kerala

ജസീന്ത ആര്‍ഡന്‍, ന്യൂസിലന്റിന്റെ ഓരോ അണുവിലും ഹൃദയം പതിപ്പിച്ച സ്ത്രീ നന്മ ; മുനവറലി തങ്ങള്‍

സമാധാന കാംക്ഷികള്‍ക്കും മനുഷ്യ സ്‌നേഹികള്‍ക്കും ആ പേര് നല്‍കുന്ന ഊര്‍ജം വലുതാണെന്ന് തങ്ങള്‍ പറഞ്ഞു. ഭീകരാക്രമണം, കോവിഡ് പകര്‍ച്ച വ്യാധി, അഗ്നി പര്‍വത സ്‌ഫോടനം, സാമ്പത്തിക ഞെരുക്കം തുടങ്ങിയവയെല്ലാം ജസീന്ത വിജയകരമായി നേരിട്ട രീതിയെ തങ്ങള്‍ പ്രശംസിച്ചു

Published

3 years ago

October 18, 2020

web desk 1

മലപ്പുറം: ന്യൂസിലന്റ് പ്രധാനമന്ത്രി ജസീന്ത ആര്‍ഡന്‍ വന്‍ ഭൂരിപക്ഷത്തോടെ വീണ്ടും അധികാരത്തിലെത്തിയതില്‍ അഭിവാദ്യം അര്‍പ്പിച്ച് മുസ്‌ലിം യൂത്ത്‌ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവറലി ശിഹാബ് തങ്ങള്‍. സമാധാന കാംക്ഷികള്‍ക്കും മനുഷ്യ സ്‌നേഹികള്‍ക്കും ആ പേര് നല്‍കുന്ന ഊര്‍ജം വലുതാണെന്ന് തങ്ങള്‍ പറഞ്ഞു. ഭീകരാക്രമണം, കോവിഡ് പകര്‍ച്ച വ്യാധി, അഗ്നി പര്‍വത സ്‌ഫോടനം, സാമ്പത്തിക ഞെരുക്കം തുടങ്ങിയവയെല്ലാം ജസീന്ത വിജയകരമായി നേരിട്ട രീതിയെ തങ്ങള്‍ പ്രശംസിച്ചു.

സയ്യിദ് മുനവറലി തങ്ങളുടെ ഫെയ്‌സ്ബുക് കുറിപ്പ് മുഴുവന്‍ വായിക്കാം:

