Connect with us

Video Stories

സി. സൈതാലിക്കുട്ടി മാസ്റ്റര്‍: നൂറ്റാണ്ട് മുമ്പിലെ പത്രാധിപര്‍

Published

on

ടി.വി. അബ്ദുറഹിമാന്‍കുട്ടി

ഭാരതത്തേയും കേരളത്തേയും സമൂല പരിവര്‍ത്തനത്തിലേക്ക് നയിച്ച നിരവധി നവോത്ഥാന നായകന്മാര്‍ ജീവിച്ച് പോരാട്ടങ്ങള്‍ക്ക് നേതൃത്വം നല്‍കിയ 1850 മുതല്‍ 1950 വരെയുള്ള കാലഘട്ടത്തിലാണ് സി. സൈതാലിക്കുട്ടി മാസ്റ്റര്‍ പ്രവര്‍ത്തനരംഗത്ത് ന ിറസാന്നിദ്ധ്യമായത്.
സമുദായ പരിഷ്‌ക്കര്‍ത്താവ്, പത്രാധിപര്‍, കവി, ഗ്രന്ഥകാരന്‍, വിദ്യാഭ്യാസ വിചക്ഷണന്‍, മികച്ച സംഘാടകന്‍ തുടങ്ങിയ വിശേഷണങ്ങളാല്‍ വിവിധ മേഖലകളില്‍ പാദമുദ്രചാര്‍ത്തിയ സി. സൈതാലിക്കുട്ടി മാസ്റ്റര്‍ തിരൂര്‍ നഗരത്തിന്റെ കിഴക്ക് പുരാതന മുസ്‌ലിം തറവാടായ കണ്ണമാന്‍കടവത്ത് അലവി സാഹിബിന്റെ മകനായി 1856ല്‍ ജനിച്ചു. പ്രാഥമിക വിദ്യാഭ്യാസത്തിന് ശേഷം അറബി, മലയാളം, ഇംഗ്ലീഷ് ഭാഷകളില്‍ പ്രാവീണ്യം നേടി. എടവണ്ണ, തിരൂര്‍, വെളിയംകോട് എന്നീ പ്രദേശങ്ങളില്‍ അധ്യാപകനായി സേവനം ചെയ്തു. സമുദായത്തിലെ വിദ്യാഭ്യാസ-സാമുദായിക പ്രശ്‌നങ്ങള്‍ ജന മദ്ധ്യത്തില്‍ സജീവ ശ്രദ്ധക്കു വിധേയമാക്കുന്നതിനും സമുദായത്തെ പുരോഗതിയിലേക്ക് നയിക്കുന്നതിനും അക്ഷീണം ശ്രമിച്ചു.
1871ലാണ് ബ്രിട്ടീഷ് സര്‍ക്കാര്‍ ഭാഗികമായി മുസ്‌ലിം വിദ്യാഭ്യാസ രംഗത്ത് ശ്രദ്ധ പതിപ്പിച്ച് തുടങ്ങിയത്. 1884 ലെ സര്‍ക്കാര്‍ എജ്യുകേഷന്‍ റിപ്പോര്‍ട്ടില്‍ ഈ രംഗത്തെ മുസ്‌ലിംകളുടെ ദയനീയാവസ്ഥ വിശദീകരിക്കുന്നുണ്ടെങ്കിലും പരിഹാര മാര്‍ഗങ്ങല്‍ പ്രാവര്‍ത്തികമാക്കുന്നതില്‍ ഭരണകൂടം ശുഷ്‌കാന്തി പ്രകടിപ്പിക്കുകയോ പ്രോത്സാഹനം നല്‍കുകയൊ ചെയ്തില്ല. സമുദായ നേതാക്കളുടെ ശ്രമത്താല്‍ പലയിടത്തും സ്‌കൂളുകളും അറബിക്ക് മദ്രസകളും നിലവില്‍ വന്നു. ഉത്തരേന്ത്യയില്‍ വീശി തുടങ്ങിയിരുന്ന പത്തൊമ്പതാം നൂറ്റാണ്ടിലെ നവോത്ഥാന പ്രസ്ഥാനം അലിഗഢ് മൂവ്‌മെന്റിന്റെ ചലനം ഭാരതത്തിന്റെ പല ഭാഗത്തും മുസ്‌ലിം വിദ്യാഭ്യാസ രംഗത്ത് നവോന്മോഷം നല്‍കി. കേരളത്തിലും ഗണനാര്‍ഹമായ പരിവര്‍ത്തനത്തിന് ഇത് വഴിയൊരുക്കി.
റിപ്പണ്‍ പ്രഭുവിന്റെ കാലം മുതല്‍ പൊതുവിദ്യാഭ്യാസ പ്രചാരണാര്‍ത്ഥം ഉദ്യോഗസ്ഥന്മാരെ നിയമിച്ചിരുന്നു. പത്തൊമ്പതാം നൂറ്റാണ്ടിന്റെ അന്ത്യഘട്ടത്തില്‍ പാലക്കാട് മുതല്‍ കാസര്‍ക്കോട് വരെ ഓത്തുപള്ളികള്‍, ബോര്‍ഡ് മാപ്പിള സ്‌കൂളുകള്‍ തുടങ്ങിയവ പരിശോധിച്ച് മുസ്‌ലിം പഠനനിലവാരം മെച്ചപ്പെടുത്താന്‍ സബ് അസിസ്റ്റന്റ് ഇന്‍സ്പക്ടര്‍(എസ്എഐ) തസ്തികയില്‍ പാലക്കാട് സ്വദേശി എ. മുഹമ്മദ്ഖാനെ ആദ്യമായി നിയമിച്ചു. പരീക്ഷാ വിജയികളായ കുട്ടികളെ എണ്ണി തിട്ടപ്പെടുത്തിയാണ് സ്വകാര്യ സ്‌കൂളുകള്‍ക്ക് ധനസഹായം നല്‍കിയിരുന്നത്. 1906 ല്‍ തലശ്ശേരിയില്‍ അച്ചാരത്ത് കാദര്‍കുട്ടി സാഹിബും മലപ്പുറത്ത് മണ്ടായപ്പുറത്ത് ബാവമൂപ്പനും ഏറനാട്ടിലും വള്ളുവനാട്ടിലും സൈതാലിക്കുട്ടി മാസ്റ്ററും 1918 ല്‍ കോഴിക്കോട് സയ്യിദ് അബ്ദുല്‍ ഗഫൂര്‍ ഷായും എസ് എ ഐ തസ്തികയില്‍ നിയമിതരായി.
