GULF
മരണംവരെ സംഭവിക്കാവുന്ന അപകട സാധ്യത കുട്ടികളെ മടിയിലിരുത്തി വാഹനമോടിക്കുന്നത് ഗുരുതരമായ നിയമലംഘനം

ദുബൈ: കുട്ടികളെ മടിയിലിരുത്തി വാഹനമോടിക്കുന്നത് ഗുരുതരമായ നിയമലംഘനവും മരണം വരെ സംഭവിക്കാവുന്ന അപകടങ്ങള്ക്ക് കാരണമാവുകയും ചെയ്യുമെന്ന് ദുബൈ പൊലീസ് മുന്നറിയിപ്പ് നല്കി. ഈയിടെയുണ്ടായ ഒരു വാഹനാപകടത്തിന് കാരണം കുട്ടിയെ മടിയിലിരുത്തി വാഹനമോടിച്ചതാ ണെന്ന് ദുബൈ പൊലീസ് കണ്ടെത്തിയിരുന്നു.
പൊലീസിന്റെ ആധുനിക റഡാര് സംവിധാനത്തിലൂടെയാ ണ് ഇത് തിരിച്ചറിഞ്ഞതെന്ന് പൊലീസ് വ്യക്തമാക്കി. ഈ അപകടകരമായ പ്രവൃത്തി കുട്ടിയുടെ സുരക്ഷയെ മാത്രമല്ല, മറ്റു റോഡ് ഉപയോക്താക്കള്ക്കും കാര്യമായ അപകടസാധ്യതകള് സൃഷ്ടിക്കുകയും ചെയ്യുന്നു.
ഇത്തരം സംഭവങ്ങള് കണ്ടെത്തുന്നതിനുള്ള സാങ്കേതിക ഉപകരണങ്ങള് ഉപയോഗപ്പെടുത്തുന്നുണ്ട്. ഇങ്ങിനെ അപകടം വരുത്തിയ ഡ്രൈവറെ വിളിച്ചുവരുത്തി വാഹനം പിടിച്ചെടുത്തതായി ദുബൈ പോലീസ് ജനറല് ട്രാഫിക് ഡിപ്പാര്ട്ട്മെന്റ് ഡയറക്ടര് മേജര് ജനറല് സെയ്ഫ് മുഹൈര് അല്മസ്റൂഇ പ റഞ്ഞു.
പത്ത് വയസ്സിന് താഴെയുള്ള അല്ലെങ്കില് 145 സെന്റിമീറ്ററില് താഴെ ഉയരമുള്ള കുട്ടികള് മുന് സീ റ്റില് ഇരിക്കുന്നത് ആന്തരിക ക്ഷതമേല്ക്കുന്നതിന് കാരണമാകുന്നതുകൊണ്ട് ഫെഡറല് ട്രാഫിക് നിയമം ഇത് കര്ശനമായി വിലക്കിയിട്ടുണ്ട്. വാഹനങ്ങള്തമ്മിലുള്ള കൂട്ടിയിടിയുടെ ശക്തിയില് കുട്ടിയെ കാറിന്റെ ഉള്ഭാഗത്തേക്ക് തള്ളിവിടുകയോ വാഹനത്തില്നിന്ന് പുറത്തേക്ക് തെറിയിപ്പിക്കുകയോ ചെയ്യും. കൂടാതെ, അപകടങ്ങളില് എയര്ബാഗുകള് വേഗത്തിലും വലിയ ശക്തിയിലും പ്രവര്ത്തിക്കുന്നതു കൊണ്ട് ചെറിയ കുട്ടികള്ക്ക് ഗുരുതരമായ പരിക്കുകള്ക്ക് ഇടയാക്കും.
മുന്സീറ്റിലെ ബെല്റ്റുകള് മുതിര്ന്നവര്ക്കായി രൂപകല്പ്പന ചെയ്തിരിക്കുന്നതിനാല് അവ കുട്ടിക ള്ക്ക് അനുയോജ്യമല്ലാതാകുകയും തല, നെഞ്ച്, കഴുത്ത് എന്നീ ഭാഗങ്ങളില് പരിക്കുകള് ഉണ്ടാകാനുള്ള സാധ്യത ഏറെയാണ്. ഗുരുതരമായ അപകടങ്ങളിലേക്ക് നയിച്ചേക്കാവുന്ന അപകടകരമായ നിയമലംഘന ങ്ങളുടെ വീ ഡിയോ ദൃശ്യങ്ങള് പകര്ത്താനുള്ള കഴിവ് ഉള്പ്പെടെ ദുബൈ പോലീസിന്റെ സാങ്കേതിക ഉപകരണങ്ങള് നൂതന സവിശേഷതകളുള്ളവയാണ്.
