Connect with us

Video Stories

തിരിച്ചടിക്കുന്ന സര്‍ജിക്കല്‍ സ്‌ട്രൈക്ക്

Published

on

കെ.പി ജലീല്‍

രാജ്യത്തെ അഞ്ഞൂറ്, ആയിരം രൂപ നോട്ടുകള്‍ പിന്‍വലിച്ച നരേന്ദ്രമോദിയുടെ ‘സര്‍ജിക്കല്‍ സ്‌ട്രൈക്ക്’ ഇന്ത്യയിലെ ജനങ്ങളിലേക്കുതന്നെ തിരിച്ചടിക്കുകയാണ്. നോട്ടു റദ്ദാക്കല്‍ നടപടി വന്‍ പരാജയമെന്ന് വ്യക്തമാകുന്നതാണ് കഴിഞ്ഞ ദിവസം പുറത്തുവന്ന ബാങ്കിങ് വൃത്തങ്ങളില്‍ നിന്നുള്ള അനൗദ്യോഗിക കണക്കുകള്‍ . ഇതുപ്രകാരം പിന്‍വലിച്ച 15.4 ലക്ഷം കോടിയുടെ നോട്ടുകളില്‍ 97 ശതമാനവും ബാങ്കുകളിലെത്തിയതായാണ് ബാങ്കിങ് വൃത്തങ്ങളെ ഉദ്ധരിച്ച് സര്‍ക്കാരിന്റെ തന്നെ ഔദ്യോഗിക വാര്‍ത്താ ഏജന്‍സിയായ പ്രസ് ട്രസ്റ്റ് ഓഫ് ഇന്ത്യ വെളിപ്പെടുത്തിയിരിക്കുന്നത്. ഇന്ത്യയിലെ കള്ളപ്പണം രണ്ടു ശതമാനം മാത്രമേ ഉള്ളൂ എന്ന് പലരും നേരത്തെ തന്നെ ചൂണ്ടിക്കാട്ടിയിരുന്നതാണ്. 15.4 ലക്ഷം കോടിയില്‍ 14.97 ലക്ഷം കോടി രൂപ ബാങ്കുകളില്‍ തിരിച്ചെത്തിയെന്നാണ് ഇതുമായി ബന്ധപ്പെട്ടവരില്‍ നിന്നായി വാര്‍ത്താ ഏജന്‍സി വ്യക്തമാക്കിയിരിക്കുന്നത്. ഇതോടെ കള്ളപ്പണം രാജ്യത്തുള്ളത് വെറും അമ്പതിനായിരം കോടിയില്‍ താഴെയാണെന്നാണ് വ്യക്തമാകുന്നത്. ഇത് പിടിച്ചെടുത്തില്ലെങ്കില്‍ തന്നെയും സര്‍ക്കാരിനോ രാജ്യത്തിനോ കാര്യമായ ഒരു കോട്ടവും വരാന്‍ പോകുന്നതാവില്ല. ഒന്നര മാസത്തിനകം ഏതാണ്ട് 4200 കോടി രൂപയുടെ കള്ളപ്പണം പിടിച്ചെടുത്തതായി ആദായ നികുതി വിഭാഗം വെളിപ്പെടുത്തിയിട്ടുമുണ്ട്. എന്നാലിതുവരെയും റിസര്‍വ് ബാങ്ക് ഔദ്യോഗികമായി കണക്കുകളൊന്നും വെളിപ്പെടുത്തിയിട്ടില്ല എന്നത് പദ്ധതി പരാജയപ്പെട്ടതായി സമ്മതിക്കുന്നുവെന്നതിന്റെ തെളിവാണ്. പാര്‍ലമെന്ററി സമിതിയില്‍ നല്‍കിയ വിവരമനുസരിച്ച് സര്‍ക്കാര്‍ തലേന്ന് നല്‍കിയ നിര്‍ദേശം നടപ്പാക്കുക മാത്രമാണ് ചെയ്തതെന്നാണ് റിസര്‍വ് ബാങ്ക് ഗവര്‍ണര്‍ ഉര്‍ജിത് പട്ടേല്‍ കൈമലര്‍ത്തുന്നത്. ഇന്നലെ പോലും മാധ്യമ പ്രവര്‍ത്തകരുടെ ചോദ്യങ്ങളില്‍ നിന്ന് ഒളിച്ചോടാന്‍ അദ്ദേഹം കാട്ടിയ തിടുക്കം കുനിയാന്‍ പറയുമ്പോള്‍ നിലത്തിഴയുന്ന വിധേയനെയാണ് വെളിച്ചത്താക്കിയത്. ഇന്ത്യന്‍ റിസര്‍വ് ബാങ്കിന്റെ വിശ്വാസ്യതയെയാണ് സത്യത്തില്‍ മോദിയും പട്ടേലും ചേര്‍ന്ന് പൊളിച്ചടുക്കിയിരിക്കുന്നത്.
