മലപ്പുറം: മഹിത പൈതൃകങ്ങളുറങ്ങുന്ന പൊന്നാനിയുടെ മണ്ണില്‍ നിന്നും മാനവിക ഐക്യത്തിന്റെ സന്ദേശമോതി പണക്കാട് സയ്യിദ് സാദിഖലി ശിഹാബ് തങ്ങള്‍ നയിക്കുന്ന സൗഹൃദ സന്ദേശ യാത്രക്ക് തുടക്കം.

പൊന്നാനിക്കളരിയുടെ സംസ്‌കാരിക തനിമയും മഖ്ദൂമിയന്‍ പാണ്ഡിത്യത്തിന്റെ വിളനിലവുമായ പൊന്നാനിയിലെ ചങ്ങരംകുളത്ത് നിന്നാണ് യാത്രയാരംഭിച്ചത്. മുസ്്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ ജാഥാ നായകന്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ക്ക് പതാക കൈമാറി യാത്ര ഉദ്ഘാടനം ചെയ്തു.

എല്ലാവരും ഒന്നാണെന്ന മഹത്തായ ആശയമാണ് മുസ്്ലിംലീഗ് പ്രസ്ഥാനം ഉയര്‍ത്തുന്നത്. ഈ ഒരുമയെ തകര്‍ത്ത് കലക്കുവെള്ളത്തില്‍ മീന്‍പിടിക്കാന്‍ ചിലര്‍ ശ്രമിക്കുന്നുണ്ട്. അത് ഒരിക്കലും മുസ്്ലിംലീഗ് അനുവദിക്കില്ല. ഈ സൗഹാര്‍ദ ഭൂമിയുടെ കാവല്‍ക്കാരായി മുസ്്ലിംലീഗ് എന്നുമുണ്ടാവും. കേരളം ഭരിക്കുന്നത് ആരാണ് എന്ന് തീരുമാനിക്കുന്ന തെരഞ്ഞെടുപ്പ് വെളിപ്പാടകലെ വന്നെത്തിയിരിക്കുകയാണ്. ആഘട്ടത്തിലാണ് മുസ്്ലിംലീഗ് ഐക്യത്തിന്റെ സന്ദേശമോതി സൗഹാര്‍ദ്ദ സന്ദേശയാത്ര നടത്തുന്നത്. ഭിന്നിപ്പിന്റെ വിത്തുപാകി ഭരണ തുടര്‍ച്ച ആഗ്രഹിക്കുന്നവര്‍ക്ക് യോജിച്ച് നിന്നു മറുപടി പറയാന്‍ സമയമായിരിക്കുന്നു. ഹിന്ദുവും മുസല്‍മാനും ക്രൈസ്തവനും മറ്റുള്ള മതസ്ഥരും യോജിച്ചു നിന്ന് ഇവരെ ചെറുത്ത് തോല്‍പിക്കണം. നമ്മുടെ ആവശ്യങ്ങളും വികസനങ്ങളും നടപ്പിലാവാന്‍ ജനാധിപത്യം വിജയിപ്പിക്കണം. അതിനള്ള ശ്രമത്തിനാണ് ഈ യാത്രയെന്നും തങ്ങള്‍ കൂട്ടേചേര്‍ത്തു.

