മഹീന്ദ്ര ആന്‍ഡ് മഹീന്ദ്രയുടെ ജനപ്രിയ എസ്യുവി മോഡലായ ഥാര്‍ ഒരു ലക്ഷം വില്‍പ്പന നാഴികക്കല്ല് പിന്നിട്ടു. 2020 ഒക്ടോബറില്‍ ആണ് മഹീന്ദ്ര രണ്ടാം തലമുറ ഥാര്‍ പുറത്തിറക്കിയത്. എത്തി മൂന്നു വര്‍ഷം തികയുന്നതിനിടെയാണ് ഥാറിന്റ ഈ നേട്ടം. ഓഫ്-റോഡിംഗ് പ്രേമികള്‍ക്കും നഗര ഡ്രൈവിംഗിനും ഇത് കാര്‍ നിര്‍മ്മാതാക്കളുടെ ഒരു ജനപ്രിയ ഓഫറായി മാറി. മഹീന്ദ്ര ഥാര്‍ എസ്യുവി നിലവില്‍ 4ഡബ്ളിയുഡി, ആര്‍ഡബ്ളിയുഡി കോണ്‍ഫിഗറേഷനുകളില്‍ പെട്രോള്‍, ഡീസല്‍ പവര്‍ട്രെയിന്‍ ഓപ്ഷനുകളില്‍ എത്തുന്നു. പവര്‍ട്രെയിന്‍ ഓപ്ഷനുകളില്‍ 2.0 ലിറ്റര്‍ പെട്രോള്‍, 2.2 ലിറ്റര്‍ ഡീസല്‍, 1.5 ലിറ്റര്‍ ഡീസല്‍ എഞ്ചിനുകള്‍ ഉള്‍പ്പെടുന്നു. ട്രാന്‍സ്മിഷന്‍ ഓപ്ഷനുകളില്‍ ആറ് സ്പീഡ് മാനുവല്‍, ഓട്ടോമാറ്റിക് യൂണിറ്റുകള്‍ ഉള്‍പ്പെടുന്നു. 10.55 രൂപ മുതല്‍ 16.78 ലക്ഷം രൂപ വരെയാണ് എസ്യുവിയുടെ എക്‌സ് ഷോറൂം വില. പെട്രോള്‍ യൂണിറ്റ് 150 ബിഎച്പി കരുത്തും 320 എന്‍എം ടോര്‍ക്കും ഉത്പാദിപ്പിക്കുന്നു. 2.2 ലിറ്റര്‍ ഡീസല്‍ എഞ്ചിന്‍ 130 ബിഎച്പി കരുത്തും 300 ചാ ടോര്‍ക്കും സൃഷ്ടിക്കുന്നു. ചെറിയ 1.5 ലിറ്റര്‍ ഡീസല്‍ എഞ്ചിന്‍ 117 ബിഎച്പി കരുത്തും 300 എന്‍എം ടോര്‍ക്കും ഉത്പാദിപ്പിക്കും. ഉയര്‍ന്ന ഡിമാന്‍ഡ് കാരണം, മഹീന്ദ്ര ഥാര്‍ 2ഡബ്ല്യുഡിക്ക് ഡീസല്‍ ട്രിമ്മുകള്‍ക്കായി 17 മാസം വരെ നീണ്ട കാത്തിരിപ്പ് സമയമുണ്ട്. അതേസമയം പെട്രോള്‍ പതിപ്പ് വളരെ വേഗത്തില്‍ ലഭ്യമാകും.

