ന്യൂഡല്‍ഹി: ഉപരാഷട്രപതി ജഗ്ദീപ് ധന്‍കറിനെതിരെ രാജ്യസഭയില്‍ അവിശ്വാസ പ്രമേയം അവതരിപ്പിക്കാന്‍ ഒരുങ്ങി പ്രതിപക്ഷം. രാജ്യസഭാ ചെയര്‍മാനും ഉപാധ്യക്ഷനുമായ ജഗ്ദീപ് ധന്‍കര്‍ ഉപരിസഭയിലെ പ്രതിപക്ഷത്തോട് പക്ഷപാതിത്വപരമായി പെരുമാറുന്നുവെന്ന് ഇന്ത്യാ സഖ്യത്തിലെ എം.പിമാര്‍ ആരോപിച്ചതിന് പിന്നാലെയാണ് അവിശ്വാസ പ്രമേയം അവതരിപ്പിക്കാന്‍ തീരുമാനിച്ചത്.

പദവിയില്‍ നിന്ന് നീക്കം ചെയ്യാനുള്ള നടപടികളുള്‍പ്പെടുന്ന ഭരണഘടനയുടെ 67 (ബി) അനുച്ഛേദം അനുസരിച്ചാണ് ഇന്ത്യ സഖ്യം ഉപരാഷ്ട്രപതിക്കെതിരെ അവിശ്വാസപ്രമേയം അവതരിപ്പിക്കുന്നത്. അവിശ്വാസ പ്രമേയം അവതരിപ്പിക്കുന്നതിനായി ഇന്ത്യ സഖ്യത്തിലെ വിവിധ പാര്‍ട്ടികളിലുമായുള്ള എം.പിമാരില്‍ നിന്നും 70 പേരുടെ ഒപ്പുകള്‍ വാങ്ങിയതായാണ് റിപ്പോര്‍ട്ട്.

ഓഗസ്റ്റില്‍ നടന്ന പാര്‍ലമെന്റ് മണ്‍സൂണ്‍ സമ്മേളനത്തില്‍ പ്രതിപക്ഷം തങ്ങളുടെ എം.പിമാരില്‍ നിന്നും ഒപ്പ് ശേഖരിച്ചിരുന്നു. എന്നാല്‍ ആ സമയത്ത് നടപടിയെടുക്കേണ്ടെന്ന് തീരുമാനിക്കുകയായിരുന്നു. അതേസമയം കോണ്‍ഗ്രസ്, തൃണമൂല്‍ കോണ്‍ഗ്രസ്, ആം ആദ്മി പാര്‍ട്ടി, സമാജ്വാദി പാര്‍ട്ടി, മറ്റ് ഇന്ത്യന്‍ ബ്ലോക്ക് ഘടകകക്ഷികള്‍ തുടങ്ങിയവര്‍ പ്രമേയത്തിന് പിന്തുണ നല്‍കിയതായും റിപ്പോര്‍ട്ടുകളുണ്ട്.

ജഗ്ദീപ് ധന്‍കര്‍ ഇന്ത്യാ സഖ്യത്തിന്റെ പ്രസംഗങ്ങള്‍ക്കിടയില്‍ തടസം സൃഷ്ടിക്കുന്നുവെന്നും നിര്‍ണായക വിഷയങ്ങളില്‍ സംവാദം നടത്താന്‍ അനുവദിക്കുന്നില്ലെന്നും ആരോപണം ഉയര്‍ന്നിരുന്നു. തര്‍ക്കങ്ങളിലും ചര്‍ച്ചകളിലും ഭരണകക്ഷിക്ക് അനുകൂലമായി പെരുമാറുന്നുവെന്നും ഇന്ത്യാ സഖ്യം പറയുന്നുണ്ട്

പ്രതിപക്ഷ നേതാവ് സംസാരിക്കുന്നതിനായി എഴുന്നേല്‍ക്കുമ്പോള്‍ പാര്‍ലമെന്ററി കണ്‍വെന്‍ഷന്‍ നിര്‍ബന്ധമാക്കിയെന്നും പ്രസംഗങ്ങള്‍ തടസപ്പെടുത്തുവെന്നും മൈക്ക് ഓഫാക്കി എന്നിങ്ങനെ നിരവധി പ്രശ്നങ്ങള്‍ പ്രതിപക്ഷം ആരോപിച്ചിരുന്നു.

രാജ്യത്തെ വഖഫ് സ്വത്ത് വിവരങ്ങളുടെ ഡിജിറ്റല്‍വല്‍ക്കരണത്തില്‍ കാലതാമസം. ആകെയുള്ള 8,72,352 വഖഫ് സ്വത്തില്‍ ഇതുവരെ ഡിജിറ്റലായി രേഖപ്പെടുത്തിയത് 3.3 ലക്ഷം വഖഫ് സ്വത്തുക്കള്‍ മാത്രമാണെന്ന് രാജ്യസഭയില്‍ മുസ്‌ലിം ലീഗ് നേതാവ് പി.വി അബ്ദുല്‍ വഹാബ് എം.പി ഉന്നയിച്ച ചോദ്യത്തിന് കേന്ദ്ര ന്യൂനപക്ഷകാര്യ മന്ത്രി നല്‍കിയ മറുപടിയില്‍ വ്യക്തമാക്കുന്നു.

വഖഫ് സ്വത്തുക്കള്‍ മുമ്പെങ്ങുമില്ലാത്ത വിധം വേട്ടയാടപ്പെടുന്ന ഈ കാലത്ത് അടിയന്തര സ്വഭാവത്തില്‍ പരിഗണിക്കേണ്ട ഈ കാര്യം വൈകുന്നത് ആശങ്കയുണ്ടാക്കുന്നതാണെന്ന് പി.വി. അബ്ദുല്‍ വഹാബ് സഭയില്‍ വ്യക്തമാക്കി. കേന്ദ്ര സര്‍ക്കാറിന്റെ അലംഭാവമാണ് കാലതാമസത്തിന് കാരണം. സംസ്ഥാന വഖഫ് ബോര്‍ഡുകള്‍ക്ക് കേന്ദ്ര വഖഫ് കൗണ്‍സില്‍ ഇത് സംബന്ധിച്ച് മതിയായ സഹായങ്ങള്‍ നല്‍കുന്നില്ല എന്നും എം.പി ചൂണ്ടിക്കാട്ടി. കേരളത്തില്‍ 53,297 വഖഫ് സ്വത്തുക്കളാണുള്ളത്. ഇതില്‍ 11,203 എണ്ണമാണ് ഡിജിറ്റിലായി രേഖപ്പെടുത്തിയിട്ടുള്ളത്.

കഴിഞ്ഞ മൂന്ന് വര്‍ഷ കാലയളവില്‍ നഷ്ടപ്പെട്ട വഖഫ് സ്വത്തുക്കളുടെ വിവരങ്ങളുമായി ബന്ധപ്പെട്ട് ഉന്നയിച്ച ചോദ്യത്തിന് ന്യൂനപക്ഷ മന്ത്രാലയം തങ്ങളുടെ കയ്യില്‍ വിവരങ്ങള്‍ ഇല്ല എന്നാണ് അറിയിച്ചത്.

അദാനി വിഷയം ഉന്നയിച്ച് ഭരണപക്ഷത്തിന്റെ വായടപ്പിക്കാനുള്ള നീക്കത്തിന് തടയിടുന്ന പ്രസ്താവനയാണ്‌, ഇന്ത്യ മുന്നണിയുടെ ഭാഗമെന്ന് അവകാശപ്പെടുന്ന സിപിഎമ്മിന്റെ രാജ്യസഭാംഗമായ ജോണ്‍ ബ്രിട്ടാസിന്റെ ഭാഗത്തു നിന്നുമുണ്ടായത്. മണിപ്പൂര്‍, അദാനി സംഭല്‍ വിഷയങ്ങള്‍ നിരന്തരം പാര്‍ലമെന്റില്‍ ഉന്നയിക്കുകയാണ് പ്രതിപക്ഷം.