GULF
റഹീമിന് തടവ് 20 വർഷം തന്നെ; കീഴ്ക്കോടതി വിധി അപ്പീൽ കോടതി ശരിവെച്ചു

റിയാദ്: സൗദി ജയിലിൽ കഴിയുന്ന കോഴിക്കോട് സ്വദേശി അബ്ദുൽ റഹീമിന്റെ കേസിൽ കീഴ്കോടതി വിധി ശരിവെച്ച് അപ്പീൽ കോടതിയുടെ ഉത്തരവ്. മെയ് 26 നാണ് 20 വർഷത്തെ തടവിന് വിധിച്ചുള്ള കീഴ്ക്കോടതി വിധിയുണ്ടായത്. വിധിക്ക് ശേഷം പ്രോസിക്യൂഷൻ അപ്പീൽ സമർപ്പിച്ചതിനെ തുടർന്നാണ് ഇന്ന് രാവിലെ 11 മണിക്ക് അപ്പീൽ കോടതിയിൽ സിറ്റിങ് ഉണ്ടായത്.
19 വർഷം പിന്നിട്ട പ്രതിക്ക് മോചനം അനുവദിക്കണമെന്ന് പ്രതിഭാഗം ആവശ്യപ്പെട്ടെങ്കിലും കോടതി പരിഗണിച്ചില്ല. എന്നാൽ ആവശ്യമെങ്കിൽ പ്രതിഭാഗത്തിന് മേൽക്കോടതിയെ സമീപിക്കാം എന്നും കോടതി പറഞ്ഞു.
റഹീമിന്റെ അഭിഭാഷകാരും ഇന്ത്യൻ എംബസ്സി പ്രതിനിധി സവാദ് യൂസഫും റഹീം കുടുംബ പ്രതിനിധി സിദ്ദീഖ് തുവ്വൂരും ഓൺലൈൻ കോടതിയിൽ ഹാജരായിരുന്നു. കീഴ്ക്കോടതി വിധി ശരിവെച്ച അപ്പീൽ കോടതിയുടെ വിധി ആശ്വാസകരമാണെന്ന് വിധിക്ക് ശേഷം റിയാദ് റഹീം സഹായ സമിതി അറിയിച്ചു.
GULF
യമനിലെ ജയിലില് കഴിയുന്ന നിമിഷ പ്രിയയുടെ വധശിക്ഷ ജൂലൈ 16ന്
ഉത്തരവ് ജയില് അധികൃതര്ക്ക് കൈമാറി

ന്യൂഡല്ഹി: യെമന് സ്വദേശിയെ കൊന്ന കേസില് ജയിലില് കഴിയുന്ന നിമിഷ പ്രിയയുടെ വധശിക്ഷ ജൂലൈ പതിനാറിന് നടപ്പാക്കാന് ഉത്തരവ്. യെമനിലെ പബ്ലിക് പ്രോസിക്യൂട്ടറാണ് ഉത്തരവിട്ടത്. ഉത്തരവ് ജയില് അധികൃതര്ക്ക് കൈമാറി.
അതേസമയം, കൊല്ലപ്പെട്ട തലാലിന്റെ കുടുംബം ദയാധനമായി ആവശ്യപ്പെട്ടത് 8.57 കോടി രൂപയാണ്. 2017 മുതല് സനായിലെ ജയിലിലാണ് നിമിഷപ്രിയ. അതിനിടെ മോചനശ്രമങ്ങള് പലപ്പോഴായി നടന്നെങ്കിലും ഫലപ്രാപ്തിയില് എത്തിയില്ല.
തലാലിന്റെ കുടുംബത്തെ നാളെ കാണുമെന്നും വധശിക്ഷ ഒഴിവാക്കാന് ഏക പോംവഴി കുടുംബത്തിന്റെ മാപ്പാണെന്നുംന്നും യെമനിലെ മനുഷ്യാവകാശ പ്രവര്ത്തകന് സാമുവല് ജെറോം പറഞ്ഞു. വധശിക്ഷയ്ക്കുള്ള ഉത്തരവ് ജയിലില് എത്തിയതായും സൗദിയിലെ ഇന്ത്യന് എംബസിക്ക് കൈമാറിയതായും അദ്ദേഹം പറഞ്ഞു.
