Video Stories
ജമ്മുകശ്മീര് എംഎല്എയോട് ചോദ്യം ചെയ്യലിന് ഹാജരാവണമെന്ന് എന്ഐഎ

ശ്രീനഗര്: ഭീകരവാദ പ്രവര്ത്തനങ്ങള്ക്ക് ഫണ്ട് അനുവദിച്ച കേസുമായി ബന്ധപ്പെട്ട് ജമ്മുകശ്മീര് എംഎല്എ ഷെയ്ഖ് അബ്ദുള് റാഷിദ് എന്ന റാഷിദ് എന്ജിനീയറോട് ചോദ്യം ചെയ്യലിന് ഹാജരാവണമെന്ന് ദേശീയ അന്വേഷണ ഏജന്സി(എന്ഐഎ) ആവശ്യപ്പെട്ടു.
ഒക്ടോബര് മൂന്നിനാണ് ചോദ്യം ചെയ്യലിന് ഹാജരാവാന് ആവശ്യപ്പെട്ടത്. ഭീകരവാദ പ്രവര്ത്തനവുമായി ബന്ധപ്പെട്ട് ഒരു മുന്നിര രാഷ്ട്രീയ പ്രവര്ത്തകനോട് ഹാജരാവാന് എന്ഐഎ ആവശ്യപ്പെടുന്നത് ഇതാദ്യമായാണ്. ഭീകരവാദ പ്രവര്ത്തനങ്ങള്ക്ക് സാമ്പത്തിക സഹായം നല്കിയ കേസില് സഹൂര് വതാലിയെ ചോദ്യം ചെയ്യുന്നതിനിടെയാണ് റാഷിദിന്റെ പേര് കേസില് പരാമര്ശിക്കപ്പെട്ടത്. നോര്ത്ത് കശ്മീരിലെ ലഗേറ്റില് നിന്നുള്ള സ്വതന്ത്ര എംഎല്എയാണ് റാഷിദ്. കേസുമായുള്ള ബന്ധം ഇയാള് നിഷേധിച്ചതിനെ തുടര്ന്ന് സ്പീക്കറുടെ നിര്ദ്ദേശ പ്രകാരമാണ് ഇയാള്ക്കെതിരെ അന്വേഷണമാരംഭിച്ചത്.
kerala
ബസിന്റെ എയര് ലീക്ക് പരിശോധിക്കുന്നതിനിടെ തല കുരുങ്ങി മെക്കാനിക്ക് മരിച്ചു
കണ്ണൂര് പാട്യം പത്തായക്കുന്ന് സ്വദേശി സുകുമാരന്(60) ആണ് മരിച്ചത്.

ബസിന്റെ എയര് ലീക്ക് പരിശോധിക്കുന്നതിനിടെ തല മഡ്ഗാഡിനിടയില് കുരുങ്ങി മെക്കാനിക്കിന് ദാരുണാന്ത്യം. കണ്ണൂര് പാട്യം പത്തായക്കുന്ന് സ്വദേശി സുകുമാരന്(60) ആണ് മരിച്ചത്. ഇന്ന് രാവിലെയാണ് അപകടം സംഭവിച്ചത്.
വാഹനത്തിന്റെ പണി പൂര്ത്തിയാതോടെ കൈമാറുന്നതിന് മുമ്പ് എയര് ബലൂണ് ലീക്ക് ആകുന്നുണ്ടോ എന്ന് പരിശോധിക്കുന്നതിനിടെയാണ് അപകടം. മഡ്ഗാഡിനിടയിലൂടെ തലയിട്ട് എയര് ബലൂണില് സ്്രേപ ചെയ്ത് ലീക്ക് ആകുന്നുണ്ടോ എന്ന് പരിശോധിക്കുകയായിരുന്നു. എന്നാല് എയര് ബലൂണ് താഴ്ന്നതോടെ വാഹനം തഴേക്ക് അമര്ന്നു. ഇതോടെ സുകുമാരന്റെ തല മഡ്ഗാഡിനിടെയില് കുടുങ്ങി. സമീപവാസികള് ഏറെ സമയം കഴിഞ്ഞാണ് അപകടം കണ്ടത്. പിന്നീട് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
kerala
യുവ അഭിഭാഷകയെ മര്ദിച്ച കേസ്; പ്രതി ബെയ്ലിന് ദാസിന് വഞ്ചിയൂര് പരിധിയിലുള്ള വിലക്ക് തുടരും; ഹരജി തള്ളി
രണ്ടു മാസത്തേക്ക് വഞ്ചിയൂര് പൊലിസ് സ്റ്റേഷന് പരിധിയില് പ്രവേശിക്കരുതെന്നായിരുന്നു ജാമ്യ വ്യവസ്ഥ.

