Connect with us

More

ദിലീപ് അഴിക്കുള്ളിലാകാന്‍ കാരണം അമിത ആത്മവിശ്വാസവും സ്വയം വരുത്തിയ ആറു പിഴവുകളും

Published

on

കൊച്ചി: കൊച്ചിയില്‍ യുവനടി കാറില്‍ ആക്രമിക്കപ്പെട്ട കേസില്‍ ദിലീപിനെ കുടുക്കിയത് അമിതമായ ആത്മവിശ്വാസവും സ്വയം വരുത്തിവെച്ച ആറു പിഴവുകളും. അതീവ ജാഗ്രതയോടെ നീക്കങ്ങള്‍ നടത്തിയെങ്കിലും അറസ്റ്റിലേക്ക് നയിച്ചത് ഈ രണ്ടു ഘടകങ്ങളാണ്.

ദിലീപ് വരുത്തിയ ആറു പിഴവുകള്‍

1. ബ്ലാക്‌മെയില്‍ പരാതിയുമായി പൊലീസിനെ സമീപിച്ചു

2. രണ്ടു കോടി രൂപ സുനി ആവശ്യപ്പെട്ടെന്ന് ദിലീപ് പരാതിയില്‍ പറഞ്ഞു. എന്നാല്‍ എവിടെ, എങ്ങനെ എന്നതു സംബന്ധിച്ച് താരത്തിന് പറയാനായില്ല.

3. 13 മണിക്കൂറോളം ചോദ്യം ചെയ്യലിനു വിധേയമായെങ്കിലും ദിലീപ് ഒരിക്കല്‍പോലും എതിര്‍ത്തില്ല. നിരപരാധി ആയിരുന്നെങ്കില്‍ ആദ്യ മണിക്കൂറില്‍ തന്നെ പ്രതിഷേധിച്ചേക്കുമായിരുന്നുവെന്ന് പൊലീസ് നിഗമനം.

4. ബ്ലാക്‌മെയില്‍ കത്തില്‍ ഭീഷണിയുടെ സ്വരമില്ലാത്തത് കൃത്യമായ പള്‍സര്‍ സുനിയുമായുള്ള ദിലീപിന്റെ ബന്ധത്തിന്റെ സൂചന.

5. ചോദ്യം ചെയ്യലിനുശേഷം രക്ഷിക്കണമെന്നു കൈകൂപ്പി ഉദ്യോഗസ്ഥരോട് ദിലീപ് പറഞ്ഞത്.

6. സുനിയെ അറിയില്ലെന്ന നിലപാടിലാണ് ദിലീപ് ആദ്യം മുതല്‍ നിന്നത്. എന്നാല്‍ തെളിവുകള്‍ നടന് എതിരായിരുന്നു.

india

വെട്ടിലാക്കി കേന്ദ്ര ബജറ്റ്: ന്യൂനപക്ഷ സ്‌കോളര്‍ഷിപ്പും മദ്രസാ ധനസഹായവും വെട്ടിക്കുറച്ച് കേന്ദ്ര ബജറ്റ്

365 കോടി 44 കോടിയായി; 160 കോടി 10 കോടിയും

Published

on

ന്യൂഡല്‍ഹി: കഴിഞ്ഞ ദിവസം കേന്ദ്ര ധനമന്ത്രി നിര്‍മല സീതാരാമന്‍ അവതരിപ്പിച്ച ബജറ്റില്‍ ന്യൂനപക്ഷ സ്‌കോളര്‍ഷിപ്പും മദ്രസാന്യൂനപക്ഷ സ്ഥാപന ധനസഹായവും കുത്തനെ വെട്ടിച്ചുരുക്കി. സ്‌കോളര്‍ഷിപ്പ് ഇനത്തില്‍ 87 ശതമാനവും മദ്രസാ ന്യൂനപക്ഷ സ്ഥാപന ഫണ്ടില്‍ 93 ശതമാനവുമാണ് വെട്ടിക്കുറച്ചിരിക്കുന്നത്. ന്യൂനപക്ഷ മന്ത്രാലയത്തിന്റെ ആകെ വിഹിതവും കുറച്ച് 38 ശതമാനമാക്കി ചുരുക്കിയിട്ടുണ്ട്.

ന്യൂനപക്ഷ വിഭാഗങ്ങളില്‍നിന്നുള്ള പ്രൊഫഷനല്‍ടെക്‌നിക്കല്‍ കോഴ്‌സുകള്‍ ചെയ്യുന്ന വിദ്യാര്‍ത്ഥികള്‍ക്ക് കഴിഞ്ഞ ബജറ്റില്‍ നല്‍കിവന്നിരുന്ന 365 കോടി രൂപ സ്‌കോളര്‍ഷിപ്പില്‍ നിന്നും 44 കോടിയായാണ് കുറച്ചിരിക്കുന്നത്.

