Connect with us

india

സ്മാര്‍ട്ട് ഫോണ്‍ വിപണി കൈയിലാക്കാന്‍ ജിയോ; പത്തു കോടി ഫോണുകള്‍ ഇറക്കും

ലോകത്തെ മുന്‍നിര ടെക് കമ്പനികളെല്ലാം ജിയോയില്‍ നിക്ഷേപം നടത്തി കഴിഞ്ഞു. ഗൂഗിളും ഫെയ്‌സ്ബുക്കും ക്വാല്‍കമും മറ്റു ടെക് കമ്പനികളെല്ലാം ഇപ്പോള്‍ ജിയോയുടെ കൂടി ഭാഗമാണ്

Published

on

രാജ്യത്തെ മുന്‍നിര ടെലികോം സേവനദാതാക്കളായ റിലയന്‍സ് ജിയോ സ്മാര്‍ട് ഫോണ്‍ വിപണിയും പിടിച്ചെടുക്കാനുള്ള തന്ത്രങ്ങളാണ് ഇപ്പോള്‍ ആസൂത്രണം ചെയ്യുന്നത്. ഇതിനായി ലോകത്തെ മുന്‍നിര ടെക് കമ്പനികളെല്ലാം ജിയോയില്‍ നിക്ഷേപം നടത്തി കഴിഞ്ഞു. ഗൂഗിളും ഫെയ്‌സ്ബുക്കും ക്വാല്‍കമും മറ്റു ടെക് കമ്പനികളെല്ലാം ഇപ്പോള്‍ ജിയോയുടെ കൂടി ഭാഗമാണ്. ഏറ്റവും പുതിയ റിപ്പോര്‍ട്ട് പ്രകാരം ജിയോ പത്ത് കോടി വിലകുറഞ്ഞ 4ജി ഫോണുകള്‍ ഉടന്‍ തന്നെ വിതരണം ചെയ്യുമെന്നാണ്.

ബണ്ടില്‍ ചെയ്ത ഡേറ്റയുള്ള വിലകുറഞ്ഞ 4 ജി സ്മാര്‍ട് ഫോണുകളാണ് അവതരിപ്പിക്കുക. ഡിസംബറോടെ തന്നെ 10 കോടി ഫോണുകള്‍ പുറത്തിറക്കിയേക്കുമെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഗൂഗിളിന്റെ ആന്‍ഡ്രോയിഡ് പ്ലാറ്റ്‌ഫോമില്‍ നിര്‍മിക്കുന്ന വിലകുറഞ്ഞ സ്മാര്‍ട് ഫോണുകളുടെ നിര്‍മാണം ഔട്ട്‌സോഴ്‌സ് ചെയ്യാന്‍ റിലയന്‍സ് ജിയോ ശ്രമിക്കുന്നുണ്ടെന്ന് ബിസിനസ് സ്റ്റാന്‍ഡേര്‍ഡ് പത്രം റിപ്പോര്‍ട്ട് ചെയ്തു.

താങ്ങാനാവുന്ന വിലയില്‍ സ്മാര്‍ട് ഫോണുകള്‍ ഡേറ്റാ പാക്കുകളുമായി കൂട്ടിച്ചേര്‍ക്കും. ജിയോയ്ക്ക് ഡിസംബറിലോ അടുത്ത വര്‍ഷം ആദ്യത്തിലോ ഈ ഫോണുകള്‍ അവതരിപ്പിക്കാന്‍ കഴിഞ്ഞേക്കുമെന്നാണ് റിപ്പോര്‍ട്ടില്‍ പറയുന്നത്. കൂടുതല്‍ ഇന്ത്യക്കാരിലേക്ക് സ്മാര്‍ട് ഫോണുകളില്‍ എത്തിക്കാന്‍ സഹായിക്കുന്നതിന് ആന്‍ഡ്രോയിഡ് ഓപ്പറേറ്റിങ് സിസ്റ്റത്തിലേക്കും പ്ലേ സ്റ്റോറിലേക്കും ഒപ്റ്റിമൈസേഷനുകളുള്ള എന്‍ട്രി ലെവല്‍, വില കുറഞ്ഞ 4ജി, 5ജി സ്മാര്‍ട് ഫോണ്‍ സംയുക്തമായി വികസിപ്പിക്കുന്നതിനായി റിലയന്‍സ് ജിയോയും ഗൂഗിളും അടുത്തിടെ വാണിജ്യ കരാറിലെത്തിയിരുന്നു.

