Video Stories

സി.പി.എമ്മിന്റെ വെപ്രാളം

Published

5 years ago

April 2, 2019

കോണ്‍ഗ്രസ് അധ്യക്ഷന്‍ രാഹുല്‍ഗാന്ധി വയനാട്ടില്‍ മല്‍സരിക്കാന്‍ തീരുമാനിച്ചതോടെ പന്തംകണ്ട പെരുച്ചാഴിയെ പോലെ വിറളിപിടിച്ചോടുകയാണ് രാഹുല്‍ ഗാന്ധിയുടെയും അദ്ദേഹത്തിന്റെ പാര്‍ട്ടിയുടെയും ഐക്യജനാധിപത്യമുന്നണിയുടെയും ശത്രുക്കളൊട്ടാകെ. രാജ്യത്ത് മോദി ഭരണം തുടര്‍ന്നാല്‍ ഇനിയൊരു തെരഞ്ഞെടുപ്പുപോലും അസാധ്യമാണെന്ന് വിളിച്ചുപറഞ്ഞത് ബി.ജെ.പിയുടെ എം.പി സാക്ഷി മഹാരാജ് ആണ്. ഇത്രയും നിര്‍ണായകമായൊരു തെരഞ്ഞെടുപ്പിനെ നേരിടുന്ന രാജ്യത്തെയും കോണ്‍ഗ്രസിനെയും മതേതര ശക്തികളെയും സംബന്ധിച്ച് അതീവ സൂക്ഷ്മത പാലിക്കേണ്ട തെരഞ്ഞെടുപ്പാണ് വന്നണഞ്ഞിരിക്കുന്നതെന്ന ്പ്രത്യേകിച്ച് പറയേണ്ടതില്ല. അപ്പോഴാണ് മാന്യതയുടെ ജീവല്‍ രൂപമായ കോണ്‍ഗ്രസ് അധ്യക്ഷനെ അതിരുകടന്ന് അധിക്ഷേപിച്ചുകൊണ്ട് മതേതര കക്ഷിയെന്ന് സ്വയം അഭിമാനിക്കുന്ന ഒരു കക്ഷിയുടെ മുഖപത്രം തിങ്കളാഴ്ച പുറത്തിറങ്ങിയിരിക്കുന്നത്.

‘കോണ്‍ഗ്രസ് തകര്‍ച്ച പൂര്‍ണമാക്കാന്‍ പപ്പു സ്‌ട്രൈക്ക്’ എന്ന തലക്കെട്ടില്‍ സി.പി.എമ്മിന്റെ പാര്‍ട്ടി മുഖപത്രമായ ദേശാഭിമാനിയാണ് ഇന്നലെ രാഹുല്‍ഗാന്ധിയെ അടച്ചാക്ഷേപിച്ചിരിക്കുന്നത്. രാവിലെ തന്നെ വിവിധ രാഷ്ട്രീയ കോണുകളില്‍നിന്ന് പ്രസ്തുത പരാമര്‍ശത്തിനെതിരെ വ്യാപകമായ വിമര്‍ശനങ്ങളാണ് ഉയര്‍ന്നുവന്നത്. രാഹുല്‍ ഗാന്ധിയെ പോലെ കറകളഞ്ഞ മത നിരപേക്ഷവാദിയും കോണ്‍ഗ്രസിനെയും മറ്റു മതേതര കക്ഷികളെയും അധികാരത്തില്‍ തിരിച്ചെത്തിച്ച് ഭരണത്തിന് നേതൃത്വം നല്‍കുമെന്ന് കരുതപ്പെടുന്ന വ്യക്തിയെയുമാണ് ബി.ജെ.പിയുടെ ഭാഷയില്‍ സി.പി.എം അധിക്ഷേപിച്ചുകളഞ്ഞത്. പരാമര്‍ശം പുറത്തുവന്ന് മണിക്കൂറുകള്‍ കഴിഞ്ഞിട്ടും കേരളത്തില്‍ പ്രചാരണത്തിലുണ്ടായിരുന്ന സീതാറാം യെച്ചൂരിയടക്കമുള്ള നേതാക്കളാരുംതന്നെ പത്രത്തിന്റെ ആക്ഷേപത്തിനെതിരെ രംഗത്തുവരാന്‍ തയ്യാറായില്ല എന്നത് അവരുടെ ഉള്ളിലെ യഥാര്‍ത്ഥ മതേതരത്വത്തെ പുറത്തുകൊണ്ടുവരുന്നതായി. വി.ടി ബലറാം എം.എല്‍.എ ഉള്‍പ്പെടെ വിമര്‍ശനവുമായി രംഗത്തുവന്ന് മണിക്കൂറുകള്‍ കഴിഞ്ഞ് നാലു മണിയോടെ മാത്രമാണ് മന്ത്രി തോമസ് ഐസക് പരോക്ഷമായൊരു കുറ്റസമ്മതം നടത്തിയത്. പത്രത്തിന് സംഭവിച്ച കൈപ്പിഴയാണ് രാഹുലിനെതിരായ അധിക്ഷേപമെന്ന് ഐസക് പറയുകയുണ്ടായെങ്കിലും മുഖ്യമന്ത്രി പിണറായി വിജയനോ കോടിയേരി ബാലകൃഷ്ണനോ പത്രത്തിന്റെ നിലപാടിനെതിരെ രംഗത്തു വന്നുകണ്ടില്ല. എന്നാല്‍ അമുല്‍ ബേബിയെന്ന പരാമര്‍ശം ഓര്‍മിപ്പിച്ചുകൊണ്ട് രാഹുലിനെതിരെ വി.എസ് അച്യുതാനന്ദനും രംഗത്തുവന്നിരിക്കുന്നു. ഇതിലൂടെ വ്യക്തമായിരിക്കുന്നത് കോണ്‍ഗ്രസിനെയും യു.ഡി.എഫിനെയും സി.പി.എം എത്രകണ്ട് ഭയപ്പെടുന്നുവെന്നുള്ളതാണ്.

