india
ഇസ്രായേലിനെതിരെ പൊരുതുന്ന ഫലസ്തീന് ജനതയ്ക്ക് ഐക്യദാര്ഢ്യം; ഇന്ത്യ കുറ്റകരമായ മൗനം അവസാനിപ്പിക്കണം: മുസ്ലിം ലീഗ്
അക്രമവും ഭീതിയും സൃഷ്ടിച്ച് കിഴക്കന് ജറുസലേം പിടിച്ചെടുക്കാനുള്ള ശ്രമത്തിന്റെ ഭാമാണ് അക്രമങ്ങളെന്നും മുസ്ലിം ലീഗ് വിലയിരുത്തി

ചെന്നൈ: പുണ്യമാസത്തില് ആരാധനയിലേര്പ്പിട്ടിരുന്ന ഫലസ്തീനികള്ക്ക് നേരെ ജറുസലേമിലെ മസ്ജിദുല് അഖ്സയിലുണ്ടായ വെടിവെപ്പും തുടര്ന്നരങ്ങേറിയ ഇസ്രയേല് ക്രൂരതകളും ലോകമനഃസാക്ഷിയെ ഞെട്ടിക്കുന്നതാണന്ന് മുസ്ലിം ലീഗ്. അക്രമവും ഭീതിയും സൃഷ്ടിച്ച് കിഴക്കന് ജറുസലേം പിടിച്ചെടുക്കാനുള്ള ശ്രമത്തിന്റെ ഭാമാണ് അക്രമങ്ങളെന്നും മുസ്ലിം ലീഗ് വിലയിരുത്തി.
ഓണ്ലൈനായി ചേര്ന്ന രാഷ്ട്രീയകാര്യ ഉപദേശക സമിതി യോഗം അംഗീകരിച്ച പ്രമേയം അപ്പാര്ത്തീഡ് ഇസ്രായേലിനെതിരെ ഫലസ്തീനകള്ക്കൊപ്പം നില്ക്കാന് സര്ക്കാരിനോടും രാജ്യത്തെ ജനങ്ങളോടും ആഹ്വാനം ചെയ്തു. മസ്ജിദുല് അഖ്സ പൊളിക്കുക എന്നത് ഇസ്രയേലിന്റെ അജണ്ടയിലുള്ളതാണ്. ഫലസ്തീനികളുടെ ഭൂമി അവര്ക്ക് വിട്ടുകൊടുത്താല് മാത്രമേ ഫലസ്തീനില് ശ്വാശ്വത സമാധാനമുണ്ടാവുകയുള്ളൂ. ലോകജനത ഇസ്രയേലിന്റെ ക്രൂരതകള്ക്കെതിരെ ശബ്ദമുയര്ത്തണം. മുന്കാലങ്ങളിലെ സര്ക്കാരുകള് സ്വീകരിച്ചുപോരുന്ന ഫലസ്തീന് അനുകൂല നയങ്ങളില് നിന്ന് ഇന്ത്യ പിന്നോക്കം പോകുന്നതായാണ് കാണുന്നത്. ഇത് വംശവെറിക്കെതിരായുള്ള രാജ്യത്തിന്റെ പരമ്പരാഗത നിലപാടിനെതിരാണ്. ഇത്തരം തെറ്റായ നിലപാടുകള് കേന്ദ്ര സര്ക്കാര് തിരുത്തണമെന്നും മുസ്ലിം ലീഗ് പ്രമേയത്തിലൂടെ ആവശ്യപ്പെട്ടു.
ഫലസ്തീനികള്ക്കെതിരെയുള്ള സയണിസ്റ്റ് അതിക്രമത്തിനെതിരെ മെയ് പതിമൂന്നിന് രാജ്യവ്യാപകമായി രാവിലെ പത്ത് മണിക്ക് സ്വന്തം വീടുകളില് പ്രതിഷേധം സംഘടിപ്പിക്കാന് മുസ്ലിം ലീഗ് ദേശീയ നേതൃത്വം ആഹ്വാനം ചെയ്തിട്ടുണ്ട്. യോഗത്തില് രാഷ്ട്രീയകാര്യ ഉപദേശക സമിതി ചെയര്മാന് പാണക്കാട് സയ്യിദ് ഹൈദരലി ശിഹാബ് തങ്ങള്, ദേശീയ അധ്യക്ഷന് പ്രൊഫ. ഖാദര് മൊയ്തീന്, ജനറല് സിക്രട്ടറി പികെ കുഞ്ഞാലിക്കുട്ടി, ഓര്ഗനൈസിംഗ് സിക്രട്ടറി ഇടി മുഹമ്മദ് ബഷീര്, ട്രഷറര് പിവി അബ്ദുല് വഹാബ്, അബ്ദുസമദ് സമദാനി, ഖുറം അനീസ് ഉമര്, ഡോ. എംകെ മുനീര്, സിറാജ് സേട്ട്, നവാസ് കനി, കെപിഎ മജീദ്, അബൂബക്കര്, ഡോ. മതീന് ഖാന്, നയീം അഖ്തര് എന്നിവര് സംബന്ധിച്ചു.

