Connect with us

More

ഖത്തറില്‍ ലോകകപ്പ്: രണ്ടാമത് തൊഴില്‍ക്ഷേമ റിപ്പോര്‍ട്ട് സുപ്രീംകമ്മിറ്റി പുറത്തുവിട്ടു

Published

on

ദോഹ: 2022 ലോകകപ്പിനായുള്ള സ്റ്റേഡിയങ്ങളുടെ നിര്‍മാണപ്രവര്‍ത്തനങ്ങളുമായി ബന്ധപ്പെട്ട് സുപ്രീംകമ്മിറ്റി ഫോര്‍ ഡെലിവറി ആന്റ് ലെഗസി രണ്ടാമത് വാര്‍ഷിക തൊഴില്‍ ക്ഷേമ പുരോഗതി റിപ്പോര്‍ട്ട് പുറത്തുവിട്ടു. കഴിഞ്ഞവര്‍ഷം ജനുവരി മുതല്‍ ഈ ഫെബ്രുവരി വരെയുള്ള കാലയളവിലെ തൊഴിലാളി ക്ഷേമപ്രവര്‍ത്തനങ്ങളും അനുബന്ധകാര്യങ്ങളുമാണ് റിപ്പോര്‍ട്ടില്‍ ഉള്‍പ്പെടുത്തിയിരിക്കുന്നത്.
തൊഴിലാളികളുടെ ക്ഷേമം ഉറപ്പാക്കാനായി സുപ്രീംകമ്മിറ്റി നടപ്പാക്കിയ പദ്ധതികളുടെ പുരോഗതിയും വിശദീകരിച്ചിട്ടുണ്ട്. തൊഴിലാളി ക്ഷേമത്തില്‍ നേരിടേണ്ടിവന്ന വെല്ലുവിളികളും എങ്ങനെ മറികടന്നുവെന്നതും വ്യക്തമാക്കുന്നു. തൊഴിലാളികളുടെ ക്ഷേമം ഉറപ്പുവരുത്തുന്നതിനായി സുപ്രീംകമ്മിറ്റി ഇനി നടപ്പാക്കാന്‍ പോകുന്ന പദ്ധതികളും മുന്‍ഗണനകളും റിപ്പോര്‍ട്ടില്‍ പരാമര്‍ശിക്കുന്നു.
സുപ്രീംകമ്മിറ്റിയുടെ പ്രവര്‍ത്തനങ്ങളില്‍ തൊഴിലാളി ക്ഷേമത്തിന് വലിയ പ്രാധാന്യം നല്‍കുന്നുണ്ടെന്ന് സുപ്രീംകമ്മിറ്റി സെക്രട്ടറി ജനറല്‍ ഹസന്‍ അല്‍ തവാദി പറഞ്ഞു. മിഡില്‍ഈസ്റ്റില്‍ ആദ്യമായി നടക്കുന്ന ഫിഫ ലോകകപ്പിന് ആഗോള സാമൂഹിക പൈതൃകം സൃഷ്ടിക്കാന്‍ ഇതിലൂടെ സാധിക്കുമെന്നും അദ്ദേഹം കൂട്ടിച്ചേര്‍ത്തു. എട്ടു നിര്‍മാണസ്ഥലങ്ങളിലായി 13,000ത്തോളം തൊഴിലാളികളാണ് തൊഴില്‍ ചെയ്യുന്നത്. 53 മില്യണ്‍ തൊഴില്‍മണിക്കൂറുകള്‍ പിന്നിട്ടു.വര്‍ക്കേഴ്‌സ് വെല്‍ഫെയര്‍ ഡിവിഷന്റെ സ്തുത്യര്‍ഹമായ പ്രവര്‍ത്തനമാണ് തൊഴില്‍ക്ഷേമ പ്രവര്‍ത്തനങ്ങളില്‍ കാര്യമായ പുരോഗതി കൈവരിക്കാന്‍ കാരണമായത്.
തൊഴിലാളികളുടെ താമസ സൗകര്യങ്ങള്‍ മെച്ചപ്പെടുത്തുന്നതു മുതല്‍ നിര്‍മാണ സ്ഥലങ്ങളിലെ ക്ഷേമം, റിക്രൂട്ട്‌മെന്റിലെ നൈതികത, ഓഹരിപങ്കാളികളുമായുള്ള ഇടപെടല്‍ എന്നിവയെല്ലാം കാര്യക്ഷമമാക്കാന്‍ കഴിഞ്ഞു. റിക്രൂട്ട്‌മെന്റിലെ നൈതികതയുമായി ബന്ധപ്പെട്ട പ്രശ്‌നങ്ങള്‍ ഓഡിറ്റ് ചെയ്യുന്നതിനായി 2200 മണിക്കൂറുകളാണ് ഇതുമായി ബന്ധപ്പെട്ട ടീം ചെലവഴിച്ചത്. തൊഴിലാളി താമസകേന്ദ്രങ്ങളിലെ പരിശോധനയ്ക്കായി 1400 മണിക്കൂറുകളും നിര്‍മാണസ്ഥലങ്ങളിലെ പരിശോധനയ്ക്കായി 1000 മണിക്കൂറുകളും ചെലവഴിച്ചു. മൂന്നു കരാറുകാരെ കരിമ്പട്ടികയില്‍പ്പെടുത്തുകയും തൊഴിലാളി ക്ഷേമകാര്യങ്ങളിലെ മോശം പെരുമാറ്റത്തിന്റെപേരില്‍ ഒന്‍പത് കരാറുകാരെ പിരിച്ചുവിടുകയും ചെയ്തു.
