Connect with us

More

കിഡ്‌നി രോഗികളുടെ ദുരിതം പാര്‍ലമെന്റില്‍ ഉന്നയിച്ച് ഇ.ടി

Published

on

 
ന്യൂഡല്‍ഹി: രാജ്യത്തെ കിഡ്‌നി രോഗികളുടെ ദുരിതം പാര്‍ലമെന്റിന്റെ ശ്രദ്ധയില്‍പ്പെടുത്തി ഇ.ടി മുഹമ്മദ് ബഷീര്‍ എം.പി. രാജ്യത്ത് കിഡ്‌നി രോഗികളുടെ എണ്ണം ഭീതിജനകമായി വര്‍ധിച്ചതായും എന്നാല്‍ ചികിത്സാ സൗകര്യങ്ങള്‍ അപര്യാപ്തമാണെന്നും ലോക്‌സഭയില്‍ ആരോഗ്യവകുപ്പിന്റെ ചോദ്യോത്തര വേളയില്‍ ഇ.ടി ചൂണ്ടിക്കാട്ടി. 15 വര്‍ഷത്തിനുള്ളില്‍ കിഡ്‌നി രോഗികളുടെ എണ്ണം ഇരട്ടിയായി വര്‍ധിച്ചു. നൂറിന് പതിനേഴ് എന്ന നിലയിലാണ് ഇപ്പോള്‍ കിഡ്‌നി രോഗികളുടെ എണ്ണം. രണ്ടുലക്ഷത്തി ഇരുപതിനായിരം മുതല്‍ രണ്ടുലക്ഷത്തി എഴുപത്തി അയ്യായിരം വരെ രോഗികള്‍ പ്രതിവര്‍ഷം വൃക്കമാറ്റിവെക്കല്‍ ചികിത്സക്ക് വിധേയരാകുന്നു. ഓരോ വര്‍ഷവും ഡയാലിസിന് വിധേയരാവുന്ന രോഗികളുടെ എണ്ണത്തില്‍ 10 മുതല്‍ 15 % വരെ വര്‍ധനവുണ്ടാവുന്നുണ്ട്. പിഞ്ചു കുട്ടികളടക്കം രോഗ ബാധിതരാവുന്നു. ജില്ലാ ആസ്പത്രികളില്‍ രണ്ട് വര്‍ഷത്തിനുള്ളില്‍ രണ്ടായിരം പുതിയ ഡയാലിസിസ് കേന്ദ്രങ്ങള്‍ സ്ഥാപിക്കുമെന്ന് ആരോഗ്യ മന്ത്രാലയം വ്യക്തമാക്കിയിട്ടുണ്ട്. രോഗം വര്‍ധിച്ചതിന്റെ ഗൗരവം കണക്കിലെടുക്കുകയാണെങ്കില്‍ ഇത് ഒട്ടും പര്യാപ്തമല്ല. ദേശീയടിസ്ഥാനത്തില്‍ ഒരു കിഡ്‌നി രോഗ പ്രതിരോധ ചികിത്സാ പദ്ധതി നടപ്പാക്കാന്‍ സര്‍ക്കാര്‍ തയാറാവണം. അതോടൊപ്പം ഘട്ടംഘട്ടമായി കമ്മൂണിറ്റി ഹെല്‍ത്ത് സെന്ററുകളിലും ഇത് വ്യാപിപ്പിക്കണമെന്നും ഇ.ടി ആവശ്യപ്പെട്ടു. പ്രധാനമന്ത്രിയുടെ ഡയാലിസിസ് പദ്ധതി പ്രകാരം ചികിത്സക്ക് ജില്ലാ തലത്തില്‍ വ്യാപകമായ സഹായം ചെയ്യുമെന്നും ദാരിദ്ര രേഖക്ക് താഴെയുള്ളവര്‍ക്ക് സൗജന്യ ഡയാലിസ് ചെയ്ത് കൊടുക്കാന്‍ സൗകര്യമുണ്ടെന്നും ആരോഗ്യ മന്ത്രി ജെ.പി നദ്ദ മറുപടി നല്‍കി. സംസ്ഥാന സര്‍ക്കാറുകള്‍ ആവശ്യപ്പെടുന്ന പക്ഷം കമ്മൂണിറ്റി ഹെല്‍ത്ത് സെന്ററുകളിലും ഡയാലിസിസ് സെന്ററുകള്‍ സ്ഥാപിക്കാന്‍ നടപടിയെടുക്കുമെന്നും അദ്ദേഹം വ്യക്തമാക്കി. വര്‍ധിച്ച് വരുന്ന ന്യൂനപക്ഷ-ദളിത് പീഡനങ്ങള്‍ചര്‍ച്ച ചെയ്യണമെന്നാവശ്യപ്പെട്ട് ഇ.ടി മുഹമ്മദ് ബഷീര്‍ അടിയന്തിര പ്രമേയത്തിന് നോട്ടീസ് നല്‍കിയെങ്കിലും സ്പീക്കര്‍ അനുമതി നിഷേധിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

