ന്യൂഡല്‍ഹി: അതിര്‍ത്തിയിലെ ചൈനീസ് കടന്നുകയറ്റവും സമാനതകളില്ലാത്ത സാമ്പത്തിക തകര്‍ച്ചയും ലോക്‌സഭയില്‍ ചര്‍ച്ച ചെയ്‌തേ തീരുവെന്ന് ആവര്‍ത്തിച്ചാവശ്യപ്പെട്ട് മുസ്ലിം ലീഗ് എംപിമാര്‍. ചര്‍ച്ചയാവശ്യപ്പെട്ട് ഈ വിഷയങ്ങളില്‍ നേരത്തെ മുസ്ലിം ലീഗ് എംപിമാര്‍ അടിയന്തര പ്രമേയത്തിന് നോട്ടീസ് നല്‍കിയിരുന്നുവെങ്കിലും സര്‍ക്കാര്‍ ചര്‍ച്ചയ്ക്ക് തയ്യാറായിരുന്നില്ല.

സഭാചട്ടം 193 പ്രകാരം സഭാ പാര്‍ട്ടി ലീഡര്‍ പികെ കുഞ്ഞാലികുട്ടി ചര്‍ച്ചയാവശ്യപ്പെട്ട് വീണ്ടും നോട്ടീസ് നല്‍കിയിരിക്കുകയാണ്. ദേശീയ വിദ്യാഭ്യാസ നയത്തിലും സമഗ്ര ചര്‍ച്ച ലീഗ് എംപിമാരായ ഇ ടി. മുഹമ്മദ് ബഷീര്‍, നവാസ് കനി എന്നിവര്‍ പിന്താങ്ങിയിരിക്കുന്ന നോട്ടീസില്‍ ആവശ്യപ്പെട്ടിട്ടുണ്ട്.