Connect with us

Culture

വരണമാല്യമണിഞ്ഞ് മുസാഫര്‍നഗര്‍ ബൈത്തുറഹ്മ ഗ്രാമം

Published

on

മുസാഫര്‍നഗര്‍: മന്ത്‌വാഡയിലെ ആഘോഷങ്ങള്‍ അവസാനിച്ചിട്ടില്ല. ബൈത്ത്‌റഹ്മ നാടിനു സമര്‍പ്പിച്ചിട്ട് നാളുകള്‍ പിന്നിട്ടെങ്കിലും തലചായ്ക്കാനൊരിടമെന്ന തങ്ങളുടെ ചിരകാല സ്വപ്‌നങ്ങളിലൊന്ന് പൂര്‍ത്തിയായതിന്റെ ആഹഌദം ഗ്രാമീണരില്‍ കാണാം. പ്രതിസന്ധികള്‍ പെയ്തിറങ്ങിയ കലാപനാളുകളില്‍ ബന്ധു വീടുകളിലേക്കും സര്‍ക്കാര്‍ ക്യാമ്പുകളിലേക്കും അഭയാര്‍ത്ഥികളാക്കപെട്ടവരാണിവര്‍. വര്‍ഷങ്ങള്‍ക്കിപ്പുറവും ജീവിത താളം വീണ്ടെടുക്കാന്‍ അവര്‍ വിധിയോടു പൊരുതുന്നതിന്റെ നേര്‍ചിത്രമാണ് ശിഹാബ് തങ്ങള്‍ വില്ലേജില്‍ കാണാനാവുന്നത്്. സ്വസ്ഥ ജീവിതത്തിന്റെ നല്ല ഇന്നലകളെ തിരിച്ചുപിടിക്കാനുള്ള ജീവല്‍സമരത്തിലാണിവര്‍. ബാഗ്പത്ത് ജില്ലയിലേ ബിജ്‌റോളില്‍ നിന്നു മുസാഫര്‍ നഗറിലേ മന്ത്‌വാഡയിലേക്ക്്് രാക്കുരാമാനം പാലായനം ചെയ്യുമ്പോള്‍ ഇനിയൊരു ജീവിതം സാധ്യമാണെന്ന് താന്‍ നിനച്ചിരുന്നില്ലെന്ന് ബാര്‍ബറായ ജുള്‍ഫുക്കര്‍ ഷെയ്ഖ് പറയുന്നു. അന്ന് ഏല്ലാം നഷ്ടപ്പെട്ട ജുള്‍ഫുക്കര്‍ ഇന്ന് സീതിസാഹിബ് ബ്ലോക്കിലേ 25 ാം വീട്ടിലെ അന്തേവാസിയാണ്. സന്തോഷത്തിന്റെ നാളുകളുടെ വരവറിയിച്ച്് ജുള്‍ഫുക്കര്‍ ഷെയ്ഖിന്റെയും ശഹനാസ് ബാനുവിന്റെയും വീട്ടില്‍ കല്ല്യാണ വിശേഷം കൂടി വിരുന്നെത്തിയിരിക്കുന്നു. മകന്‍ ഗുല്‍സാറിനെയും വധു ഷാഇസ്തയേയും കൂട്ടിയിണക്കി ശിഹാബ് തങ്ങള്‍ ബൈത്തു റഹ്മ കല്യാണ വീടായത്തീര്‍ന്നിരിക്കുന്നു. ആര്‍ഭാടങ്ങളോ അമിതവ്യയങ്ങളോ ഇല്ലാതെ വധുവിന്റെ വീട്ടുകാര്‍ക്കും അയല്‍വാസികള്‍ക്കും പലഹാര സല്‍ക്കാരമൊരുക്കി മനേരഹമായൊരു കല്ല്യാണം. ഒരു വര്‍ഷം മുന്‍പ് നിക്കാഹ് കഴിഞ്ഞതാണങ്കിലും കേറിക്കിടക്കാനൊരു കൂരയില്ലാതെ എട്ടംഗ കുടുംബത്തില്‍ നവവധുവിനെയെങ്ങനെ സ്വീകരിക്കുമെന്ന ആശങ്കക്ക് വിരാമമായാണ് മുസ്ലിം ലീഗ് ബൈത്തുറഹ്മ ഗുണഭോക്താക്കളില്‍ ജുള്‍ഫുക്കാറിന്റെയും കുടുംബത്തിന്റെയും പേരു വന്നത്. ദിവസങ്ങളെണ്ണികാത്തിരുന്ന കുടുംബം സയ്യിദ് ഹൈദരലി തങ്ങള്‍ വീടുകള്‍ അതിന്റെ അവകാശികള്‍ക്ക് കൈമാറിയതിന്റെ തൊട്ടുപിന്നാലെ കല്ല്യാണം നടത്താന്‍ തീരുമാനിക്കുകയായിരുന്നു. മുസാഫര്‍നഗറിലെ മന്ത്‌വാഡ തടാകക്കരയില്‍ ശിഹാബ് തങ്ങള്‍ ബൈത്തുറഹ്മ ഗ്രാമം വരണമാല്യമണിഞ്ഞ് സന്തോഷം വിതറി നില്‍ക്കുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending