അദ്ദേഹമത് സ്വീകരിച്ചില്ല. പാര്‍ട്ടി അധ്യക്ഷ പദവിയിലേക്കും അദ്ദേഹം വന്നില്ല. പ്രധാനമന്ത്രിയാകാനും മോഹമില്ല. കോണ്‍ഗ്രസ് അധികാരത്തില്‍ വരണമെന്നും രാജ്യം രക്ഷപ്പെടണമെന്നും മാത്രമാണ് രാഹുലിന്റെ ഏക ലക്ഷ്യം.

  • ശശി തരൂര്‍ നടത്തുന്ന പരിപാടി കളെക്കുറിച്ച് ? 

അത് അദ്ദേഹത്തിന്റെ അവകാശമാണ്. വളരെ കഴിവുകളുള്ള അന്താരാഷ്ട്ര വ്യക്തിത്വമാണ് തരൂര്‍ജി. മുസ് ലിം ലീഗ് നേതാക്കളെയും ബിഷപ്പുമാരെയും കണ്ടതില്‍ തെറ്റ് പറയാനാവില്ല. അദ്ദേഹത്തിന്റെ ശേഷി പ്രയോജനപ്പെടുത്തണമെന്നാണ് പാര്‍ട്ടി നിലപാട്. അതേ സമയം പാര്‍ട്ടി സംവിധാനത്തിനുള്ളില്‍ നിന്ന് വേണം ആരായാലും പ്രവര്‍ത്തിക്കാന്‍. ഹസന്‍ അഭിപ്രായപ്പെട്ടു .

Continue Reading

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Trending