Connect with us

Video Stories

കാഴ്ചക്കാരനായി വന്നു താരമായി മടക്കം

Published

on

ചെന്നൈ: പന്നീര്‍സെല്‍വവും എടപ്പാടി പളനിസ്വാമിയും തമ്മിലുള്ള അങ്കത്തില്‍ കാഴ്ചക്കാരനായാണ് ഡി.എം.കെ വര്‍ക്കിങ് പ്രസിഡണ്ടും പ്രതിപക്ഷ നേതാവുമായ സ്റ്റാലിന്റെ വരവ്. എന്നാല്‍ നാടകീയ സംഭവവികാസങ്ങള്‍ക്കൊടുവില്‍ സഭയില്‍ നിന്ന് സ്റ്റാലിന്‍ തിരിച്ചു പോയത് പുതിയ താരമായി. ഒരു പക്ഷേ, തമിഴക രാഷ്ട്രീയത്തില്‍ സ്റ്റാലിന്‍ എന്ന നക്ഷത്രത്തിന്റെ ഉദയമായിരുന്നു ഇന്നലെ. അതിന് വേദിയായത് ജനാധിപത്യത്തിന്റെ ദേവാലയവും.

ശശികലയ്‌ക്കെതിരെ പടയൊരുക്കിയ പന്നീര്‍ശെല്‍വത്തിന് കലവറിയില്ലാത്ത പിന്തുണയുമായാണ് സ്റ്റാലിന്‍ സഭയിലെത്തിയത്. വിശ്വാസ വോട്ടെടുപ്പില്‍ ശെല്‍വത്തെ പിന്തുണക്കാമെന്ന ധാരണയും ഡി.എം.കെയില്‍ ഉരുത്തിരിഞ്ഞിരുന്നു.
എന്നാല്‍ കാര്യങ്ങള്‍ അതിവേഗത്തില്‍ കീഴ്‌മേല്‍ മറിഞ്ഞു. സ്പീക്കര്‍ ആര്‍ ധനപാലന്‍ പ്രതിപക്ഷത്തെ സഭയില്‍ നിന്ന് പുറത്താക്കാന്‍ തീരുമാനിച്ചതാണ് സംഭവങ്ങളില്‍ വഴിത്തിരിവുണ്ടാക്കിയത്.

ബട്ടണിടാത്ത ഷര്‍ട്ടുമായി തനി തമിഴ് സിനിമാ സ്റ്റൈലില്‍ സഭയില്‍ നിന്ന് പുറത്തേക്ക് വന്ന സ്റ്റാലിന്റെ ചിത്രം അദ്ദേഹത്തിന്റെ രാഷ്ട്രീയ ജീവിതത്തിലെ തന്നെ ഏറ്റവും മികച്ചതായിക്കും. ശെല്‍വം-പളനി പോരില്‍ നിന്ന് ധനപാലന്‍-സ്റ്റാലിന്‍ അങ്കത്തിലേക്ക് പുതിയ സംഭവങ്ങളെ വഴി തിരിച്ചുവിടാനും അദ്ദേഹത്തിനായി. രഹസ്യ വോട്ടു വേണം, രണ്ടു ദിവസമെങ്കിലും വോട്ടെടുപ്പ് നീക്കിവെക്കണം എന്നിവയായിരുന്നു സ്റ്റാലിന്റയും പ്രതിപക്ഷത്തിന്റെയും ആവശ്യം. എന്നാല്‍ അതിനു വഴങ്ങാന്‍ സ്പീക്കര്‍ തയാറായില്ല. സ്പീക്കര്‍ക്കെതിരെ ജനാധിപത്യ മാന്യതയ്ക്ക് നിരക്കാത്ത രീതിയില്‍ ഡി.എം.കെ അംഗങ്ങള്‍ പ്രതിഷേധിക്കുകയും അദ്ദേഹത്തിന്റെ ഷര്‍ട്ട് കീറുകയും ചെയ്തു.

സഭയിലെ സംഭവവികാസങ്ങള്‍ക്ക് ക്ഷമ ചോദിക്കുന്നുവെന്ന് പറഞ്ഞാണ് സഭയ്ക്കു പുറത്തുള്ള സ്റ്റാലിന്റെ പ്രതിഷേധം ആരംഭിച്ചത്. കീറിയ ഷര്‍ട്ടുമായി അണികളിലേക്ക് ഇറങ്ങാന്‍ അദ്ദേഹം ശ്രമിച്ചെങ്കിലും പൊലീസ് അതു തടഞ്ഞു. ഇതോടെയാണ് ഇതേ ഷര്‍ട്ടുമായി അദ്ദേഹം ഗവര്‍ണറുമായി കൂടിക്കാഴ്ച നടത്താന്‍ പോയത്. അതിനു ശേഷം, നിരാഹാര സമരം പ്രഖ്യാപിച്ച് തമിഴ് രാഷ്ട്രീയത്തിന്റെ കേന്ദ്രബിന്ദുവായ മറീന ബീച്ചിലെത്തുകയും ചെയ്തു. പന്നീര്‍ശെല്‍വം തീരെ അപ്രസക്തമായിപ്പോയ നിമിഷങ്ങളായിരുന്നു അവ. ജയയുടെ മരണ ശേഷം അണ്ണാ ഡി.എം.കെ തരിപ്പണമായ സാഹചര്യത്തില്‍ തമിഴ് രാഷ്ട്രീയത്തില്‍ സ്്റ്റാലിന്‍ കൂടുതല്‍ കരുത്തനാകും. അതിനായുള്ള വിജയകരമായ സ്‌റ്റേജ് ഷോ ആയിരുന്നു ഇന്നലത്തേത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Celebrity

നടി മാളബിക ദാസിനെ മരിച്ചനിലയിൽ കണ്ടെത്തി; മൃതദേഹം അഴുകിയ നിലയിൽ

ഫ്ലാറ്റിൽ നിന്ന് ദുർ​ഗന്ധമുണ്ടായതിനെ തുടർന്ന് അയൽവാസികൾ പൊലീസിനെ അറിയിക്കുകയായിരുന്നു

Published

on

മുംബൈ: ബോളിവുഡ് നടി നൂർ മാളബിക ദാസിനെ (32) മരിച്ച നിലയിൽ കണ്ടെത്തി. മുംബൈയിലെ ഫ്ലാറ്റിലാണ് നടിയെ മരിച്ച നിലയിൽ കണ്ടെത്തിയത്. ജൂൺ ആറിനാണ് നടി മരിച്ചത്. ഫ്ലാറ്റിൽ നിന്ന് ദുർ​ഗന്ധമുണ്ടായതിനെ തുടർന്ന് അയൽവാസികൾ പൊലീസിനെ അറിയിക്കുകയായിരുന്നു.

തുടർന്ന് പൊലീസെത്തി ഫ്ലാറ്റിൽ പരിശോധന നടത്തിയപ്പോഴാണ് അഴുകിയ നിലയിൽ നടിയുടെ മൃതദേഹം കണ്ടെത്തിയത്. മൃതദേഹം പോസ്റ്റ്‌മോർട്ടത്തിനായി ഗോരേഗാവിലെ സിദ്ധാർത്ഥ് ആശുപത്രിയിലേക്ക് മാറ്റി.

അസം സ്വദേശിയായ നൂർ അഭിനയ രംഗത്തേക്കെത്തുന്നതിന് മുമ്പ് ഖത്തർ എയർവേയ്‌സിൽ എയർ ഹോസ്റ്റസായിരുന്നു. കജോൾ നായികയായെത്തിയ ദ് ട്രയലിൽ ശ്രദ്ധേയമായ വേഷത്തിൽ നൂർ അഭിനയിച്ചിട്ടുണ്ട്. സിസ്‌കിയാൻ, വാക്ക്മാൻ തുടങ്ങി നിരവധി വെബ് സീരീസുകളിലും നടി ഭാഗമായിട്ടുണ്ട്.

Continue Reading

News

മാലിദ്വീപിന്റെ വിലക്കില്‍ അടിതെറ്റി നെതന്യാഹു; പൗരന്മാരോട് ദ്വീപ് വിടാനാവശ്യപ്പെട്ട് ഇസ്രാഈല്‍

തിങ്കളാഴ്ച ഔദ്യോഗികമായി തീരുമാനം നടപ്പിലാക്കുകയും ചെയ്തു.

Published

on

ഇസ്രാഈല്‍ പൗരന്മാര്‍ക്ക് മാലിദ്വീപ് സര്‍ക്കാര്‍ വിലക്ക് ഏര്‍പ്പെടുത്തിയതോടെ വെട്ടിലായി പ്രധാനമന്ത്രി ബെഞ്ചമിന്‍ നെതന്യാഹു. ദ്വീപില്‍ നിന്ന് പൗരന്മാര്‍ രാജ്യം വിടണമെന്ന് ഇസ്രാഈല്‍ വിദേശകാര്യ മന്ത്രാലയം ഉത്തരവിറക്കി. കഴിഞ്ഞ ദിവസം കാബിനറ്റിന്റെ ശുപാര്‍ശയെ തുടര്‍ന്ന് പ്രസിഡന്റ് മുഹമ്മദ് മുയിസു ഇസ്രാഈല്‍ പാസ്‌പോര്‍ട്ട് രാജ്യത്ത് നിരോധിക്കാന്‍ തീരുമാനിച്ചിരുന്നു. തിങ്കളാഴ്ച ഔദ്യോഗികമായി തീരുമാനം നടപ്പിലാക്കുകയും ചെയ്തു. ഇതിനുപിന്നാലെയാണ് ഇസ്രഈല്‍ വിദേശകാര്യ മന്ത്രാലയം പൗരന്മാര്‍ക്ക് ദ്വീപ് വിടാന്‍ നിര്‍ദേശം നല്‍കിയത്.

‘ദ്വീപില്‍ തുടരുന്ന ഇസ്രാഈല്‍ പൗരന്മാര്‍ രാജ്യം വിടണം. ഏതെങ്കിലും തരത്തില്‍ പ്രശ്നങ്ങള്‍ ഉണ്ടായാല്‍ സഹായിക്കാന്‍ ബുദ്ധിമുട്ടാകും,’ എന്നാണ് ഇസ്രഈല്‍ അറിയിച്ചത്. ശുപാര്‍ശയില്‍ ഇരട്ട പൗരത്വമുള്ള ഇസ്രാഈലികളും ഉള്‍പ്പെടുന്നുവെന്ന് മന്ത്രാലയത്തിന്റെ അറിയിപ്പുണ്ട്.

ഗസയില്‍ ഇസ്രാഈല്‍ നടത്തുന്ന അതിക്രമങ്ങളില്‍ പ്രതിഷേധിച്ചാണ് മാലിദ്വീപിന്റെ നീക്കം. ഇസ്രഈലികള്‍ മാലിദ്വീപില്‍ പ്രവേശിക്കുന്നത് തടയാന്‍ ആവശ്യമായ നിയമ ഭേദഗതിക്ക് മേല്‍നോട്ടം വഹിക്കാന്‍ ഒരു കാബിനറ്റ് ഉപസമിതി രൂപീകരിക്കാനും ഭരണകൂടം തീരുമാനിച്ചിട്ടുണ്ട്.