ഇന്ത്യയിലെ ഏറ്റവും ഉയര്‍ന്ന മൂല്യമുള്ള കമ്പനിയായ റിലയന്‍സ് ജൂലൈയില്‍ ആല്‍ഫബെറ്റിന്റെ ഗൂഗിള്‍ ഡിജിറ്റല്‍ യൂണിറ്റില്‍ 4.5 ബില്യണ്‍ ഡോളര്‍ നിക്ഷേപിക്കുമെന്ന് അറിയിച്ചിരുന്നു. വിലകുറഞ്ഞ 4ജി, 5ജി സ്മാര്‍ട് ഫോണുകള്‍ അവതരിപ്പിക്കാന്‍ ഗൂഗിളും റിലയന്‍സ് ജിയോയും ചേര്‍ന്നാല്‍ ഇന്ത്യന്‍ സ്മാര്‍ട് ഫോണ്‍ വിപണിയില്‍ വന്‍ സംഭവമാകും. ഇതോടെ നിലവില്‍ സ്മാര്‍ട് ഫോണ്‍ വിപണിയില്‍ 80 ശതമാനവും നിയന്ത്രിക്കുന്ന ചൈനീസ് ബ്രാന്‍ഡുകളുടെ ആധിപത്യം തകര്‍ക്കാനും കഴിയുമെന്നാണ് വിശകലന വിദഗ്ധര്‍ പറയുന്നത്.

ഗൂഗിള്‍–ജിയോ പങ്കാളിത്തം സ്മാര്‍ട് ഫോണ്‍ വിപണിയില്‍ വന്‍ ചലനം സൃഷ്ടിച്ചേക്കും. ബഹുജന വിപണിയില്‍ ശ്രദ്ധ കേന്ദ്രീകരിച്ച ചൈനീസ് ബ്രാന്‍ഡുകളെ ഈ നീക്കം നേരിട്ട് ബാധിക്കും. ചൈനീസ് കമ്പനികളുടെ വിഹിതത്തില്‍ നല്ലൊരു ഭാഗം പിടിച്ചെടുക്കാനും സാധിക്കും. ഗൂഗിളിനു പുറമെ ക്വാല്‍കോമിന്റെ ജിയോയിലെ സമീപകാല നിക്ഷേപവും ഫോണ്‍ നിര്‍മാണത്തിനു ശക്തിപകരും.

 

india

‘കോൺ​ഗ്രസ് പാർട്ടിയെ പാപ്പരാക്കുക ലക്ഷ്യം; ആദായ നികുതി വകുപ്പിൻ്റെ നടപടിക്ക് പിന്നിൽ നരേന്ദ്ര മോദിയും BJPയും’: കെ സി വേണു​ഗോപാൽ

രാജ്യവ്യാപകമായി കോൺ​ഗ്രസ് പ്രതിഷേധിക്കുമെന്ന് കെസി വേണു​ഗോപാൽ വ്യക്തമാക്കി

Published

on

ആദായ നികുതി വകുപ്പ് വീണ്ടും നോട്ടീസ് അയച്ചതിൽ വിമർശനവുമായി കെസി വേണു​ഗോപാൽ. കോൺ​ഗ്രസ് പാർട്ടിയെ സാമ്പത്തിക പാപ്പരാക്കുകയാണ് ലക്ഷ്യമെന്ന് കെ സി വേണു​ഗോപാൽ പറഞ്ഞു. നരേന്ദ്ര മോദി നടത്തുന്ന ​ഗൂഢപദ്ധതിയുടെ ഭാ​ഗമായാണ് ഈ നടപടിയെന്ന് അദ്ദേഹം പറഞ്ഞു.

ബിജെപി കണക്ക് സമർപ്പിച്ചിട്ടില്ല. അവർക്ക് കുഴപ്പമില്ല. തെരഞ്ഞെടുപ്പിന് മുൻപ് ഞങ്ങളുടെ അക്കൗണ്ട് മരവിപ്പിച്ചു. ഇപ്പോൾ ഇത്രയും പണം അടക്കാൻ പറയുന്നു. ഇത് എതിർക്കുന്ന രാഷ്ട്രീയ പാർട്ടികളെ ഇല്ലായ്മ ചെയ്യാൻ വേണ്ടി ഭരണയന്ത്രങ്ങൾ‌ ​ദുരുപയോ​ഗപ്പെടുത്തുകയാണെന്ന് കെസി വേണു​ഗോപാൽ പറഞ്ഞു. ജനങ്ങൾ‌ മനസിലാക്കണമെന്നും ഭരണകക്ഷി അവരുടെ സ്വാധീനം ഉപയോ​ഗിച്ച് പ്രതിപക്ഷത്തോട് ചെയ്യുന്നത് ഇങ്ങനെയാണെന്ന് വേണു​ഗോപാൽ പറഞ്ഞു.

രാജ്യവ്യാപകമായി കോൺ​ഗ്രസ് പ്രതിഷേധിക്കുമെന്ന് കെസി വേണു​ഗോപാൽ വ്യക്തമാക്കി. 400 സീറ്റെന്ന് പറഞ്ഞിട്ട് പരാജയം ഉറപ്പായെന്ന് വ്യക്തമായതോടെയാണ് നീചമായ പ്രതികാര രാഷ്ട്രീയം കേന്ദ്ര ഏജൻസിയെ ഉപയോ​ഗിച്ച് ചെയ്യുന്നത്. ആദായ നികുതി ഉദ്യോ​ഗസ്ഥർ ബിജെപിയുടെ ​ഗുണ്ടകളെ പോലെയാണ് പ്രവർത്തിക്കുന്നതെന്ന് വേണു​ഗോപാൽ വിമർശിച്ചു. ജനങ്ങൾ സഹായിക്കുമെന്നും നിയമപരമായ വഴികൾ തേടുമെന്നും കെ സി വേണു​ഗോപാൽ കൂട്ടിച്ചേർത്തു.