india

വ്യോമയാന സുരക്ഷാ പട്ടികയില്‍ ചരിത്ര നേട്ടം കൈവരിച്ച് ഇന്ത്യ

54 സ്ഥാനങ്ങള്‍ മറികടന്നാണ് ഇന്ത്യ പുതിയ നേട്ടം കൈവരിച്ചിരിക്കുന്നത്

Published

on

ഡല്‍ഹി: വ്യോമയാന സുരക്ഷാ റാങ്കിങ്ങില്‍ ചരിത്ര നേട്ടം കൈവരിച്ച് ഇന്ത്യ. ഇന്റര്‍നാഷണല്‍ സിവില്‍ ഏവിയേഷന്‍ ഓര്‍ഗനൈസേഷന്‍ നടത്തിയ സമഗ്ര സുരക്ഷാ ഓഡിറ്റില്‍ 48ാം സ്ഥാനമാണ് ഇന്ത്യ കരസ്ഥമാക്കിയിരിക്കുന്നത്. ചരിത്രത്തിലെ ഏറ്റവും കൂടിയ സ്‌കോറാണ് ഇന്ത്യ നേടിയിരിക്കുന്നത്.

ഇതിന് മുമ്പ് ഓഡിറ്റ് നടന്ന 2018ല്‍ 69.95 ശതമാനമായിരുന്നു സ്‌കോര്‍. നാലു വര്‍ഷം പിന്നിടുമ്പോള്‍ 85.49 ശതമാനമായി ഉയര്‍ന്നു. 2018ല്‍ 102ാം സ്ഥാനമായിരുന്നത് 54 സ്ഥാനങ്ങള്‍ മറികടന്നാണ് ഇന്ത്യ പുതിയ നേട്ടം കൈവരിച്ചിരിക്കുന്നത്. ഇന്ത്യക്ക് തൊട്ടുപിന്നിലാണ് ചൈന. 49ആം സ്ഥാനമാണ് ചൈനയുടെ റാങ്കിങ്. ഔദ്യോഗിക പ്രഖ്യാപനം ഉടന്‍ പുറത്ത് വിടുമെന്ന് ഡി.ജി.സി.ഐ. ഡയറക്ടര്‍ ജനറല്‍ അരുണ്‍ കുമാര്‍ പറഞ്ഞു.

Continue Reading

News

പിരിച്ചുവിടല്‍ വഴിയെ ഷെയര്‍ചാറ്റും; നൂറിലധികം ജീവനക്കാരെ പിരിച്ചുവിട്ടു

2300 ജീവനക്കാരില്‍ 100 ലധികം ജീവനക്കാരെയാണ് പിരിച്ചുവിടല്‍ ബാധിച്ചിരിക്കുന്നത്

Published

on

ഇന്ത്യന്‍ സോഷ്യല്‍ മീഡിയ കമ്പനിയായ ഷെയര്‍ചാറ്റും ജീവനക്കാരെ പിരിച്ചുവിടുന്നു. ഏകദേശം 5 ശതമാനത്തോളം ജീവനക്കാരെ ഇതിനോടകം പിരിച്ചുവിട്ടു. കമ്പനിയില്‍ ഏകദേശം 2300 ജീവനക്കാരാണ് ഉണ്ടായിരുന്നത്.

