Connect with us

News

മോസാദിലേക്ക് ആളെ കൂട്ടാൻ പുതിയ മാർഗവുമായി ഇസ്രാഈൽ

മൊസാദിന്റെ ക്രൂര പ്രവർത്തനങ്ങളെ ആകർഷകമാക്കി കാണിച്ചുകൊണ്ടാണ് സംഘടനയിലേക്ക് കൂടുതൽ പേരെ അടുപ്പിക്കാൻ ശ്രമിക്കുന്നത്‌.

Published

on

ഇസ്രാഈൽ ഇന്റലിജൻസ് സംഘടനയായ മൊസാദ് ആളെ പിടിക്കാൻ പുതിയ അടവുകളുമായെത്തുന്നതായി റിപ്പോർട്ടുകൾ. മൊസാദിന്റെ ക്രൂര പ്രവർത്തനങ്ങളെ ആകർഷകമാക്കി കാണിച്ചുകൊണ്ടാണ് സംഘടനയിലേക്ക് കൂടുതൽ പേരെ അടുപ്പിക്കാൻ ശ്രമിക്കുന്നതെന്നാണ് നിരീക്ഷകർ പറയുന്നത്. നെറ്റ്ഫ്‌ളിക്‌സ്, ആപ്പിൾ ടി.വി, ഹുലു തുടങ്ങിയ ഓൺലൈൻ മാധ്യമങ്ങളിലെ സീരിയലുകളിലൂടെ പ്രവർത്തനം ആളുകളിലേക്കെത്തിക്കാൻ ശ്രമിക്കുന്നുവെന്ന വാർത്തകളാണ് പുറത്തു വരുന്നത്. മുൻപെങ്ങുമില്ലാത്ത വിധം മൊസാദ് ശ്രദ്ധാകേന്ദ്രമാകുന്നതും ഈ സംശയത്തിന് ആക്കം കൂട്ടുകയാണ്. എന്നാൽ മുൻകാലങ്ങളിൽ മൊസാദ് നടത്തിയ കൂട്ടക്കൊലകളും മറ്റും ഇന്നും കുപ്രസിദ്ധമാണ്.

മൊസാദ് നടത്തിയ ആക്രമണങ്ങളും ഇടപെടലുകളും വലിയ ചർച്ചയായപ്പോഴാണ് സീരിയലുകളും ഇറക്കിയത്. ആപ്പിൾ ടി.വി പ്ലസിൽ വൻ ഹിറ്റായി മാറിയ ‘ടെഹ്‌റാൻ’, നെറ്റ്ഫ്‌ളിക്‌സിൽ വൈറലായ ‘ദി സ്‌പൈ’, ഹൂലുവിലെ ‘ഫോൾസ് ഫ്‌ളാഗ്’ തുടങ്ങിയ സീരിയലുകളിൽ മൊസാദിനെ ആകർഷമാക്കിയാണ് ചിത്രീകരിച്ചതെന്നത് ആശങ്കയുണ്ടാക്കുകയും ചെയ്യുന്നുണ്ട്. കണ്ണിൽ ചോരയില്ലാത്തതും വിട്ടുവീഴ്ച ചെയ്യാത്തതുമായി രീതിയിലാണ് മൊസാദിന്റെ പ്രവർത്തനമെന്നത് വ്യക്തമണ്. എന്നാൽ സീരിയലുകളിൽ അവതരിപ്പിക്കുന്നത് ജനശ്രദ്ധ പിടിച്ചു പറ്റാനുള്ള നുറുങ്ങളാണ്. നേരത്തെ ഇത്തരത്തിലുള്ള പ്രചാരണ തന്ത്രമൊന്നും മൊസാദ് പയറ്റിയിരുന്നില്ലെന്നും എന്നാൽ ഇപ്പോഴുള്ള ഈ മാറ്റം എന്താണെന്ന് വ്യക്തമല്ലെന്നും നിരീക്ഷകർ പറയുന്നു. മൊസാദിനായി മുൻപ് ചാരവൃത്തി നടത്തിയിട്ടുള്ളവർ പറയുന്നത് അവർക്കിപ്പോൾ പുതിയ ആളുകളെ ജോലിയിലേക്ക് ആകർഷിക്കാൻ കഴിയാത്ത സാഹചര്യമായിരിക്കും ഈ മാറ്റത്തിന് പിന്നിലെന്നാണ്. ഇത്തരത്തിലുള്ള സീരിയലുകൾ ഇറക്കി ക്രൂര സ്വഭാവമുള്ളവരെ സംഘടനയിലേക്ക് ആകർഷിപ്പിക്കാനാണ് മൊസാദിന്റെ ശ്രമം.