രാജ്യത്തെ 85 ശതമാനം പണമാണ് പ്രധാനമന്ത്രി ജനങ്ങളില്‍ നിന്ന് ഒറ്റയടിക്ക് ‘കൊള്ളയടി’ച്ചത്. അമ്പതു ദിവസം കഴിയുമ്പോള്‍ എല്ലാം ശരിയാകുമെന്നും രാജ്യത്തെ അഞ്ചു ലക്ഷം മുതല്‍ മൂന്നു ലക്ഷം വരെ കള്ളപ്പണം തിരിച്ചുവരില്ലെന്നും അതുവഴി രാജ്യത്ത് നല്ല കറന്‍സികള്‍ മാത്രം പ്രചാരത്തിലാവുമെന്നും കള്ളപ്പണക്കാരെ കുടുക്കാനാവുമെന്നുമായിരുന്നു പ്രധാന മന്ത്രിയുടെയും ഭരണ കക്ഷിക്കാരുടെയും വാഗ്ദാനങ്ങള്‍. എന്നാല്‍ ഇതെല്ലാം വീണ്‍വാക്കുകളായെന്നാണ് പുതിയ വിവരങ്ങള്‍ ജനങ്ങള്‍ക്ക് നല്‍കുന്ന സൂചന. ഇതിലൂടെ രാജ്യത്തെ പകുതിയോളം വരുന്ന സാധാരണക്കാരും പാവങ്ങളുമാണ് വെട്ടിലാകുന്നത്. പണക്കാര്‍ക്ക് ഒരു വിധ ബുദ്ധിമുട്ടുകളും ഏല്‍ക്കേണ്ടിവരുന്നില്ല.
അമ്പത് ദിവസം പിന്നിട്ടശേഷം ഡിസംബര്‍ 31ലെ പുതുവര്‍ഷ സന്ധ്യയില്‍ പ്രധാനമന്ത്രി നടത്തിയ രണ്ടാമത്തെ ദേശീയപ്രഭാഷണത്തില്‍ നോട്ടു ബന്ധനത്തെയും എത്ര രൂപ ബാങ്കിലേക്ക് വന്നുവെന്നതിനെക്കുറിച്ചും ഒന്നും പറയാതിരുന്നതിലെ ദുരൂഹത ഇപ്പോള്‍ വ്യക്തമാകുകയാണ്. കഴിഞ്ഞ ഡിസംബര്‍ 13ന് 12.44 ലക്ഷം കോടി രൂപ ബാങ്കുകളില്‍ പഴയ നോട്ടുകളായി തിരിച്ചെത്തിയെന്നായിരുന്നു ഡിസംബര്‍ 19ന് റിസര്‍വ് ബാങ്ക് രാജ്യത്തെ ജനങ്ങളോട് വെളിപ്പെടുത്തിയിരുന്നത്. വെറും ഒരു മാസവും അഞ്ചു ദിവസവും കൊണ്ട് മുക്കാല്‍ പങ്ക് നോട്ടുകളും തിരിച്ചെത്തിയെന്ന് വെളിപ്പെടുത്തപ്പെട്ടതോടെ തന്നെ പദ്ധതി പാളിയെന്ന് സൂചനകളുണ്ടായിരുന്നു. എന്നാലും പ്രധാനമന്ത്രി തന്നെ ഇക്കാര്യം വെളിപ്പെടുത്തുമെന്നായിരുന്നു ജനങ്ങളുടെ പ്രതീക്ഷ. ഇത് മന:പൂര്‍വം മറച്ചുവെക്കുകയായിരുന്നു മോദിയെന്നാണ് ഇപ്പോള്‍ പകല്‍ പോലെ തെളിയുന്നത്. ദിവസമെന്നോണം മാറിമറിഞ്ഞുവന്ന ഉത്തരവുകള്‍ മാത്രം മതി ദീര്‍ഘദൃഷ്ടിയില്ലാത്തതായിരുന്നു നടപടിയെന്ന് വ്യക്തമാകാന്‍. രണ്ടു മാസമായിട്ടും നോട്ടു നിയന്ത്രണങ്ങള്‍ പിന്‍വലിക്കാന്‍ കഴിഞ്ഞിട്ടില്ലെന്നുമാത്രമല്ല, പ്രതിസന്ധി എപ്പോള്‍ തീരുമെന്ന് ഉറപ്പു നല്‍കാതെ ഒഴിഞ്ഞുമാറുകയാണ് അധികൃതരെലല്ലാം.അതുകൊണ്ടാണ് ഇപ്പോള്‍ കാര്‍ഡ് സംവിധാനത്തേക്ക് മാറാനുള്ള ഉപദേശം. ധനകാര്യമന്ത്രി അരുണ്‍ജെയ്റ്റ്‌ലിക്കുപോലും കാര്യങ്ങളുടെ നിയന്ത്രണമില്ലെന്ന തോന്നലാണ് ജനങ്ങളിലുണ്ടാക്കിയത്. കാലാവധിക്കുശേഷവും ജെയ്റ്റിലി പറഞ്ഞത് എത്ര രൂപ ബാങ്കില്‍ തിരിച്ചെത്തിയെന്ന് പറയാന്‍ കഴിയില്ലെന്നായിരുന്നു.