മുസ്‌ലിംകുട്ടികള്‍ പൊതുവിദ്യാലയങ്ങളിലേക്ക് പ്രവേശിക്കാന്‍ വിസമ്മതിച്ചതിനാല്‍ പല സ്ഥലങ്ങളിലും ഓത്തുപള്ളികള്‍ക്കും മദ്രസകള്‍ക്കും സര്‍ക്കാര്‍ സഹായം നല്‍കിയും അവയില്‍ ചിലത് മാപ്പിള സ്‌കൂളുകളായി അംഗീകാരം നല്‍കിയും എസ്എഐമാര്‍ മൊല്ലാക്കന്മാര്‍ക്ക് പ്രത്യേക പരിഗണന നല്‍കിയും മുസ്‌ലിം വിദ്യാഭ്യാസരംഗത്ത് നവചൈതന്യം പകര്‍ന്നു. ഇതുമൂലം വിവിധ സ്ഥലങ്ങളില്‍ പ്രാഥമിക മുസ്‌ലിം വിദ്യാഭ്യാസ സ്ഥാപനങ്ങള്‍ ഉയര്‍ന്നു. പെരുമാത്തുറ സദക്കത്തുള്ള ലബ്ബ, പൊന്നാനി വലിയ ജാറത്തിങ്കല്‍ കുഞ്ഞി സീതി കോയ വലിയ തങ്ങള്‍, ഖാന്‍ ബഹ്ദുര്‍ മുത്തുകോയ തങ്ങള്‍, മയ്യഴിയില്‍ കൊങ്ങണം വീട്ടില്‍ അബ്ദുറഹിമാന്‍ ശൈഖ് തുടങ്ങിയ ആദ്യകാല പരിഷ്‌കര്‍ത്താക്കളും മുസ്‌ലിം വിദ്യാഭ്യാസ ഇന്‍സ്‌പെകര്‍മാരും കൈകോര്‍ത്ത് ഈ രംഗത്ത് സമര്‍പ്പിച്ച സേവനം സ്തുത്യര്‍ഹമാണ്.
തന്റെ ആശയ പ്രചരണത്തിന് പ്രോത്സാഹനമായി പൊന്നാനിയില്‍ നിന്ന് സ്വലാഹുല്‍ ഇഖ്‌വാന്‍ മാസികയും അതിന്റെ അസ്തമയത്തിന് ശേഷം തിരൂരില്‍ നിന്ന് റഫീഖുല്‍ ഇസ്‌ലാം മാസികയും അദ്ദേഹം പ്രസിദ്ധീകരിച്ചു. ക്രി.വ.1899 മെയ് (ഹി. 1317 മുഹറം) മാസത്തില്‍ സ്വലാഹുല്‍ ഇഖ്‌വാന്റെ ഒന്നാം പതിപ്പ് പുറത്തുവന്നു. ഇതിന്റെ നടത്തിപ്പിനുവേണ്ടി മുഹമ്മദ് അക്രം , അണിയാപുറത്ത് അമ്മു, കിഴക്കാംകുന്നത്ത് അഹമ്മദ് , മണ്ടകത്തില്‍ മൊയ്തീന്‍കുട്ടി , പാട്ടത്തില്‍ മൊയ്തീന്‍കുട്ടി , സെയ്താലിക്കുട്ടി മാസ്റ്റര്‍ ഉള്‍പ്പെട്ട ഡയറക്ടര്‍ ബോര്‍ഡ് രൂപീകരിച്ചിരുന്നു. ഭാഷ അറബി മലയാളമായിരുന്നുവെങ്കിലും അക്കാലത്ത് മികവുറ്റ ലേഖനങ്ങളും സാഹിത്യ സംവാദങ്ങളും ഭംഗിയായ ശൈലിയില്‍ അവതരിപ്പിച്ചു. ഈ പ്രസിദ്ധീകരണങ്ങള്‍ സമുദായ മദ്ധ്യത്തില്‍ വരുത്തിയിട്ടുള്ള പരിഷ്‌കരണങ്ങള്‍ നിസ്തുല്യമാണ്.
സലാഹുല്‍ ഇഖ്‌വാന്‍ നാലാം പുസ്തകം ഒന്നാം ലക്കത്തില്‍ അദ്ദേഹം എഴുതി:
നമ്മുടെ സലാഹുല്‍ ഇഖ്‌വാന്‍ പത്രം 1317 ഹി. (1899) ആദിയാല്‍ തുടങ്ങി. ഏറിയ അരിഷ്ടുകള്‍ എല്ലാം കഴിച്ചുകൂട്ടി. ഒരുവിധത്തില്‍ ഉരുണ്ട് പിരണ്ട് മൂന്ന് വയസ്സ് തികഞ്ഞ് നാലാം വയസ്സ് ഇതാ ഇന്ന് മുതല്‍ ആരംഭിച്ചിരിക്കുന്നു. ഈ മൂന്നു വയസ്സിന്നിടയില്‍ മേപ്പടി പത്രം കഴിച്ചുകൂട്ടി കഷ്ടങ്ങള്‍ അല്ലാഹു അല്ലാതെ മറ്റാരും അറിയുകയില്ല. ഒന്നാമത്തെ കൊല്ലത്തില്‍ സ്വന്തമായിട്ട് എട്ട് പത്രം നടത്തിയപ്പോള്‍ സ്വന്തം നിവൃത്തി മതിയാകാതെയും മറ്റുള്ളവരാരും യാതൊരു സഹായവും ചെയ്യാതെയുംകണ്ടു നിറുത്തി. ഉള്ളതെല്ലാം കുറിയിലും പെട്ടു. പത്രം അച്ചടിച്ചു തന്നിരുന്ന അണിയാപ്പുറത്ത് അമ്മു എന്നവര്‍ പങ്കായി ചേര്‍ന്ന് ആ നിലയില്‍ ഒമ്പത് പത്രവും. ആകെ പതിനേഴ് പത്രം അച്ചടിച്ചുവന്നതില്‍ ആ കൊല്ലം അവസാനിച്ചു. നിശ്ചയപ്രകാരം ആകെ വേണ്ടതായ ഇരുപത്തിനാല് പത്രങ്ങളില്‍ ഏഴ് പത്രം നഷ്ടപ്പെട്ടുവെങ്കിലും മേമ്പൊടി പത്രങ്ങളില്‍ മനുഷ്യര്‍ക്ക് അറിയേണ്ടതായ ഏറിയ കാര്യങ്ങളും വര്‍ത്തമാനങ്ങളും അടങ്ങിയിരുന്നതിനു പുറമെ ഇസ്‌ലാമിയ്യത്തില്‍ അല്ലാഹു തആലയുടെ സിഫാതുകളും ഒന്നാം നമ്പര്‍ പത്രത്തില്‍ നാല്‍പതും അല്ലാഹു തആലാക്കു ഖുര്‍ആനില്‍ പറയപ്പെട്ട തൊണ്ണൂറ്റി ഒമ്പത് തിരുപേരുകളുടെ വിവരവും ഇതിന്ന സൂറത്തുകളില്‍ ഇതിന്ന തിരുപേരുകള്‍ അടങ്ങിയിരിക്കുന്നുവെന്നും വിവരിച്ചു.
അക്കാലത്ത് മൗലാനാ ചാലിലകത്ത് കുഞ്ഞിമുഹമ്മദ് ഹാജിയും സനാഉല്ലാ മക്തി തങ്ങളും അറബി മലയാള ലിപി പരിഷ്‌ക്കരണം നടത്തിയിരുന്നു. മക്തി തങ്ങളുടെ ലിപിയാണ് സൈതാലികുട്ടി മാസ്റ്റര്‍ തന്റെ പ്രസിദ്ധീകരണങ്ങളില്‍ പ്രയോഗിച്ചത്. മക്തി തങ്ങളുടെ മിക്ക ലേഖനങ്ങളും സലാഹുല്‍ ഇഖ്‌വാനിലൂടെയാണ് പ്രസിദ്ധീകരിച്ചത്. മാസത്തില്‍ രണ്ട് തവണയായിരുന്നു പത്രം പുറത്തിറങ്ങിയത്. മക്തിതങ്ങളുടെ നിത്യജീവന്‍ മാസികക്ക് വേണ്ടി സലാഹുല്‍ ഇഖ്‌വാനില്‍ നല്‍കിയ പരസ്യം ഇങ്ങനെ.
‘ഞാന്‍ മുമ്പ് നടത്തിയിരുന്ന പരോപകാരി പോലെ എട്ടു പുറങ്ങളില്‍ ഒരു പുസ്തകം മാസത്തില്‍ ഒന്നായി നടത്താനും അതില്‍ ഒരു ഭാഗം എന്റെ പുസ്തകങ്ങളില്‍ ബുദ്ധി ഉപദേശങ്ങളും ഓരോ രോഗങ്ങള്‍ക്കും കൈകണ്ട ഔഷധങ്ങള്‍ വിവരിപ്പാനും വിചാരിക്കുന്നു.
അതില്‍ വില ആണ്ടില്‍ ഒരുറുപ്പിക മുന്‍കൂറും ഒന്നേകാലുറുപ്പിക പിന്‍കൂറുമാകുന്നു.’
ഈ ദുല്‍ഹജ്ജ് മുപ്പതാം തിയതിക്കകം 100 വായനക്കാര്‍ തികഞ്ഞാല്‍ മുഹറം 1-ാം തിയതിക്ക് പത്രം പുറപ്പെടീക്കാം. ഇന്‍ശാഅല്ലാഹ്. ഒരുമാസത്തെ പണം മുന്‍കൂര്‍ അയച്ചുതന്നാലും മതി. ഒരു ഭാഗമായ മുമ്മൂന്ന് കടലാസ്‌യെടുത്ത് ചേര്‍ത്താല്‍ പുസ്തകമായിത്തീരും”
എന്നാല്‍ ഈ സംരംഭത്തിന് വേണ്ടത്ര വരിക്കാരെ ലഭിക്കാത്തതിനാല്‍ മുന്നോട്ട് നീങ്ങിയില്ല. ‘നിത്യജീവന്‍ മാസിക’ നടത്തിപ്പിനായി കേവലം ‘ 38 സഹകാരികള്‍ അയച്ചുകൊടുത്ത സംഖ്യ അദ്ദേഹം തിരിച്ചു കൊടുക്കുകയും ചെയ്തു.’
പണ്ഡിത ശ്രേഷ്ഠരുടെ ചരമ വാര്‍ത്തയും അനുശോചനകുറിപ്പും ഒന്നിച്ച് റിപ്പോര്‍ട്ട് ചെയ്ത രീതി പത്രപ്രവര്‍ത്തകര്‍ക്ക് പുതുമയും അനുകരണീയവുമാണ്. ഉദാഹരണം ഇങ്ങനെ:
പൊന്നാനിയില്‍ ഇപ്പോള്‍ ഉള്ളവരുടെ മുമ്പത്തെ മഖ്ദൂം സൈനുദ്ദീന്‍കുട്ടി മുസ്‌ലിയാര്‍ തങ്ങളുടെ മകനായ കൊങ്ങണം വീട്ടില്‍ ഇബ്രാഹിംകുട്ടി മുസ്‌ലിയാര്‍ ഈ ദുല്‍ഖഅദ് മാസം (ഹി.1323 1905) പത്തുമായിട്ട് തലശ്ശേരിക്ക് അഞ്ചുകാതം കിഴക്കുള്ള ഉളിയില്‍ എന്ന സ്ഥലത്തു വെച്ച് മൗത്തായിരിക്കുന്നു. എന്നുമാത്രമല്ല, ആ നിലയിലും ഈ ഉലമാക്കള്‍ വേറെ മലയാളത്തില്‍ ഉണ്ടെന്നുകൂടി പറയാന്‍ ശങ്കിക്കുന്നു. ഫിഖ്ഹ്, തസ്വവ്വുഫ്, ഹഖാഇഖ്, ത്വിബ് മുതലായ ഇല്‍മുകളില്‍ അദ്ദേഹം സമര്‍ത്ഥനായിരുന്നു. പല അറബി കിതാബുകളും മൗലീദുകളും തര്‍ജിമകളും ഉണ്ടാക്കിയിട്ടുണ്ട്. ഏതായാലും നിര്‍ഭാഗ്യവാന്മാരായ നമുക്ക് ഇത് വലിയ നഷ്ടവും വ്യസനതയും തന്നെയാണെന്ന് തീര്‍ച്ചയത്രെ. എല്ലാവരും മയ്യിത്ത് നമസ്‌കരിക്കേണ്ടതാകുന്നു. (സ്വലാഹുല്‍ഇഖ്‌വാന്‍ വാള്യം 8. ലക്കം 2)
ലോകത്തിലെ പ്രധാന സംഭവങ്ങള്‍ വിശിഷ്യ തുര്‍ക്കി സുല്‍ത്താന്മാരുടെ ഭരണ പരിഷ്‌ക്കരണ വിവരങ്ങള്‍ അബ്ബാസിയ്യാ കാലത്തെ കഥാസമ്പുഷ്ടമായ ആയിരത്തൊന്ന് രാവുകള്‍ (അല്‍ഫുലൈല വലൈല) മുസ്‌ലിംകളും പുതിയ വിദ്യാഭ്യാസവും മുസ്‌ലിംകളും ശാസ്ത്രവും എന്നീ പംക്തികള്‍ പരമ്പരയായി പ്രസിദ്ധപ്പെടുത്തിയിരുന്നു. ഇവയില്‍ ചിലത് പിന്നീട് പുസ്തകമായി പുറത്തിറങ്ങി.
ഒടുങ്ങാത്ത സമുദായ പരിഷ്‌ക്കരണ ത്വര സൈതാലിക്കുട്ടി മാസ്റ്ററുടെ കൂടപ്പിറവിയായിരുന്നു. 1900 സെപ്റ്റംബര്‍ 9 ാം തിയതി രൂപീകൃതമായ കേരളത്തിലെ മുസ്‌ലിം സംഘടനകളുടെയും സ്ഥാപനങ്ങളുടെയും മാതാവ് എന്ന് വിശേഷിപ്പിക്കപ്പെടുന്ന പൊന്നാനി മഊനത്തുല്‍ ഇസ്‌ലാം സഭയുടെ രൂപീകരണത്തിന് അശ്രാന്ത പരിശ്രമം നടത്തിയത് മലപ്പുറം പുതിയ മാളിയേക്കല്‍ സയ്യിദ് മുഹമ്മദ്ബ്‌നു അലി ഹൈദ്രോസ് പൂക്കോയ തങ്ങള്‍, പൊന്നാനി വലിയ ജാറം കുഞ്ഞിസാതിക്കോയ വലിയ തങ്ങള്‍, പൊന്നാനി കുഞ്ഞന്‍ബാവ മുസ്‌ലിയാര്‍ മഖ്ദൂമി, മുസ്‌ലിം വിദ്യാഭ്യാസ ഇന്‍സ്‌പെക്ടര്‍ മണ്ടായപ്പുറത്ത് ബാവ മൂപ്പന്‍, സൈതാലികുട്ടി മാസ്റ്റര്‍ എന്നീ പഞ്ചമൂര്‍ത്തികളാണ്. സഭയുടെ രണ്ടാമത്തെ യോഗത്തില്‍ മാനേജരായ സൈതാലിക്കുട്ടി മാസ്റ്റര്‍ അവതരിപ്പിച്ച ഭരണഘടന ചില ഭേദഗതികളോടെ അംഗീകരിച്ചു. സഭാവാര്‍ത്തകളും പരസ്യങ്ങളും മാസാന്ത യോഗ നടപടികളും സൗജന്യമായാണ് സലാഹുല്‍ ഇഖ്‌വാന്‍ റിപ്പോര്‍ട്ട് ചെയ്തത്.
‘മുസ്‌ലിംകളും പുതിയ വിദ്യാഭ്യാസവും’, ‘മുസ്‌ലിംകളും ശാസ്ത്രവും’, ‘മതവിജ്ഞാന രശ്മി’ തുടങ്ങിയ കൃതികള്‍ രിച്ചു. സൈതാലിക്കുട്ടി മാസ്റ്റര്‍ ഭാവനാ സമ്പന്നനായ കവി കൂടിയായിരുന്നു. കല്യാണ സദസ്സുകളില്‍ പാടുവാനായി അദ്ദേഹമെഴുതിയ ‘കുളല്‍’ എന്ന മാപ്പിളപ്പാട്ട് മിക്ക മുസ്‌ലിം വീടുകളിലും സ്ത്രീകള്‍ ഈണത്തോടു കൂടി പാടിയിരുന്ന വളരെ പ്രചാരം ലഭിച്ച പാട്ടാണ്. സൈതാലിക്കുട്ടി മാസ്റ്റര്‍ 1919 നവംബര്‍ 17 ാം തിയതി വെളിയംകോടുള്ള തന്റെ ഭാര്യാ വീട്ടില്‍ അന്തരിച്ചു. സമുദായത്തിലെ വിദ്യാഭ്യാസ സമുദായിക പ്രശ്‌നങ്ങള്‍ ജനതാ മധ്യത്തില്‍ സജീവമാക്കുന്നതിനും സമുദായത്തെ പുരോഗതിയിലേക്ക് നയിക്കുന്നതിനും വേണ്ടി അദ്ദേഹം നടത്തിയിട്ടുള്ള തീവ്രശ്രമങ്ങളും ദീര്‍ഘ വീക്ഷണവും സമുദായം എന്നും സ്മരിക്കും.
സി. സൈതാലിക്കുട്ടി മാസ്റ്ററുടെ പത്രങ്ങള്‍ കേരള മുസ്‌ലിം നവോത്ഥാനത്തില്‍ വഹിച്ച പങ്ക് എക്കാലത്തും അഭിമാനപൂര്‍വ്വം അനുസ്മരിക്കപ്പെടും. ”അങ്ങേയറ്റത്തെ വിനീതനും മതഭക്തനും നിസ്വാര്‍ത്ഥ സമുദായ സേവകനും കവിയും കിടയറ്റ എഴുത്തുകാരനുമായിരുന്നു എന്റെ ഗുരുവര്യനായിരുന്ന സൈതാലിക്കുട്ടി മാസ്റ്റര്‍” എന്ന സ്വാതന്ത്ര്യ സമരനായകന്‍ ഇ. മൊയ്തുമൗലവിയുടെ വാക്കുകള്‍ മാസ്റ്ററെ നിത്യസ്മരണീയനാക്കുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

