Views
വടകര മണ്ഡലം എം.എസ്.എഫ്: അന്സീര് പനോളി പ്രസിഡന്റ് മന്സൂര് ഒഞ്ചിയം ജനറല് സിക്രട്ടറി

വടകര: വടകര മണ്ഡലം പ്രസിഡന്റായി അന്സീര് പനോളിയേയും(ഏറാമല) ജനറല് സിക്രട്ടറയായി മന്സൂര് ഒഞ്ചിയ(ഒഞ്ചിയം)ത്തേയും തിരഞ്ഞെടുത്തു.സഫീര് കെ.കെ (വടകര) യാണ് ട്രഷറര്.മറ്റ് ഭാരവാഹികളായി മുഹമ്മദ് ഹാഷിര് (ഒഞ്ചിയം) റമീസ്.കെ.എം.പി(വടകര)എന്നിവര് വൈസ് പ്രസിഡന്റുമാരായും സഈദ്.എന്.പി.കെ(ചോറോട്) മുസ്ഥഫ കല്ലാമല (അഴിയൂര്) എന്നിവര് ജോയിന്റ് സിക്രട്ടറിമാരായും തിരഞ്ഞടുക്കപ്പെട്ടു.
വിംഗ് കണ്വീനര്മാരായി ജാബിര് മാങ്ങോട്ട് പാറ (ക്യാമ്പസ്) ഹാഷിം മണോളി (ബാലവേദി) ഹംറാസ് പെരിങ്ങാടി (ഹയര് സെക്കണ്ടറി) എന്നിവരെയും തിരഞ്ഞെടുക്കപ്പെട്ടു. ചന്ദ്രികാ ഭവനില് നടന്ന കൗണ്സില് യോഗം ജില്ലാ ട്രഷറര് അഫ്നാസ് ചോറോട് ഉദ്ഘാടനം ചെയ്തു. എന്.കെ ഷിനൂബ് അദ്ധ്യക്ഷത വഹിച്ചു.റിട്ടേണിംഗ് ഓഫീസര് തന്വീര്.കെ.വി തിരഞ്ഞെടുപ്പ് നടപടികള് നിയന്ത്രിച്ചു.മുനീര് പനങ്ങോട്ട്,അജ്നാസ് മുകച്ചേരി, സഫീര് കെ.കെ, ഷംനാസ് കെ.കെ എന്നിവര് സംസാരിച്ചു.അന്സീര് പനോളി സ്വാഗതവും മന്സൂര് ഒഞ്ചിയം നന്ദിയും പറഞ്ഞു
Features
അക്ഷരങ്ങളുടെ കുലപതിക്ക് വിട
മലയാളക്കരയുടെ തലമുതിര്ന്ന എഴുത്തുകാരന് എന്ന നിലക്ക് അദ്ദേഹത്തിന്റെ മാര്ഗ്ഗ നിര്ദ്ദേശങ്ങള് സമുദായത്തിന്റെ അക്ഷരവെളിച്ച പ്രയാണങ്ങള്ക്ക് എന്നും കരുത്തായിരുന്നു

സഫാരി സൈനുല് ആബിദീന്
മലയാളിയുടെ ഹൃദയാന്തരീക്ഷത്തില് അര്ത്ഥദീര്ഘമായ എം.ടിയെന്ന ദ്വയാക്ഷരത്തെ ബാക്കിയാക്കി ഒരു കാലം വിടപറയുന്നു. എല്ലാ അര്ഥത്തിലും വിസ്മയമായിരുന്നു ആ മഹാ കുലപതി. പച്ചമനുഷ്യന്റെ മനോവ്യഥകളും സംഘര്ഷങ്ങളും എല്ലാ ഭാവതീവ്രതകളോടെയും തലമുറകള്ക്കു പകര്ന്നു നല്കുന്നതായിരുന്നു അദ്ദേഹത്തിന്റെ വരികള്.