തെരഞ്ഞെടുക്കപ്പെട്ട ഒരു സര്‍ക്കാര്‍ ജനങ്ങളോട് ചെയ്ത കൊടും ക്രൂരതയാണ് ഫലത്തില്‍ നോട്ടു ബന്ധനത്തിലൂടെ നടത്തിയിരിക്കുന്നത്. പിന്‍വലിച്ചതിന്റെ പകുതിയിലധികം നോട്ട് മാത്രമേ ഇതിനകം സര്‍ക്കാര്‍ പ്രസുകളില്‍ അച്ചടിക്കാനായിട്ടുള്ളൂ. എട്ടു ലക്ഷം കോടി രൂപയാണ് 2000 രൂപയുടെയും അഞ്ഞൂറ് രൂപയുടെയും നോട്ടുകളായി അച്ചടിച്ചിരിക്കുന്നത്. ഇതില്‍ നാലിലൊന്നുമാത്രമാണ് 500 രൂപയുടേത്. നോട്ടച്ചടിക്കുന്നതിനുള്ള പേപ്പറും മഷിയും ഇല്ലെന്നതും സര്‍ക്കാരിന് നാല് പ്രസുകള്‍ മാത്രമേ രാജ്യത്തുള്ളൂ എന്നതുമാണ് കാരണം. ഇതിനുപുറമെയാണ് അച്ചടിച്ച നോട്ടുകളുടെ പിശകുകള്‍.
നടപടിയിലൂടെ ജനങ്ങളുടെയും സമ്പദ് രംഗത്തിന്റെയും ഇടപാടുകള്‍ നിലച്ചിരിക്കുന്ന അവസ്ഥയാണുണ്ടായിരിക്കുന്നത്. പണമില്ലാതെ തൊഴില്‍മേഖല തകര്‍ന്നുതരിപ്പണമായിരിക്കുന്നു. ചെറുകിട വ്യാപാരികളും വ്യവസായികളും തൊഴിലാളികളും മാന്ദ്യത്തിന്റെ കരാളഹസ്തങ്ങളിലായിരിക്കുന്നു. കര്‍ഷകര്‍ ആവശ്യത്തിന് പണം ലഭിക്കാതെ വിളകള്‍ കുറഞ്ഞ വിലക്ക് വില്‍ക്കുകയോ റോഡില്‍ തള്ളുകയോ ചെയ്യുന്നു. സൂററ്റ്, മഥുര, തിരുപ്പൂര്‍ തുടങ്ങിയ ലക്ഷക്കണക്കിന് പാവപ്പെട്ടവരുടെ തൊഴിലിടങ്ങളില്‍ നിന്ന് തൊഴിലാളികള്‍ പണിയില്ലാതെ ഗ്രാമങ്ങളിലേക്ക് തിരിച്ചുപോയിരിക്കുന്നു. കേരളത്തിലെ 25 ലക്ഷത്തിലധികം വരുന്ന ബംഗാളികളും ബീഹാറികളും നാടുപിടിച്ചു. ഗ്രാമങ്ങളില്‍ പട്ടിണിയുടെ വിളയാട്ടം കണ്ടു തുടങ്ങി. ഇതുമൂലം ഉണ്ടായ നഷ്ടം ശത കോടികള്‍ വരും. ആകെയുണ്ടായിരിക്കുന്ന നേട്ടം 15 ശതമാനത്തിന്റെ അധിക ആദായ നികുതി കിട്ടിയെന്നതു മാത്രമാണ്. രാജ്യത്തിന് സംഭവിച്ചിരിക്കുന്ന വന്‍ ദുരന്തം കണക്കിലെടുക്കുമ്പോള്‍ ഇത് എത്രയോ തുച്ഛവും. രാജ്യത്തിന്റെ മൊത്ത ആഭ്യന്തരഉല്‍പാദനത്തിലും കോടികളുടെ കുറവാണ് ഉണ്ടാകാന്‍ പോകുന്നത്.
