Connect with us

india

അരുണാചലില്‍ നിന്ന് കാണാതായ അഞ്ച് യുവാക്കളെ ഇന്ത്യക്ക് കൈമാറി ചൈന

വേട്ടക്കാരായ യുവാക്കളെ സെപ്റ്റംബര്‍ രണ്ടു മുതലാണു കാണാതായതെന്നു സൈന്യം അറിയിച്ചു. എന്നാല്‍ ഇവര്‍ ചുമട്ടുകാരാണെന്നാണു കുടുംബവും നാട്ടുകാരും പറയുന്നത്

Published

on

ന്യൂഡല്‍ഹി: ഈ മാസമാദ്യം അരുണാചല്‍ പ്രദേശിലെ അതിര്‍ത്തി ഗ്രാമത്തില്‍നിന്നു കാണാതായ അഞ്ചു യുവാക്കളെ ചൈനീസ് സൈന്യം ഇന്ത്യക്കു കൈമാറി. വേട്ടക്കാരായ യുവാക്കളെ സെപ്റ്റംബര്‍ രണ്ടു മുതലാണു കാണാതായതെന്നു സൈന്യം അറിയിച്ചു. എന്നാല്‍ ഇവര്‍ ചുമട്ടുകാരാണെന്നാണു കുടുംബവും നാട്ടുകാരും പറയുന്നത്.

‘അപ്പര്‍ സുബാന്‍സിരിയില്‍ യഥാര്‍ഥ നിയന്ത്രണ രേഖയുടെ ഇന്ത്യന്‍ ഭാഗത്തുനിന്നു സെപ്റ്റംബര്‍ രണ്ടു മുതല്‍ കാണാതായ അഞ്ചു വേട്ടക്കാരെ, ഇന്ത്യന്‍ സൈന്യത്തിന്റെ നിരന്തര ഇടപെടലിന്റെ ഫലമായി കണ്ടെത്തി. കാണാതായ ഇന്ത്യക്കാരെ അവരുടെ ഭാഗത്തു കണ്ടെത്തിയെന്നു ചൈനീസ് സേന സെപ്റ്റംബര്‍ എട്ടിനു ഹോട്!ലൈനിലൂടെ സ്ഥിരീകരിച്ചിരുന്നു. 12ന് ഇവരെ കൈമാറി.’– തേസ്പുര്‍ ഡിഫന്‍സ് പിആര്‍ഒ ട്വിറ്ററില്‍ അറിയിച്ചു.

അരുണാചല്‍ പ്രദേശില്‍നിന്നുള്ള യുവാക്കള്‍ അതിര്‍ത്തി കടന്ന് എത്തിയതായി പീപ്പിള്‍സ് ലിബറേഷന്‍ ആര്‍മി (പിഎല്‍എ) അറിയിച്ചെന്നും ശനിയാഴ്ച ഏതു സമയത്തും കൈമാറിയേക്കാമെന്നും കേന്ദ്രമന്ത്രി കിരണ്‍ റിജിജു കഴിഞ്ഞ ദിവസം ട്വീറ്റ് ചെയ്തിരുന്നു. അതിര്‍ത്തിയില്‍ ഇരു രാജ്യത്തെയും സൈന്യങ്ങള്‍ സംഘര്‍ഷാവസ്ഥയില്‍ തുടരുമ്പോഴാണു ചൈനയുടെ ഈ നടപടിയെന്നതു ശ്രദ്ധേയമാണ്.

 

 

india

യുകെ പ്രധാനമന്ത്രി ഋഷി സുനക്കിന്റെ മകള്‍ കുച്ചിപ്പുടി അവതരിപ്പിച്ചു

യുണൈറ്റഡ് കിംഗ്ഡത്തിന്റെ 57-ാമത് പ്രധാനമന്ത്രിയും ഈ പദവിയിലെത്തുന്ന ആദ്യ ഇന്ത്യന്‍ വംശജനുമായ ഋഷി സുനകിന്റെ മകള്‍ കുച്ചിപ്പുടി അവതരിപ്പിച്ചു.

Published

on

 

യുകെ പ്രധാനമന്ത്രി ഋഷി സുനക്കിന്റെ മകള്‍ അനൗഷ്‌ക സുനക് ലണ്ടനില്‍ നിരവധി കുട്ടികള്‍ക്കൊപ്പം കുച്ചിപ്പുടി അവതരിപ്പിച്ചു.
യുകെയിലെ ഏറ്റവും വലിയ അന്തര്‍-തലമുറ ഉത്സവമായ ‘രംഗ്’- ഇന്റര്‍നാഷണല്‍ കുച്ചിപ്പുടി ഡാന്‍സ് ഫെസ്റ്റിവല്‍ 2022-ന്റെ ഭാഗമായിരുന്നു ഒമ്പതു വയസ്സുകാരിയുടെ പ്രകടനം.

തത്സമയ സംഗീതജ്ഞര്‍, പ്രായമായ സമകാലീന നൃത്ത കലാകാരന്മാര്‍ (65 വയസ്സിനു മുകളിലുള്ള നൃത്ത സംഘം), പഠന വൈകല്യമുള്ള വീല്‍ചെയര്‍ നര്‍ത്തകി, പോളണ്ടിലെ നടരാംഗ് ഗ്രൂപ്പിലെ അന്താരാഷ്ട്ര ബര്‍സറി വിദ്യാര്‍ത്ഥികള്‍ എന്നിവരുള്‍പ്പെടെ 4-85 വയസ്സിനിടയിലുള്ള 100 ഓളം കലാകാരന്മാര്‍ പരിപാടിയുടെ ഭാഗമായി. .
ഋഷി സുനക്കിന്റെ മാതാപിതാക്കള്‍ക്കൊപ്പം ഇന്‍ഫോസിസ് സഹസ്ഥാപകന്‍ നാരായണ മൂര്‍ത്തിയുടെ മകളും അനൗഷ്‌കയുടെ അമ്മ അക്ഷത മൂര്‍ത്തിയും നൃത്ത പരിപാടിയില്‍ പങ്കെടുത്തു.