കാനഡയില് വിമാനാപകടത്തില് മരിച്ച മലയാളി യുവാവ് ശ്രീഹരി സുകേഷിന്റെ മൃതദേഹം നാട്ടിലെത്തിച്ചു. സ്വദേശമായ തൃപ്പൂണിത്തുറയിലെ വസതിയില് മൃതദേഹം പൊതുദര്ശനത്തിന് വച്ചിരിക്കുകയാണ്. പരിശീലന പറക്കലിനിടെയാണ് ശ്രീഹരിയുടെ വിമാനം മറ്റൊരു വിമാനവുമായി കൂട്ടിയിടിച്ച് അപകടമുണ്ടായത്.
രാവിലെ എട്ടുമണിയോടെ ഡല്ഹിയില് നിന്നുള്ള എയര് ഇന്ത്യ വിമാനത്തിലാണ് മൃതദേഹം നെടുമ്പാശ്ശേരി വിമാനത്താവളത്തില് എത്തിച്ചത്. തൃപ്പൂണിത്തുറയിലെ താലൂക്ക് ആശുപത്രിയിലേക്ക് മാറ്റിയ മൃതദേഹം 12 മണിയോടെ കുടുംബം താമസിക്കുന്ന തൃപ്പൂണിത്തുറയിലെ ശ്രീകൃഷ്ണ എന്ക്ലേവില് പൊതുദര്ശനത്തിന് വച്ചു. വൈകിട്ട് 4 മണിക്ക് തൃപ്പൂണിത്തുറയിലെ ശ്മശാനത്തിലാണ് സംസ്കാര ചടങ്ങ്.
കാനഡയിലെ മാനിട്ടോബ പ്രവിശ്യയിലെ സ്റ്റെയിന്ബാച്ച് മേഖലയിലായിരുന്നു ജൂലൈ 9 ന്പ്രാദേശിക സമയം രാവിലെ 8:45 ന് അപകടം ഉണ്ടായത്.
വിമാനം ടേക്ക് ഓഫ് ചെയ്യാനും ലാന്ഡ് ചെയ്യാനും പരിശീലിക്കുന്നതിനിടെ കൂട്ടിയിടിക്കുകയായിരുന്നു.
പോസ്റ്റ്മോര്ട്ടം നടപടികള്ക്ക് പിന്നാലെ കാനഡ സര്ക്കാരില് നിന്ന് രേഖകള് കിട്ടാന് വൈകിയതാണ് ശ്രീഹരിയുടെ മൃതദേഹം നാട്ടിലെത്തിക്കുന്നതില് കാലതാമസം ഉണ്ടായത്.
india
കുവൈത്ത് -ഗോവ സെക്ടറിലെ യാത്ര അവസാനിപ്പിക്കുന്നതായി എയര് ഇന്ത്യ
മെയ് മാസത്തില് ആരംഭിച്ച സര്വീസാണ് ഈ മാസം 31 ന് അവസാനിപ്പിക്കാന് അധികൃതര് തീരുമാനിച്ചത്.

കുവൈത്ത് -ഗോവ സെക്ടറിലെ യാത്ര അവസാനിപ്പിക്കുന്നതായി എയര് ഇന്ത്യ. മെയ് മാസത്തില് ആരംഭിച്ച സര്വീസാണ് ഈ മാസം 31 ന് അവസാനിപ്പിക്കാന് അധികൃതര് തീരുമാനിച്ചത്. ഗോവയില് നിന്നുള്ള നിരവധി ആളുകളാണ് കുവൈത്തില് ജോലി ചെയ്യുന്നത്. അവര്ക്ക് ഈ തീരുമാനം വലിയ തിരിച്ചടിയാകും. ആ യാത്രക്കാര് ഇനി മുതല് മറ്റു വിമാനങ്ങളെ ആശ്രയിക്കേണ്ടി വരും.
നേരിട്ടുള്ള സര്വീസ്, ചെലവ് കുറവ് എന്നിങ്ങനെ നിരവധി കാരണങ്ങളാണ് കുവൈത്ത് -ഗോവ സെക്ടറില് യാത്ര ചെയ്യുന്നവര് എയര് ഇന്ത്യ എക്സ്പ്രസ്സ് തെരഞ്ഞെടുക്കാന് കാരണം. എന്നാല് ഇനി പ്രവാസികള് കൂടുതല് പണം മുടക്കി മറ്റ് വിമാനങ്ങളില് യാത്ര ചെയ്യേണ്ടി വരും.
സര്വീസുകള് വര്ധിപ്പിക്കാന് ഇന്ത്യയും കുവൈത്തും തമ്മില് പുതിയ വ്യോമയാന കരാര് ഒപ്പു വെച്ചതോടെ മറ്റു കമ്പനികള് കൂടുതല് സര്വീസുകള് നടത്താന് നടപടികള് ആരംഭിക്കുമ്പോഴാണ് എയര് ഇന്ത്യയുടെ ഈ നീക്കം. വിഷയത്തില് ഇടപെടണമെന്ന് ആവശ്യപ്പെട്ടു ഗോവ മുഖ്യമന്ത്രി കേന്ദ്രത്തിന് കത്ത് നല്കി.
india
ഇരുണ്ട നിറവും പാചകം ചെയ്യാനുള്ള കഴിവില്ലായ്മയും കാരണം ഭാര്യയെ പരിഹസിക്കുന്നത് ആത്മഹത്യാ പ്രേരണയല്ല; ബോംബെ ഹൈക്കോടതി
ഭാര്യയുടെ ആത്മഹത്യയ്ക്ക് 30 വര്ഷത്തിന് ശേഷം ഭര്ത്താവിനെ മോചിപ്പിച്ച് കോടതി

മുംബൈ: 27 വര്ഷം മുമ്പ് ആത്മഹത്യാ പ്രേരണയ്ക്കും ഭാര്യയോടുള്ള ക്രൂരതയ്ക്കും കുറ്റക്കാരനാണെന്ന് കണ്ടെത്തിയ സത്താറ യുവാവിന്റെ ശിക്ഷ ബോംബെ ഹൈക്കോടതി റദ്ദാക്കി. കറുത്ത നിറത്തിന്റെ പേരില് ഒരു സ്ത്രീയെ പരിഹസിക്കുന്നതോ പാചകത്തെ വിമര്ശിക്കുന്നതോ ‘ക്രൂരത’ ആയി കണക്കാക്കാനാവില്ലെന്ന് കോടി വ്യക്തമാക്കി.
22 കാരിയായ ഭാര്യ പ്രേമയുടെ മരണശേഷം ആത്മഹത്യാ പ്രേരണയ്ക്കും (സെക്ഷന് 306), ക്രൂരതയ്ക്കും (സെക്ഷന് 498-എ) 1998-ല് സെഷന്സ് കോടതി ശിക്ഷിച്ച സദാശിവ് രൂപ്നവര് സമര്പ്പിച്ച അപ്പീല് പരിഗണിക്കുകയായിരുന്നു കോടതി.
വിവാഹം കഴിഞ്ഞ് അഞ്ച് വര്ഷത്തിന് ശേഷം 1998 ജനുവരിയില് ദേഗാവ് ഗ്രാമത്തിലെ വീട്ടില് നിന്ന് പ്രേമയെ കാണാതാവുകയായിരുന്നു. പിന്നീട് യുവതിയുടെ മൃതദേഹം ഒരു കിണറ്റില് കണ്ടെത്തി. യുവതിയുടെ വീട്ടുകാരുടെ പരാതിയുടെ അടിസ്ഥാനത്തില്, സദാശിവനും പിതാവിനുമെതിരെ പോലീസ് കേസെടുത്തു, അവരുടെ മരണത്തിലേക്ക് നയിച്ച പീഡനം ആരോപിച്ചു.
വിചാരണക്കോടതി പിതാവിനെ വെറുതെവിട്ടപ്പോള്, സദാശിവനെ കുറ്റക്കാരനാണെന്ന് കണ്ടെത്തി. ക്രൂരതയ്ക്ക് ഒരു വര്ഷവും പ്രേരണയ്ക്ക് അഞ്ച് വര്ഷവും ശിക്ഷിച്ചു. അന്ന് 23 വയസ്സുള്ള ഇയാള് അതേ വര്ഷം തന്നെ അപ്പീല് നല്കിയിരുന്നു.