കഴിഞ്ഞ ജനുവരി മുതല്‍ ഈ ഫെബ്രുവരി വരെയുള്ള കാലയളവിലെ സുപ്രീംകമ്മിറ്റിയുടെ വര്‍ക്കേഴ്‌സ് വെല്‍ഫെയര്‍ ഡിവിഷന്റെ നേട്ടങ്ങളും പിന്നിട്ട നാഴികക്കല്ലുകളും റിപ്പോര്‍ട്ടില്‍ വിശദീകരിക്കുന്നു. ഉപദേശകസേവനങ്ങള്‍ക്കും നൈതിക റിക്രൂട്ട്‌മെന്റ് ഓഡിറ്റ് പരിശീലനത്തിനുമായി വെറൈറ്റിനെയും തൊഴിലാളി ക്ഷേമപ്രവര്‍ത്തനങ്ങളുടെയും മറ്റും നിരീക്ഷണത്തിനായി സ്വതന്ത്ര മൂന്നാംകക്ഷിയായി ഇംപാക്റ്റ് ലിമിറ്റഡിനെയും നിയോഗിച്ചത് ഇക്കാലയളവിലായിരുന്നു.
സുപ്രീംകമ്മിറ്റിയും ആഗോള തൊഴിലാളി സംഘടനകളിലൊന്നായ ബില്‍ഡിങ് ആന്റ് വൂഡ് വര്‍ക്കേഴ്‌സ് ഇന്റര്‍നാഷണല്‍(ബിഡബ്ല്യുഐ) ട്രേഡ യൂണിയനും തമ്മില്‍ ധാരണാപത്രം ഒപ്പുവച്ചു.
സംയുക്ത ആരോഗ്യ, സുരക്ഷാപരിശോധനകള്‍ക്ക് തുടക്കംകുറിക്കുകയും ചെയ്തു. തൊഴിലാളികളുടെ പരാതികള്‍ പരിഹരിക്കുന്നതിനായി ഹോട്ട്്‌ലൈന്‍, സമഗ്രമായ ഐടി ഓഡിറ്റ് പ്ലാറ്റ്‌ഫോം, തൊഴിലാളിക്ഷേമ മാനദണ്ഡങ്ങളുടെ രണ്ടാം എഡീഷന്റെപ്രസിദ്ധീകരണം എന്നിവയും ഇക്കാലയളവിലെ നേട്ടങ്ങളാണ്. വര്‍ക്കേഴ്‌സ് വെല്‍ഫെയര്‍ ഡിവിഷന്‍ തൊഴിലാളി ക്ഷേമത്തിനായി നടപ്പാക്കുന്ന കര്‍മപദ്ധതികളും റിപ്പോര്‍ട്ടില്‍ വിശദീകരിക്കുന്നുണ്ട്.
വേനല്‍ മാസങ്ങളില്‍ തൊഴിലാളികള്‍ക്ക് ആശ്വാസകരമായ രീതിയില്‍ കൂളിങ് സാങ്കേതികവിദ്യ നടപ്പാക്കുന്നതിന്റെ പുരോഗതി റിപ്പോര്‍ട്ടില്‍ പരാമര്‍ശിക്കുന്നു. തൊഴിലാളികള്‍ നേരിടേണ്ടിവരുന്ന അജ്ഞാത പ്രശ്‌നങ്ങള്‍ പരിഹരിക്കുന്നതിന് പരാതിപരിഹാര ഹോട്ട്‌ലൈന്‍, തൊഴിലാളികളുടെ പോഷകാഹാര ഉപഭോഗത്തെ നിരീക്ഷിക്കുന്നതിനും ഹൈപ്പര്‍ടെന്‍ഷന്‍, പ്രമേഹം എന്നിവ പോലെയുള്ള പ്രാഥമിക ആരോഗ്യപ്രശ്‌നങ്ങള്‍ തിരിച്ചറിയുന്നതിനും വെയ്ല്‍കോര്‍ണല്‍ മെഡിസിന്റെ പങ്കാളിത്തത്തോടെ പദ്ധതി എന്നിവ നടപ്പാക്കുന്നുണ്ട്.
തൊഴിലാളികളുടെ അവകാശസംരക്ഷണത്തില്‍ വലിയ പുരോഗതി കൈവരിക്കാന്‍ കഴിഞ്ഞിട്ടുണ്ട്. സുപ്രീംകമ്മിറ്റി അഡൈ്വസറി യൂണിറ്റ് ചീഫ് ഖാലിദ് അല്‍ ഖുബൈസി പറഞ്ഞു. കഴിഞ്ഞവര്‍ഷം ഫെബ്രുവരിയിലായിരുന്നു ആദ്യ റിപ്പോര്‍ട്ട് പുറത്തുവിട്ടത്.