യുണൈറ്റഡ് കിംഗ്ഡത്തിന്റെ 57-ാമത് പ്രധാനമന്ത്രിയും ഈ പദവിയിലെത്തുന്ന ആദ്യ ഇന്ത്യന്‍ വംശജനുമാണ് ഋഷി സുനക്.200 വര്‍ഷത്തെ ഏറ്റവും പ്രായം കുറഞ്ഞ ബ്രിട്ടീഷ് പ്രധാനമന്ത്രിയാണ് 42 വയസ്സുള്ള സുനക്.

 

 

Continue Reading

india

കേരളഗവര്‍ണര്‍ ആരിഫ ്മുഹമ്മദ്ഖാന്റെ സഹോദരന്‍ ആസിഫ് മുഹമ്മദ് ഖാനെ ഡല്‍ഹി പൊലീസ് അറസ്റ്റ് ചെയ്തു

അനുമതിയില്ലാതെ മെഗാഫോണ്‍ ഉപയോഗിച്ചുവെന്നതാണ ്കുറ്റം.

Published

on

കേരളഗവര്‍ണര്‍ ആരിഫ ്മുഹമ്മദ്ഖാന്റെ സഹോദരന്‍ ആസിഫ് മുഹമ്മദ് ഖാനെ ഡല്‍ഹി പൊലീസ് അറസ്റ്റ് ചെയ്തു. മുന്‍ കോണ്‍ഗ്രസ് എം.എല്‍.എയാണ്. പൊലീസിനോട് അപര്യാദയായി പെരുമാറിയെന്നാണ ്‌കേസ്.
ഷാഹിന്‍ബാഗിലെ ത്വയ്യിബ് മസ്ജിദിന ്‌സമീപം 30ഓളംപേരുടെ പൊതുയോഗത്തില്‍ സംസാരിക്കവെയായിരുന്നു അറസ്റ്റ്. ഡല്‍ഹി മുനിസിപ്പല്‍ തെരഞ്ഞെടുപ്പ് പ്രചാരണം നടക്കുന്നതിനിടെയാണ് സംഭവം. അനുമതിയില്ലാതെ മെഗാഫോണ്‍ ഉപയോഗിച്ചുവെന്നതാണ ്കുറ്റം.
പൊലീസ് വോട്ട് ബാങ്ക് രാഷ്ട്രീയം കളിക്കുകയാണെന്ന് ബി.ജെ.പി നേതാവ് ഷെഹ്‌സാദ് പൂനവാലെ അറസ്റ്റിനെ ന്യായീകരിച്ചുകൊണ്ട് പറഞ്ഞു.
ആസിഫിന്റെ മകള്‍ തെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥിയാണ്.

Continue Reading

india

തലശ്ശേരി കൊലപാതകം ; പ്രതികളെ സി പി എം തള്ളിപ്പറയണം : അബ്ദുല്‍ കരീം ചേലേരി

രണ്ട് പ്രവര്‍ത്തകര്‍ കൊല്ലപ്പെട്ടിട്ടും കൊലപാതകിയെ സി.പി.എം. നേതൃത്വം തള്ളിപ്പറയാത്തത് ദുരൂഹമാണെന്ന് കരീം ചേലേരി പറഞ്ഞു.

Published

on

ലഹരി മാഫിയ സംഘങ്ങള്‍ക്കെതിരായ സി.പി.എം. പ്രതികരണം ആത്മാര്‍ത്ഥതയോടെയാണെങ്കില്‍ തലശ്ശേരിയില്‍ കൊലചെയ്യപ്പെട്ട ഷമീര്‍ , ഖാലിദ് എന്നിവരുടെ കൊലപാതകത്തിനുത്തരവാദികളായ പാറയില്‍ ബാബു ഉള്‍പ്പെടെയുള്ളവരെ സി.പി.എം പരസ്യമായി തള്ളിപ്പറയണമെന്ന് മുസ്ലിം ലീഗ് ജില്ലാ ജനറല്‍ സെക്രട്ടരി അഡ്വ. അബ്ദുല്‍ കരീം ചേലേരി.മദ്യ മാഫിയ സംഘത്തിനെതിരായ പ്രതിരോധ പ്രവര്‍ത്തനങ്ങളിലും ജീവകാരുണ്യ പ്രവര്‍ത്തനങ്ങളിലും നാട്ടിലെ പൊതുപ്രവര്‍ത്തനങ്ങളിലും വ്യാപൃതരായ രണ്ട് ചെറുപ്പക്കാരാണ് കൊലചെയ്യപ്പെട്ടത്.

കൊല നടത്തിയ ബാബു സജീവ സി.പി.എം. പ്രവര്‍ത്തകനും ഉമ്മന്‍ചാണ്ടി വധശ്രമ കേസിലെ പ്രതിയുമാണ്. മരണപ്പെട്ടവരും സി.പി.എം. പ്രവര്‍ത്തകരാണ്. രണ്ട് പ്രവര്‍ത്തകര്‍ കൊല്ലപ്പെട്ടിട്ടും കൊലപാതകിയെ സി.പി.എം. നേതൃത്വം തള്ളിപ്പറയാത്തത് ദുരൂഹമാണെന്ന് കരീം ചേലേരി പറഞ്ഞു.

 

Continue Reading

Trending