Connect with us

Football

ജയം കൈവിട്ടു; ബ്ലാസ്‌റ്റേഴ്‌സിന് സമനിലക്കുരുക്ക്

കളിയുടെ 90ാ-ാം മിനിറ്റിലാണ് നോര്‍ത്ത് ഈസ്റ്റ് യുണൈറ്റഡ് രണ്ടാം ഗോള്‍ കണ്ടെത്തിയത്.

Published

on

പനാജി: ഐഎസ്എല്ലില്‍ ആദ്യ ജയം തേടിയിറങ്ങിയ കേരള ബ്ലാസ്‌റ്റേഴ്‌സിന് സമനിലക്കുരുക്ക്. നോര്‍ത്ത് ഈസ്റ്റ് യുണൈറ്റഡിന് എതിരെ രണ്ടുഗോളിന് മുന്നിട്ടു നിന്ന ശേഷമാണ് ബ്ലാസ്‌റ്റേഴ്‌സ് സമനില വഴങ്ങിയത്. കളിയുടെ 90ാ-ാം മിനിറ്റിലാണ് നോര്‍ത്ത് ഈസ്റ്റ് യുണൈറ്റഡ് രണ്ടാം ഗോള്‍ കണ്ടെത്തിയത്.

കളിയുടെ അഞ്ചാം മിനിറ്റില്‍ തന്നെ ബ്ലാസ്‌റ്റേഴ്‌സ് ലീഡു നേടി. സെയ്ത്യാസെന്‍ സിങ്ങിന്റെ ഫ്രീകിക്കില്‍ തലവച്ച് ക്യാപ്റ്റന്‍ സെര്‍ജിയോ സിഡോഞ്ചയാണ് സ്‌കോര്‍ ബോര്‍ഡ് തുറന്നത്. 23-ാം മിനിറ്റില്‍ ലീഡ് നേടാനുള്ള സുവര്‍ണാവസരം ബ്ലാസ്‌റ്റേഴ്‌സ് കളഞ്ഞു കുളിച്ചു. സിഡോഞ്ചയുടെ ക്രോസ് സ്വീകരിച്ച ഹൂപ്പര്‍ ഗോളി മാത്രം മുമ്പില്‍ നില്‍ക്കെ പുറത്തേക്ക് അടിച്ചു കളയുകയായിരുന്നു.

45-ാം മിനിറ്റില്‍ ബ്ലാസ്റ്റേഴ്‌സ് താരം ഹാള്‍റിങ്ങിനെ ബോക്‌സില്‍ വീഴ്ത്തിയതിന് കിട്ടിയ പെനാല്‍റ്റി ഹൂപ്പര്‍ ലക്ഷ്യത്തിലെത്തിച്ചു. സ്‌കോര്‍ 2-0.

എന്നാല്‍ ആദ്യ പകുതിയിലെ ഒത്തിണക്കം രണ്ടാം പകുതിയില്‍ കാണിക്കാന്‍ ബ്ലാസ്റ്റേഴ്‌സിനായില്ല. നോര്‍ത്ത് ഈസ്റ്റ് കുറച്ചുകൂടി ആക്രമിച്ചു കളിക്കുകയും ചെയ്തു. 51-ാം മിനിറ്റില്‍ അതിന് ഫലം കിട്ടി. ഫെഡ്രികോ ഗല്ലേഗോ എടുത്ത കോര്‍ണര്‍ ക്ലിക് ക്ലിയര്‍ ചെയ്യുന്നതില്‍ ബ്ലാസ്‌റ്റേഴ്‌സ് പ്രതിരോധം കാണിച്ച ആശയക്കുഴപ്പത്തിനിടെ കെസ്വി ആപ്പിയ ഗോള്‍ നേടി. ഇതിനു പിന്നാലെ 65-ാം മിനിറ്റില്‍ ലാലെങ്മാവിയയെ ജസര്‍ കാര്‍ണൈറോ ബോക്‌സില്‍ വീഴ്ത്തിയതിന് നോര്‍ത്ത് ഈസ്റ്റിന് പെനാല്‍റ്റി ലഭിച്ചു.