നെഹ്‌റുട്രോഫിക്ക് കളങ്കം ചാര്‍ത്താന്‍ പിണറായി

ചരിത്രപ്രസിദ്ധമായ നെഹ്‌റു ട്രോഫി ജലമേളയുടെ ഉദ്ഘാടകനായി കേന്ദ്ര ആഭ്യന്തരമന്ത്രി അമിത്ഷായെ ക്ഷണിച്ച മുഖ്യമന്ത്രി പിണറായി വിജയന്റെ നടപടി വിവാദത്തില്‍.

Published

on

ആലപ്പുഴ: ചരിത്രപ്രസിദ്ധമായ നെഹ്‌റു ട്രോഫി ജലമേളയുടെ ഉദ്ഘാടകനായി കേന്ദ്ര ആഭ്യന്തരമന്ത്രി അമിത്ഷായെ ക്ഷണിച്ച മുഖ്യമന്ത്രി പിണറായി വിജയന്റെ നടപടി വിവാദത്തില്‍. നിരന്തരം സംഘ്പരിവാര്‍ വിരുദ്ധത പ്രസംഗിക്കുന്ന സി.പി.എമ്മും ഇടതുപക്ഷവും സ്വതന്ത്ര്യ ഇന്ത്യയുടെ ആദ്യ പ്രധാനമന്ത്രി ജവഹര്‍ലാല്‍ നെഹ്‌റുവിന്റെ കരസ്പര്‍ശമേറ്റ നെഹ്‌റുട്രോഫി സമ്മാനിക്കുന്ന ചടങ്ങിലേക്ക് അമിത്ഷായെ പോലൊരു കളങ്കിതനെ ക്ഷണിച്ചതിനെതിരെ വലിയ വിമര്‍ശനമാണ് ഉയരുന്നത്. അമിത്ഷായെ പരിപാടിയിലേക്ക് ക്ഷണിക്കുന്നതിനായി നെഹ്‌റു ട്രോഫിയുടെ സകല കീഴ്‌വഴക്കങ്ങളും ലംഘിച്ചുള്ള നീക്കമാണ് മുഖ്യമന്ത്രി നടത്തിയത്.

ഇതിന്റെ ഞെട്ടലിലാണ് സംഘടാക സമിതിയായ എന്‍.ടി.ബി.ആര്‍ സൊസൈറ്റി. മുന്‍കാലങ്ങളില്‍ സംഘാടക സമിതി നിര്‍ദേശിക്കുന്ന ദേശീയ നേതാക്കളെയായിരുന്നു പരിപാടിയിലേക്ക് സര്‍ക്കാര്‍ ക്ഷണിച്ചിരുന്നത്. എന്‍.ടിി.ബി.ആര്‍ സൊസൈറ്റിക്ക് രാഷ്ട്രപതി ദ്രൗപതി മുര്‍മുവിനെ ഉദ്ഘാടകയായി എത്തിക്കാനായിരുന്നു താല്‍പര്യം. രാഷ്ട്രപതി എത്തുന്നില്ലെങ്കില്‍ മുഖ്യമന്ത്രിയെ തന്നെ ഉദ്ഘാടകനാക്കാനായിരുന്നു ധാരണ. ഇതിനുള്ള നടപടികള്‍ പുരോഗമിക്കുന്നതിനിടെയാണ് ഒരുപടി കൂടി കടന്ന് അസാധാരണമായ രീതിയില്‍ മുഖ്യമന്ത്രി നേരിട്ട് അമിത് ഷായെ ജലമേളയക്ക് ക്ഷണിച്ചത്.

ജലമേളയുടെ തലേദിവസമായ സെപ്തംബര്‍ മൂന്നിന് കോവളത്ത് നടക്കുന്ന ഇന്റര്‍ സ്റ്റേറ്റ് കൗണ്‍സില്‍ സെക്രട്ടറിയേറ്റിന്റെ ദക്ഷിണ മേഖല യോഗത്തിന് ക്ഷണിക്കുന്നതിനൊപ്പമാണ് നെഹ്‌റുട്രോഫിക്കും കൂടിയുള്ള ക്ഷണം കഴിഞ്ഞ 23ന് അമിത്ഷാക്ക് മുഖ്യമന്ത്രി അയച്ചത്. നെഹ്‌റുട്രോഫിയുടെ ചരിത്രം വിശദീകരിച്ചുള്ള കത്തില്‍ പരിപാടി സ്ഥലത്തേക്കുള്ള ക്രമീകരണങ്ങള്‍ ഉറപ്പാക്കാമെന്നും മുഖ്യമന്ത്രി അറിയിച്ചു.