Education

കാലിക്കറ്റ് സർവകലാശാല അറിയിപ്പുകൾ

Published

on

വാക്-ഇൻ-ഇന്റർവ്യൂ

കാലിക്കറ്റ് സർവകലാശാലാ ഫിസിക്കൽ എജ്യുക്കേഷൻ വകുപ്പ്, വിദൂര വിദ്യാഭ്യാസ വിഭാഗം, കമ്പ്യൂട്ടർ സെന്റർ എന്നിവിടങ്ങളിലേക് കരാർ അടിസ്ഥാനത്തിൽ പ്രോഗ്രാമർ തസ്തികലയിലേക്ക് വാക്-ഇൻ-ഇന്റർവ്യൂ നടത്തുന്നു. മാർച്ച് നാലിന് സർവകലാശാലാ ഭരണസിരാകേന്ദ്രത്തിലാണ് അഭിമുഖം. മതിയായ യോഗ്യതയുള്ള ഉദ്യോഗാർത്ഥികൾ രാവിലെ 9.30-ന് ഹാജരാകണം. കൂടുതൽ വിവരങ്ങൾ വെബ്സൈറ്റിൽ.

പരീക്ഷാ അപേക്ഷ

രണ്ടാം സെമസ്റ്റർ എം.സി.എ. (2020 പ്രവേശനം മുതൽ) ഏപ്രിൽ 2024 റഗുലർ / സപ്ലിമെന്‍ററി പരീക്ഷകൾക്ക് പിഴ കൂടാതെ മാർച്ച് 13 വരെയും 180 രൂപ പിഴയോടെ 15 വരെയും അപേക്ഷിക്കാം. ലിങ്ക് 28 മുതൽ ലഭ്യമാകും.

പ്രാക്ടിക്കൽ പരീക്ഷ

ആറാം സെമസ്റ്റർ ഇൻഗ്രേറ്റഡ് എം.എസ് സി. സൈക്കോളജി (CBCSS 2020 പ്രവേശനം) ഏപ്രിൽ 2023 പ്രാക്ടിക്കൽ പരീക്ഷകൾ 26, 27 തീയതികളിൽ നടക്കും. കേന്ദ്രം:- എം.ഇ.എസ്. കല്ലടി കോളേജ്, മണ്ണാർക്കാട്, പാലക്കാട്.

പുനർമൂല്യനിർണയ ഫലം

മൂന്നാം സെമസ്റ്റർ എം.എസ് സി. മാത്തമാറ്റിക്സ് സെപ്റ്റംബർ 2021 ഒറ്റത്തവണ റഗുലർ സപ്ലിമെന്‍ററി പരീക്ഷയുടെ പുനർമൂല്യനിർണയ ഫലം പ്രസിദ്ധീകരിച്ചു.
പളളിക്കല്‍ ടൈംസ് .