എന്നാല്‍ പെനാല്‍റ്റിയെടുത്ത ആപ്പിയ പന്ത് പുറത്തേക്ക് അടിച്ചു കളഞ്ഞു. എന്നാല്‍ 72-ാം മിനിറ്റില്‍ പകരക്കാരനായി ഇറങ്ങിയ ഇദ്രിസ സെല്ല മൈതാനത്തിന്റെ മധ്യത്തില്‍ നിന്നു വന്ന പന്ത് നെഞ്ചില്‍ സ്വീകരിച്ച് നൊടിയിടയില്‍ ഗോള്‍ കണ്ടെത്തുകയായിരുന്നു. ഓഫ് സൈഡിന്റെ മണമുള്ള ഗോളിലൂടെ ഇതോടെ നോര്‍ത്ത് ഈസ്റ്റ് സമനില പിടിച്ചുവാങ്ങി.

Football

ഇന്ന് മാഞ്ചസ്റ്റര്‍ ഡെര്‍ബി

സിറ്റിയുടെ വേദിയായ എമിറേറ്റ്‌സിലാണ് മല്‍സരം. നിലവില്‍ സിറ്റിക്കാര്‍ ഏഴ് മല്‍സരങ്ങളില്‍ 17 പോയന്റില്‍ മൂന്നാമതും യുനൈറ്റഡ് ഇത്രയും മല്‍സരങ്ങളില്‍ അഞ്ചാമതും നില്‍ക്കുന്നു.

Published

on

മാഞ്ചസ്റ്റര്‍: ഇന്ന് സീസണിലെ ആദ്യ മാഞ്ചസ്റ്റര്‍ ഡെര്‍ബി. മാഞ്ചസ്റ്റര്‍ യുനൈറ്റഡും മാഞ്ചസ്റ്റര്‍ സിറ്റിയും നേര്‍ക്കുനേര്‍. അഥവാ ടെന്‍ ഹാഗനും പെപ് ഗുര്‍ഡിയോളയും മുഖാമുഖം. സിറ്റിയുടെ വേദിയായ എമിറേറ്റ്‌സിലാണ് മല്‍സരം. നിലവില്‍ സിറ്റിക്കാര്‍ ഏഴ് മല്‍സരങ്ങളില്‍ 17 പോയന്റില്‍ മൂന്നാമതും യുനൈറ്റഡ് ഇത്രയും മല്‍സരങ്ങളില്‍ അഞ്ചാമതും നില്‍ക്കുന്നു.

യുനൈറ്റഡില്‍ കരുത്തനായി സീനിയര്‍ സ്‌ട്രൈക്കര്‍ കൃസ്റ്റിയാനോ റൊണാള്‍ഡോയുണ്ടെങ്കില്‍ സിറ്റിയുടെ കരുത്ത് യുവ ഗോള്‍ വേട്ടക്കാരന്‍ ഏര്‍ലിന്‍ ഹലാന്‍ഡാണ്. ചില്ലറ പരുക്ക് പ്രശ്‌നങ്ങള്‍ ടീമുകളെ വേട്ടയാടുന്നുണ്ട്. ഡിഫന്‍ഡര്‍ ജോണ്‍ സ്‌റ്റോണസിന്റെ സേവനം ഇന്ന് സിറ്റിക്കില്ല. യുനൈറ്റഡിനാവട്ടെ നായകന്‍ ഹാരി മക്ഗ്വയറുമില്ല. പേശീവലിവില്‍ പുറത്തായിരിക്കുകയാണ് ക്യാപ്റ്റന്‍. നായകന് പകരം കോച്ച് രംഗത്തിറക്കുക ഒന്നുങ്കില്‍ ആന്റണി മാര്‍ഷലിനെയോ മാര്‍ക്കസ് റാഷ്‌ഫോര്‍ഡിനെയോ ആയിരിക്കും.