ഭാര്യയുടെ കറുത്ത നിറത്തിന്റെ പേരില് ഭര്ത്താവ് ഭാര്യയെ പരിഹസിക്കുകയും പുനര്വിവാഹം ചെയ്യുമെന്ന് ഭീഷണിപ്പെടുത്തുകയും ചെയ്തപ്പോള്, ഭര്ത്താവ് അവളുടെ പാചക വൈദഗ്ധ്യത്തെ വിമര്ശിച്ചുവെന്നാരോപിച്ചാണ് പീഡന ആരോപണങ്ങള് ഒതുങ്ങുന്നതെന്ന് ജസ്റ്റിസ് എസ് എം മോദകിന്റെ സിംഗിള് ജഡ്ജി ബെഞ്ച് നിരീക്ഷിച്ചു. ദാമ്പത്യജീവിതത്തില് നിന്നുണ്ടാകുന്ന വഴക്കുകളാണിവയെന്ന് പറയാം. ഗാര്ഹിക കലഹങ്ങളാണ്. പ്രേമയെ ആത്മഹത്യയിലൂടെ മരിക്കാന് പ്രേരിപ്പിക്കുന്ന തരത്തില് ഇത് ഉയര്ന്ന നിലവാരമുള്ളതാണെന്ന് പറയാനാകില്ലെന്നും കോടതി പറഞ്ഞു.
പീഡനവും ആത്മഹത്യയും തമ്മില് നേരിട്ട് ബന്ധം സ്ഥാപിക്കുന്നതില് പ്രോസിക്യൂഷന് പരാജയപ്പെട്ടെന്ന് ജഡ്ജി ചൂണ്ടിക്കാട്ടി. ‘പീഡനം ഉണ്ടായിട്ടുണ്ട്, എന്നാല് ക്രിമിനല് നിയമം നടപ്പിലാക്കാന് കഴിയുന്ന തരത്തിലുള്ള പീഡനമല്ല ഇത്,’ കോടതി പറഞ്ഞു.
ശിക്ഷ റദ്ദാക്കിയ കോടതി സദാശിവനെ എല്ലാ കുറ്റങ്ങളില് നിന്നും വെറുതെ വിട്ടു.
-
india2 days ago
ഇന്ത്യയില് നിന്നും നൂറുകണക്കിന് മുസ്ലിംകളെ നിയമവിരുദ്ധമായി ബംഗ്ലാദേശിലേക്ക് നാടുകടത്തിയതായി ഹ്യൂമന് റൈറ്റ്സ് വാച്ച് റിപ്പോര്ട്ട്
-
india3 days ago
അഹമ്മദാബാദ് വിമാനാപകടം: വിദേശ പൗരന്മാരുടെ കുടുംബങ്ങള്ക്ക് ലഭിച്ചത് തെറ്റായ മൃതദേഹങ്ങള്
-
Film3 days ago
കറുപ്പിന്റെ ടീസറിന് പിന്നാലെ സൂര്യ 46 ന്റെ പോസ്റ്റർ പുറത്ത്
-
kerala3 days ago
മഴ മുന്നറിയിപ്പില് മാറ്റം; പത്ത് ജില്ലകളില് യെല്ലോ അലേര്ട്ട്
-
india2 days ago
‘മതവികാരം വ്രണപ്പെടും’; കര്ണാടകയില് സര്ക്കാര് സ്കൂളില് മുട്ട വിതരണത്തിനെതിരെ രക്ഷിതാക്കള്
-
kerala3 days ago
കുട്ടനാട്ടില് സ്കൂള് അപകടഭീഷണിയില്; സ്വമേധയാ കേസെടുത്ത് ഹൈക്കോടതി
-
kerala3 days ago
മാസപ്പടി കേസ്: സിബിഐ, ഇഡി അന്വേഷണം ആവശ്യപ്പെട്ടുള്ള ഹർജിയിൽ വീണ വിജയനുൾപ്പെടെയുള്ളവർക്ക് ഹൈക്കോടതി നോട്ടീസ്
-
crime3 days ago
പിണങ്ങിപ്പോയ ഭാര്യ തിരിച്ചെത്തിക്കാന് അഞ്ച് വയസുകാരനെ നരബലി നല്കി യുവാവ്