യുദ്ധ സാങ്കേതിക വിദ്യ അതിവേഗം വളരുന്ന കാലത്ത് മൊസാദിലും വലിയ മാറ്റമുണ്ടാക്കേണ്ടതുണ്ട്. ഇതിനായി കൂടുതൽ മിടുക്കരായ ആളുകളെ വേണം. ഇസ്രാഈലിൽ സ്വകാര്യ മേഖലയിൽ ടെക്നോളജി കമ്പനികൾ ഇത്തരം പ്രവർത്തനങ്ങൾ ഏറ്റെടുക്കുന്നുണ്ട്. മൊസാദിനിപ്പോൾ അവരും എതിരാളികളാണ്. അപ്പോൾ മിടുക്കരായ ആളുകളെ തങ്ങളിലേക്ക് അടുപ്പിച്ചെടുക്കാനായാണ് സംഘടനയെ സാമർഥ്യത്തിന്റെ പര്യായമായി ചിത്രീകരിച്ച് പുതിയ സീരിയലുകൾ ഇറക്കുന്നത്. 2016 മുതൽ ഈ പ്രവർത്തനം തുടങ്ങിയെന്നാണ് വ്യക്തമാകുന്നത്. മൊസാദിന്റെ മേധാവി യോസി കോഹൻ കൂടുതൽ ആളുകളെ സംഘടനയിലേക്ക് അടുപ്പിക്കേണ്ടതിന്റെ ആവശ്യകത മനസ്സിലാക്കിയാണ് പ്രവർത്തിക്കുന്നത്. അട്ടിറി പ്രവർത്തനങ്ങൾ വർധിപ്പിച്ചുകൊണ്ടിരിക്കുകയാണ്. അതിനാൽ കൂടുതൽ ആളുകൾ വരേണ്ടതുണ്ട്. മാധ്യമങ്ങളിലൂടെയുള്ള തന്ത്രപരമായ ഇടപെടൽ ഇപ്പോൾ കൂടുതൽ ശക്തമാക്കിയിരിക്കുകയാണ്. മൊസാദിന്റെ പുതിയ വെബ്സൈറ്റും ഈ വീക്ഷണം വിളിച്ചോതുന്നതാണ്. ഹോം പേജിൽ പോലും അത്തരത്തിലുള്ള ഉദ്ധരണികൾ ഉൾപ്പെടുത്തിയിട്ടുണ്ട്.

2016 മുതലാണ് പുതിയ മാർഗവുമായി മൊസാദ് രംഗത്തു വന്നത്. കൂടുതൽ ക്രിമിനൽ സ്വഭാവമുള്ളവരെ ആകർഷിക്കുക എന്നതും ഇതിന് പിന്നിലുണ്ടെന്നാണ് വിലയിരുത്തൽ. മൊസാദിനെ കേന്ദ്ര സ്ഥാനത്തു നിർത്തി ഒരുക്കുന്ന സിനിമകളും ടി.വി സീരിയലുകളും ധാരളമായി ഇറക്കുകയും ഇത് മറ്റു സ്ഥലങ്ങളിലേക്ക് പ്രചാരണത്തിനായി കയറ്റുമതി ചെയ്യുകയുമാണ്. എന്നാൽ ഇത്തരം രീതികൾ ശരിയല്ലെന്ന് വാദിക്കുന്നവരും മൊസാദിലുണ്ട്. അതിഭാവുകത്വം പ്രതീക്ഷിച്ച് എത്തുന്നവർക്ക് മൊസാദിൽ കാര്യമായൊന്നുമില്ലെന്ന് വ്യക്തമാകുമെന്നാണ് രഹസ്യപൊലീസിലെ ഒരു വിഭാഗം പറയുന്നത്.