വയനാട്ടില്‍ രാഹുല്‍ഗാന്ധി മല്‍സരിക്കാന്‍ സന്നദ്ധമായപ്പോള്‍ മുതല്‍തന്നെ അതിനെതിരെ രാഹുലിനെയും കോണ്‍ഗ്രസ് നേതൃത്വത്തെയും പിന്തിരിപ്പിക്കാനുള്ള നീക്കങ്ങളാണ് സി.പി.എം കേന്ദ്ര തലത്തില്‍ നടത്തിയത്. ഇതെന്തിന് വേണ്ടിയായിരുന്നുവെന്ന് അവരുടെ വെപ്രാളം കാണുമ്പോള്‍തന്നെ ബോധ്യമാണ്. കേരളത്തില്‍ മാത്രം അവശേഷിക്കുന്ന സി.പി.എം അടക്കമുള്ള ഇടതുപക്ഷ കക്ഷികള്‍ക്ക് ഇനിയൊരിക്കലും തിരിച്ചുവരാന്‍ കഴിയാത്തവിധം പരമാവധി ദുര്‍ബലരായി കഴിഞ്ഞിരിക്കുകയാണ് ആ പാര്‍ട്ടിയും മുന്നണിയും. പശ്ചിമ ബംഗാളില്‍ ഉണ്ടായിരുന്ന 34 വര്‍ഷത്തെ കുത്തകയാണ് തകര്‍ന്നടിഞ്ഞ് ഒരു സീറ്റായി മാറിയിരിക്കുന്നത്. കാല്‍ നൂറ്റാണ്ടിലെ കുത്തക ത്രിപുരയില്‍ പേരിനുമാത്രമായി. കോണ്‍ഗ്രസിന്റെ കനിവുണ്ടെങ്കില്‍ ഏതാനും സീറ്റുകളില്‍ ജയിക്കാന്‍ കഴിയുമെന്ന അവസ്ഥയുണ്ടായിട്ടും ലൊട്ടുലൊടുക്കുന്യായങ്ങള്‍ മുന്നോട്ടുവെച്ചതിനാല്‍ ബംഗാള്‍ കോണ്‍ഗ്രസ് നേതൃത്വം സി.പി.എമ്മിനെ കൂടെകൂട്ടിയിട്ടില്ല.

ഇതുമൂലം തീര്‍ത്തും അപകടം മണക്കുന്ന സി.പി.എമ്മിന്റെ ജീവന്‍ മരണപോരാട്ടമാണ് കേരളത്തിലേതെന്ന് അതിന്റെ നേതാക്കള്‍ക്ക് നല്ലതുപോലെ അറിയാം. എന്നാല്‍ സീതാറാംയെച്ചൂരിയെ പോലെ വസ്തുതകളെ വസ്തുതകളായി വിലയിരുത്തുകയും അതിനനുസരിച്ച് കോണ്‍ഗ്രസ് നേതൃത്വം നല്‍കുന്ന മോദി വിരുദ്ധ മതേതര ശക്തികളുമായി കൂട്ടുകൂടുകയും ചെയ്യണമെന്ന ആവശ്യത്തിന് തടയിട്ടുവരികയായിരുന്നു കേരളത്തിലെ സി.പി.എം ഘടകം. പാര്‍ട്ടിയിലെ മേല്‍ക്കൈ ഉപയോഗിച്ച് സീതാറാമും സംഘവും ഈ ലോബിയെ തള്ളിക്കൊണ്ടാണ് കോണ്‍ഗ്രസുമായി ധാരണ എന്ന നിബന്ധന അംഗീകരിപ്പിച്ചത്. എന്നിട്ടും പക്ഷേ പതിറ്റാണ്ടുകള്‍ പഴക്കമുള്ള അടങ്ങാത്ത പുളിച്ചുനാറിയ അന്ധമായ കോണ്‍ഗ്രസ് വിരോധം കേരള നേതാക്കളില്‍ തിളച്ചുമറിയുന്നതാണ് പാര്‍ട്ടി പത്രത്തിലൂടെ ചിന്തിപ്പുറത്തുചാടിയിരിക്കുന്നത്. ഏതെങ്കിലും കുട്ടി സഖാവാണ് രാഹുലിനെതിരെ ഇങ്ങനെ എഴുതിയതെങ്കില്‍ അത് ശ്രദ്ധയില്‍പെട്ടയുടന്‍ പിന്‍വലിച്ച് മാപ്പുപറയേണ്ട ബാധ്യത സി.പി.എം നേതൃത്വത്തിനുണ്ട്. മുന്‍ രാജ്യസഭാംഗം കൂടിയായ പി. രാജീവ് മല്‍സരിക്കുന്ന അതേ മണ്ഡലത്തിലെ ആസ്ഥാന മന്ദിരത്തില്‍നിന്നാണ് ഇത്തരമൊരു മുഖപ്രസംഗം അദ്ദേഹം പത്രാധിപരായ പത്രത്തില്‍ അച്ചടിച്ചുവരാനിടയായത്. അതിനെതിരെ ഒരുവാക്കുപോലും പ്രതികരിക്കാന്‍ രാജീവിലെ പാര്‍ട്ടി വിധേയത്വവും കോണ്‍ഗ്രസ് വിരോധവും അനുവദിച്ചില്ലെന്നത് ഏത് മതേതരമുറം കൊണ്ടുമറച്ചാലും മറയ്ക്കാനാകില്ല.

