Connect with us

Video Stories

ജയിച്ചിരിക്കണം ബ്ലാസ്റ്റേഴ്‌സ്

Published

on

കമാല്‍ വരദൂര്‍

ജയിക്കാന്‍ കളിക്കണമിന്ന് ബ്ലാസ്‌റ്റേഴ്‌സ്. അതിന് 90 മിനുട്ടും വര്‍ധിതവിര്യം വേണം. പ്രതിയോഗികളെ മാനസികമായി ഇല്ലാതാക്കണം. കഴിഞ്ഞ ദിവസം പൂനെക്കാര്‍ കൊല്‍ക്കത്തയെ വീഴ്ത്താന്‍ പ്രകടിപ്പിച്ച ആ ധൈര്യമുണ്ടല്ലോ-അതങ്ങ് പുറത്തെടുക്കണം. ഹീറോ ഇന്ത്യന്‍ സൂപ്പര്‍ ലീഗില്‍ ഇത് വരെ കളിച്ച മല്‍സരങ്ങളിലൊന്നിലും ജയിക്കാനുറച്ചുളള പോര്‍വീര്യം കോപ്പലിന്റെ സംഘം പുറത്തെടുത്തിട്ടില്ല. രണ്ട് കളികളില്‍ തട്ടിമുട്ടി ജയിച്ചുവെന്ന് മാത്രം.

ഈ ടീം ജയിക്കുമെന്ന് തറപ്പിച്ചങ്ങ് പറയാന്‍ ആര്‍ക്കുമാവുന്നില്ല. ചിലപ്പോള്‍ നന്നായി കളിക്കും. മറ്റ് ചിലപ്പോള്‍ ദയനീയമായി നില്‍ക്കും. അവസാന മല്‍സരത്തില്‍ ഡല്‍ഹിക്ക് മുന്നില്‍ കണ്ടത് ദയനീയതയാണെങ്കില്‍ ഗോവക്കെതിരെ ഫത്തോര്‍ഡയില്‍ നടന്ന മല്‍സരത്തില്‍ പിടിച്ചു കളിച്ചിരുന്നു. ഇന്ന് വേണ്ടത് ഇതൊന്നുമല്ല-തകര്‍ത്ത് കളിക്കണം. ആരോണ്‍ ഹ്യൂസ് എന്ന നായകനും നാസോണ്‍ എന്ന മുന്‍നിരക്കാരനുമില്ലെന്നത് നേര്. ഗോവക്കാര്‍ ഭീകരന്മാരൊന്നുമല്ല.

പോരാത്തതിന് നാല് പ്രമുഖര്‍ ഇന്ന് കളിക്കുന്നമില്ല. ഗോള്‍വേട്ടക്കാരനായ ജൂലിയോ സീസര്‍, ക്യാപ്റ്റന്‍ ലൂസിയാനോ, മുന്‍നിരയില്‍ മിന്നുന്ന റെയ്‌നാള്‍ഡോ, ടീമിന്റെ കുന്തമുന ജോഫ്രെ എന്നിവര്‍ ഇല്ലാതെ വരുമ്പോള്‍ കോപ്പലിന്റെ സംഘത്തിന് ധൈര്യത്തില്‍ കളിക്കാം. കഴിഞ്ഞ തവണ ഗോവക്കാര്‍ കൊച്ചിയില്‍ വന്നപ്പോള്‍ ആദ്യം ഗോളടിച്ചത് ബ്ലാസ്‌റ്റേഴ്‌സായിരുന്നു. പക്ഷേ പിന്നെ കിട്ടിയത് അഞ്ച് ഗോളുകളായിരുന്നു. ആ ദുരന്ത സ്മരണ ഇവിടെ കളി കണ്ട പലര്‍ക്കുമുണ്ട്. ഗോവയാവട്ടെ ഇത്തവണ അവസാന സ്ഥാനക്കാരുടെ മോശം കുപ്പായത്തിലാണ്.

ജയിക്കുകയല്ലാതെ രണ്ട് ടീമുകള്‍ക്കും മറ്റ് വഴികളില്ല. പ്രത്യേകിച്ച് ബ്ലാസ്റ്റേഴ്‌സിന്. സ്വന്തം മൈതാനത്ത് അവസാനം നടന്ന മല്‍സരത്തില്‍ ജയിച്ചതിന്റെ ആത്മവിശ്വാസത്തെ ഉപയോഗപ്പെടുത്തണം. അതിവേഗ ഫുട്‌ബോളില്‍ മികച്ച പ്രകടനം കാഴ്ച്ചവെക്കണം.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending