Connect with us

More

2019 ലോകകപ്പ് വരെ ധോണി ഇന്ത്യയുടെ വിക്കറ്റ് കീപ്പര്‍ ആയി തുടരുമെന്ന് എം.കെ. പ്രസാദ്

Published

on

കൂള്‍ മാന്‍ ധോനി ആരാധകര്‍ക്കും ഒപ്പം ക്രിക്കറ്റ് സ്‌നേഹികള്‍ക്കും സന്തോഷം നല്‍കുന്ന വാര്‍ത്തയുമായി ക്രിക്കറ്റ് ഇന്ത്യന്‍ ടീം സെലക്ടേഴ്‌സ് ബോര്‍ഡ്. വരുന്ന 2019 ക്രിക്കറ്റ് ലോകകപ്പിന് ഇന്ത്യയുടെ വിക്കറ്റ് കീപ്പറായി മഹേന്ദ്ര സിംഗ് ധോണിയുണ്ടാവുമെന്ന വാര്‍ത്തയാണ് ക്രിക്കറ്റ് ആരാധകരെ സന്തോഷത്തിലാക്കിയിരിക്കുന്നത്.
നിലവില്‍ വിക്കറ്റിനു പിന്നില്‍ ലോകത്തു തന്നെ ഒന്നാമനാണ് എംഎസ് ധോനിയെന്നും, ധോനിയേക്കാള്‍ മികച്ച ഒരു കളിക്കാരനെ കീപ്പിങ് സ്‌കില്ലില്‍ ഇന്ത്യക്ക് ഇതുവരെ കണ്ടെത്താനായില്ലെന്നുമുള്ള വിവരമാണ് ഇന്ത്യന്‍ ടീമിന്റെ ഉന്നത സെലക്ടേഴ്‌സ് അംഗങ്ങള്‍ പുറത്തുവിട്ടിരിക്കുന്നത്.

ധോനിയുടെ പ്രകടന മികവിനേയും ഭാവി ടീമിനേയും സംബന്ധിച്ച് സെലക്ഷന്‍ കമ്മിറ്റി ചെയര്‍മാന്‍ എം.കെ. പ്രസാദാണ് അഭിപ്രായം പ്രകടിപ്പിച്ചത്.

വിക്കറ്റ് കീപ്പിങില്‍ പല ബഹുമതികളും നേടിയ ആളാണ് ധോനിയെന്നും ഒരു കളിക്കാരനും പ്രകടിപ്പിക്കാന്‍ കഴിയാത്ത അപൂര്‍വ്വ കഴിവുകളാണ് ധോനി വിക്കറ്റിനു പിന്നില്‍ നടത്തുന്നതെന്നും പ്രസാദ് പറഞ്ഞു. നിലവിലെ പ്രകടനത്തില്‍ 2019 ലെ ലോകകപ്പ് വരെ ധോണി ടീം ഇന്ത്യയുടെ വിക്കറ്റ് കീപ്പര്‍ ആയി തുടരുമെന്നും എം.കെ. പ്രസാദ് പറഞ്ഞു.

ധോനിക്ക് പകരക്കാരനെ കണ്ടെത്താനായി വളരെയധികം കളിക്കാരെ പരിശീലിപ്പിക്കുന്നുണ്ട്. എന്നാല്‍, ഇപ്പോഴത്തെ ധോണിയുടെ കഴിവിനൊത്തോ അല്ലെങ്കില്‍ അതിനടുത്തോ ആയി ആരേയും ഇതുവരെ കണ്ടെത്തിയിട്ടില്ലെന്നും അദ്ദേഹം പറഞ്ഞു.

ഇതോടെ സഞ്ജു സാംസണ്‍, ഋഷിപാന്ത് തുടങ്ങിയ വിക്കറ്റ് കീപ്പര്‍മാര്‍ വരുന്ന ലോകകപ്പില്‍ ഇന്ത്യക്ക് വേണ്ടി കളിക്കില്ലെന്ന് ഏകദേശം ഉറപ്പായി.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കാലിക്കറ്റ് സര്‍വകലാശാലാ അക്കാമദിക് കൗണ്‍സില്‍ തെരഞ്ഞെടുപ്പ്; എംഎസ്എഫിന് വിജയം

അസിം തെന്നലയാണ് മിന്നും വിജയം കരസ്ഥമാക്കിയത്.