മദ്രസകള്‍ക്കും ന്യൂനപക്ഷ വിദ്യാഭ്യാസ സ്ഥാപനങ്ങള്‍ക്കും വകയിരുത്തിയ കേന്ദ്ര ധനസഹായത്തില്‍ നിന്നും ഇത്തവണ 160കോടിയില്‍ നിന്ന് 10 കോടി രൂപയാക്കിയാണ് വെട്ടിക്കുറച്ചിരിക്കുന്നത്.

ന്യൂനപക്ഷ വിദ്യാര്‍ത്ഥികള്‍ക്ക് നല്‍കിവരുന്ന പ്രീമെട്രിക് സ്‌കോളര്‍ഷിപ്പിനുള്ള ഫണ്ടും വലിയ തോതില്‍ വെട്ടിക്കുറച്ചിട്ടുണ്ട്. കഴിഞ്ഞ ബജറ്റില്‍ 1,425 കോടി വകയിരുത്തിയത് ഇത്തവണ 992 കോടിയാക്കി.

നേരത്തേ ഉന്നത വിദ്യാഭ്യാസ രംഗത്ത് ഗവേഷണം നടത്തുന്ന ന്യൂനപക്ഷ വിദ്യാര്‍ത്ഥികള്‍ക്കു നല്‍കിവന്നിരുന്ന മൗലാനാ ആസാദ് നാഷനല്‍ ഫെലോഷിപ്പ്(മാന്‍ഫ്) നിര്‍ത്തലാക്കിയതും പ്രീമെട്രിക് സ്‌കോളര്‍ഷിപ്പ് യോഗ്യതയില്‍ ഭേദഗതി വരുത്തി ഒന്‍പത്, പത്ത് ക്ലാസുകാര്‍ക്കു മാത്രമാക്കി ചുരുക്കിയതും ഏറെ വിവാദങ്ങള്‍ക്ക് വഴിവെച്ചിരുന്നു.

Continue Reading

india

ജമ്മു ഇരട്ട സ്‌ഫോടനക്കേസ്: സര്‍ക്കാര്‍ സ്‌കൂള്‍ അദ്ധ്യാപകനായ ലഷ്‌കര്‍ ഭീകരന്‍ അറസ്റ്റില്‍

ആരിഫിന് നിരോധിത തീവ്രവാദ സംഘടനയായ ലഷ്‌കര്‍ ഇ-തൊയ്ബയുമായി ബന്ധമുണ്ടെന്ന് ജമ്മു കശ്മീര്‍ പോലീസ് ഡയറക്ടര്‍ ജനറല്‍ ദില്‍ബാഗ് സിംഗ്

Published

on

ജമ്മു ഇരട്ട സ്‌ഫോടനക്കേസില്‍ സര്‍ക്കാര്‍ സ്‌കൂള്‍ അദ്ധ്യാപകനായ ലഷ്‌കര്‍ ഭീകരന്‍ അറസ്റ്റില്‍. റിയാസി ജില്ലക്കാരനായ ആരിഫ് ആണ് അറസ്റ്റിലായത്. ഇയാളില്‍ നിന്നും പെര്‍ഫ്യൂം ഐഇഡി കണ്ടെത്തി. ജമ്മുവിലെ നര്‍വാളിലെ ട്രാന്‍സ്‌പോര്‍ട്ട് നഗറിലെ ഏഴാം നമ്പര്‍ യര്‍ഡില്‍ ജനുവരി 21നാണ് സ്‌ഫോടനം നടന്നത്. സ്‌ഫോടനത്തില്‍ ഒന്‍പതോളം പേര്‍ക്ക് പരിക്കേറ്റിരുന്നു.

ആരിഫിന് നിരോധിത തീവ്രവാദ സംഘടനയായ ലഷ്‌കര്‍ ഇ-തൊയ്ബയുമായി ബന്ധമുണ്ടെന്ന് ജമ്മു കശ്മീര്‍ പോലീസ് ഡയറക്ടര്‍ ജനറല്‍ ദില്‍ബാഗ് സിംഗ് പറഞ്ഞു. കേന്ദ്രഭരണ പ്രദേശത്ത് ഇത്തരത്തിലൊരു ബോംബ് കണ്ടെത്തുന്നത് ആദ്യമാണെന്ന് ജമ്മുകശ്മീര്‍ പോലീസ് മേധാവി പറഞ്ഞു.