എന്നാല്‍ ഇതുവരെയും ചര്‍ച്ചയ്ക്ക് പോലും ഭരണപക്ഷം തയ്യാറായിട്ടില്ല. ഈ അവസരത്തിലാണ് പ്രതിപക്ഷപാര്‍ട്ടിയായ കോണ്‍ഗ്രസിനെതിരെ വ്യാജ ആരോപണവുമായി ബി.ജെ.പി രംഗത്തുവരുന്നത്. കോണ്‍ഗ്രസ് എം.പിമാര്‍ രാജ്യസഭയില്‍ ഉന്നയിച്ച വിഷയങ്ങളില്‍ നിന്നും ശ്ര്ദ്ധതിരിക്കാനുള്ള നീക്കമാണിതെന്ന്ത് പകല്‍ പോലെ വ്യക്തം. ഈ ഘട്ടത്തിലാണ് ബിജെപിക്ക് കുടപിടിക്കുന്ന നിലപാടുമായി സി.പി.എം എം.പി ജോണ്‍ ബ്രിട്ടാസ് പരസ്യമായി രംഗത്തു വരുന്നത്

ഭരണപക്ഷത്തിന്റെ ആവശ്യത്തെ പിന്തുണച്ച് രാജ്യസഭയില്‍ സി.പി.എം രംഗത്തുവന്നതിന് തൊട്ടുപിന്നാലെ, ഇത് അദാനിയെ രക്ഷിക്കാനാണെന്ന കാര്യം ഉന്നയിച്ച് സിപിഐ എംപി സന്തോഷ്‌കുമാര്‍ രംഗത്തുവന്നു. ഇതോടെ സി.പി.എമ്മിന്‍രെ ബി.ജെ.പി അനുകൂല നിലപാട് സി.പി.ഐ പൂര്‍ണമായും തള്ളുകയുമാണ്.

കോണ്‍ഗ്രസിനെതിരായ വ്യാജ ആരോപണത്തില്‍ ചര്‍ച്ച വേണമെന്ന ആവശ്യം സ്പീക്കര്‍ ജഗ്ദീപ് ധന്‍ഖര്‍ തള്ളിക്കളഞ്ഞ ശേഷവും സഭാ ചട്ടങ്ങള്‍ക്ക് വിരുദ്ധമായി ബി.ജെ.പി എം.പിമാരെ ആരോപണം ഉന്നയിക്കാന്‍ അനുവദിച്ചത് രാജ്യസഭാ പ്രതിപക്ഷ നേതാവ് മല്ലികാര്‍ജുന്‍ ഖാര്‍ഗെയുടെ നേതൃത്വത്തില്‍ ഇന്ത്യ എം.പിമാര്‍ ചോദ്യം ചെയ്തു. ഇതിനിടയിലാണ് വിഷയം പാര്‍ലമെന്റ് ചര്‍ച്ച ചെയ്യണമെന്ന് ജോണ്‍ ബ്രിട്ടാസ് ആവശ്യപ്പെട്ടത്.

ബിജെപിയെ സഹായിക്കാനുള്ള സിപിഎം എംപിയുടെ തത്രപ്പാടിനെ ആശ്ചര്യത്തോടെയാണ് രാഷ്ട്രീയ നിരീക്ഷകരടക്കം നോക്കിക്കാണുന്നത്. സിപിഎം നിലപാടിനെ തള്ളിക്കൊണ്ട്, അദാനിയെ രക്ഷിക്കാനാണു വിവാദമെന്ന് സിപിഐയിലെ പി. സന്തോഷ്‌കുമാര്‍ ചൂണ്ടിക്കാട്ടിയതു ബ്രിട്ടാസിനു തിരിച്ചടിയായി.

ഇന്ത്യ സഖ്യത്തിലും കേരളത്തിലെ എല്‍ഡിഎഫിലും ഭിന്നതയുണ്ടാക്കുന്നതാണു ബ്രിട്ടാസിന്റെ അനവാശ്യവും ദുരുദ്യേശപരവുമായ പ്രസ്താവനയെന്നാണ് വിലയിരുത്തല്‍. ഇന്ത്യ മുന്നണിക്കൊപ്പമെന്ന് ആവകാശപ്പെടുകയും ബിജെപിയെ അനുകൂലിക്കുകയും ചെയ്യുന്ന സിപിഎമ്മിന്റെ ഇരട്ടമുഖമാണ് ബ്രിട്ടാസിലൂടെ പുറത്തു വന്നത്