india

ദൂരദർശൻ ലോ​ഗോയുടെ നിറംമാറ്റം; എല്ലാം കാവിവത്കരിക്കുകയാണ് ബി.ജെ.പിയുടെ ലക്ഷ്യമെന്ന് സ്റ്റാലിൻ

ദൂരദർശന് കാവിക്കറ നൽകിക്കഴിഞ്ഞുവെന്നും രാജ്യത്തെ കാവിവത്കരിക്കാനാണ് ശ്രമിക്കുന്നതെന്നും സ്റ്റാലിൻ കുറിച്ചു.

Published

on

പബ്ലിക് ബ്രോഡ്കാസ്റ്ററായ ദൂരദർശന്റെ ലോ​ഗോയുടെ നിറം ചുവപ്പിൽ നിന്ന് കാവിയാക്കി മാറ്റാനുള്ള കേന്ദ്ര സർക്കാർ നീക്കത്തെ രൂക്ഷമായി വിമർശിച്ച് ഡി.എം.കെ നേതാവും തമിഴ്നാട് മുഖ്യമന്ത്രിയുമായ എം.കെ സ്റ്റാലിൻ. ബി.ജെ.പി രാജ്യത്തെ കാവിവത്കരിക്കാനാണ് ശ്രമിക്കുന്നത്. ഫാസിസത്തിനെതിരെ ജനങ്ങളുടെ മറുപടിയായിരിക്കും വരാനിരിക്കുന്ന ലോക്സഭ തെരഞ്ഞെടുപ്പിന്റെ ഫലമെന്നും അദ്ദേഹം പറഞ്ഞു.

എക്സിൽ പങ്കുവെച്ച കുറിപ്പിലായിരുന്നു അദ്ദേഹത്തിന്റെ പരാമർശം. ദൂരദർശന് കാവിക്കറ നൽകിക്കഴിഞ്ഞുവെന്നും രാജ്യത്തെ കാവിവത്കരിക്കാനാണ് ശ്രമിക്കുന്നതെന്നും സ്റ്റാലിൻ കുറിച്ചു. ദൂരദർശന്റെ ലോ​ഗോയുടെ നിറംമാറ്റം ഇതിന് ഉദാഹരണമാണ്. തമിഴ് സന്യാസി കവി തിരുവള്ളുവർ കാവിവത്ക്കരിക്കപ്പെട്ടു. തമിഴ്‌നാട്ടിലെ മഹാനായ നേതാക്കളുടെ പ്രതിമകളിൽ കാവി പെയിൻ്റ് ഒഴിച്ചെന്നും അദ്ദേഹം പറഞ്ഞു.

അതേസമയം നിറം മാറ്റം കടുത്ത നിയമവിരുദ്ധവും ബി.ജെ.പി അനുകൂല ചായ്‍വ് പ്രതിഫലിപ്പിക്കുന്നതുമാണെന്നാണ് പ്രതിപക്ഷം പറഞ്ഞു.

തെരഞ്ഞെടുപ്പ് സമയത്ത് ദൂരദർശനെ കാവിവൽകരിക്കാനുള്ള ശ്രമമാണെന്ന് പശ്ചിമ ബംഗാൾ മുഖ്യമന്ത്രി മമത ബാനർജി ആരോപിച്ചു. എന്നാൽ കുങ്കുമപ്പൂവിനോടുള്ള മമതയുടെ ഇഷ്ടത്തെ കുറിച്ച് ജനങ്ങൾക്കറിയാം എന്നായിരുന്നു ഇതിന് കേന്ദ്ര ഇൻഫർമേഷൻ ആൻഡ് ബ്രോഡ്കാസ്റ്റിങ് മന്ത്രിയായ അനുരാഗ് താക്കൂറിന്റെ പ്രതികരണം. കാവി നിറത്തിലുള്ള ലോഗോ 1982 ൽ പരീക്ഷിച്ചിരുന്നതാണെന്നും വീട്ടിലേക്കുള്ള തിരിച്ചുവരവാണിതെന്നും ബി.ജെ.പി ന്യായീകരിച്ചു.

