Connect with us

kerala

ഫിറ്റ്‌നസ് ഫ്രീക്ക്, ഡിജെ പാര്‍ട്ടികളിലെ സ്ഥിരം സാന്നിധ്യം, നിയാസ് സഞ്ജനയുടെ അടുത്ത സുഹൃത്ത്- ലഹരിക്കേസ് വമ്പന്മാരിലേക്ക്

നിയാസില്‍നിന്നു ലഭിച്ച വിവരങ്ങളുടെ അടിസ്ഥാനത്തിലാണ് സഞ്ജനയുടെ ഇന്ദിരാനഗറിലുള്ള വീട്ടില്‍ സെന്‍ട്രല്‍ ക്രൈംബ്രാഞ്ച് റെയ്ഡ് നടത്തിയത്.

Published

on

കൊച്ചി: ലഹരിക്കേസില്‍ സെന്‍ട്രല്‍ ക്രൈംബ്രാഞ്ച് അറസ്റ്റ് ചെയ്ത മലയാളി നിയാസ് മുഹമ്മദ് കൊച്ചിയിലെയും ബെംഗളൂരുവിലെയും ഡിജെ പാര്‍ട്ടികളിലെ സ്ഥിരം സാന്നിദ്ധ്യം. ഫാഷന്‍ മേഖലയിലും റാംപിലും ഇയാള്‍ സജീവമാണ്. ഇയാളുടെ ഫേസ്ബുക്ക് പ്രൊഫൈലില്‍ നിറയെ നക്ഷത്ര ഹോട്ടലുകളിലെ പാര്‍ട്ടി വീഡിയോകളുണ്ട്. കോറമംഗലത്ത് പ്രവര്‍ത്തിക്കുന്ന പ്രമുഖ പബ്ബില്‍ ഇയാള്‍ക്ക് ബിസിനസ് പങ്കാളിത്തം ഉണ്ട് എന്നും പറയപ്പെടുന്നു.

അഞ്ചു വര്‍ഷത്തിലേറെയായി ബെംഗളൂരുവില്‍ സ്ഥിരതാമസാണ് നിയാസ്. എറണാകുളം കലൂര്‍ സ്വദേശിനിയെ വിവാഹം കഴിച്ചിരുന്നു എങ്കിലും പിന്നീട് ആ ബന്ധം ഒഴിഞ്ഞിരുന്നു. ഏതാനും മലയാള സിനിമകളിലും ഇയാള്‍ വേഷമിട്ടിട്ടുണ്ട്.

ടോവിനോ തോമസ് ചിത്രം കല്‍ക്കിയിലെ വില്ലന്‍ കഥാപാത്രത്തെ അവതരിപ്പിച്ചത് നിയാസാണ്. ബിജു മേനോന്‍ നായകനായ ആദ്യ രാത്രിയിലും അഭിനയിച്ചിട്ടുണ്ട്. ഇതിന്റെ എല്ലാം ചിത്രങ്ങള്‍ സാമൂഹിക മാധ്യങ്ങളില്‍ ഇയാള്‍ പങ്കുവച്ചിട്ടുണ്ട്. ചില കന്നഡ സിനിമകളിലും വേഷമിട്ടിട്ടുണ്ട്. ഫാഷന്‍ മേഖലയിലെ നിയാസിന്റെ സാന്നിധ്യത്തെ കുറിച്ച് ചെന്നൈ ക്രോണിക്കിള്‍ പത്രത്തില്‍ ചെറിയ കുറിപ്പും വന്നിട്ടുണ്ട്.

ലഹരിക്കേസില്‍ അറസ്റ്റിലായ നടി സഞ്ജന ഗല്‍റാണിയുമായി വളരെ അടുത്ത ബന്ധം ഉണ്ടെന്ന് തെളിയിക്കുന്ന ചിത്രങ്ങളും വീഡയോകളും ഇദ്ദേഹത്തിന്റെ പ്രൊഫൈലിലുണ്ട്. സഞ്ജനയ്‌ക്കൊപ്പം നിരവധി പാര്‍ട്ടികളിലും നിയാസ് പങ്കെടുത്തിട്ടുണ്ട്.

നിയാസില്‍നിന്നു ലഭിച്ച വിവരങ്ങളുടെ അടിസ്ഥാനത്തിലാണ് സഞ്ജനയുടെ ഇന്ദിരാനഗറിലുള്ള വീട്ടില്‍ സെന്‍ട്രല്‍ ക്രൈംബ്രാഞ്ച് റെയ്ഡ് നടത്തിയത്. തൊട്ടുപിന്നാലെ ഇവരെ അറസ്റ്റ് ചെയ്യുകയുമായിരുന്നു. സഞ്ജനയോട് കഴിഞ്ഞ ദിവസം ചോദ്യം ചെയ്യാന്‍ ഹാജരാകാന്‍ സിസിബി ആവശ്യപ്പെട്ടിരുന്നെങ്കിലും ഇവര്‍ ഹാജരായിരുന്നില്ല. സ്ഥലത്തില്ല എന്നായിരുന്നു അറിയിച്ചിരുന്നത്. തുടര്‍ന്ന് ഇവര്‍ വീട്ടിലുണ്ടെന്നു വിവരം ലഭിച്ചതിനെ തുടര്‍ന്നായിരുന്നു സിസിബി റെയ്ഡ്. നേരത്തെ നാര്‍കോട്ടിക് കണ്‍ട്രോള്‍ ബ്യൂറോ അറസ്റ്റ് ചെയ്ത സീരിയല്‍ നടി അനിഘ, അനൂപ് മുഹമ്മദ് തുടങ്ങിയവരുമായി ഇദ്ദേഹത്തിനുള്ള ബന്ധവും സിസിബി പരിശോധിക്കുന്നുണ്ട്.

kerala

ഇന്ത്യന്‍ ഒളിമ്പിക് അസോസിയേഷന്‍ പ്രസിഡന്റ് സ്ഥാനത്തേക്ക് പി.ടി ഉഷ മത്സരിക്കും

മത്സരിക്കുന്ന വിവരം സാമൂഹ്യ മാധ്യമം വഴിയാണ് പിടി ഉഷ പങ്കുവെച്ചത്.

Published

on

ഇന്ത്യന്‍ ഒളിമ്പിക് അസോസിയേഷന്‍ പ്രസിഡണ്ട് സ്ഥാനത്തേക്ക് പിടി ഉഷ മത്സരിക്കും. മത്സരിക്കുന്ന വിവരം സാമൂഹ്യ മാധ്യമം വഴിയാണ് പിടി ഉഷ പങ്കുവെച്ചത്.

അത്‌ലറ്റുകളുടെയും നാഷണല്‍ ഫെഡറേഷനുകളുടെയും പിന്തുണയോടെയാണ് മത്സരിക്കുന്നതെന്ന് പിടി ഉഷ വ്യക്തമാക്കി.

Continue Reading

kerala

സ്‌കൂള്‍ വിദ്യാര്‍ഥിനിയോട് ലൈംഗിക അതിക്രമം; ബി.ജെ.പി അധ്യാപക സംഘടനയുടെ സംസ്ഥാന സെക്രട്ടറി അറസ്റ്റില്‍

രണ്ടു വിദ്യാര്‍ത്ഥികളെ ലൈംഗികമായി പീഡിപ്പിച്ച കേസിലാണ് അറസ്റ്റ്.

Published

on

പോക്‌സോ കേസില്‍ ബിജെപി അധ്യാപക സംഘടനയുടെ സംസ്ഥാന സെക്രട്ടറി അറസ്റ്റില്‍. ഒളിവില്‍ ആയിരുന്ന നാഷണല്‍ ടീച്ചേഴ്‌സ് യൂണിയന്‍ സംസ്ഥാന സെക്രട്ടറിയും വളയന്‍ചിറങ്ങര ഹയര്‍ സെക്കന്‍ഡറി സ്‌കൂള്‍ അധ്യാപകനുമായ എം ശങ്കറിനെ കഴിഞ്ഞദിവസം കുന്നത്തുനാട് പോലീസ് കസ്റ്റഡിയില്‍ എടുത്തിരുന്നു. ഇന്നാണ് ഇയാളുടെ അറസ്റ്റ് രേഖപ്പെടുത്തിയത്.

വ്യാഴാഴ്ചയാണ് ഇയാള്‍ക്കെതിരെ സ്‌കൂളിലെ പ്രധാന അധ്യാപകന്‍ പരാതി നല്‍കിയത്. രണ്ടു വിദ്യാര്‍ത്ഥികളെ ലൈംഗികമായി പീഡിപ്പിച്ച കേസിലാണ് അറസ്റ്റ്.

Continue Reading

kerala

മന്ത്രി ആര്‍.ബിന്ദുവിനെതിരെ കോടതിയലക്ഷ്യത്തിന് അനുമതി തേടി അറ്റോര്‍ണി ജനറലിന് അപേക്ഷ

ഉന്നത വിദ്യാഭ്യാസ മന്ത്രി ആര്‍ ബിന്ദുവിനെതിരെ ക്രിമിനല്‍ കോടതിയലക്ഷ്യ നടപടി ആരംഭിക്കാന്‍ അറ്റോര്‍ണി ജനറലിന് അപേക്ഷ.

Published

on

ഉന്നത വിദ്യാഭ്യാസ മന്ത്രി ആര്‍ ബിന്ദുവിനെതിരെ ക്രിമിനല്‍ കോടതിയലക്ഷ്യ നടപടി ആരംഭിക്കാന്‍ അറ്റോര്‍ണി ജനറലിന് അപേക്ഷ. ബിജെപി നേതാവ് സന്ദീപ് വാര്യര്‍ ഇതുമായി സംബന്ധിച്ച അപേക്ഷ അറ്റോര്‍ണി ജനറല്‍ ആര്‍ വെങ്കിട്ട രമണിക്ക് നല്‍കി.

സുപ്രീം കോടതി പോലും കേന്ദ്ര നയങ്ങള്‍ക്കൊപ്പമെന്ന പരാമര്‍ശത്തെ തുടര്‍ന്നാണ് നീക്കം. കേരള സാങ്കേതിക സര്‍വകലാശാല വിധിയുമായി ബന്ധപ്പെട്ട് നടത്തിയ ഒരു പ്രസ്താവനയാണ് വിവാദത്തിലായത്.

സുപ്രീംകോടതിയെ അപകീര്‍ത്തിപ്പെടുത്തുകയാണെന്നും താഴ്ത്തി കെട്ടാനാണ് ശ്രമമെന്നും കൊടുത്ത അപേക്ഷയില്‍ പറയുന്നുണ്ട്.

Continue Reading

Trending