യുവ അഭിഭാഷകയെ മര്ദ്ദിച്ച കേസില് പ്രതി ബെയിലിന് ദാസിന് വഞ്ചിയൂര് പരിധിയിലുള്ള വിലക്ക് തുടരും. വിലക്ക് നീക്കണമെന്ന ബെയിലിന്റെ ഹര്ജി കോടതി തള്ളി. രണ്ടു മാസത്തേക്ക് വഞ്ചിയൂര് പൊലിസ് സ്റ്റേഷന് പരിധിയില് പ്രവേശിക്കരുതെന്നായിരുന്നു ജാമ്യ വ്യവസ്ഥ.
ഉപാധികളോടെയായിരുന്നു പ്രതി ബെയിലിന് ദാസിന് കോടതി ജാമ്യം അനുവദിച്ചത്.
കഴിഞ്ഞ മാസമാണ് വഞ്ചിയൂര് കോടതിയില് യുവ അഭിഭാഷകയെ ബെയിലിന് അതിക്രൂരമായി മര്ദിച്ചത്. യുവതിയുടെ ഇടതു കവിളില് രണ്ടു തവണ ബെയ്ലിന് അടിച്ചു ഗുരുതര പരിക്കേല്പ്പിച്ചിരുന്നു. അഭിഭാഷകന് മോപ്സ്റ്റിക് കൊണ്ട് മര്ദിച്ചുവെന്നും അഭിഭാഷക പറഞ്ഞിരുന്നു.
ഇതിന് പിന്നാലെ ബെയിലിന് ദാസിനെ പ്രാക്റ്റീസ് ചെയ്യാന് അനുവദിക്കില്ലെന്ന് ബാര് കൗണ്സില് അറിയിച്ചിരുന്നു. അടിയന്തര ബാര് കൗണ്സില് യോഗം ചേര്ന്നാണ് നടപടി എടുത്തത്. പിന്നാലെ പ്രതിക്ക് കാരണം കാണിക്കല് നോട്ടീസ് അയച്ചു.
kerala
കൊച്ചി കപ്പലപകടം: ഷിപ്പിങ് കമ്പനിയുമായുള്ള ചര്ച്ചയ്ക്ക് വിദഗ്ത സമിതിയെ നിയോഗിച്ച് സര്ക്കാര്
കപ്പലില് നിന്നും കടലിലേക്ക് വീണ 56 കണ്ടെയ്നറുകള് തീരത്ത് കണ്ടെത്തിയതായി റവന്യു വകുപ്പ് അറിയിച്ചു.

കൊച്ചി തീരത്ത് അറബിക്കടലിലുണ്ടായ കപ്പലപകടവുമായി ബന്ധപ്പെട്ട് ഷിപ്പിങ് കമ്പനിയുമായുള്ള ചര്ച്ചയ്ക്ക് വിദഗ്ത സമിതിയെ നിയോഗിച്ച് സര്ക്കാര്. ഷിപ്പിങ് കമ്പനിയുമായുള്ള ചര്ച്ചയില് നഷ്ടപരിഹാരം, കപ്പലപകടം ഉണ്ടാക്കാന് ഇടയുള്ള മലിനീകരണം, കപ്പലപകടം ഉണ്ടാക്കാനിടയുള്ള ആഘാതം എന്നിവ പഠിക്കാനാണ് സമിതികള് രൂപീകരിച്ചത്. പരിസ്ഥിതി വകുപ്പ് സ്പെഷ്യല് സെക്രട്ടറി, ധനവകുപ്പ് അഡീഷണല് ചീഫ് സെക്രട്ടറി, ശാസ്ത്ര സാങ്കേതിക വകുപ്പ് സെക്രട്ടറി എന്നിവര് അധ്യക്ഷന്മാരായ സമിതികളാണ് രൂപീകരിച്ചത്.
