kerala
മന്ത്രി റിയാസിനെ വിമര്ശിച്ച് കെ.ബി ഗണേഷ് കുമാര്; സീനിയര് ജനപ്രതിനിധികളുടെ ആവശ്യങ്ങള് പരിഗണിക്കുന്നില്ല
പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസിനെ രൂക്ഷമായി വിമര്ശിച്ച് പത്തനാപുരം എംഎല്എ കെ ബി ഗണേഷ് കുമാര്.

പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസിനെ രൂക്ഷമായി വിമര്ശിച്ച് പത്തനാപുരം എംഎല്എ കെ ബി ഗണേഷ് കുമാര്. തന്നെപ്പോലെയുള്ള സീനിയര് ജനപ്രതിനികളുടെ ആവശ്യങ്ങള് മന്ത്രി പരിഗണിക്കുന്നില്ല എന്ന് റോഡ് ഉദ്ഘാടന ചടങ്ങില് പ്രസംഗിക്കവെ അദ്ദേഹം പറഞ്ഞു. പത്തനാപുരം ബ്ലോക്കില് ഈ വര്ഷം പുതുതായി 100 മീറ്റര് റോഡ് പോലും അനുവദിച്ചിട്ടില്ലെന്നും ഗണേഷ് കുമാര് കുറ്റപ്പെടുത്തി.
റോഡ് ഉദ്ഘാടന പരിപാടിയുടെ പോസ്റ്ററില് മന്ത്രി റിയാസിന്റെ പടമാണ് വെച്ചിരിക്കുന്നത്. എന്നാല് വെക്കേണ്ടത് ജി സുധാകരന്റെ പടമായിരുന്നു. അദ്ദേഹമാണ് റോഡ് അനുവദിച്ചത്. അതിന് അദ്ദേഹത്തോട് നന്ദിയുണ്ട്.മന്ത്രി റിയാസ് റോഡ് തരുന്നില്ല. നടന് എന്ന കാര്യം മാറ്റി നിര്ത്തിയാല് തനിക്ക് ജനപ്രതിനിധി എന്ന നിലയില് സീനിയോറിറ്റി ഉണ്ട്. റിയാസിനെക്കാള് 20 വര്ഷം മുന്പ് മന്ത്രിയായ ആളാണ് ഞാന്. വേണ്ടവിധത്തില് റോഡ് അനുവദിക്കുന്നില്ലെന്നും ഗണേഷ് കുമാര് കുറ്റപ്പെടുത്തി.
kerala
താമരശ്ശേരി ചുരത്തില് വലിയ വാഹനങ്ങള് നിയന്ത്രണ വിധേയമായി കടത്തിവിടും
പൊലീസിന്റെ നിയന്ത്രണത്തോടെ ഇരു ഭാഗത്തുനിന്നും വരുന്ന വാഹനങ്ങള് കൃത്യമായ സമയം ഇടവിട്ട് കടത്തിവിടും.

താമരശ്ശേരി ചുരം റോഡ് വഴി മള്ട്ടി ആക്സില് വാഹനങ്ങള് ഒഴികെ കെഎസ്ആര്ടിസി ഉള്പ്പെടെയുള്ള മറ്റ് വാഹനങ്ങള് നിയന്ത്രണ വിധേയമായി കടത്തിവിടുമെന്ന് ഉത്തരവ്. മണ്ണിടിച്ചിലുണ്ടായ സാഹചര്യത്തിലാണ് വാഹനങ്ങള് കടത്തി വിടുന്നത് നിരോധിച്ചത്. പൊലീസിന്റെ നിയന്ത്രണത്തോടെ ഇരു ഭാഗത്തുനിന്നും വരുന്ന വാഹനങ്ങള് കൃത്യമായ സമയം ഇടവിട്ട് കടത്തിവിടും. ഈ പാത വഴി മള്ട്ടി ആക്സില് വാഹനങ്ങള്ക്കുള്ള നിരോധനം തുടരാനും സ്ഥിതിഗതികള് വിലയിരുത്താനായി ജില്ല കലക്ടറുടെ യോഗത്തില് തീരുമാനിച്ചു.
മഴ ശക്തമാകുന്ന സാഹചര്യത്തില് വാഹനങ്ങള്ക്ക് നിയന്ത്രണം ഏര്പ്പെടുത്തുമെന്നും ജില്ലാ കലക്ടര് പറഞ്ഞു. റോഡിന് മുകളിലായി പാറയുടെ സ്ഥിതി പരിശോധിക്കാനായി ജിപിആര് സംവിധാനം ഉപയോഗപ്പെടുത്തുന്നതിനായി കോഴിക്കോട് നാഷണല് ഇന്സ്റ്റിറ്റിയൂട്ട് ഓഫ് ടെക്നോളജി സിവില് എഞ്ചിനിയറിങ് വിഭാഗവുമായി ബന്ധപ്പെട്ട് നടപടി കൈക്കൊള്ളാന് ബന്ധപ്പെട്ട ഉദ്യോഗസ്ഥര്ക്ക് കലക്ടര് നിര്ദേശം നല്കി. പാറയുടെ ഡ്രോണ് പടങ്ങള് എടുത്ത് സ്ഥിതിഗതികള് വിലയിരുത്താനും യോഗം തീരുമാനിച്ചു.
kerala
മഴ തുടരുന്നു; സംസ്ഥാനത്ത് മഴ മുന്നറിയിപ്പില് മാറ്റം
.കാസര്കോഡ്,കണ്ണൂര് ജില്ലകളില് ഓറഞ്ച് അലര്ട്ട് പ്രഖ്യാപിച്ചു.