എസ്.ഡി.ഇ. എം.എസ് സി. മാത്തമാറ്റിക്സ് രണ്ടാം സെമസ്റ്റർ ഏപ്രിൽ 2022, ഏപ്രിൽ 2023, മൂന്നാം സെമസ്റ്റർ നവംബർ 2022 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു

Continue Reading

kerala

എം.എസ്.എഫ് ‘ശിഖരം’ സംഘടന ക്യാമ്പയിൻ: രാജ്യത്തിൻ്റെ പ്രതീക്ഷ വിദ്യാർത്ഥികളിലാണ്: സയ്യിദ് അബ്ബാസലി ശിഹാബ് തങ്ങൾ

വിദ്യാർത്ഥി സമൂഹം ഉണര്‍ന്നിരിക്കുന്ന സമൂഹത്തിന്റെ പരിഷ്ചേദമാകണം തങ്ങൾ കൂട്ടിച്ചേർത്തു

Published

on

കൊണ്ടോട്ടി: രാജ്യത്തിൻ്റെ പാരമ്പര്യത്തെയും പൈതൃകത്തെയും ചോദ്യം ചെയ്യുന്ന രീതിയിൽ ഭരണകൂടം മുന്നോട്ട് പോകുമ്പോൾ ഭാവി ഇന്ത്യയുടെ പ്രതീക്ഷ വിദ്യാർത്ഥികളിലാണെന്ന് മുസ്‌ലിംലീഗ് ജില്ലാ പ്രസിഡൻ്റ് പാണക്കാട് സയ്യിദ് അബ്ബാസലി ശിഹാബ് തങ്ങൾ പറഞ്ഞു. ‘അനീതിയോട് കലഹിക്കാൻ, അറിവിൻ്റെ അർത്ഥമറിയുക’ എന്ന പ്രമേയത്തിൽ എം.എസ്.എഫ് മലപ്പുറം ജില്ലാ കമ്മിറ്റി സംഘടിപ്പിക്കുന്ന ‘ശിഖരം’ ക്യാമ്പയിൻ പ്രഖ്യാപന സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിദ്യാർത്ഥി സമൂഹം ഉണര്‍ന്നിരിക്കുന്ന സമൂഹത്തിന്റെ പരിഷ്ചേദമാകണം. ചുറ്റുമുള്ള സമൂഹത്തിന്റെ പ്രശ്‌നങ്ങളില്‍ സൃഷ്ടിപരമായി ഇടപെടാൻ വിദ്യാർത്ഥികളെ പ്രാപ്തമാക്കുന്നതിൽ എം.എസ്.എഫിൻ്റെ ഇടപെടൽ ആശാവഹമാണെന്നും തങ്ങൾ കൂട്ടിച്ചേർത്തു. മെയ് 1 മുതൽ ജൂൺ 31 വരെയാണ് ക്യാമ്പയിൻ നടത്തപ്പെടുന്നത്.

ചടങ്ങിൽ എം.എസ്.എഫ് ജില്ലാ പ്രസിഡൻ്റ് കബീർ മുതുപറമ്പ് അദ്ധ്യക്ഷത വഹിച്ചു. സംസ്ഥാന പ്രസിഡൻ്റ് പി.കെ.നവാസ് മുഖ്യപ്രഭാഷണം നിർവഹിച്ചു.
മുസ്‌ലിം യൂത്ത്‌ലീഗ് ജില്ലാ പ്രസിഡൻ്റ് ശരീഫ് കുറ്റൂർ പ്രമേയ പ്രഭാഷണം നടത്തി.

ടി.വി.ഇബ്റാഹീം എം.എൽ.എ, മുസ്‌ലിംലീഗ് ജില്ലാ സെക്രട്ടറി കെ.ടി.അഷ്റഫ്, വള്ളിക്കുന്ന് മണ്ഡലം പ്രസിഡൻ്റ് ഡോ: വി.പി.അബ്ദുൽ ഹമീദ് മാസ്റ്റർ, എം.എസ്.എഫ് സംസ്ഥാന വൈസ് പ്രസിഡൻ്റുമാരായ ഫാരിസ് പൂക്കോട്ടൂർ, പി.എച്ച്.ആയിഷ ബാനു, സെക്രട്ടറിമാരായ പി.എ.ജവാദ്, അഡ്വ: കെ.തൊഹാനി, ജില്ലാ ജനറൽ സെക്രട്ടറി വി.എ.വഹാബ്, ട്രഷറർ കെ.എൻ.ഹക്കീം തങ്ങൾ, മുസ്‌ലിം യൂത്ത്‌ലീഗ് ജില്ലാ കമ്മിറ്റി അംഗങ്ങളായ സി.എ.ബഷീർ, കെ.ഷാഹുൽ ഹമീദ്, സംസ്ഥാന വിംഗ് കൺവീനർമാരായ സമീർ എടയൂർ, അസൈനാർ നെല്ലിശ്ശേരി, കെ.എ.ആബിദ് റഹ്‌മാൻ, ഡോ: ഫായിസ് അറക്കൽ, സംസ്ഥാന കമ്മിറ്റി അംഗങ്ങളായ അഖിൽ കുമാർ ആനക്കയം, റാഷിദ് കൊക്കൂർ, ജില്ലാ ഭാരവാഹികളായ അഡ്വ: കെ.ഖമറുസമാൻ, കെ.എം.ഇസ്മായിൽ, പി.ടി.മുറത്ത്, ടി.പി.നബീൽ, യു.അബ്ദുൽ ബാസിത്ത്, അഡ്വ: വി.ഷബീബ് റഹ്‌മാൻ, നവാഫ് കളളിയത്ത്, ഷിബി മക്കരപ്പറമ്പ്, ഹർഷാദ് ചെട്ടിപ്പടി, ഫർഹാൻ ബിയ്യം, വി.പി.ജസീം, സിപി.ഹാരിസ്, മുസ്‌ലിംലീഗ് കരിപ്പൂർ മേഖല ജനറൽ സെക്രട്ടറി ബീരാൻകുട്ടി മാസ്റ്റർ, ഹരിത ജില്ലാ ചെയർപേഴ്സൺ ഫിദ.ടി.പി, ജനറൽ കൺവീനർ റിള പാണക്കാട് എന്നിവർ പ്രസംഗിച്ചു.