അമിത്ഷായെ ക്ഷണിച്ച നടപടിക്കെതിരെ വിവിധ നേതാക്കള്‍ പ്രതിഷേധവുമായി രംഗത്ത് എത്തിയിട്ടുണ്ട്. സമൂഹ മാധ്യമങ്ങളില്‍ ഉള്‍പ്പെടെ രൂക്ഷമായ വിമര്‍ശനമാണ് ഉയരുന്നത്. ലാവ്‌ലിന്‍ കേസ് സുപ്രിംകോടതി പരിഗണിക്കാനിരിക്കുന്നത് ഉള്‍പ്പെടെയുള്ള വിഷയങ്ങള്‍ ചേര്‍ത്താണ് വിമര്‍ശനം.അതേസമയം അമിത്ഷായുടെ വരവ് ഉറപ്പായ നിലയിലുള്ള ക്രമീകരണങ്ങളാണ് ആലപ്പുഴയിലും വള്ളംകളി നടക്കുന്ന പുന്നമടയിലും പുരോഗമിക്കുന്നത്. സുരക്ഷാ ക്രമീകരണ മുന്നൊരുക്കങ്ങള്‍ പുന്നമടകായലില്‍ ഡി.ഐ.ജി നീരജ് കുമാര്‍ ഗുപ്ത ഇന്നലെ നേരിട്ടെത്തി പരിശോധിച്ചു. കലക്റ്റര്‍ വി.ആര്‍ കൃഷ്ണാ തേജ, ജില്ലാ പൊലീസ് മേധാവി ജി ജയദേവ് എന്നിവര്‍ക്കൊപ്പമായിരന്നു പരിശോധന.

Continue Reading

Indepth

നീതി ദേവത-പ്രതിഛായ

സ്വതന്ത്ര ഇന്ത്യയുടെ പ്രഥമ അറ്റോണി ജനറലായിരുന്നയാളുടെ പേരാണ് മോട്ടിലാല്‍ ചിമന്‍ലാല്‍ സെതല്‍വാദ്. പേരിലെ ഈ കുടുംബവാല്‍ ഇന്ന് ലോകം മുഴുവന്‍ അറിയുകയും ആദരിക്കപ്പെടുകയും ചെയ്യുന്ന ഗുജറാത്തിക്കാരിയുടേത് കൂടിയാണ്-ടീസ്റ്റ സെതല്‍വാദ്.

Published

on

സ്വതന്ത്ര ഇന്ത്യയുടെ പ്രഥമ അറ്റോണി ജനറലായിരുന്നയാളുടെ പേരാണ് മോട്ടിലാല്‍ ചിമന്‍ലാല്‍ സെതല്‍വാദ്. പേരിലെ ഈ കുടുംബവാല്‍ ഇന്ന് ലോകം മുഴുവന്‍ അറിയുകയും ആദരിക്കപ്പെടുകയും ചെയ്യുന്ന ഗുജറാത്തിക്കാരിയുടേത് കൂടിയാണ്-ടീസ്റ്റ സെതല്‍വാദ്. രാജ്യത്തെ നിയമ പരിഷ്‌കാരത്തിനായി നെഹ്‌റു ഭരണകൂടം രൂപവല്‍കരിച്ച ആദ്യ ലോ കമ്മീഷന്റെ ചെയര്‍മാനായിരുന്നു ടീസ്റ്റയുടെ മുത്തച്ഛനും സ്വാതന്ത്ര്യസമരനേതാവുമായിരുന്ന എം.സി സെതല്‍വാദ്. അദ്ദേഹത്തിന്റെ പേരമകള്‍ ലോകമറിയുന്ന മനുഷ്യാവകാശ പോരാളിയായതില്‍ അത്ഭുതത്തിന് വകയില്ല. മുംബൈയിലെ പ്രമുഖ അഭിഭാഷകനായിരുന്നു പിതാവ് അതുല്‍ സെതല്‍വാദും. നോംചോംസ്‌കിയെ പോലുള്ള ലോകത്തെ അത്യുന്നത ചിന്തകരും ബുദ്ധിജീവികളും ടീസ്റ്റയെ ജയിലില്‍നിന്ന് മോചിപ്പിക്കണമെന്നാവശ്യപ്പെട്ട് കഴിഞ്ഞദിവസമാണ് ഇന്ത്യന്‍ സുപ്രീംകോടതിക്ക് കത്തെഴുതിയിരിക്കുന്നത്. മറ്റൊരു ഇന്ത്യക്കാരനും ലഭിക്കാത്ത അത്യപൂര്‍വ ബഹുമതി. ഇന്ത്യയില്‍ ഫാസിസം വന്നോ, ഇല്ലെയോ എന്ന ചര്‍ച്ചകള്‍ നടക്കുമ്പോഴാണ് ഈ മഹതിയെ കേന്ദ്രത്തിലെ മോദി സര്‍ക്കാര്‍ ഇക്കഴിഞ്ഞ ജൂലൈ ഒന്നിന് അഴിക്കുള്ളിലിട്ടത്. കുറ്റം ഗുജറാത്ത് കലാപത്തിലെ ഇരകളായ നിരാലംബര്‍ക്കുവേണ്ടി പ്രവര്‍ത്തിച്ചത്! ടീസ്റ്റ മോദിയുടെയും അമിത്ഷായുടെയും കണ്ണിലെ കരടാകുന്നത് 2002 മുതല്‍ക്കാണ്. ഗുജറാത്ത് മുഖ്യമന്ത്രിയായിരുന്ന മോദിക്കും മറ്റുമെതിരെ കോടതികളില്‍നിന്ന് കോടതികളിലേക്ക് കേസുകെട്ടുകളുമായി പായുകയായിരുന്നു ഇരകള്‍ക്കൊപ്പം ടീസ്റ്റ എന്ന 60കാരി. എന്നാല്‍ ഗുജറാത്ത് കലാപത്തിന് ഗൂഢാലോചന നടത്തിയവരില്‍പെടുത്തിയാണ് മോദിയും കൂട്ടരും മുന്‍ഗുജറാത്ത് ഡി.ജി.പി ആര്‍.ബി ശ്രീകുമാറിനൊപ്പം ടീസ്റ്റയെയും തുറുങ്കിലിലടച്ചത്. ‘മനുഷ്യാവകാശ പ്രവര്‍ത്തകര്‍ക്കെതിരെ നേരിട്ടുള്ള ആക്രമണം’ എന്നാണ് അന്താരാഷ്ട്ര മനുഷ്യാവകാശ സംഘടന ആംനസ്റ്റി ഇന്റര്‍നാഷണല്‍ അറസ്റ്റിനെ വിശേഷിപ്പിച്ചത്. നീതിക്കുവേണ്ടി പോരാടിയവരുടെ ഇതിഹാസമാണ് പുരാണത്തിലെ ദുര്‍ഗയുടെയും സീതയുടെയും പാഞ്ചാലിയുടേതുമെന്നതിനാല്‍ ആധുനിക സീതയുടെ പരിവേഷമാണ് ടീസ്റ്റക്ക്. അമ്മയുടെ പേരിലുമുണ്ട് സീത.