മോശമായിരുന്നു സീസണില്‍ യുനൈറ്റഡിന്റെ തുടക്കം. രണ്ട് തോല്‍വികളില്‍ ഒരു ഘട്ടത്തില്‍ ടേബിളില്‍ അവസാന സ്ഥാനത്ത്. പിന്നെ കരുത്തരായി തിരികെ വന്നു. സിറ്റിക്ക് ഒരു മല്‍സരത്തില്‍ പിഴച്ചിരുന്നു. അതാണ് ആഴ്‌സനല്‍ ഉപയോഗപ്പെടുത്തിയതും. മാഞ്ചസ്റ്റര്‍ അങ്കങ്ങളുടെ സമീപകാല ചരിത്രമെടുത്താല്‍ പെപിന്റെ സംഘമാണ് മുന്നില്‍. ഇത്തവണ അവരുടെ കുന്തമുനയെന്നാല്‍ ഹലാന്‍ഡാണ്. എല്ലാ മല്‍സരങ്ങളിലും സ്‌ക്കോര്‍ ചെയ്യുന്നു നോര്‍വെക്കാരന്‍. എങ്ങനെ ഈ വേഗക്കാരനെ പിടിച്ചുകെട്ടുമെന്നതാണ് യുനൈറ്റഡ് ഡിഫന്‍സിനുള്ള തലവേദന. സി.ആര്‍ ഫോമിലെത്തുകയെന്നതാണ് യുനൈറ്റഡ് ആരാധകര്‍ ആഗ്രഹിക്കുന്ന കാര്യം. സീസണില്‍ യഥാര്‍ത്ഥ ഫോമിലേക്ക് പോര്‍ച്ചുഗലുകാരന്‍ ഇത് വരെ എത്തിയിട്ടില്ല. ഒരു വേള കോച്ച് അദ്ദേഹത്തെ സ്ഥിരമായി മാറ്റിനിര്‍ത്തുന്നതില്‍ വരെ കാര്യങ്ങളെത്തിയിരുന്നു.

Continue Reading

Football

ബാര്‍സയും റയലും ഇന്നിറങ്ങുന്നു

ബാര്‍സ ഇന്ന് എവേ അങ്കത്തില്‍ മയോര്‍ക്കയുമായാണ് കളിക്കുന്നത്. മുന്‍ ചാമ്പ്യന്മാരായ അത്‌ലറ്റികോ മാഡ്രിഡിനാണ് ഇന്ന് കാര്യമായ വെല്ലുവിളി. സെവിയെയാണ് പ്രതിയോഗികള്‍.

Published

on

മാഡ്രിഡ്: ബാര്‍സിലോണ ഉള്‍പ്പെടെ വമ്പന്മാര്‍ ഇന്ന് കളത്തിലിറങ്ങുന്നതോടെ സ്പാനിഷ് ലാലീഗയും ആവേശത്തിലേക്ക്. ബാര്‍സ ഇന്ന് എവേ അങ്കത്തില്‍ മയോര്‍ക്കയുമായാണ് കളിക്കുന്നത്. മുന്‍ ചാമ്പ്യന്മാരായ അത്‌ലറ്റികോ മാഡ്രിഡിനാണ് ഇന്ന് കാര്യമായ വെല്ലുവിളി. സെവിയെയാണ് പ്രതിയോഗികള്‍. ഇന്നത്തെ മറ്റ് മല്‍സരങ്ങളില്‍ കാഡിസ് വില്ലാ റയലുമായും ഗെറ്റാഫേ റയല്‍ വലഡോലിഡുമായും കളിക്കും.

ജര്‍മന്‍ ബുണ്ടസ് ലീഗിലും സിരിയ എയിലും ഫ്രഞ്ച് ലീഗിലും ഇന്ന് കളിയുണ്ട്. പി.എസ്.ജിയും നൈസും തമ്മിലാണ് ഫ്രഞ്ച് ലീഗിലെ പ്രധാന മല്‍സരം. സിരിയ എ നാപ്പോളിക്കാര്‍ ടോറിനോയെ നേരിടുമ്പോള്‍ ശക്തരായ റോമ എവേ അങ്കത്തില്‍ ഇന്റര്‍ മിലാനുമായി കളിക്കുന്നു. എ.സി മിലാനും മൈതാനത്തുണ്ട്. പ്രതിയോഗികള്‍ എംപോളി. ബുണ്ടസ് ലീഗില്‍ ബൊറൂഷ്യ ഡോര്‍ട്ടുമണ്ട് എഫ്.സി കോളോണുമായി കളിക്കുമ്പോള്‍ ഐന്‍ട്രക്ട് ഫ്രാങ്ക്ഫര്‍ട്ട് എഫ്.സിയും യൂണിയന്‍ ബെര്‍ലിനുമായി നേര്‍ക്കുനേര്‍ വരും.