ചന്ദ്രിക പത്രത്തിന്റെ കോഴിക്കോട്ടെ ഓഫീസില് വെച്ചാണ് ആദ്യമായിട്ട് ഞാന് എം.ടി വാസുദേവന് നായരെ കാണുന്നത്. മുസ്ലിം ലീഗിന്റെ മുന്കാല നേതാവും യൂത്ത്ലീഗ് സ്ഥാപക നേതാവുമായിരുന്ന കെ.കെ മുഹമ്മദ് സാഹിബിന്റെ കൂടെയായിരുന്ന അന്നത്തെ കാഴ്ച. മലയാളക്കരയുടെ തലമുതിര്ന്ന എഴുത്തുകാരന് എന്ന നിലക്ക് അദ്ദേഹത്തിന്റെ മാര്ഗ്ഗ നിര്ദ്ദേശങ്ങള് സമുദായത്തിന്റെ അക്ഷരവെളിച്ച പ്രയാണങ്ങള്ക്ക് എന്നും കരുത്തായിരുന്നു. പഠന കാലത്തേ ആ മഹാപ്രതിഭയുടെ എഴുത്തിന്റെ ലോകത്തിലൂടെ സഞ്ചരിക്കാന് വലിയ താല്പര്യമായിരുന്നു. ഒമ്പതാം ക്ലാിസില് സ്കൂളില് പഠിക്കുമ്പോള് എം.ടി പങ്കെടുക്കുന്ന കാണാനായി മാത്രം തലശ്ശേരി വരെ പോയ ഓര്മ്മകള് ഇന്നും മനസ്സിലുണ്ട്. അക്കാലത്ത് അങ്ങനെയൊക്കെ സാഹസിക യാത്രകള് പോകാന് പ്രേരിപ്പിച്ചത് എം.ടിയെന്ന മഹാപ്രതിഭയോടുള്ള വലിയ ആകര്ഷണം ഒന്നു മാത്രമായിരുന്നു. മണിക്കൂറുകളോളം അദ്ദേഹത്തെ കേട്ടിരിക്കാനും ആര്ക്കും മടുപ്പുണ്ടായിരുന്നില്ല. അദ്ദേഹം ഗള്ഫില് വരുന്ന സമയങ്ങളിലും കാണാനും അദ്ദേഹത്തെ കേള്ക്കാനും ഏത് തിരക്കിനിടയിലും സമയം കണ്ടത്തിയിരുന്നു
പത്മഭൂഷണ്, ജ്ഞാനപീഠം, എഴുത്തച്ഛന് പുരസ്കാരം, ജെ സി ഡാനിയേല് പുരസ്കാരം, പ്രഥമ കേരള ജ്യോതി പുരസ്കാരം, കേരള നിയമസഭ പുരസ്കാരം തുടങ്ങി പുരസ്കാരങ്ങളുടെ നിറവ്’എം ടി’ എന്ന രണ്ടക്ഷരത്തെ മലയാള സാഹിത്യ നഭസ്സില് അനശ്വരനാക്കി നിര്ത്തി. സാധാരണക്കാരുടെ ജീവിതയാത്രകളെയും വേദനകളെയും തന്മയത്വം ചോരാതെ മലയാളി ആസ്വദിച്ചു വായിച്ചു. പ്രവാസ ലോകത്തെ ജീവിതത്തിരക്കുകളിലേക്ക് പോവേണ്ടി വന്നപ്പോഴും മനസ്സിന്റെ ഒരു കോണില് എം.ടിയുടെ ലോകങ്ങള് എന്നും നിറഞ്ഞു നിന്നു.
പ്രവാസികളുമായി അദ്ദേഹം വലിയ ബന്ധം പുലര്ത്തിയിരുന്നു. വിവിധ കാലങ്ങളില് അദ്ദേഹവും മരുഭൂമിയിലെ മരുപ്പച്ചയില് ജീവിതപ്പച്ച തേടെയെത്തിയ മലയാള സമൂഹത്തെ സന്ദര്ശിക്കാനെത്തിക്കൊണ്ടിരുന്നു.
ഇനി ഇതുപോലൊരു പ്രതിഭ മലയാളത്തില് ഇനി ഉണ്ടാകില്ല. വായിക്കുന്നവരെയെല്ലാം ചിന്തിപ്പിച്ച അതി ശക്തനായ എഴുത്തുകാരന്. അദ്ദേഹം തൊട്ടതെല്ലാം പൊന്നാക്കി. തീരാനഷ്ടം എന്നത് വെറും വാക്കല്ല. ആള്ക്കൂട്ടത്തില് തനിയെ എന്നത് അദ്ദേഹത്തിന്റെ ജീവിത ദര്ശനമാണെന്ന് അദ്ദേഹം തെളിയിച്ചു. എല്ലാ മേഖലയിലും അദ്ദേഹം മാതൃകയായിരുന്നു. മനുഷ്യന്റെ കാപട്യത്തെ കുറിച്ച് നന്നായി പഠിച്ച കാച്ചി കുറുക്കി മറ്റൊരു രീതിയില് അവതരിപ്പി ഒരു സാഹിത്യകാരന് ഇനിയുണ്ടാകുമോ എന്നറിയില്ല.
local
വയനാട് ദുരന്തത്തിന്റെ നേർചിത്രം: മീലാദ് ഫെസ്റ്റിൽ വിദ്യാർത്ഥിയുടെ മനോഹരമായ ശിൽപം
മീലാദ് ഫെസ്റ്റിന്റെ ഭാഗമായി മദ്രസ വിദ്യാർത്ഥികൾ ഒരുക്കിയ ഹാന്റിക്രാഫ്റ്റ് പവലിയനിൽ വയനാട് ദുരന്തത്തെ ആസ്പദമാക്കി നിർമ്മിച്ച നിർമിതിയാണ് ശ്രദ്ധയമായത്.

കണ്ണൂർ : വയനാട് ദുരന്തത്തിന്റെ വ്യാപ്തിയും പ്രകൃതിയുടെ ഭയാന കശക്തിയും ഹാൻഡിക്രാഫ്റ്റിലൂടെ നിർമ്മിച്ച് ശ്രദ്ധേയമായി കണ്ണൂർ മൗവഞ്ചേരി ഹിദായത്തുൽ ഇസ്ലാം ഹയർ സെക്കൻഡറി മദ്രസയിലെ ഇസ്മായിൽ എന്ന വിദ്യാർത്ഥി.
മീലാദ് ഫെസ്റ്റിന്റെ ഭാഗമായി മദ്രസ വിദ്യാർത്ഥികൾ ഒരുക്കിയ ഹാന്റിക്രാഫ്റ്റ് പവലിയനിൽ വയനാട് ദുരന്തത്തെ ആസ്പദമാക്കി നിർമ്മിച്ച നിർമിതിയാണ് ശ്രദ്ധയമായത്. മുണ്ടക്കൈ ദുരന്തത്തിന്റെ വ്യാപ്തിയും ഭയാനകതയും പ്രകടമാക്കുന്ന ഉരുൾപൊട്ടലിൽ കടപുഴകി ഒലിച്ചു വന്ന കല്ലുകളെയും മരങ്ങളെയും തകർന്ന സ്കൂളും പരിസരങ്ങളുടെയും കാഴ്ച ഭീതിജനകമായ രൂപത്തിലാണ് ഇത് തയ്യാറാക്കിയിരിക്കുന്നത്.
മൗവ്വഞ്ചേരി ഹിദായത്തുൽ ഇസ്ലാം ഹയർസെക്കൻഡറി മദ്രസയിൽ മീലാദ് ഫെസ്റ്റിനോടനുബന്ധിച്ച് വിദ്യാർത്ഥികൾ സംഘടിപ്പിച്ച ഹാന്റി ക്രാഫ്റ്റ് എക്സ്പോയിൽ വിവിധ നിർമ്മിതികൾ പ്രദർശിപ്പിച്ചു. എക്സ്പോ ശറഫുൽ ഇസ്ലാം സഭ മൗവഞ്ചേരി മഹല്ല് കമ്മിറ്റി പ്രസിഡൻറ് സി എച്ച് ആർ ഹാരിസ് ഹാജി ഉദ്ഘാടനം ചെയ്തു. എക്സ്പോ വീക്ഷിക്കാൻ നൂറുകണക്കിന് പേരാണ് എക്സ്പോ പവലിയനിൽ എത്തിയത്.