2002ല്‍ ഗുല്‍ബര്‍ഗ് സൊസൈറ്റി കൂട്ടക്കൊല എന്ന കുപ്രസിദ്ധ ഭരണകൂട ഭീകരതക്കിരയായി കോണ്‍ഗ്രസ് എം.പി ഇഹ്്‌സാന്‍ ജാഫ്രിയടക്കം കൊലചെയ്യപ്പെട്ടതിന് നീതിതേടിയാണ് അദ്ദേഹത്തിന്റെ ഭാര്യ സാക്കിയ ജാഫ്രിയുള്‍പ്പെടെ കോടതിയെ സമീപിച്ചത്. കേസില്‍ നിലവിലെ പ്രധാനമന്ത്രി നരേന്ദ്രമോദിയെയും മറ്റും സുപ്രീംകോടതി കുറ്റവിമുക്തമാക്കിയതിന് തൊട്ടുപിറ്റേന്നായിരുന്നു ടീസ്റ്റയുടെയും ശ്രീകുമാറിന്റെയും അറസ്റ്റ്. മോദി വിളിച്ചുചേര്‍ത്ത 2002ലെ പൊലീസുദ്യോഗസ്ഥരുടെ യോഗത്തില്‍ ഗോദ്ര സംഭവത്തിന് ‘ഹിന്ദുക്കളെ പ്രതികാരം ചെയ്യാന്‍വിടണ’മെന്ന് മുഖ്യമന്ത്രി ആജ്ഞാപിച്ചുവെന്നാണ് ടീസ്റ്റയും കൂട്ടരും വാദിച്ചത്. പരാതിയില്‍ മന്ത്രിമാരടക്കം 62 പേരെയാണ് ഉള്‍പ്പെടുത്തിയിരുന്നത്. ബി.ജെ.പി സര്‍ക്കാരിന്റെ പ്രത്യേകാന്വേഷണസംഘം പക്ഷേ പ്രതികളെയെല്ലാം കുറ്റവിമുക്തരാക്കുകയായിരുന്നു. ഇതാണ് ടീസ്റ്റയും മറ്റും സുപ്രീംകോടതിയില്‍ ചോദ്യംചെയ്തത്. ഇതാണ് ഫാസിസ്റ്റ് ഭരണകൂടത്തെ ചൊടിപ്പിച്ചതും. പ്രതികളെ കുറ്റവിമുക്തമാക്കുമ്പോള്‍ പരാതിക്കാരെ കേട്ടില്ലെന്നാണ് കോടതിക്കെതിരായി ഉയര്‍ന്നിരിക്കുന്ന മുഖ്യപരാതി. ലോകത്തെ വിവിധ ഉന്നത സര്‍വകലാശാലകളിലെ അത്യുന്നത പ്രൊഫസര്‍മാരും ബ്രിട്ടീഷ് ജനപ്രതിനിധിയും അടക്കമാണ് കഴിഞ്ഞദിവസം ‘സഹമത്’ എന്ന സംഘടന പുറത്തിറക്കിയ ടീസ്റ്റയുടെ മോചനം ആവശ്യപ്പെട്ടുകൊണ്ടുള്ള പ്രസ്താവനയില്‍ ഒപ്പുവെച്ചിരിക്കുന്നത്. ഇത് കാണാതിരിക്കാന്‍ ഇന്ത്യന്‍ നീതിപീഠത്തിന് കഴിയില്ല. വരുന്ന 22നാണ് സുപ്രീംകോടതി ഇവരുടെ ജാമ്യഹര്‍ജി വീണ്ടും പരിഗണിക്കുന്നത്. ഭാവി ചീഫ് ജസ്റ്റിസ് യു.യു ലളിതിന് മുമ്പാകെയാണ് കേസ് വരുന്നത്.

കുടുംബ പാരമ്പര്യം കാക്കാനായി നിയമം പഠിക്കാന്‍പോയെങ്കിലും ഫിലോസഫിയിലാണ് ബിരുദമെടുത്തത്. 1983ല്‍ പത്രപ്രവര്‍ത്തകയായി. മാധ്യമപ്രവര്‍ത്തകയും മനുഷ്യാവകാശ പ്രവര്‍ത്തകയുമെന്ന നിലയില്‍ ഒട്ടനവധി കേസുകളാണ് ടീസ്റ്റ ഇതിനകം കോടതികളുടെ മുമ്പിലെത്തിച്ചിട്ടുള്ളത്. മുസ്്‌ലിംകളുടേതാണ് ഇവയില്‍ പലതും. കോര്‍പറേറ്റുകളുടെ ഭക്ഷ്യവസ്തുക്കളിലെ മായത്തിനെതിരെയും പോരാടുന്നു. ‘സിറ്റിസണ്‍സ് ഫോര്‍ ജസ്റ്റിസ് ആന്റ് പീസി’ന്റെ സെക്രട്ടറിയും ‘കമ്യൂണലിസം കോംപാക്ട്’ മാസികയുടെ സ്ഥാപകപത്രാധിപരും. ഇന്ത്യന്‍ എക്‌സ്പ്രസ് പത്രത്തിലും ബിസിനസ് ഇന്ത്യയിലും ജോലി ചെയ്യുന്നതിനിടെയാണ് ഗുജറാത്ത് കലാപത്തിലെ ഇരകള്‍ക്ക് നീതിവാങ്ങിക്കൊടുക്കാനായി ജോലി രാജിവെച്ച് പൊതുപ്രവര്‍ത്തനത്തിറങ്ങിയത്. 2007ല്‍ രാഷ്ട്രം പത്മശ്രീ നല്‍കി ആദരിച്ചു. ഗുജറാത്ത്-മേക്കിംഗ് ഓഫ് എ ട്രാജഡി, രക്ഷകര്‍ ചതിക്കുമ്പോള്‍ തുടങ്ങിയ ഗ്രന്ഥങ്ങളെഴുതി. സമാനമേഖലയിലെ പോരാളി ജാവേദ് ആനന്ദാണ് ഭര്‍ത്താവ്. മകനും മകളുമുണ്ട്.