Published

on

കാലിക്കറ്റ് സര്‍വകലാശാലാ അക്കാമദിക് കൗണ്‍സില്‍ തെരഞ്ഞെടുപ്പില്‍ എംഎസ്എഫിന് ഉജ്ജ്വല വിജയം. അക്കാദമിക് കൗണ്‍സിലിലേക്ക് ആദ്യമായാണ് എംഎസ്എഫ് പ്രതിനിധി തിരഞ്ഞെടുക്കപ്പെടുന്നത്. അസിം തെന്നലയാണ് മിന്നും വിജയം കരസ്ഥമാക്കിയത്. 16 വോട്ടുകള്‍ക്കാണ് വിജയം.

കനത്ത പൊലീസ് സുരക്ഷയിലായിരുന്നു ഇന്ന് വോട്ടെണ്ണല്‍. ലാംഗ്വേജ് ആന്റ് ലിറ്ററേച്ചര്‍ ഫാക്കല്‍റ്റി വിദ്യാര്‍ത്ഥി മണ്ഡലത്തില്‍ കഴിഞ്ഞ വ്യാഴാഴ്ച രാത്രി നടത്തിയ വോട്ടെണ്ണലില്‍ എംഎസ്എഫ് സ്ഥാനാര്‍ത്ഥിയായ അസിം തെന്നലക്കായിരുന്നു കൂടുതല്‍ വോട്ടുകള്‍ കിട്ടിയത്. എന്നാല്‍ എസ്എഫ്‌ഐ എതിര്‍പ്പുന്നയിച്ചതിനെത്തുടര്‍ന്ന് റീ കൗണ്ടിംഗ് നടത്താന്‍ തീരുമാനിക്കുകയായിരുന്നു.

Continue Reading

crime

ആഭരണങ്ങള്‍ കവര്‍ന്നശേഷം വയോധികയെ കൊലപ്പെടുത്തി മച്ചില്‍ ഒളിപ്പിച്ച കേസ്; മൂന്ന് പ്രതികള്‍ക്കും വധശിക്ഷ

ശാന്തകുമാരി വധക്കേസിലെ മൂന്ന് പ്രതികള്‍ക്കും വധശിക്ഷ. നെയ്യാറ്റിന്‍കര അഡീഷണല്‍ സെഷന്‍സ് കോടതിയാണ് ശിക്ഷ വിധിച്ചത്.

Published

on

തിരുവനന്തപുരം: വിഴിഞ്ഞം മുല്ലൂര്‍ ശാന്തകുമാരി വധക്കേസിലെ മൂന്ന് പ്രതികള്‍ക്കും വധശിക്ഷ. നെയ്യാറ്റിന്‍കര അഡീഷണല്‍ സെഷന്‍സ് കോടതിയാണ് ശിക്ഷ വിധിച്ചത്. സ്വര്‍ണാഭരണങ്ങള്‍ കവര്‍ന്ന ശേഷം 71 വയസുകാരിയായ ശാന്തകുമാരിയെ മൂന്ന് പ്രതികളും ചേര്‍ന്ന് കൊലപ്പെടുത്തി മൃതദേഹം മച്ചില്‍ ഒളിപ്പിച്ച കേസിലാണ് വിധിയുണ്ടായിരിക്കുന്നത്. കോവളം സ്വദേശി റഫീക്ക ബീവി, റഫീക്കയുടെ മകന്‍ ഷഫീക്ക്, റഫീക്കയുടെ സുഹൃത്ത് അല്‍ അമീന്‍ എന്നിവര്‍ക്കാണ് ശിക്ഷ. സ്വര്‍ണാഭരണത്തിനായി ശാന്തകുമാരിയെ തലയ്ക്കടിച്ചു കൊലപ്പെടുത്തി മൃതദേഹം തട്ടിന്‍പുറത്ത് ഒളിപ്പിച്ചെന്നാണ് പ്രോസിക്യൂഷന്‍ കേസ്.