Health
എം പോക്സ് 116 രാജ്യങ്ങളിലേക്ക് പടർന്നു; കേരളത്തിലും ജാഗ്രതാ നിർദ്ദേശം
രാജ്യാന്തര യാത്രക്കാർക്കും ഇവരുമായി സമ്പർക്കത്തിലുള്ളവരും പ്രത്യേക ശ്രദ്ധ വേണമെന്ന് ആരോഗ്യവകുപ്പ് ഉദ്യോഗസ്ഥർ നിര്ദ്ദേശിച്ചു.

എം പോക്സ് (മങ്കിപോക്സ്) പകർച്ചവ്യാധി 116 രാജ്യങ്ങളിലേക്ക് വ്യാപിച്ച സാഹചര്യത്തില് കേരളത്തിലും ജാഗ്രതാ നിർദ്ദേശം. രാജ്യാന്തര യാത്രക്കാർക്കും ഇവരുമായി സമ്പർക്കത്തിലുള്ളവരും പ്രത്യേക ശ്രദ്ധ വേണമെന്ന് ആരോഗ്യവകുപ്പ് ഉദ്യോഗസ്ഥർ നിര്ദ്ദേശിച്ചു.
ഇന്ത്യയില് ആദ്യമായി മങ്കിപോക്സ് സ്ഥിരീകരിച്ചത് 2022 ജൂലൈ 14 ന് കേരളത്തിലാണ്. യുഎഇയില് നിന്നും തിരുവനന്തപുരത്ത് എത്തിയ 35 വയസുകാരനിലാണ് ആദ്യമായി രോഗലക്ഷണങ്ങള് കണ്ടെത്തിയത്. മുമ്പ് കെനിയയില് കണ്ടെത്തിയ ക്ലേഡ് 2 ബി വകഭേദം ഭീതിയുണര്ത്തിയിരുന്നെങ്കിലും ഇപ്പോഴുള്ള ക്ലേഡ് 1 ആണ് ഏറ്റവും കൂടുതല് വ്യാപനശേഷിയുള്ളതും തീവ്രതയേറിയതും. ലോകത്ത് ഇതിനകം ഒരു ലക്ഷത്തോളം ആളുകള്ക്ക് ഈ രോഗം ബാധിച്ചിട്ടുണ്ടെന്നാണ് റിപ്പോര്ട്ടുകള്.
-
kerala3 days ago
കേരള സര്വകലാശാല പരീക്ഷ മൂല്യനിര്ണയം ക്രമക്കേട്: അന്വേഷണം നടത്താന് മൂന്നംഗ സമിതി
-
kerala3 days ago
കണ്ണൂരില് തെരുവുനായയുടെ കടിയേറ്റ അഞ്ച് വയസുകാരന് പേവിഷബാധയേറ്റു
-
News2 days ago
അഹമ്മദാബാദ് വിമാനാപകടം: 210 മൃതദേഹങ്ങള് തിരിച്ചറിഞ്ഞു
-
News3 days ago
ഇസ്രാഈല്-ഇറാന് സംഘര്ഷം: ഇറാനില് നിന്ന് ഇന്ത്യന് പൗരന്മാരെ ഒഴിപ്പിക്കാന് ‘ഓപ്പറേഷന് സിന്ധു’ ആരംഭിച്ച് ഇന്ത്യ
-
News3 days ago
ഇസ്രാഈലിന്റെ വ്യോമ പ്രതിരോധ ശേഖരം കുറയുന്നു, മിസൈലുകള് 10-12 ദിവസം മാത്രം നിലനില്ക്കുവെന്ന് റിപ്പോര്ട്ട്
-
GULF3 days ago
പുണ്യാനുഭവവുമായി മലയാളി ഹാജിമാര് മദീനയില്; കെഎംസിസി ഊഷ്മള സ്വീകരണം നല്കി
-
News3 days ago
ഇസ്രാഈല് ആക്രമണം; ഗസ്സയില് മരിച്ചവരുടെ എണ്ണം 55,637 ആയി
-
kerala3 days ago
നിലമ്പൂര് നാളെ പോളിങ് ബൂത്തിലേക്ക്