Continue Reading

india

മദ്യനയക്കേസ്: അരവിന്ദ് കെജ്രിവാളിനെ മറ്റ് പ്രതികൾക്കൊപ്പം ഇരുത്തി ചോദ്യം ചെയ്യാൻ ഇഡി നീക്കം

ഗോവ ആംആദ്മി പാർട്ടി പ്രസിഡന്റ് അമിത് പലേക്കർ അടക്കം രണ്ട് പേരെ ഇ ഡി ഇന്നലെ ചോദ്യം ചെയ്തിരുന്നു

Published

on

മദ്യനയക്കേസിൽ ഇഡി കസ്റ്റഡിയിൽ തുടരുന്ന അരവിന്ദ് കെജ്രിവാളിനെ മറ്റ് പ്രതികൾക്കൊപ്പം ഇരുത്തി ചോദ്യം ചെയ്യാൻ തീരുമാനം. ഗോവ ആംആദ്മി പാർട്ടി പ്രസിഡന്റ് അമിത് പലേക്കർ അടക്കം രണ്ട് പേരെ ഇ ഡി ഇന്നലെ ചോദ്യം ചെയ്തിരുന്നു.

പ്രാഥമിക ചോദ്യം ചെയ്യലിൽ നിയമസഭാ തെരഞ്ഞെടുപ്പ് സമയത്തെ പാർട്ടിയുടെ ചെലവുകളെ കുറിച്ചും ഇഡി ചോദിച്ചു. കഴിഞ്ഞ അഞ്ച് വർഷത്തെ ബാങ്ക് അക്കൗണ്ട് ഇടപാടുകളുടെ വിശദാശംങ്ങളും ഇ ഡി ആവശ്യപ്പെട്ടിട്ടുണ്ട്.

മദ്യനയ അഴിമതിയിലൂടെ ലഭിച്ച പണം ഗോവയിലെ തെരഞ്ഞെടുപ്പ് പ്രചാരണത്തിന് ഉപയോഗിച്ചെന്നാണ് ഇഡി ഇന്നലെ കോടതിയിൽ ആരോപിച്ചത്. അതേസമയം ഡൽഹിയിൽ ഭരണനിർവഹണത്തിന് മന്ത്രിമാരിലൊരാളെ ചുമതല ഏൽപ്പിക്കാൻ ആംആദ്മി പാർട്ടി തീരുമാനിച്ചിട്ടുണ്ട്.

Continue Reading

india

പിഎച്ച്ഡി പ്രവേശനത്തിനുള്ള മാനദണ്ഡങ്ങള്‍ പരിഷ്ക്കരിച്ച് യുജിസി, നെറ്റ് യോഗ്യതയുള്ളവര്‍ക്ക് നേരിട്ട് പ്രവേശനം

ഇനി മുതല്‍ നെറ്റ് സ്കോർ ഉള്ളവർക്ക് സർവകലാശാലകളുടെ എൻട്രൻസ് പരീക്ഷ ഇല്ലാതെ പ്രവേശനം നൽകണമെന്നാണ് നിര്‍ദേശം

Published

on

ദില്ലി:പിഎച്ച്ഡി പ്രവേശനത്തിനുള്ള മാനദണ്ഡങ്ങള്‍ പരിഷ്ക്കരിച്ച് യൂണിവേഴ്സിറ്റി ഗ്രാന്‍റ്സ് കമ്മീഷൻ (യുജിസി). ഇനി മുതല്‍ നെറ്റ് സ്കോർ ഉള്ളവർക്ക് സർവകലാശാലകളുടെ എൻട്രൻസ് പരീക്ഷ ഇല്ലാതെ പ്രവേശനം നൽകണമെന്നാണ് നിര്‍ദേശം.

ഇതുസംബന്ധിച്ച വിശദമായ ഉത്തരവും യുജിസി പുറത്തിറക്കി. നേരത്തെ നെറ്റിന് പുറമെ ജെആര്‍എഫ് കൂടി ലഭിച്ചവർക്ക് മാത്രമായിരുന്നു നേരിട്ട് ഗവേഷണത്തിന് പ്രവേശനം അനുവദിച്ചിരുന്നത്. ജെആര്‍എഫ് ഇല്ലാത്തവര്‍ക്ക് എന്‍ട്രസ് പരീക്ഷ എഴുതിയാലെ പിഎച്ച്ഡിക്ക് പ്രവേശനം ലഭിച്ചിരുന്നുള്ളു. ഇനി നെറ്റ് പാസായി നിശ്ചിത കട്ട്ഓഫ് മാര്‍ക്ക് നേടിയവര്‍ക്ക് പിഎച്ച്ഡിക്ക് നേരിട്ട് പ്രവേശനം നേടാനാകും.

Continue Reading

Trending