അറസ്റ്റിലായ ആരിഫ് പാകിസ്ഥാന്‍ ഹാന്‍ഡ്‌ലര്‍മാരുടെ നിര്‍ദ്ദേശ പ്രകാരമാണ് പ്രവര്‍ത്തിച്ചത്. കഴിഞ്ഞ മേയില്‍ വൈഷ്‌ണോദേവി തീര്‍ഥാടകര്‍ സഞ്ചരിച്ചിരുന്ന ബസ് ബോംബ് സ്‌ഫോടനത്തില്‍ നാല് പേര്‍ കൊല്ലപ്പെടുകയും 24 പേര്‍ക്ക് പരിക്കേല്‍ക്കുകയും ചെയ്തതില്‍ തനിക്ക് പങ്കുണ്ടെന്ന് സമ്മതിച്ചതായി സിംഗ് പറഞ്ഞു.

പാകിസ്ഥാന്‍ ഭീകരവാദം പ്രചരിപ്പിക്കുന്നതില്‍ കുപ്രസിദ്ധമാണെന്നും സംസ്ഥാനത്തെ ജനങ്ങള്‍ക്കിടയില്‍ വര്‍ഗീയ വിഭജനം സൃഷ്ടിക്കാന്‍ അവര്‍ ആഗ്രഹിക്കുന്നുവെന്നും ജമ്മു കശ്മീര്‍ ഉന്നത പോലീസ് ഉദ്യോഗസ്ഥന്‍ പറഞ്ഞു.

Continue Reading

kerala

കുറച്ചെങ്കിലും ആനുകൂല്യം നല്‍കൂ… എന്നിട്ട് സാവകാശം തേടൂ; ആനുകൂല്യവിതരണത്തിന് രണ്ടുവര്‍ഷം നല്‍കാനാവില്ലെന്ന് ഹൈക്കോടതി

വേണമെങ്കില്‍ ആറുമാസം സാവകാശം അനുവദിക്കാമെന്നും കോടതി പരാമര്‍ശിച്ചു

Published

on

കൊച്ചി: വിരമിച്ച കെഎസ്ആര്‍ടിസി ജീവനക്കാരുടെ ആനൂകൂല്യവിതരണത്തിന് രണ്ടുവര്‍ഷത്തെ സാവാകാശം അനുവദിക്കാനാവില്ലെന്ന് ഹൈക്കോടതി. അവര്‍ മനുഷ്യരാണെന്ന് മറക്കരുതെന്നും കോടതി പറഞ്ഞു. വിരമിച്ച ജീവനക്കാര്‍ക്കുള്ള പെന്‍ഷന്‍ ആനുകൂല്യങ്ങള്‍ 4 മാസത്തിനകം നല്‍കണമെന്ന സിംഗിള്‍ബെഞ്ചിന്റെ ഉത്തരവു പുനഃപരിശോധിക്കണമെന്നാവശ്യപ്പെട്ട് കെഎസ്ആര്‍ടിസി നല്‍കിയ ഹര്‍ജികള്‍ പരിഗണിക്കുന്നതിനിടെയാണ് കോടതിയുടെ പ്രതികരണം.

കുറച്ചെങ്കിലും ആനുകൂല്യം നല്‍കിയിട്ട് സാവാകാശം തേടൂ. വേണമെങ്കില്‍ ആറുമാസം സാവകാശം അനുവദിക്കാമെന്നും കോടതി പരാമര്‍ശിച്ചു. ആനുകൂല്യ വിതരണത്തിനുള്ള സീനിയോറിറ്റി പ്രകാരമുള്ള റിപ്പോര്‍ട്ട് നല്‍കാന്‍ കോടതി സര്‍ക്കാരിനോട് നിര്‍ദേശിച്ചു.

സീനിയോറിറ്റിയും അടിയന്തര സാഹചര്യവും കണക്കിലെടുത്ത് പെന്‍ഷന്‍ ആനുകൂല്യങ്ങള്‍ വിതരണം ചെയ്യാനുള്ള പദ്ധതി തയാറാക്കി കെഎസ്ആര്‍ടിസി ഹൈക്കോടതിയുടെ അനുമതിക്കു സമര്‍പ്പിച്ചിരുന്നു. സീനിയോറിറ്റി അടിസ്ഥാനമാക്കി 38 പേര്‍ക്കും അടിയന്തര സാഹചര്യമുള്ള 7 പേര്‍ക്കും ഉള്‍പ്പെടെ ഒരു മാസം 45 പേര്‍ക്കു പെന്‍ഷന്‍ ആനുകൂല്യങ്ങള്‍ നല്‍കുന്നതാണു പദ്ധതി. കക്ഷികളുടെ നിലപാട് കൂടി ആരാഞ്ഞ ശേഷമാകും ഇക്കാര്യത്തില്‍ കോടതിയുടെ തീരുമാനം.

Continue Reading

Trending