ബി.ജെ.പിയുടെയും സംഘ്പരിവാറിന്റെയും മുഖ്യശത്രുവായി മോദിയും കൂട്ടരും നിത്യേന അധിക്ഷേപിച്ചുകൊണ്ടിരിക്കുന്ന ഗാന്ധി കുടുംബത്തെയും രാഹുലിനെയും കേരളവും ഇന്ത്യ പൊതുവെയും ഇപ്പോള്‍ നെഞ്ചേറ്റിയിരിക്കുകയാണ്. അദ്ദേഹവും സഹോദരിയും മാതാവും ഇതര കോണ്‍ഗ്രസ് നേതാക്കളും ഈ പൊരിവെയിലത്തും ഓടിനടന്ന് രാജ്യത്തെ രക്ഷിക്കാന്‍ കഠിനപരിശ്രമം നടത്തുന്നത്കണ്ട് അഭിമാനഭരിതരാണ് കോണ്‍ഗ്രസ് പ്രവര്‍ത്തകരും ജനങ്ങളും. രണ്ട് കുടുംബാംഗങ്ങളെയും പ്രധാനമന്ത്രിമാരെയും രാഷ്ട്രത്തിന്‌വേണ്ടി ബലികൊടുത്ത പാര്‍ട്ടിയും കുടുംബവും എന്ന നിലക്കുകൂടിയാണത്. ആ പാരമ്പര്യത്തിന് നേരെ മുമ്പും സി.പി.എം ഇറ്റലിക്കാരിയെന്നു വിളിച്ച് കൊഞ്ഞനം കുത്തിയിട്ടുണ്ടെന്ന് അറിയാമെങ്കിലും ഈ അതിസന്നിഗ്ധ ഘട്ടത്തില്‍ അവരില്‍നിന്നും അതിന്റെ ഏതെങ്കിലും കോണില്‍നിന്നുപോലും രാഹുലിനെയും കുടുംബത്തെയും അവഹേളിക്കുന്ന പ്രസ്താവന അബദ്ധവശാല്‍പോലും പുറത്തുവരാന്‍ പാടില്ലായിരുന്നു. ലളിതമായി പറഞ്ഞാല്‍ സി.പി.എം ചെന്നുപെട്ടിരിക്കുന്ന ഊരാക്കുടുക്കില്‍നിന്ന് ചാടിരക്ഷപ്പെടാനുള്ള വെപ്രാളമായേ ഇതിനെ കാണാന്‍ കഴിയൂ. പക്ഷേ അവര്‍ അതിലൂടെ ചെയ്തിരിക്കുന്നത് രാജ്യത്തെ മതേതര ജനതയുടെ നേര്‍ക്ക് കാര്‍ക്കിച്ചുതുപ്പുകയാണ്. അതല്ലെങ്കില്‍ ഹിന്ദുക്കളെ ഭയന്ന് യു.പിയിലെ അമേഠിയില്‍നിന്ന് രാഹുല്‍ ഒളിച്ചോടിയെന്നതു പോലുള്ള വിടുവായത്തങ്ങളില്‍ സ്വയംഅഭിരമിച്ച് സ്വന്തം കുഴി തോണ്ടുക മാത്രമേ സി.പി.എമ്മിന് ഇനി കരണീയമുള്ളൂ.

Related Topics:cpm terror rahul gandhi Rahul in Wayanad

Up Next

രാഹുല്‍ വരുമ്പോള്‍ സംഘിക്കും സഖാവിനും ഒരേ സ്വരം

Don't Miss

രമ്യ ഹരിദാസിനെതിരെ അശ്ലീല പരാമര്‍ശവുമായി എല്‍.ഡി.എഫ് കണ്‍വീനര്‍ എ.വിജയരാഘവന്‍

Click to comment

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

2 days ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

3 days ago

April 23, 2024

webdesk13

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

4 days ago

April 22, 2024

webdesk13

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.