2017 ജൂലൈയില് യെമന് പൗരനായ തലാല് അബ്ദു മെഹ്ദിയെ കൊലപ്പെടുത്തിയ കേസില് തടവിലായ പാലക്കാട് സ്വദേശിനി നിമിഷ പ്രിയയെ യെമന് കോടതി വധശിക്ഷക്ക് വിധിച്ചിരുന്നു. 2020-ല് സനയിലെ വിചാരണ കോടതിയും യെമന് സുപ്രീം കോടതിയുമാണ് നിമിഷക്ക് വധശിക്ഷ വിധിച്ചത്.
GULF
സുംബാ വിഷയത്തില് പ്രതികരിച്ച അധ്യാപകനെതിരായ സര്ക്കാര് നടപടി പിന്വലിക്കണം: അല്ഖോബാര് ഇന്ത്യന് ഇസ്ലാഹി സെന്റര്

അല് ഖോബാര്: കേരളത്തിലെ പോതുവിദ്യാലയങ്ങളില് വിദ്യാര്ത്ഥി സമൂഹത്തിന്റെ ഭാവിയെ അവതാളത്തിലാക്കാന് കാരണമായേക്കാവുന്ന തരത്തിലുള്ള പുതിയ പദ്ധതികള് യാതൊരു ചര്ച്ചയോ കൂടിയാലോചനയോ കൂടാതെ തികച്ചും ഏകാധിപത്യ രീതിയില് തിടുക്കത്തില് അടിച്ചേല്പ്പിക്കാനുള്ള നീക്കത്തെ ജനാധിപത്യ രീതിയില് ഭരണഘടന പൗരന് നല്കുന്ന അഭിപ്രായ സ്വാതന്ത്ര്യമുപയോഗിച്ച് പ്രതികരിച്ചതിന്റെ പേരില് സ്കൂള് അധ്യാപകനും വിസ്ഡം ഇസ്ലാമിക് ഓര്ഗനൈസേഷന് സംസ്ഥാന ജനറല് സെക്രട്ടറിയുമായ ടി. കെ. അഷ്റഫിനെ ജോലിയില് നിന്ന് സസ്പെന്റ് ചെയ്ത നടപടി തീര്ത്തും അപലപനീയമാണെന്ന് അല് ഖോബാര് ഇന്ത്യന് ഇസ്ലാഹീ സെന്റര് എക്സിക്യുട്ടീവ് കമ്മിറ്റി പ്രസ്താവിച്ചു.
ഏതൊരു പൗരനും അഭിപ്രായ സ്വാതന്ത്ര്യം ഭരണഘടനാനുസൃതമായി അനുവദിക്കപ്പെട്ട ഒരു ദേശത്ത് ഒരു വിധത്തിലുള്ള ചര്ച്ചകള്ക്കും വേദിയൊരുക്കാതെ, അധ്യാപക വിദ്യാര്ത്ഥി സമൂഹത്തിനുമേല് സര്ക്കാര് പൊടുന്നനെ അടിച്ചേല്പ്പിച്ച സൂംബാ ഡാന്സ് വിഷയത്തില് പ്രതികരിച്ചതിന്നാണ് നടപടി.
ജനാധിപത്യ മൂല്യങ്ങള് കാത്തുസൂക്ഷിക്കുന്ന കേരളീയ പൊതുസമൂഹത്തിന്റെ ഭരഘടനാ അവകാശങ്ങള്ക്ക് മേലുള്ള കടന്നുകയറ്റമായേ സര്ക്കാരിന്റെ ഇത്തരം സമീപനങ്ങളെ കാണാനാകൂ എന്നും യോഗം വിലയിരുത്തി.
സമൂഹത്തെ പൊതുവിലും കലാലയങ്ങളില് പ്രത്യേകിച്ചും വ്യാപകമായിക്കൊണ്ടിരിക്കുന്ന ലഹരി എന്ന മഹാവിപത്തിനെതിരെ ശക്തവും ക്രിയാത്മകവുമായ ബോധവല്ക്കരണ പ്രവര്ത്തനങ്ങള്ക്ക് നേതൃത്വം നല്കിവരുന്ന വിസ്ഡം ഇസ്ലാമിക് ഓര്ഗനൈസേഷന്റെ നേതൃസ്ഥാനത്തുള്ള ടി കെ അഷ്റഫിന്റെ പ്രസ്താവനയെയും ഒപ്പം സമൂഹത്തില് നിന്നും ഉയര്ന്നുവന്ന വിയോജിപ്പുകളെയും ദുര്വ്യാഖ്യാനിച്ച് സ്ത്രീ വിരുദ്ധതയായും പ്രാകൃതമായും ചിത്രീകരിക്കുവാനും ചില പദ പ്രയോഗങ്ങളുടെ ചാപ്പ കുത്തി വിയോജിക്കുന്നവരെ അരികുവല്ക്കരിക്കുവാനുമുള്ള ശ്രമങ്ങള് അങ്ങേയറ്റം പ്രതിഷേധാര്ഹാമാണ്. മര്മ്മ പ്രധാനമായ വിഷയത്തില് നിന്ന് ശ്രദ്ധ തിരിച്ചു മതത്തെയും സംസ്കാരത്തെയും തെറ്റിദ്ധരിപ്പിക്കുന്ന തരത്തിലേക്ക് ചുരുക്കം ചില വാര്ത്താ ചാനലുകളിലെയും സാമൂഹ്യ മാധ്യമങ്ങളിലെയും ചര്ച്ചകള് വഴിമാറ്റപ്പെട്ടു കൊണ്ടിരിക്കുന്നു എന്നത് ഖേദകരമാണ്.