ഇനി നാലു മാസമെടുത്തു മാത്രമേ ഇത്രയും നോട്ടുകള്‍ അച്ചടിക്കാന്‍ കഴിയൂ എന്നാണ് വിദഗ്ധര്‍ പറയുന്നത്. നോട്ട് അച്ചടിക്കുന്നതിനും അവയുടെ വിതരണത്തിനുമായി 1.25 ലക്ഷം കോടി രൂപയോളം ചെലവു വരുമെന്നാണ് കണക്കാക്കുന്നത്. ഇതുകൂടി നോക്കുമ്പോള്‍ രാജ്യം പ്രമുഖ സാമ്പത്തിക വിദഗ്ധര്‍ പ്രവചിച്ച പോലെ വന്‍ തോതിലുള്ള സാമ്പത്തിക മാന്ദ്യത്തിലാകും ചെന്നെത്തുക. രാജ്യങ്ങളെല്ലാം സാമ്പത്തിക കുതിപ്പിനും പണം പരമാവധി വിപണിയില്‍ വിതരണത്തിനുമാണ് ശ്രമിക്കുന്നതെന്ന് വരികെ എന്തുകൊണ്ടാണ് മോദി ഈ സാഹസത്തിനു മുതിര്‍ന്നതെന്നാണ് ആശങ്കപ്പെടുന്നത്. ബാങ്കുകളില്‍ പരമാവധി പണം എത്തിക്കുകയാണ് ലക്ഷ്യമെന്നാണെങ്കില്‍ ഇതുകൊണ്ട് എന്തു നേട്ടമാണ് ഉണ്ടാകാന്‍ പോകുന്നത്. കുത്തക വ്യവസായികള്‍ കോടിക്കണക്കിന് രൂപ വായ്പയായും സബ്‌സിഡിയായും വാങ്ങിയെടുത്തുകൊണ്ടുപോയി കിട്ടാക്കടം വരുത്തി രാജ്യത്തെ കടക്കെണിയിലേക്ക് തള്ളിവിടുകയാണ് ഇതുകൊണ്ട് സംഭവിക്കാന്‍ പോകുന്നത്. ധനകാര്യ വര്‍ഷത്തിന്റെ മൂന്നാമത്തെ ക്വാര്‍ട്ടറില്‍ രണ്ടര ലക്ഷം കോടിയുടെ പദ്ധതികള്‍ പകുതിയായി കുറയുമെന്ന് ‘സെന്റര്‍ ഫോര്‍ ഇന്ത്യന്‍ എക്കണോമി’യിലെ വിദഗ്ധര്‍ ചൂണ്ടിക്കാട്ടുന്നു.
സാമ്പത്തിക വിദഗ്ധന്‍ പ്രൊഫ. അരുണ്‍കുമാര്‍ പറയുന്നതനുസരിച്ച് രാജ്യം വലിയ മണ്ടത്തരത്തിന് വിധേയമായിരിക്കുകയാണ്. രാജ്യത്തും പുറത്തും ഇന്ത്യയെ സ്‌നേഹിക്കുന്ന നിരവധി സാമ്പത്തിക വിദഗ്ധരുണ്ടായിരിക്കെ എന്തുകൊണ്ടാണ് ഇവരോടൊന്നും കൂടിയാലോചിക്കാതെ ഇത്തരമൊരു മണ്ടത്തരത്തിന് പ്രധാനമന്ത്രി തയ്യാറായതെന്നാണ് അദ്ദേഹം ചോദിക്കുന്നത്. മാത്രമല്ല, കള്ളപ്പണം എന്നത് ഗുണപരമായും സാമ്പത്തിക രംഗത്ത് സ്വാധീനം ചെലുത്തുന്നതാണെന്ന് ഇതേക്കുറിച്ച് പഠനം നടത്തിയ പ്രൊഫ. അരുണ്‍കുമാര്‍ പറയുന്നു. ഒരാള്‍ റിയല്‍ എസ്റ്റേറ്റില്‍ പണം ചെലവഴിക്കുമ്പോള്‍ കള്ളപ്പണവും വെള്ളപ്പണവും രണ്ടും ചേര്‍ന്ന് അത് സമ്പദ് വ്യവസ്ഥയില്‍ ഇഴുകിച്ചേരുന്നുവെന്നാണ് അദ്ദേഹം വിശദീകരിക്കുന്നത്. പിന്‍വലിച്ചതോടെ ലക്ഷം കോടികള്‍ ബാങ്കിലെത്തിയെങ്കിലും അതുകൊണ്ട് രാജ്യത്തെ സമ്പദ് രംഗത്തിന് ഇനി പ്രയോജനകരമാവില്ല.
നാലര ലക്ഷം കോടി കള്ള നോട്ടാണെന്ന വാദമാണ് ഇപ്പോള്‍ ചിലര്‍ ഉയര്‍ത്തുന്നത്. നോട്ടു നിരോധിച്ചില്ലെങ്കില്‍ തന്നെയും ആദായ നികുതി വകുപ്പിന്റെയും മറ്റും നേതൃത്വത്തില്‍ കള്ളപ്പണം അഥവാ ഡെഡ്മണി പിടിച്ചെടുക്കാമായിരുന്നു. ഇതിന് തയ്യാറായെങ്കിലും വകുപ്പിന് വേണ്ടത്ര ഉദ്യോഗസ്ഥരും