കോംപസിന്റെ പെട്രോള്‍ മോഡല്‍ പിന്‍വലിച്ച് ജീപ്പ് ഇന്ത്യ. 1.4 ലിറ്റര്‍ ടര്‍ബോ ചാര്‍ജ്ഡ് പെട്രോള്‍ എന്‍ജിന്‍ മോഡലിന്റെ നിര്‍മാണമാണ് കമ്പനി അവസാനിപ്പിച്ചത്. ബിഎസ് 6 ഫെയ്സ് 2 മലിനീകരണ മാനദണ്ഡത്തിലേക്ക് ഉയര്‍ത്താത്തതാണ് പെട്രോള്‍ എന്‍ജിന്‍ പിന്‍വലിക്കാന്‍ കാരണം. കഴിഞ്ഞ വര്‍ഷം അവസാനം പെട്രോള്‍ മാനുവല്‍ വകഭേദത്തിന്റെ ഉത്പാദനം ജീപ്പ് നിര്‍ത്തിയിരുന്നു. ഡിസിടി ഓട്ടമാറ്റിക് ഗിയര്‍ബോക്സുമായി എത്തുന്ന കോംപസിന്റെ നിര്‍മാണമാണ് ഇപ്പോള്‍ അവസാനിപ്പിച്ചത്. ഇന്ത്യയില്‍ ജീപ്പ് കോംപസിന്റെ വില്‍പനയുടെ 50 ശതമാനവും പെട്രോള്‍ മോഡലായിരുന്നു. രാജ്യാന്തര വിപണിയില്‍ 1.4 ലിറ്റര്‍ ടര്‍ബോ പെട്രോള്‍ എന്‍ജിന്‍ നേരത്തെ തന്നെ നിര്‍ത്തലാക്കിയിരുന്നു. ഇന്ത്യന്‍ വിപണിക്ക് വേണ്ടി മാത്രം 1.4 ലിറ്റര്‍ എന്‍ജിന്‍ ബിഎസ് 6 ഫെയ്സ് 2 മലിനീകരണ മാനദണ്ഡത്തിലേക്ക് ഉയര്‍ത്തുന്നത് ലാഭകരമായിരിക്കില്ല എന്ന ചിന്തയാണ് പെട്രോള്‍ എന്‍ജിന്‍ മോഡല്‍ നിര്‍ത്താന്‍ കമ്പനിയെ നിര്‍ബന്ധിതരാക്കിയത്. 2026ല്‍ എത്തുന്ന ജീപ്പ് കോംപസിന്റെ അടുത്ത തലമുറ മോഡലില്‍ പെട്രോള്‍ എന്‍ജിന്‍ ഉണ്ടാകുമെന്നാണ് പ്രതീക്ഷ. ഇതുകൂടാതെ 2 ലിറ്റര്‍ ഡീസല്‍ എന്‍ജിനും 4ഃ4 ഗീയര്‍ബോക്സുമായി എത്തിയ ട്രെയില്‍ഹോക്ക് മോഡലിന്റെ ഉത്പാദനവും അവസാനിപ്പിച്ചു. കമ്പനി വെബ് സൈറ്റില്‍ നിന്ന് വാഹനം നീക്കം ചെയ്തിട്ടുണ്ട്.

ഡല്‍ഹിയില്‍ പുതിയ എം.ജി ഗ്ലോസ്റ്റര്‍ കാറിന് തീപിടിച്ചു. തലസ്ഥാനത്തെ തിരക്കേറിയ റോഡിലാണ് സംഭവമുണ്ടായത്. അപകടത്തില്‍ വാഹന ഉടമ പ്രകാര്‍ ബിന്‍ഡാലിന് പരിക്കേറ്റു. പത്ത് ദിവസം മുമ്പ് സര്‍വീസ് കഴിഞ്ഞ് പുറത്തിറക്കിയ വാഹനമാണ് അപകടത്തില്‍പ്പെട്ടത്.

വാഹനത്തില്‍ രൂപമാറ്റം വരുത്തിയിട്ടില്ലെന്നും എക്‌സ്ട്രാ ഫിറ്റിങ്ങുകളൊന്നും നടത്തിയിട്ടില്ലെന്നും ബിന്‍ഡാല്‍ പറഞ്ഞു. എം.ജിയില്‍ നിന്ന് തനിക്ക് നീത് ലഭിക്കണമെന്നും ഉടമ ആവശ്യപ്പെട്ടു. ട്വിറ്ററിലൂടെയാണ് തനിക്കുണ്ടായ ദുരനുഭവം വാഹന ഉടമ പങ്കുവെച്ചത്.

10 days and still begging for justice. MG GLOSTER BURNT in the middle of delhi , recently serviced, under comprehensive warranty. Requesting ARAI, ICAT for deep check of quality standards. @MGMotorIn @MorrisGarages @nitin_gadkari @PMOIndia @MORTHIndia SAVE INDIAN LIVES PLEASE!! pic.twitter.com/f7HbroeMu3

— Prakhar Bindal (@PrakharBindal6) May 3, 2023

എം.ജിയുടെ എസ്.യു.ലി മോഡലായ ഗ്ലോസ്റ്ററിന് 38 ലക്ഷം രൂപ മുതല്‍ 42 ലക്ഷം വരെയാണ് ഷോറൂം വില. ആറ് വേരിയന്റുകളില്‍ ഗ്ലോസ്റ്റര്‍ വിപണിയിലെത്തുന്നുണ്ട്. ടോയോട്ട ഫോര്‍ച്യൂണര്‍ ഉള്‍പ്പെടെയുള്ളവയാണ് എസ്.യു.വിയുടെ പ്രധാന എതിരാളികള്‍.