കനത്ത സാമ്പത്തിക പ്രതിസന്ധിയിലൂടെ കടന്നുപോകുന്ന ട്വിറ്റര്‍ ലോഗോ പോലും ലേലത്തിന് വെക്കേണ്ട അവസ്ഥയിലായി. ചൊവ്വാഴ്ച മുതല്‍ സാന്‍ഫ്രാന്‍സിസ്‌കോയിലെ ഹെഡ് ക്വാര്‍ട്ടേഴസിലാണ് ലേലം നടത്തിയത്. 27 മണിക്കൂര്‍ നടത്തിയ ലേലത്തിന്റെ സംഘാടനം നിര്‍വഹിച്ചത് ഹെറിറ്റേജ് ഗ്ലോബല്‍ പാട്‌നര്‍ ആണ്. 631 വസ്തുക്കളാണ് വിറ്റഴിച്ചതെന്ന് ട്വിറ്റര്‍ അറിയിച്ചു. ഇതില്‍ അധികവും അനാവശ്യവസ്തുക്കളാണ്.

ഇലക്‌ട്രോണിക്‌സ് ഉപകരണങ്ങള്‍, ഫര്‍ണിച്ചറുകള്‍, അടുക്കള ഉപകരണങ്ങള്‍ ഉള്‍പ്പെടെയാണ് ലേലത്തില്‍ വിറ്റത്. ഓണ്‍ലൈനില്‍ ഏറ്റവും വലിയ തുകയ്ക്ക് വിറ്റുപോയത് ട്വിറ്ററിന്റെ ലോഗോ തന്നെയാണ്. 1 ലക്ഷം ഡോളറിനാണ് ശില്‍പം വിറ്റുപോയത്. നാല് അടിയോളം ഉയരമുള്ള ശില്പം ആരാണ് വാങ്ങിയതെന്നതിനെപ്പറ്റി വ്യക്തതയില്ല. ഏറ്റവും വലിയ തുകയ്ക്ക് വിറ്റുപോയ രണ്ടാമത്തെ വസ്തുവും ട്വിറ്റര്‍ പക്ഷിയുടെ ഒരു നിയോണ്‍ ഡിസ്‌പ്ലേയാണ്. 40,000 ഡോളറാണ് ഇതിന് ലഭിച്ചത്.

സന്തോഷവും സുഖകരവുമായി ജീവിക്കാന്‍ സാധിക്കുന്ന ലോകത്തിലെ ഏറ്റവും മികച്ച നഗരങ്ങളുടെ പട്ടികയില്‍ ഇനി ദോഹയും. സുഗമമായി ജോലി ചെയ്യാനും നിക്ഷേപം നടത്താനും സന്ദര്‍ശനം നടത്താനും കഴിയുന്ന മികച്ച 100 നഗരങ്ങളുടെ പട്ടികയില്‍ 27-ാം സ്ഥാനവും മധ്യപൂര്‍വദേശത്തും അറബ് ലോകത്തുള്ള നഗരങ്ങള്‍ക്കിടയില്‍ രണ്ടാം സ്ഥാനവുമാണ് ഖത്തറിന്. ലോകത്ത് 5-ാമതും അറബ് നാട്ടില്‍ ഒന്നാമതും ദുബായ് നഗരമാണ്. അബുദാബി 28-ാമതും റിയാദ് 83-ാമതുമായി 4 അറബ് നഗരങ്ങളും പട്ടികയില്‍ ഇടം നേടിയിട്ടുണ്ട്.

ലോക നഗരങ്ങളുടെ ബ്രാന്‍ഡിങ്ങിലും പ്ലേസ്‌മേക്കിങ്ങിലും ആഗോളതലത്തിലെ മുന്‍നിര കമ്പനിയായ റെസനന്‍സ് കണ്‍സല്‍റ്റന്‍സിയുടെ ഈ വര്‍ഷത്തെ മികച്ച ലോക നഗരങ്ങളുടെ പട്ടിക പുറത്തിറക്കിയത്. അത്യാധുനിക അടിസ്ഥാന സൗകര്യങ്ങള്‍, ഹൈവേകള്‍ മെട്രാ, സര്‍വകലാശാലകള്‍, മ്യൂസിയങ്ങള്‍, നൂറില്‍ കൂടുതല്‍ ഹോട്ടലുകള്‍ തുടങ്ങിയ വലിയ കാഴ്ച്ചകളാണ് ദോഹയെ സഞ്ചാരികളുടെ പ്രിയപ്പെട്ട നഗരമായി മാറ്റുന്നത്.

സംസ്ഥാനത്ത് സ്വർണ വില കുറഞ്ഞു. പവന് 360 താഴ്ന്ന് സ്വർണത്തിന്റെ വില 36,880 രൂപയായി.ഗ്രാമിന് 45 രൂപ കുറഞ്ഞ് 4610ൽ എത്തി.ഈ മാസത്തെ കുറഞ്ഞ വിലയാണിത്.

ഈ മാസം സ്വർണ വില 36000ന് താഴെയെത്തുന്നത് ഇത് ആദ്യമാണ്.