സംസ്ഥാനത്ത് മഴമുന്നറിയിപ്പില് മാറ്റം.കാസര്കോഡ്,കണ്ണൂര് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. കോഴിക്കോട്,വയനാട്,പത്തനംതിട്ട,കൊല്ലം, തിരുവനന്തപുരം ജില്ലകളില് യെല്ലോ അലര്ട്ടും പ്രഖ്യാപിച്ചു.
കേരളത്തില് ഒറ്റപ്പെട്ടയിടങ്ങളില് ഇന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
kerala
പൂട്ടിക്കിടന്ന വീട്ടില് കവര്ച്ച; 11.58 ലക്ഷം രൂപയുടെ നഷ്ടം
തിരുവനന്തപുരം ചിറയിന്കീഴ് ആളില്ലാതിരുന്ന വീട്ടില് വന് കവര്ച്ച.

തിരുവനന്തപുരം ചിറയിന്കീഴ് ആളില്ലാതിരുന്ന വീട്ടില് വന് കവര്ച്ച. ചിറയിന്കീഴ് ഒറ്റപ്ലാമുക്ക് ഷാരോണ് ഡെയിലില് സുശീല സി.പെരേരയുടെ വീട്ടിലാണ് കവര്ച്ച നടന്നത്. 107 ഗ്രാം സ്വര്ണവും ഇന്ത്യന്, വിദേശ കറന്സികളും മോഷ്ടിക്കപ്പെട്ടു. മൊത്തം 11.58 ലക്ഷം രൂപയുടെ നഷ്ടമുണ്ടായിട്ടുണ്ട്.
മകളുടെ ഭര്ത്താവിന്റെ ചികിത്സയുമായി ബന്ധപ്പെട്ട് ഒരാഴ്ചയായി സുശീല വീട്ടില് ഉണ്ടായിരുന്നില്ല. കഴിഞ്ഞദിവസം വീട്ടിലെത്തിയപ്പോഴാണ് കവര്ച്ച നടന്നത് മനസിലാക്കിയത്. വീടിനുള്ളിലെ ഷെല്ഫുകള് തുറന്ന് അതിലെ സാധനങ്ങള് എല്ലാം വാരിവലിച്ചിട്ടിരിക്കുകയായിരുന്നു.
അലമാരകളില് സൂക്ഷിച്ചിരുന്ന വസ്തുക്കളാണ് നഷ്ടമായത്. മാല, വളകള്, കമ്മലുകള്, മോതിരം തുടങ്ങിയവയാണ് കവര്ന്നത്. ഇന്ത്യന് രൂപ, സൗദി, യു.എ.ഇ കറന്സികള്, വിലയേറിയ വാച്ച് എന്നിവയും നഷ്ടമായിട്ടുണ്ട്. മരുമകന്റെ ചികിത്സ ആവശ്യങ്ങള്ക്കായി മകള് സൂക്ഷിക്കാന് നല്കിയിരുന്നതാണ് പണം. ചിറയിന്കീഴ് പോലീസ് അന്വേഷണം ആരംഭിച്ചിട്ടുണ്ട്.
-
kerala1 day ago
ഷാഫി പറമ്പിലിനെതിരായ നീക്കം അവസാനിപ്പിച്ചില്ലെങ്കില് കോഴിക്കോട്ട് ഒരു മന്ത്രിയും എം.എല്.എയും റോഡിലിറങ്ങില്ലെന്ന് ജില്ലാ ലീഗ്
-
kerala1 day ago
വിജിലിന്റെ മൃതദേഹഭാഗങ്ങള്ക്കായി തിരച്ചില് തുടരുന്നു; രണ്ട് കഡാവര് നായകളെ എത്തിച്ചു
-
kerala1 day ago
ജനാധിപത്യത്തിലേക്ക് തേര് തെളിച്ച വില്ലുവണ്ടി
-
kerala3 days ago
താമരശ്ശേരി ചുരത്തില് മണ്ണിടിച്ചില്; കാല്നടയാത്രക്കാര്ക്കടക്കം യാത്ര വിലക്ക്
-
kerala3 days ago
നെഹ്രു ട്രോഫി വള്ളംകളി; 30ന് പ്രാദേശിക അവധി, എല്ലാ വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫീസുകള്ക്കും ബാധകം
-
kerala3 days ago
പ്രതിപക്ഷ നേതാവിന്റെ ഔദ്യോഗിക വസതിക്ക് നേരെയുള്ള അക്രമം; ജനാധിപത്യ വിരുദ്ധമെന്ന് കെപിസിസി
-
Film3 days ago
ഓണം മോഹൻലാലിന്റെ ‘ഹൃദയപൂർവ്വം’ കൊണ്ടുപോകുമോ?; ഹൃദയപൂര്വം ട്രെയിലര് പുറത്ത്
-
kerala3 days ago
വിപണിയില് വന്തോതില് മായം കലര്ന്ന വെളിച്ചെണ്ണ; ഭക്ഷ്യ സുരക്ഷാവകുപ്പ് പിടികൂടിയത് 4513 ലിറ്റര്