പരിസ്ഥിതി വകുപ്പ് സ്പെഷ്യല് സെക്രട്ടറിയാണ് പ്രിന്സിപ്പല് ഇംപാക്ട് അസെസ്മെന്റ് ഓഫീസര്. ഇദ്ദേഹമാണ് കപ്പല് കമ്പനിയുമായി ചര്ച്ച നടത്തുന്ന നോഡല് ഓഫീസര്. നഷ്ടപരിപരിഹാരം ഉള്പ്പടെയുള്ള കാര്യങ്ങള് ധനവകുപ്പ് അഡീഷണല് ചീഫ് സെക്രട്ടറി അധ്യക്ഷനായ സമിതി ചര്ച്ച ചെയ്യും. മലിനീകരണം പഠിക്കാനാണ് ശാസ്ത്ര സാങ്കേതിക വകുപ്പ് സെക്രട്ടറി അധ്യക്ഷനായ സമിതി.
അതേസമയം കപ്പലില് നിന്നും കടലിലേക്ക് വീണ 56 കണ്ടെയ്നറുകള് തീരത്ത് കണ്ടെത്തിയതായി റവന്യു വകുപ്പ് അറിയിച്ചു. മെയ് 29ന് വൈകിട്ട് 5.30 വരെയുള്ള കണക്കനുസരിച്ച് കൊല്ലത്ത് നിന്ന് 43 എണ്ണവും ആലപ്പുഴ തീരത്ത് നിന്ന് രണ്ടെണ്ണവും തിരുവനതപുരംത്ത് നിന്ന് 13 എണ്ണവുമാണ് കണ്ടെത്തിയത്.
നിലവില് അപകടകാരിയായ കാല്സ്യം കാര്ബൈഡ് അടങ്ങിയ കണ്ടെയ്നറുകള് കണ്ടെത്താനായിട്ടില്ല.
-
kerala2 days ago
തീര്ത്ഥാടകര്ക്ക് കേരള ഹജ്ജ് കമ്മിറ്റി സര്പ്രൈസ് ഗിഫ്റ്റ് കൊടുക്കുന്നതായി വ്യാജ പ്രചരണം
-
kerala2 days ago
ബലി പെരുന്നാള്; സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി
-
film2 days ago
അന്ന് മുതല് ഇന്ന് വരെ ചിരിപ്പിച്ചു ബൈജു സന്തോഷ് ; ‘വ്യസനസമേതം ബന്ധുമിത്രാദികള്’ ജൂണ് 13ന്
-
india2 days ago
തപാല് വകുപ്പും ഇനി ഡിജിറ്റലാവും; പിന്കോഡിന് പകരം ഇനി ഡിജിപിന്
-
kerala2 days ago
വിദ്യാര്ഥിനിക്ക് എതിരായ വ്യാജപ്രചാരണം; അധ്യാപികയ്ക്ക് സസ്പെന്ഷന്
-
india3 days ago
ആര്സിബി ആഘോഷത്തിനിടെയുണ്ടായ തിക്കിലും തിരക്കിലും പെട്ട് 11 മരണം; 47 പേര്ക്ക് പരിക്ക്
-
india3 days ago
രാജ്യത്തെ കോവിഡ് കേസുകള് 4,866 ആയി ഉയര്ന്നു; മരിച്ചവരില് 5 മാസം പ്രായമായ കുഞ്ഞും
-
india3 days ago
‘അതുല്യനായ നേതാവ്’; ഖാഇദെ മില്ലത്തിന്റെ ഖബറിടം സന്ദര്ശിച്ച് തമിഴ്നാട് മുഖ്യമന്ത്രി എം.കെ സ്റ്റാലിന്