ജീവനക്കാരുമില്ലാത്തതുമൂലമാണ് കഴിഞ്ഞ കാലങ്ങളില്‍ അത് നടക്കാതെ പോയത്. ഇപ്പോള്‍ പിടിച്ചെടുക്കപ്പെട്ട കള്ളപ്പണമാകട്ടെ ഇനി കേസും കൂട്ടവുമായി ഏറെ നാള്‍ കഴിഞ്ഞേ ഉപയോഗിക്കാനുമാവൂ. പലതും തിരിച്ചുകൊടുക്കേണ്ട അവസ്ഥയും വന്നേക്കും. മതിയായ തെളിവില്ലാതെയാണ് തന്റെ വീട്ടിലും ഓഫീസിലും ആദായ നികുതി ഉദ്യോഗസ്ഥര്‍ റെയ്ഡ് നടത്തിയതെന്നാണ് തമിഴ്‌നാട് ചീഫ് സെക്രട്ടറി രാമമോഹനറാവു പറയുന്നത്.
അച്ചടിച്ച് മുഴുവന്‍ പണവും തിരിച്ചുവന്ന് ജനങ്ങള്‍ അവ ഉപയോഗിച്ചുതുടങ്ങാനും മാനസികമായി ഇനിയവര്‍ തയ്യാറാകുമോ എന്ന സംശയവും നിലനില്‍ക്കുന്നുണ്ട്. പലരും പണം വീടുകളില്‍ ഇപ്പോള്‍ തന്നെ ഡെഡ് മണിയായി സൂക്ഷിച്ചു തുടങ്ങിയിട്ടുണ്ട്. രാജ്യത്തെ പകുതിയോളം പേരെങ്കിലും 2000 രൂപയുടെ ഒരു നോട്ടുതന്നെ വീടുകളില്‍ സൂക്ഷിച്ചാല്‍ മാത്രം ഒന്നര ലക്ഷം കോടിയോളം രൂപ ആയിനത്തില്‍ മാത്രം വൃഥാവിലാകും. ഇതുകൂടാതെ ചില്ലറ നോട്ട് അടിക്കാനും സമയമേറെ എടുക്കേണ്ടിവരും. അമേരിക്കയും യൂറോപ്പുമൊക്കെ കള്ളപ്പണത്തിന്റെ ശല്യം പേറുന്നവരായിട്ടും ഇത്തരമൊരു സാഹസത്തിന് മുതിര്‍ന്നിട്ടില്ല. മാത്രമല്ല കള്ളപ്പണം എന്നത് ബഹുഭൂരിപക്ഷവും നോട്ടിലൂടെ ശേഖരിച്ചുവെക്കുന്നതല്ല എന്ന തിരിച്ചറിവു കൂടിയാണ് ഇന്ത്യ നല്‍കുന്ന പാഠം. ഇന്ത്യയില്‍ നിന്ന് വന്‍കിട കുത്തകകള്‍ വഴി 80 ലക്ഷം കോടി രൂപ പുറത്തേക്ക് ഒഴുകിയിട്ടുണ്ടെന്ന് പറയുമ്പോഴും അതൊന്നും പണമായല്ല എന്നാണ് വ്യക്തമാകുന്നത്. ഏറ്റവും ഒടുവില്‍ പ്രവാസികളുടെ കയ്യിലുള്ള പഴയ നോട്ടുകള്‍ മാറാന്‍ കഴിയില്ലെന്ന അവസ്ഥ കൂടി വരുത്തിയത് ഇനിയും പണം തിരിച്ചെത്തരുതെന്ന് കരുതിയാണോ എന്നും സംശയിക്കണം.
ഇതൊക്കെ മുന്‍ പ്രധാനമന്ത്രി ഡോ. മന്‍മോഹന്‍സിങ് ചൂണ്ടിക്കാട്ടിയ പോലെ, ദൂരവ്യാപകമായ പ്രത്യാഘാതങ്ങള്‍ രാജ്യത്തെ ജനങ്ങളുടെ മേല്‍ അടിച്ചേല്‍പിക്കപ്പെടും എന്നേ പറയാനുള്ളൂ. ഇതിലൂടെ അപ്രമാദിത്വം ചമയുന്ന മോദിക്ക് താല്‍ക്കാലികമായി നേട്ടമുണ്ടാകാമെങ്കിലും പാര്‍ട്ടിയുടെയും ജനങ്ങളുടെയും ഭാഗത്തുനിന്നുള്ള വന്‍ പ്രതിഷേധത്തെ നേരിടാന്‍ കഴിയാതെ ഒളിച്ചോടേണ്ട അവസ്ഥയാകും സംഭവിക്കുക. എന്തു ശിക്ഷ വേണമെങ്കിലും തന്നോളൂ എന്ന മോദിയുടെ വാക്കുകള്‍ അറംപറ്റാനുള്ള സാധ്യതയും വിദൂരമല്ല.