മുസ്്ലിംലീഗ് ജില്ലാ വൈസ് പ്രസിഡന്റും സംഘാടക സമിതി ചെയര്‍മാന്‍ അഷ്റഫ് കോക്കൂര്‍ അധ്യക്ഷത വഹിച്ചു. മുസ്്ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലികുട്ടി മുഖ്യപ്രഭാഷണം നടത്തി. ദേശീയ ഓര്‍ഗനൈസിങ് സെക്രട്ടറി ഇ.ടി മുഹമ്മദ് ബഷീര്‍ എം.പി, ട്രഷറര്‍ പി.വി അബ്ദുല്‍ വഹാബ് എം.പി, മുസ്്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സി.പി ബാവ ഹാജി, ആബിദ് ഹുസൈന്‍ തങ്ങള്‍ എം.എല്‍.എ, അഡ്വ. എന്‍ ശംസുദ്ധീന്‍ എം.എല്‍.എ, കെ.എസ് ഹംസ, അബ്ദുറഹിമാന്‍ രണ്ടത്താണി, സി.പി ചെറിയ മുഹമ്മദ്, പി.എം.എ സലാം, സുഹറാ മമ്പാട്, അഡ്വ. കെ.പി മറിയുമ്മ. എം.എല്‍.എമാരായ പി.കെ അബ്ദുറബ്ബ്, പി. ഉബൈദുല്ല, മഞ്ഞളാകുഴി അലി, ടി.വി ഇബ്രാഹീം,കെ.എന്‍.എ ഖാദര്‍, എസ്.ടി.യു ദേശീയ പ്രസിഡന്റ് അഡ്വ. എം. റഹമത്തുല്ല, മുസ്്ലിംയൂത്ത് ലീഗ് ദേശീയ വൈസ് പ്രസിഡന്റ് അഡ്വ. വി.കെ ഫൈസല്‍ ബാബു, കുറുക്കോളി മൊയ്തീന്‍, ടി.പി അഷ്റഫലി, പി.കെ നവാസ്, ഫൈസല്‍ ബാഫഖി തങ്ങള്‍, യു.സി രാമന്‍, എ.പി ഉണ്ണികൃഷ്ണന്‍, ഹനീഫ മൂന്നിയൂര്‍, അന്‍വര്‍നഹ, മുസ്്ലിംലീഗ് ജില്ലാ ഭ്ാരവാഹികളായ ജാഥ വൈസ് ക്യാപറ്റന്‍ അഡ്വ. യു.എ ലത്തീഫ്, ഡയരക്ടര്‍ ഇസ്്മാഈല്‍ മൂത്തേടം, ചീഫ് കോ-ഓര്‍ഡിനേറ്റര്‍ ഇസ്മാഈല്‍ മൂത്തേടം, ചീഫ് കോ-ഓര്‍ഡിനേറ്റര്‍ ഉമര്‍ അറക്കല്‍, സലീം കുരുവമ്പലം, എം.എ ഖാദര്‍, എം.കെ ബാവ, സി. മുഹമ്മദാലി, പി.എ റഷീദ്, എം. അബ്ദുല്ല കുട്ടി, പി.കെ.സി അബ്ദുറഹിമാന്‍, കെ.എം ഗഫൂര്‍, നൗഷാദ് മണ്ണിശ്ശേരി, ശരീഫ് കുറ്റൂര്‍, മുസ്തഫ അബ്ദുല്‍ ലത്തിഫ്, കബീര്‍ മുതപറമ്പ്, വി.എ വഹാബ്, അഡ്വ. പി.വി മനാഫ്, വല്ലാഞ്ചിറ അബ്ദുല്‍ മജീദ്, അഡ്വ. അബു സിദ്ധീഖ്, ടി.എച്ച് കുഞ്ഞാലി ഹാജി, ശമീര്‍ ഇടിയാട്ടില്‍, പി.വി അഹമ്മദ് ഷാജു, ശറഫു പിലാക്കല്‍, അഷ്ഹര്‍ പെരുമുക്ക്, ബാവി വിസപ്പടി, ഷാനവാസ് വെട്ടത്തൂര്‍, വി.കെ.എം ഷാഫി, കെ.സി ഷിഹാബ്, ഷബീര്‍ ബിയ്യം, പി.പി ഉമ്മര്‍, വി.എം അഷ്റഫ്, വി.വി ഹമീദ്, റഷിദ് കോക്കുര്‍, നദീം ഒള്ളാട്ട്, സിറാജ് പൊന്നാനി പ്രസംഗിച്ചു.