ഇതിന് പുറമേ ഫലസ്തീന്റെ ആവശ്യങ്ങള്‍ വിലയിരുത്താന്‍ രാജ്യത്ത് നിന്ന് പ്രതിനിധിയെ അയക്കുമെന്നും മാലിദ്വീപ് അറിയിച്ചിരുന്നു. ഫലസ്തീനികള്‍ക്ക് വേണ്ടി ധനസമാഹരണ ക്യാമ്പയിനും രാജ്യവ്യാപകമായി റാലിയും നടത്താന്‍ മാലിദ്വീപ് സര്‍ക്കാര്‍ ആഹ്വാനം ചെയ്യുകയുമുണ്ടായി. ഇസ്രാഈലിനെതിരെ ജനരോക്ഷം വര്‍ധിച്ച സാഹചര്യത്തില്‍ കൂടിയാണ് സര്‍ക്കാരിന്റെ നീക്കം. ഓരോ വര്‍ഷവും ഏകദേശം 11,000 ഇസ്രഈലികള്‍ മാലിദ്വീപ് സന്ദര്‍ശിക്കുന്നുണ്ട്. അതായത് മൊത്തം വിനോദസഞ്ചാരികളുടെ 0.6 ശതമാനം.

Continue Reading

crime

ബിസിനസ് രേഖകളിൽ കൃത്രിമം കാട്ടിയെന്ന കേസ്; 34 കേസുകളിലും ട്രംപ് കുറ്റക്കാരൻ

ജൂലൈ 11ന് ശിക്ഷ വിധിക്കും.

Published

on

ബിസിനസ് രേഖകളിൽ കൃത്രിമം കാട്ടിയ കേസിൽ ഡോണൾഡ് ട്രംപ് കുറ്റക്കാരനെന്ന് ന്യുയോർക്ക് കോടതി. കൃത്രിമം കാട്ടിയെന്ന് ആരോപിക്കപ്പെട്ട 34 സംഭവങ്ങളിലും ട്രംപ് കുറ്റക്കാരനാണെന്നാണ് കോടതി കണ്ടെത്തിയത്. ജൂലൈ 11ന് ശിക്ഷ വിധിക്കും. പോൺ‌താരം സ്റ്റോമി ഡാനിയേൽസുമായുള്ള ബന്ധം മറച്ചുവയ്ക്കാൻ പണം നൽകിയെന്നും ഇതിനായി ബിസിനസ് രേഖകളിൽ കൃത്രിമം കാട്ടിയെന്നുമാണ് കേസ്.

ട്രംപുമായി 2006ൽ ഉണ്ടായ ലൈംഗിക ബന്ധത്തെക്കുറിച്ച് സ്റ്റോമി ഡാനിയൽസ് കോടതിയിൽ നേരത്തേ വിശദീകരിച്ചിരുന്നു. ഈ ബന്ധം മറച്ചുവയ്ക്കാൻ ‍‍ട്രംപ് 1.30 ലക്ഷം ഡോളർ നൽകിയെന്നും, ബിസിനസ് രേഖകളിൽ കൃത്രിമം കാട്ടിയെന്നുമാണ് കേസ്. 2016ൽ പ്രസിഡന്റ് തെരഞ്ഞെടുപ്പിൽ മത്സരിക്കുമ്പോഴാണ് പണം നൽകിയതെന്നാണ് കേസ്.

തെരഞ്ഞെടുപ്പിൽ പ്രസിഡന്റ് ജോ ബൈഡനുമായി ഒരിക്കൽകൂടി ഏറ്റുമുട്ടാനിരിക്കുകയാണ് ട്രംപ്. യുഎസ് പ്രസിഡന്റ് തെരഞ്ഞെടുപ്പിന് 5 മാസം ശേഷിക്കെയാണ് കോടതി നടപടി.യഥാർഥ വിധി നവംബർ അഞ്ചിലെ പ്രസിഡന്റ് തിരഞ്ഞെടുപ്പിൽ പുറത്തുവരുമെന്ന് ട്രംപ് പ്രതികരിച്ചു. നിലവിൽ പ്രസിഡന്റ് സ്ഥാനത്തേക്ക് മത്സരിക്കുന്നതിന് ട്രംപിന് തടസമില്ല.

Continue Reading

Trending