Continue Reading

kerala

ബിജെപിയുടെ ഗുഡ്ബുക്കിൽ പേര് വന്ന മുഖ്യമന്ത്രിയാണ് പിണറായി; ചെമ്പ് തെളിഞ്ഞുവെന്ന് രമേശ് ചെന്നിത്തല

ബിജെപിയുമായി സിപിഎമ്മിന് ശക്തമായ ധാരണയാണ് ഉള്ളത്. മാസപ്പടിക്കേസില്‍ നടപടിയില്ല. മുഖ്യമന്ത്രിക്ക് തന്റെ യഥാര്‍ത്ഥ ചിത്രം അനാവരണം ചെയ്യപ്പെട്ടതിന്റ ദേഷ്യമാണെന്നും രമേശ് ചെന്നിത്തല പറഞ്ഞു.

Published

on

കേരളത്തില്‍ 20 ല്‍ 20 സീറ്റും യുഡിഎഫ് നേടുമെന്ന് രമേശ് ചെന്നിത്തല. യുഡിഎഫ് അനുകൂല തരംഗമാണ് സംസ്ഥാനത്ത് നിലവില്‍ ഉള്ളത്. ഭരണവിരുദ്ധ വികാരം ശക്തമാണ്. ഇതാണ് മുഖ്യമന്ത്രിയെ വിറളി പിടിപ്പിക്കുന്നതെന്നും രമേശ് ചെന്നിത്തല പറഞ്ഞു. ബിജെപിയുടെ ബി ടീം എന്ന നിലയിലാണ് സിപിഎം പ്രവര്‍ത്തിക്കുന്നത്.

മോദിയുടെ പ്രീതി പിടിച്ച് പറ്റാനാണ് മുഖ്യമന്ത്രിയുടെ ശ്രമം. മോദിയുടെ പേര് മുഖ്യമന്ത്രി പറയുന്നില്ല. അമിത് ഷായുടെ പേര് പറയാന്‍ മുഖ്യമന്ത്രിക്ക് ഭയമാണ്. മുഖ്യമന്ത്രിയുടെ ചെമ്പ് തെളിഞ്ഞു. ബിജെപിയുമായി ചേര്‍ന്ന് കോണ്‍ഗ്രസിനെ തകര്‍ക്കാനാണ് സിപിഎം ശ്രമമെന്നും രമേശ് ചെന്നിത്തല ആരോപിച്ചു.

സിപിഎമ്മും ബിജെപിയും തമ്മില്‍ ഭായ് ഭായ് ബന്ധമാണ്. കോണ്‍ഗ്രസിനെ തകര്‍ക്കാന്‍ ഇരുകൂട്ടരും ഒരുമിച്ച് ശ്രമിക്കുന്നു. പിടിക്കപ്പെട്ട കള്ളനേപ്പോലെയാണ് മുഖ്യമന്ത്രി. ബിജെപിയുടെ ഗുഡ് ബുക്കില്‍ പേര് വന്ന മുഖ്യമന്ത്രിയാണ് പിണറായി വിജയന്‍. ബിജെപിയുമായി സിപിഎമ്മിന് ശക്തമായ ധാരണയാണ് ഉള്ളത്. മാസപ്പടിക്കേസില്‍ നടപടിയില്ല. മുഖ്യമന്ത്രിക്ക് തന്റെ യഥാര്‍ത്ഥ ചിത്രം അനാവരണം ചെയ്യപ്പെട്ടതിന്റ ദേഷ്യമാണെന്നും രമേശ് ചെന്നിത്തല പറഞ്ഞു.