Continue Reading
Advertisement
Click to comment

Leave a Reply

Your email address will not be published. Required fields are marked *

Health

ജാഗ്രത വേണമെന്ന് ആരോഗ്യവകുപ്പ് വേനല്‍ കനത്തതോടെ ചിക്കന്‍ പോക്‌സ് പടരുന്നു

സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം.

Published

on

തിരുവനന്തപുരം: സംസ്ഥാനത്ത് ചൂട് തുടരുന്ന സാഹചര്യത്തില്‍ ചിക്കന്‍ പോക്സിനെതിരെ ജാഗ്രത പാലിക്കണമെന്ന് ആരോഗ്യ വകുപ്പ്. സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം. ശിശുക്കള്‍, കൗമാരപ്രായക്കാര്‍, മുതിര്‍ന്നവര്‍, ഗര്‍ഭിണികള്‍, പ്രതിരോധശേഷി കുറഞ്ഞവര്‍, കാന്‍സര്‍ ബാധിതര്‍, അവയവമാറ്റ ശസ്ത്രക്രിയ കഴിഞ്ഞവര്‍, കീമോതെറാപ്പി, സ്റ്റീറോയിഡ് മരുന്നുകള്‍ ഉപയോഗിക്കുന്നവര്‍, ദീര്‍ഘകാലമായി ശ്വാസകോശ/ ത്വക്ക് രോഗമുള്ളവര്‍ എന്നിവര്‍ക്ക് രോഗം ഗുരുതരമാകാന്‍ സാധ്യതയുള്ളതിനാല്‍ പ്രത്യേകം ശ്രദ്ധിക്കണം.

എന്താണ് ചിക്കന്‍ പോക്സ്

വേരിസെല്ലാ സോസ്റ്റര്‍ എന്ന വൈറസ് മൂലമുളള പകര്‍ച്ചവ്യാധിയാണ് ചിക്കന്‍ പോക്സ്. ഇതുവരെ ചിക്കന്‍ പോക്സ് വരാത്തവര്‍ക്കോ, വാക്സിന്‍ എടുക്കാത്തവര്‍ക്കോ ഈ രോഗം വരാന്‍ സാധ്യതയുണ്ട്.
രോഗപ്പകര്‍ച്ച

ചിക്കന്‍ പോക്സ്, ഹെര്‍പ്പിസ് സോസ്റ്റര്‍ രോഗമുളളവരുമായി അടുത്ത സമ്പര്‍ക്കത്തിലൂടെയും കുമിളകളിലെ സ്രവങ്ങളിലൂടെയും ചുമ, തുമ്മല്‍ എന്നിവയിലൂടെയുള്ള കണങ്ങള്‍ ശ്വസിക്കുന്നത് വഴിയും ചിക്കന്‍ പോക്സ് ബാധിക്കാം. ശരീരത്തില്‍ കുമിളകള്‍ പൊന്തി തുടങ്ങുന്നതിന് രണ്ട് ദിവസം മുന്‍പ് മുതല്‍ അവ ഉണങ്ങുന്നതു വരെ രോഗം പകരാം. 10 മുതല്‍ 21 ദിവസം വരെ രോഗലക്ഷണങ്ങള്‍ പ്രകടമാകും.