Continue Reading

Health

ഉത്തര കേരളത്തിലാദ്യമായി ശ്വാസകോശം മാറ്റിവെക്കല്‍ കോഴിക്കോട് ആസ്റ്റര്‍ മിംസില്‍

ദീര്‍ഘനാളത്തെ ശ്രമഫലമായാണ് കോഴിക്കോട് ആസ്റ്റര്‍ മിംസിന് ശ്വാസകോശം മാറ്റിവെക്കാനുള്ള അംഗീകാരം ലഭിച്ചത്.

Published

on

കോഴിക്കോട്: ശ്വാസകോശരോഗ ചികിത്സാരംഗത്ത് വന്‍ മാറ്റങ്ങള്‍ക്ക് വഴിയൊരുക്കിക്കൊണ്ട് കോഴിക്കോട് ആസ്റ്റര്‍ മിംസില്‍ ശ്വാസകോശം മാറ്റിവെക്കല്‍ കോഴിക്കോട് ആസ്റ്റര്‍ മിംസില്‍ ആരംഭിച്ചു. ദീര്‍ഘനാളത്തെ ശ്രമഫലമായാണ് കോഴിക്കോട് ആസ്റ്റര്‍ മിംസിന് ശ്വാസകോശം മാറ്റിവെക്കാനുള്ള അംഗീകാരം ലഭിച്ചത്.

പരിചയ സമ്പന്നനായ കാര്‍ഡിയോവാസ്‌കുലാര്‍ സര്‍ജന്മാര്‍, പള്‍മനോളജിസ്റ്റുമാര്‍, അനസ്തറ്റിസ്റ്റുകള്‍, ട്രാന്‍സ്പ്ലാന്റിന് പൂര്‍ണ്ണസജ്ജമായ ഓപ്പറേഷന്‍ തിയ്യറ്റര്‍, പോസ്റ്റ് ട്രാന്‍സ്പ്ലാന്റ് ഐ.സി.യു തുടങ്ങിയവ ഉള്‍പ്പെടെയുള്ള അനേകം സൗകര്യങ്ങളും സജ്ജീകരണങ്ങളും ശ്വാസകോശം മാറ്റിവെക്കല്‍ ചികിത്സയ്ക്ക് അനിവാര്യമാണ്.

വിവിധ തലങ്ങളിലുള്ള വിദഗ്ദ്ധര്‍ ഉള്‍പ്പെട്ട സര്‍ക്കാര്‍ സംവിധാനങ്ങളുടെ പ്രതിനിധികള്‍ വിശദമായ പരിശോധന നടത്തിയ ശേഷമാണ് ശ്വാസകോശം മാറ്റിവെക്കലിനുള്ള അനുമതി ലഭ്യമായത്. കോഴിക്കോട് ആസ്റ്റര്‍ മിംസില്‍ ഈ സംവിധാനം പ്രവര്‍ത്തനം ആരംഭിക്കുന്നതോടെ ഉത്തര കേരളത്തിലെ ആദ്യ സെന്റര്‍ എന്ന പ്രത്യേകതയും ലഭ്യമാകും.

‘നിലവില്‍ ഉത്തര കേരളത്തിലുള്ളവര്‍ക്ക് ശ്വാസകോശം മാറ്റിവെക്കണമെങ്കില്‍ ബാംഗ്ലൂര്‍ പോലുള്ള വലിയ നഗരങ്ങളെയാണ് പ്രധാനമായും ആശ്രയിക്കേണ്ടി വരുന്നത്. ഈ ദുരിതത്തിന് ഇതോടെ പരിഹാരമാകും.’ ആസ്റ്റര്‍ കേരള & ഒമാന്‍ റീജ്യണല്‍ ഡയറക്ടര്‍ ശ്രീ. ഫര്‍ഹാന്‍ യാസിന്‍ പറഞ്ഞു.

‘നിലവില്‍ വൃക്കമാറ്റിവെക്കല്‍, കരള്‍ മാറ്റിവെക്കല്‍, കോര്‍ണിയ ട്രാന്‍സ്പ്ലാന്റ്, എന്നിവയില്‍ നിലനിര്‍ത്തുന്ന ഉയര്‍ന്ന വിജയനിരക്കും ഈ നേട്ടം കൈവരിക്കുന്നതില്‍ പരിഗണിക്കപ്പെട്ടു’ അദ്ദേഹം കൂട്ടിച്ചേര്‍ത്തു. പത്രസമ്മേളനത്തില്‍ ഫര്‍ഹാന്‍ യാസിന്‍ (റീജ്യണല്‍ ഡയറക്ടര്‍, ആസ്റ്റര്‍ കേരള & ഒമാന്‍), ഡോ. അനില്‍ജോസ് (സീനിയര്‍ കണ്‍സല്‍ട്ടന്റ കാര്‍ഡിയോതെറാസിക് സര്‍ജന്‍), ഡോ. മധു കല്ലാത്ത് (റീജ്യണല്‍ ഡയറക്ടര്‍ & സീനിയര്‍ കണ്‍സല്‍ട്ടന്റ്, ആസ്റ്റര്‍ മിംസ്), ഡോ.ശരത് (കണ്‍സല്‍ട്ടന്റ് കാര്‍ഡിയാക് അനസ്തറ്റിസ്റ്റ്) ലുക്മാന്‍ പൊന്മാടത്ത് (സിഒഒ ആസ്റ്റര്‍ മിംസ്) എന്നിവര്‍ പങ്കെടുത്തു.

 

Continue Reading

Trending