Continue Reading

kerala

മുകുന്ദൻ സി. മേനോൻ സുഹൃദ് സംഘത്തിന്റെ പ്രഥമ അവാർഡ് സിദ്ദിഖ് കാപ്പന്

കടുത്ത മനുഷ്യാവകാശ ലംഘനം നേരിട്ട മാധ്യമ പ്രവര്‍ത്തകനായ സിദ്ദിഖ് കാപ്പനെ ജൂറി കമ്മിറ്റി ഐക്യകണേ്ഠനയാണ് അവാര്‍ഡിന് തിരഞ്ഞെടുത്തത്

Published

on

മുകുന്ദന്‍ സി.മേനോന്‍ സുഹൃദ് സംഘത്തിന്റെ അവാര്‍ഡിന് സിദ്ദിഖ് കാപ്പനെ തിരഞ്ഞെടുത്തു. പ്രമുഖ മനുഷ്യാവകാശ പ്രവര്‍ത്തകന്‍ മുകുന്ദന്‍ സി. മേനോന്റെ സ്മരണാര്‍ത്ഥം സുഹൃത്തുക്കള്‍ ഏര്‍പ്പെടുത്തിയതാണ് അവാര്‍ഡ്. ഹത്രാസിലെ ബലാത്സംഗക്കേസ് റിപ്പോര്‍ട്ട് ചെയ്യാനായി ഡല്‍ഹിയില്‍ നിന്ന് പോയ മാധ്യമ പ്രവര്‍ത്തകനായ സിദ്ദിഖ് കാപ്പനെ ഉത്തര്‍പ്രദേശിലെ യോഗി സര്‍ക്കാര്‍ യു.എ.പി.എ. നിയമം ഉപയോഗിച്ച് രണ്ട് വര്‍ഷത്തോളം തടവറയിലിട്ടിരുന്നു. ഒടുവില്‍ സുപ്രിംകോടതി ഇടപെട്ടാണ് അദ്ദേഹത്തിന് ജാമ്യം അനുവദിച്ചത്.

കടുത്ത മനുഷ്യാവകാശ ലംഘനം നേരിട്ട മാധ്യമ പ്രവര്‍ത്തകനായ സിദ്ദിഖ് കാപ്പനെ ജൂറി കമ്മിറ്റി ഐക്യകണേ്ഠനയാണ് അവാര്‍ഡിന് തിരഞ്ഞെടുത്തത്. മുകുന്ദന്‍ സി. മേനോന്റെ 17ാം ചരമ വാര്‍ഷിക ദിനമായ ഡിസംബര്‍ 13ന് വൈകുന്നേരം നാല് മണിക്ക് കോഴിക്കോട് മാവൂര്‍ റോഡിലെ കൈരളി തിയേറ്ററിലെ വേദി ഓഡിറ്റോറിയത്തില്‍ നടക്കുന്ന ചടങ്ങില്‍ കല്‍പ്പറ്റ നാരായണന്‍ അവാര്‍ഡ് വിതരണം ചെയ്യും. 50,001 രൂപയും പ്രശസ്തി പത്രവുമാണ് അവാര്‍ഡ്.

Continue Reading

Trending