ധാര്മ്മിക മാനവിക സാംസ്കാരിക മൂല്യങ്ങള് കാത്തു സൂക്ഷിക്കുന്ന, കുടുംബത്തിനും നാടിനും പ്രയോജനകരമാവുന്ന സംസ്കാരസമ്പരായ ഒരു സമൂഹത്തെ വാര്ത്തെടുക്കേണ്ട കലാലയങ്ങളെ ആഭാസങ്ങളിലേക്ക് വഴിതിരിച്ചു വിടാന് മാത്രം പര്യാപ്തമാകുന്ന വേണ്ടത്ര പഠനങ്ങള് നടത്താതെ പ്രയോഗവല്ക്കരിക്കാന് ശ്രമിക്കുന്ന ഇത്തരം സാംസ്കാരിക അധിനിവേശങ്ങള്ക്കെതിരെ സമൂഹം ഉണരണമെന്നും, എതിര് ശബ്ദങ്ങള് ഇല്ലാതാക്കാന് ശ്രമിക്കുന്ന ഇത്തരം ജനാധിപത്യ വിരുദ്ധ നടപടികളില് നിന്ന് സര്ക്കാര് പിന്മാറണമെന്നും അധ്യാപകനെതിരായ സസ്പെന്ഷന് നടപടി പിന്വലിക്കണമെന്നും ബിവി സക്കരിയ്യയുടെ അദ്ധ്യക്ഷതയില് ചേര്ന്ന എക്സിക്യുട്ടീവ് പ്രസ്താവനയില് ആവശ്യപ്പെട്ടു. സെന്റര് സെക്രട്ടറി ഫക്രുദ്ദീന് പാടൂര് സ്വാഗതം പറഞ്ഞു.അന്വര്ഷാ പ്രമേയം അവതരിപ്പിച്ചു അബ്ദുല് ലത്തീഫ് നന്ദി പറഞ്ഞു.
-
kerala3 days ago
കേരള സര്വകലാശാല സിന്ഡിക്കേറ്റ് പിരിച്ചുവിടാം; ഗവര്ണര്ക്ക് നിയമോപദേശം
-
kerala2 days ago
കൊച്ചി റിഫൈനറിയില് അപകടം; 45ഓളം കുടുംബങ്ങളെ ഒഴിപ്പിച്ചു
-
kerala3 days ago
ആലപ്പുഴയില് മകന്റെ മര്ദനമേറ്റ വീട്ടമ്മ മരിച്ചു
-
india3 days ago
തമിഴ്നാട്ടില് സ്കൂള് ബസില് ട്രെയിനിടിച്ച് അപകടം; നാല് വിദ്യാര്ത്ഥികള്ക്ക് ദാരുണാന്ത്യം
-
kerala2 days ago
തലപ്പാറയില് കാറിടിച്ച് തോട്ടില് വീണ സ്കൂട്ടര് യാത്രക്കാരന്റെ മൃതദേഹം കണ്ടെത്തി
-
india1 day ago
ഗുജറാത്തില് പാലം തകര്ന്ന് അപകടം; രണ്ട് മരണം; അഞ്ച് വാഹനങ്ങള് നദിയില് വീണു
-
News3 days ago
സ്വതന്ത്ര ഫലസ്തീന് രാഷ്ട്രം ഇസ്രാഈലിന് ഭീഷണിയാകുമെന്ന് നെതന്യാഹു
-
kerala2 days ago
കണ്സഷന് വര്ധന; വിദ്യാര്ത്ഥി സംഘടനകളുമായി ആലോചിച്ച ശേഷമേ നടപ്പാക്കുകയുള്ളു: മന്ത്രി കെ ബി ഗണേഷ് കുമാര്