രോഗ ലക്ഷണങ്ങള്‍

പനി, ക്ഷീണം, ശരീരവേദന, വിശപ്പില്ലായ്മ, തലവേദന, ശരീരത്തില്‍ കുമിളകള്‍ എന്നിവയാണ് രോഗ ലക്ഷണങ്ങള്‍. മുഖം, ഉദരഭാഗം, നെഞ്ച്, പുറം, കൈകാലുകള്‍ എന്നിവിടങ്ങളില്‍ തടിപ്പുകളായി ആരംഭിച്ച് പിന്നീട് വെള്ളം കെട്ടിനില്‍ക്കുന്ന കുമിളകള്‍ വന്ന് നാലു മുതല്‍ ഏഴ് ദിവസത്തിനുള്ളില്‍ അവ പൊട്ടുകയോ ഉണങ്ങുകയോ ചെയ്യും.

കൂടുതല്‍ ശ്രദ്ധിക്കേണ്ടത്

4 ദിവസത്തില്‍ കൂടുതലുളള പനി, കഠിനമായ പനി, കുമിളകളില്‍ കഠിനമായ വേദന/ പഴുപ്പ്, അമിതമായ ഉറക്കം, ആശയകുഴപ്പം, സംഭ്രമാവസ്ഥ, നടക്കാനുള്ള ബുദ്ധിമുട്ട്, കഴുത്ത് വേദന, അടിക്കടിയുളള ഛര്‍ദ്ദില്‍, ശ്വാസംമുട്ട്, കഠിനമായ ചുമ, കഠിനമായ വയറുവേദന, രക്തസ്രാവം എന്നീ രോഗ ലക്ഷണങ്ങള്‍ കാണുന്നെങ്കില്‍ വളരെ ശ്രദ്ധിക്കണം. ഇവ ചിക്കന്‍ പോക്സിന്റെ സങ്കീര്‍ണതകളായ ന്യുമോണിയ, മസ്തിഷ്‌കജ്വരം, കരള്‍ വീക്കം, സെപ്സിസ് തുടങ്ങിയവയുടെ ലക്ഷണങ്ങളായതിനാല്‍ എത്രയും വേഗം ചികിത്സ തേടേണ്ടതാണ്.

രോഗം വന്നാല്‍ ശ്രദ്ധിക്കേണ്ടവ

വായു സഞ്ചാരമുളള മുറിയില്‍ പരിപൂര്‍ണമായി വിശ്രമിക്കുക. ധാരാളം വെളളം കുടിക്കുക. പഴവര്‍ഗങ്ങള്‍ കഴിക്കുക. മറ്റുളളവരുമായി നേരിട്ടുള്ള സമ്പര്‍ക്കം ഒഴിവാക്കുക. രോഗി ഉപയോഗിച്ച വസ്ത്രങ്ങളും മറ്റ് വസ്തുക്കളും മറ്റുളളവരുമായി പങ്കിടരുത്. അവ ബ്ലീച്ചിംഗ് ലായനി പോലുള്ള അണുനാശിനി ഉപയോഗിച്ച് അണുവിമുക്തമാക്കുക. ചൊറിച്ചിലുള്ള ഭാഗത്ത് കലാമിന്‍ ലോഷന്‍ പുരട്ടുക. ശരീരം മൃദുവായ നനഞ്ഞ തുണി കൊണ്ട് ഇടയ്ക്കിടെ ഒപ്പിയെടുക്കുക.ചിക്കന്‍ പോക്സ് ചികിത്സയിലാണെങ്കിലും സ്ഥിരമായി ഉപയോഗിച്ചു കൊണ്ടിരിക്കുന്ന മരുന്നുകള്‍ ഒന്നും തന്നെ നിര്‍ത്തരുത്.

Continue Reading

india

അരവിന്ദ് കെജ്രിവാളിന്റെ അറസ്റ്റ്: മാര്‍ച്ച് 31ന് ഇന്ത്യ മുന്നണിയുടെ മഹാറാലി

മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

Published

on

ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി നേതാവുമായ അരവിന്ദ് കെജ്രിവാളിനെ എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തതില്‍ പ്രതിഷേധിച്ച് മഹാറാലിയുമായി ഇന്ത്യ മുന്നണി. മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

രാജ്യത്ത് പ്രധാനമന്ത്രി നരേന്ദ്ര മോദിയുടെ ഏകാധിപത്യമാണ്. പ്രതിപക്ഷ പാര്‍ട്ടികളെ തകര്‍ക്കാന്‍ പ്രധാനമന്ത്രി അന്വേഷണ ഏജന്‍സികളെ ഉപയോഗിക്കുന്നു. അറസ്റ്റ് മാത്രമല്ല ബി.ജെ.പി ചെയ്തത്. ആം ആദ്മി പാര്‍ട്ടിയുടെ ഓഫീസ് സീല്‍ ചെയ്യുകയുമുണ്ടായി. നേതാക്കള്‍ക്ക് പാര്‍ട്ടി ആസ്ഥാനത്ത് എത്താന്‍ പോലും സാധിച്ചില്ല.

രണ്ട് വര്‍ഷമായി ഡല്‍ഹി മദ്യനയ അഴിമതിയില്‍ അന്വേഷണം നടത്തിയിട്ടും ഒന്നും കണ്ടെത്തിയിട്ടില്ല. ഇലക്ടറല്‍ ബോണ്ട് വിവരങ്ങള്‍ പുറത്തുവന്നപ്പോള്‍ അഴിമതി പണം എവിടെപ്പോയെന്നു വ്യക്തമായതാണ്. ബി.ജെ.പിക്കാണ് എല്ലാ അഴിമതി പണവും ലഭിച്ചത്. ബി.ജെ.പി ഇലക്ടറല്‍ ബോണ്ടിലൂടെ അഴിമതി നടത്തുകയായിരുന്നുവെന്നും അദ്ദേഹം പറഞ്ഞു.

ജനാധിപത്യത്തെ സംരക്ഷിക്കാനുള്ള പോരാട്ടമാണിതെന്ന് കോണ്‍ഗ്രസ് നേതാവ് അരവിന്ദര്‍ സിങ് ലൗലി പറഞ്ഞു. പ്രതിപക്ഷ സഖ്യത്തിലെ എല്ലാ പാര്‍ട്ടികളും ഒറ്റക്കെട്ടാണ്. ഞായറാഴ്ച നടക്കുന്ന റാലിയില്‍ ഇന്ത്യ സഖ്യത്തിലെ മുതിര്‍ന്ന നേതാക്കള്‍ പങ്കെടുക്കും. രാജ്യത്തെ സംരക്ഷിക്കാനാണ് റാലി.

ജനാധിപത്യവും സ്വാതന്ത്ര്യവും അട്ടിമറിക്കപ്പെടുകയാണ്. കോണ്‍ഗ്രസിന്റെ ബാങ്ക് അക്കൗണ്ടുകള്‍ മരവിപ്പിച്ചു. മുഖ്യമന്ത്രിമാര്‍ അറസ്റ്റിലാകുന്നു. എല്ലാ വിഭാഗം ജനങ്ങളെയും റാലിയിലേക്ക് സ്വാഗതം ചെയ്യുകയാണെന്നും അരവിന്ദര്‍ സിങ് ലൗലി കൂട്ടിച്ചേര്‍ത്തു.

Continue Reading

kerala

സ്വർണവില 50,000ലേക്ക്; പവന് 800 രൂപയാണ് ഇന്ന് വർധിച്ചത്

ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി.

Published

on

സംസ്ഥാനത്ത് സ്വര്‍ണവില 50,000ലേക്ക്. ഓരോ ദിവസം കഴിയുന്തോറും റെക്കോര്‍ഡുകള്‍ ഭേദിച്ച് മുന്നേറുന്ന സ്വര്‍ണവില ഇന്ന് 49,000 കടന്നു. ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി. ഗ്രാമിന് 100 രൂപയാണ് വര്‍ധിച്ചത്. 6180 രൂപയാണ് ഒരു ഗ്രാം സ്വര്‍ണത്തിന്റെ വില.

ഈ മാസത്തിന്റെ തുടക്കത്തില്‍ 46,320 രൂപയായിരുന്നു സ്വര്‍ണവില. മൂന്നാഴ്ചയ്ക്കിടെ 3000 രൂപയിലധികമാണ് വര്‍ധിച്ചത്. ഒന്‍പതിന് 48,600 രൂപയായി ഉയര്‍ന്നാണ് ആദ്യം സര്‍വകാല റെക്കോര്‍ഡിട്ടത്. ചൊവ്വാഴ്ച 48,640 രൂപയായി ഉയര്‍ന്ന് റെക്കോര്‍ഡ് തിരുത്തി. ഈ റെക്കോര്‍ഡ് മറികടന്നാണ് ഇന്ന് സ്വര്‍ണവില പുതിയ ഉയരം കുറിച്ചത്.

Continue Reading

Trending