രാഹുലിന്റെ ജനപ്രീതിയില്‍ സിപിഎമ്മിന് അസ്വസ്ഥതയുണ്ട്. രാഹുല്‍ ഗാന്ധിയെ കേരളത്തിലേക്ക് ഞങ്ങള്‍ ക്ഷണിച്ച് വരുത്തിയതാണ്. ഒളിച്ചോടി വന്നതല്ല രാഹുല്‍ ഗാന്ധി. ഒളിച്ചോട്ടം മുഴുവന്‍ സിപിഎമ്മിനാണ്. മോദിയെ കാണുമ്പോള്‍ പിണറായി കവാത്ത് മറക്കുന്നു. മുഖ്യമന്ത്രി ഭരണ നേട്ടം പറയുന്നില്ല. മന്ത്രിമാരും പറയുന്നില്ല. മന്ത്രിമാരുടെ ജോലി അനൗണ്‍സ്‌മെന്റ് മാത്രം. മന്ത്രിമാരെ സ്റ്റേജ് കെട്ടല്‍ മൈക്ക് വയ്ക്കല്‍ തുടങ്ങിയ പണികളാണ് മുഖ്യമന്ത്രി ഏല്‍പ്പിക്കുന്നതെന്നും രമേശ് ചെന്നിത്തല കുറ്റപ്പെടുത്തി.

പ്രിയങ്ക ഗാന്ധി സിഎഎ വിഷയത്തില്‍ നിലപാട് വ്യക്തമാക്കിയിട്ടുണ്ട്. കോണ്‍ഗ്രസിന്റെ നിലപാട് മാധ്യമ വക്താവ് വ്യക്തമാക്കിയിട്ടുണ്ട്. മുഖ്യമന്ത്രി മുസ്ലിം സമൂഹത്തിന്റെ വോട്ട് പിടിക്കാന്‍ ശ്രമം നടത്തുകയാണ്. കൊടി തങ്ങളുടെ ഹൃദയത്തിലാണെന്നും ഒരു പതാകയയോടും എതിര്‍പ്പില്ലെന്നും ചെന്നിത്തല പറഞ്ഞു. തങ്ങളുടെ ഹൃദയത്തിലാണ് രാഹുല്‍ എന്ന പ്ലക്കാര്‍ഡാണ് പ്രവര്‍ത്തകര്‍ ഉപയോഗിത്. 4000 കിലോമീറ്റര്‍ നീതിക്ക് വേണ്ടി യാത്ര ചെയ്ത നേതാവാണ് രാഹുല്‍ ഗാന്ധി. കേന്ദ്രത്തിനെതിരെ സമരം ചെയ്ത മറ്റുള്ളവര്‍ ജയിലിലാണ്. മുഖ്യമന്ത്രിയെ അറസ്റ്റ് ചെയ്യണം എന്ന് രാഹുല്‍ പറഞ്ഞിട്ടില്ലെന്നും രമേശ് ചെന്നിത്തല പറഞ്ഞു.

സ്വര്‍ണ്ണക്കടത്ത് കേസ് രാജ്യദ്രോഹക്കുറ്റമാണ്. കെ സുരേന്ദ്രനെതിരായ കേസ് ആവിയായി പോയി. ബിജെപിയും സിപിഐഎമ്മും തമ്മില്‍ ധാരണയുണ്ട്. ആരാണ് ഇഡി യെ വിളിച്ച് വരുത്തിയത്? മുഖ്യമന്ത്രി കത്തെഴുതിയിട്ടല്ലേ ഇഡി വന്നത്? മോദിയുമായുള്ള ബന്ധം വച്ച് ഇഡി ഒന്നും ചെയ്യില്ല എന്ന് മുഖ്യമന്ത്രിക്കറിയാമെന്നും രമേശ് ചെന്നിത്തല പറഞ്ഞു.

Continue Reading

india

അമിത് ഷായുടെയും ഭാര്യയുടെയും സമ്പത്ത് 5 വർഷം കൊണ്ട് ഇരട്ടിയായി

മിത് ഷായുടെയും ഭാര്യയുടെയും സ്വന്തം പേരിലുള്ള ആസ്തി ഇപ്പോള്‍ 65.67 കോടി രൂപയുടേതാണ്.