Continue Reading

Football

ഇംഗ്ലീഷ് പ്രീമിയര്‍ ലീഗ്; ആഴ്‌സനലും ടോട്ടനവും ഇന്ന് നേര്‍ക്കുനേര്‍

പ്രീമിയര്‍ ലീഗില്‍ ഏഴ് മല്‍സരങ്ങള്‍ പിന്നിട്ടപ്പോള്‍ 18 പോയിന്റുമായി ആഴ്‌സനലാണ് നിലവില്‍ ഒന്നാമത്. ചാമ്പ്യന്മാരായ മാഞ്ചസ്റ്റര്‍ സിറ്റി 17 പോയന്റുമായി രണ്ടാം സ്ഥാനത്തുണ്ട്.

Published

on

പത്ത് ദിവസത്തെ രാജ്യാന്തര ബ്രേക്കിന് ശേഷം ഇന്ന് മുതല്‍ യൂറോപ്യന്‍ ലീഗുകളില്‍ പന്തുരുളുന്നു. ഇംഗ്ലീഷ് പ്രീമിയര്‍ ലീഗില്‍ ഏഴ് മല്‍സരങ്ങള്‍. അതില്‍ കൊമ്പന്മാരുടെ അങ്കവുമുണ്ട്. ലണ്ടന്‍ നഗര വൈരികളായ ആഴ്‌സനലും ടോട്ടനവും നേര്‍ക്കുനേര്‍ വരുന്നത് ഇന്ത്യന്‍ സമയം വൈകീട്ട് അഞ്ചിന്. തപ്പിതടയുന്ന ലിവര്‍പൂള്‍ കരുത്തരായ ബ്രൈട്ടണുമായി കളിക്കുന്നത് രാത്രി. ഇന്നത്തെ മറ്റ് മല്‍സരങ്ങള്‍ ഇപ്രകാരം-സമയവും. ബോണ്‍മൗത്ത്-ബ്രെന്‍ഡ്‌ഫോര്‍ഡ്, കൃസ്റ്റല്‍ പാലസ്-ചെല്‍സി (7-30), ഫുള്‍ഹാം- ന്യൂകാസില്‍ (7-30), സതാംപ്ടണ്‍-എവര്‍ട്ടണ്‍, വെസ്റ്റ് ഹാം യുനൈറ്റഡ്-വോള്‍വ്‌സ് (10-00).

പ്രീമിയര്‍ ലീഗില്‍ ഏഴ് മല്‍സരങ്ങള്‍ പിന്നിട്ടപ്പോള്‍ 18 പോയിന്റുമായി ആഴ്‌സനലാണ് നിലവില്‍ ഒന്നാമത്. ചാമ്പ്യന്മാരായ മാഞ്ചസ്റ്റര്‍ സിറ്റി 17 പോയന്റുമായി രണ്ടാം സ്ഥാനത്തുണ്ട്. ടോട്ടനം ഇതേ പോയന്റില്‍ മൂന്നാമതും. അതിനാല്‍ തന്നെ ഇന്നത്തെ നഗര പോരാട്ടത്തില്‍ ആര് ജയിച്ചാലും അവര്‍ക്ക് ടേബിളില്‍ ഒന്നാം സ്ഥാനത്ത് വരാം. അപാര ഫോമില്‍ നില്‍ക്കുന്ന ആഴ്‌സനല്‍ ഇത് വരെ ഒരു കളി മാത്രമാണ് തോറ്റത്. ആറ് മല്‍സരങ്ങളിലും ജയിച്ചു. എന്നാല്‍ ടോട്ടനം ഒരു കളി പോലും തോറ്റിട്ടില്ല. അഞ്ച് മല്‍സരങ്ങളില്‍ ജയിച്ചപ്പോള്‍ രണ്ട് മല്‍സരത്തില്‍ സമനില. നാളെ മാഞ്ചസ്റ്റര്‍ ഡെര്‍ബി നടക്കാനിരിക്കെ മല്‍സരങ്ങള്‍ അത്യാവേശത്തിലേക്കാണ് പോവുന്നത്.

Continue Reading

Trending