2300 ജീവനക്കാരില്‍ 100 ലധികം ജീവനക്കാരെയാണ് പിരിച്ചുവിടല്‍ ബാധിച്ചിരിക്കുന്നത്.
മോജ്, മോജ് ലൈറ്റ് പ്ലസ് തുടങ്ങിയ ആപ്ലിക്കേഷനുകളുടെ മാതൃ കമ്പനിയാണ് ഷെയര്‍ചാറ്റ്. നിലവില്‍ ഷെയര്‍ചാറ്റിന് ഇന്ത്യയില്‍ 400 ദശലക്ഷത്തിലധികം ഉപയോക്താക്കളുണ്ട്.

Continue Reading

kerala

സ്വരലയ കലാമണ്ഡലം രാമന്‍കുട്ടി നായര്‍ പുരസ്‌കാരം കലാമണ്ഡലം സരസ്വതിക്ക്

അമ്പതു വര്‍ഷത്തോളമായി അരങ്ങിലും കളരിയിലും അവര്‍ തെളിയിച്ച വൈദഗ്ദ്ധ്യവും കണക്കിലെടുത്താണ് പുരസ്‌കാരം

Published

on

കലാരംഗത്തെ സമഗ്ര സംഭാവനയ്ക്കുള്ള ഈ വര്‍ഷത്തെ സ്വരലയ കലാമണ്ഡലം രാമന്‍കുട്ടി നായര്‍ പുരസ്‌കാരത്തിനു കലാമണ്ഡലം സരസ്വതിയെ തെരഞ്ഞെടുത്തു. മോഹിനിയാട്ടം, ഭരതനാട്യം, കുച്ചുപ്പുടി തുടങ്ങിയ നൃത്തരൂപങ്ങളുടെ അവതരണത്തില്‍ അവര്‍ പ്രകടിപ്പിച്ച പ്രാവീണ്യവും നൃത്താചാര്യ എന്ന നിലയില്‍ അമ്പതു വര്‍ഷത്തോളമായി അരങ്ങിലും കളരിയിലും അവര്‍ തെളിയിച്ച വൈദഗ്ദ്ധ്യവും കണക്കിലെടുത്താണ് പുരസ്‌കാരം നല്‍കാന്‍ തീരുമാനിച്ചത്.

പദ്മശ്രീ കലാമണ്ഡലം ശിവന്‍ നമ്പൂതിരി , എന്‍.രാധാകൃഷ്ണന്‍ നായര്‍, കരിവെള്ളൂര്‍ മുരളി, അപ്പുകുട്ടന്‍ സ്വരലയം, എന്‍.എന്‍.കൃഷ്ണദാസ്, ടി.ആര്‍.അജയന്‍ എന്നിവരടങ്ങിയ പുരസ്‌കാര നിര്‍ണ്ണയ സമിതിയാണ് കലാണ്ഡലം സരസ്വതിക്ക് പുരസ്‌കാരം നല്‍കാന്‍ തീരുമാനിച്ചത്. 25000 രൂപയും പ്രശസ്തിപത്രവും പുരസ്‌കാരഫലകവും അടങ്ങിയതാണ് പുരസ്‌കാരം.

കേരള സംഗീത നാടക അക്കാദമി അവാര്‍ഡ്, നൃത്തനാട്യ പുരസ്‌കാരം, കലാമണ്ഡലം പുരസ്‌കാരം, റോട്ടറി പ്രൊഫഷണല്‍ എക്‌സലന്‍സ് അവാര്‍ഡ്, കലാദര്‍പ്പണം നാട്യശ്രീ പുരസ്‌കാരം എന്നിവക്ക് നേരത്തെ അര്‍ഹയായിട്ടുണ്ട്. സ്വരലയ നൃത്ത സംഗീതോത്സവ വേദിയില്‍ വെച്ച് ഡിസംബര്‍ 29ന് പൊതുമരാമത്തു വിനോദ സഞ്ചാര വകുപ്പ് മന്ത്രി പി.എ.മുഹമ്മദ് റിയാസ് പുരസ്‌കാരം സമര്‍പ്പിക്കും

Continue Reading

Trending