Published

on

കേന്ദ്ര ആഭ്യന്തര മന്ത്രി അമിത് ഷായുടെയും ഭാര്യയുടെയും ആസ്തി 5 വര്‍ഷം കൊണ്ട് ഇരട്ടിയായി. ഗാന്ധിനഗറില്‍ ലോക്‌സഭാ തെരഞ്ഞെടുപ്പില്‍ സ്ഥാനാര്‍ത്ഥിയായി മത്സരിക്കുന്ന അമിത് ഷാ, പത്രികയ്ക്ക് ഒപ്പമാണ് ഇക്കാര്യം വെളിപ്പെടുത്തിയത്. ഏപ്രില്‍ 19നാണ് അമിത് ഷാ പത്രിക സമര്‍പ്പിച്ചത്. ഇത് പ്രകാരം അമിത് ഷായുടെയും ഭാര്യയുടെയും സ്വന്തം പേരിലുള്ള ആസ്തി ഇപ്പോള്‍ 65.67 കോടി രൂപയുടേതാണ്. 2019 ലോക്‌സഭാ തെരഞ്ഞെടുപ്പിലെ പത്രികയില്‍ ഇത് 30.49 കോടി രൂപയായിരുന്നുയ അഞ്ച് വര്‍ഷം കൊണ്ട് 100 ശതമാനം വളര്‍ച്ചയാണ് സമ്പത്തില്‍ രേഖപ്പെടുത്തിയത്.

അമിത് ഷായുടെ കൈയ്യില്‍ പണമായും ബാങ്ക് നിക്ഷേപമായും ബാങ്കിലെ സമ്പാദ്യമായും, സ്വര്‍ണം, വെള്ളി എന്നിവയായും ജംഗമ വസ്തുക്കളായും 20.23 കോടി രൂപയുടെ വസ്തുക്കളുണ്ട്. 17.46 കോടി രൂപയുടെ ഓഹരികളും 72.87 ലക്ഷം രൂപ വില മതിക്കുന്ന മൂല്യമേറിയ കല്ലുകളും ഇവരുടെ പക്കലുണ്ട്. എന്നാല്‍ ഒരൊറ്റ വാഹനം പോലും ഇദ്ദേഹത്തിന്റെ പേരില്‍ രജിസ്റ്റര്‍ ചെയ്തിട്ടില്ല.

അതേസമയം അമിത് ഷായുടെ ഭാര്യ സോനല്‍ ഷായുടെ പേരിലും പണമായും ബാങ്ക് നിക്ഷേപവും സമ്പാദ്യവുമായും ഓഹരി നിക്ഷേപമായും 22.46 കോടി രൂപയുടെ ആസ്തിയുണ്ട്. സ്വര്‍ണം വെള്ളി എന്നിവയുടെ ആഭരണങ്ങള്‍ 1.10 കോടി രൂപയുടേത് സോനലിന്റെ ഉടമസ്ഥതയിലുണ്ട്.

ഗുജറാത്തിലെ ഗാന്ധി നഗറില്‍ കൃഷി ഭൂമിയും വീടുകളും പ്ലോട്ടുകളുമൊക്കെയായി 16.31 കോടി രൂപ വിലമതിക്കുന്ന സ്വത്ത് അമിത് ഷായുടേ പേരിലുണ്ട്. ഗുജറാത്തില്‍ തന്നെ പല ഭാഗത്തായി സോനലിന് 6.55 കോടി വിലമതിക്കുന്ന ഭൂസ്വത്തുക്കള്‍ ഉണ്ട്. അമിത് ഷാക്കെതിരെ നിലവില്‍ മൂന്ന് കേസുകള്‍ വിവിധ കോടതികളുടെ പരിഗണനയിലുണ്ടെന്നും പത്രകയില്‍ വ്യക്തമാക്കിയിട്ടുണ്ട്.

 

Continue Reading

Trending