2022 ജനുവരി 14നാണ് മുല്ലൂര്‍ സ്വദേശി ശാന്തകുമാരി കൊല്ലപ്പെട്ടത്. കൊലപാതകത്തില്‍ പ്രതികള്‍ക്കുള്ള പങ്ക് തെളിഞ്ഞെന്നും തെളിവുകള്‍ പര്യാപ്തമാണെന്നും കോടതി പറഞ്ഞു. തെളിവുനശിപ്പിക്കാനും ഒളിവില്‍ പോകാനും പ്രതികള്‍ നടത്തിയ ശ്രമങ്ങളും കോടതി ചൂണ്ടിക്കാട്ടി. ശാന്തകുമാരിയുടെ വീടിനടുത്ത് വാടകയ്ക്ക് താമസിച്ചിരുന്നവരാണ് കൊല നടത്തിയത്. ഇവര്‍ വാടകവീടൊഴിഞ്ഞ് പോയതിനു പിന്നാലെ വീട്ടുടമയും മകനും വീട്ടിലെത്തി നോക്കിയപ്പോള്‍ മച്ചില്‍ നിന്നു രക്തം പുറത്തേക്കൊഴുകുന്നതു കാണുകയായിരുന്നു. വീട്ടില്‍ താമസിച്ചിരുന്ന റഫീഖാ ബീവിയാണ് കൊല്ലപ്പെട്ടതെന്നാണ് ആദ്യം കരുതിയത്. പിന്നീടാണ് ശാന്തകുമാരിയെ കാണാതായെന്നും അവരാണ് കൊല്ലപ്പെട്ടതെന്നും സ്ഥിരീകരിക്കുന്നത്.മച്ചില്‍ ഒളിപ്പിച്ചിരുന്ന മൃതദേഹം മണിക്കൂറുകള്‍ പണിപ്പെട്ടാണ് പൊലീസ് പുറത്തെത്തിച്ചത്.

Continue Reading

kerala

KSRTC ബസ് നടുറോഡില്‍ നിര്‍ത്തിയിട്ട് ഡ്രൈവര്‍ ഭക്ഷണം കഴിക്കാന്‍പോയി; സംഭവം പത്തനംതിട്ട കോന്നിയില്‍

കട്ടപ്പന ഡിപ്പോയില്‍ നിന്ന് വന്ന കെഎസ്ആര്‍ടിസി ബസാണ് നടുറോഡില്‍ നിര്‍ത്തിയിട്ടത്.

Published

on

നടുറോഡില്‍ കെഎസ്ആര്‍ടിസി ബസ് നിര്‍ത്തി ഡ്രൈവറും യാത്രക്കാരും ഭക്ഷണം കഴിക്കാന്‍ പോയി. സ്ഥിരം അപകട മേഖലയായ പത്തനംതിട്ട കോന്നി ജംഗഷനിലാണ് ബസ് അലക്ഷ്യമായി പാര്‍ക്ക് ചെയ്തത്. കട്ടപ്പന ഡിപ്പോയില്‍ നിന്ന് വന്ന കെഎസ്ആര്‍ടിസി ബസാണ് നടുറോഡില്‍ നിര്‍ത്തിയിട്ടത്.

കട്ടപ്പന ഡിപ്പോയിലെ ഡ്രൈവര്‍ അനില്‍കുമറാണ് ബസ് അലക്ഷ്യമായി പാര്‍ക്ക് ചെയ്തത്. ഈ സമയത്ത് സ്ഥലത്തുണ്ടായിരുന്ന ഓട്ടോ ഡ്രൈവര്‍മാര്‍ ഇടപെട്ട് ബസ് മാറ്റി പാര്‍ക്ക് ചെയ്യണമെന്ന് ഡ്രൈവറോട് ആവശ്യപ്പെട്ടിരുന്നു. എന്നാല്‍ എനിക്ക് വിശക്കുന്നു എന്ന് പറഞ്ഞ് ഡ്രൈവര്‍ ഹോട്ടലിലേക്ക് പോവുകയായിരുന്നെന്ന് ഓട്ടോ ഡ്രൈവര്‍മാര്‍ പറയുന്നു. തിരുവനന്തപുരം ഡിപ്പോയില്‍ നിന്ന് ഡ്രൈവറെ ചില പ്രശ്‌നങ്ങളുടെ പേരില്‍ ട്രാന്‍സ്ഫര്‍ ചെയ്തതാണെന്നാണ് വിവരം.

Continue Reading

Trending