ജസീന്ത ആര്‍ഡന്‍;
ലോകത്തെ സമാധാനകാംക്ഷികള്‍ക്കും മനുഷ്യ സ്‌നേഹികള്‍ക്കും ആ പേര് നല്‍കുന്ന ഊര്‍ജ്ജം വലുതാണ്. വംശീയ ഫാഷിസത്തിന്റെയും അധികാര, സാമ്പത്തിക കിടമത്സരങ്ങളുടേയും ഈ കാലത്ത് പ്രത്യേകിച്ചും.
ന്യൂസിലാന്‍ഡ് എന്ന രാജ്യത്തിന്റെ ഓരോ അണുവിലും തന്റെ ഹൃദയം പതിപ്പിച്ച, ഒരു ഭരണാധികാരിക്കു വേണ്ട മനുഷ്യകാരുണ്യത്തിന്റെയും അലിവിന്റെയും ഉത്സാഹത്തിന്റെയും സ്ത്രീ നന്മയാണത്. ലോകത്തെ വിസ്മയിപ്പിച്ച ലേബര്‍ പാര്‍ട്ടിയുടെ ഈ ഭരണത്തുടര്‍ച്ചയെ അക്ഷരംപ്രതി അര്‍ഹതക്കുള്ള അംഗീകാരമെന്ന് ലോകം വാഴ്ത്തുന്നതിന്റെ കാരണവും ജസിന്ത ആന്‍ഡേണ്‍ എന്ന ഭരണാധികാരിയുടെ വ്യക്തിപ്രഭാവമാണ്.
ഭീകരാക്രമണത്തില്‍ രാജ്യം തന്നെ പതറിയപ്പോള്‍, ഇരയാക്കപ്പെട്ട ന്യൂനപക്ഷ സമൂഹത്തിന്റെ വേദനയെ സ്വന്തം വേദനയായി തിരിച്ചറിയുകയും അവരേയും രാജ്യത്തേയും ചേര്‍ത്തു പിടിക്കുകയും ചെയ്തു ആ മനുഷ്യ സ്‌നേഹി. അഗ്‌നി പര്‍വ്വത സ്‌ഫോടനം, കോവിഡ് പകര്‍ച്ച വ്യാധി, സാമ്പത്തിക ഞെരുക്കം തുടങ്ങിയ പ്രതിസന്ധികളെല്ലാം എത്ര ഫലപ്രദമായിട്ടാണ് അവര്‍ അതിജീവിച്ചത്. അന്‍പതു ശതമാനത്തിലധികം വോട്ടു നേടി ലോകം ദര്‍ശിച്ച ഈ പുതുയുഗത്തിലെ ഏറ്റവും മികച്ച ഭരണാധികാരി വീണ്ടും ന്യൂസിലാന്‍ഡ് ജനതയെ പ്രതിനിധീകരിക്കുന്നതില്‍ ഒട്ടും അത്ഭുതത്തിന് ഇടമില്ല.
പ്രോഗ്രസ്സീവ് ഇന്റര്‍നാഷണലും ജീവിക്കാനായി സമരം ചെയ്യുന്ന ലോകങ്ങുമുള്ള പൗര/ജനസമൂഹവും മനുഷ്യ സ്‌നേഹികളും ഭൂഖണ്ഡങ്ങള്‍ക്കപ്പുറത്ത് നിന്നുപോലും ഈ ഭരണാധികാരിയുടെ രണ്ടാമൂഴത്തെ സന്തോഷത്തോടെ അഭിവാദനം ചെയ്യുന്നു.
അഭിവാദ്യങ്ങള്‍..

https://www.facebook.com/sayyidmunavvaralishihab/posts/3632570100116162

Related Topics:jeseentha ardern new zeland panakkad sayyid munawer ali shihab thangal

Up Next

ഭക്ഷണത്തിന് നിലവാരമോ ആശുപത്രിയില്‍ വൃത്തിയോ ഇല്ല; ബീച്ച് ആശുപത്രിയില്‍ കോവിഡ് രോഗികളുടെ പ്രതിഷേധം

Don't Miss

അതിതീവ്ര മഴയില്‍ മുങ്ങി ഹൈദരാബാദ്; മരണ സംഖ്യ 50 കടന്നു; മഴ തുടരുമെന്ന് മുന്നറിയിപ്പ്

Click to comment

india

‘പകൽകൊളളയ്ക്കാണ് മോദി ഇലക്ടറൽ ബോണ്ട് എന്ന് പറയുന്നത്’: രാഹുൽ ഗാന്ധി

നരേന്ദ്രമോദി ജനങ്ങളുടെ പ്രശ്നത്തിൽ നിന്ന് ഒളിച്ചോടുന്നു രാഹുൽ ഗാന്ധി കുറ്റപ്പെടുത്തി

Published

24 mins ago

April 16, 2024

webdesk14

കോഴിക്കോട്: ആർഎസ്എസും ബിജെപിയും ഭരണഘടനയെ നശിപ്പിക്കുന്നുവെന്നും കോൺഗ്രസ് ഭരണഘടനയെ സംരക്ഷിക്കാൻ നിലനിൽക്കുന്നുവെന്നും വ്യക്തമാക്കി രാഹുൽ ഗാന്ധി. വയനാട് പാർലമെൻ്റ് മണ്ഡലത്തിലെ കൊടിയത്തൂരിൽ ജനസമ്പർക്ക പരിപാടിയിൽ സംസാരിക്കുകയായിരുന്നു അദ്ദേഹം. നരേന്ദ്രമോദി ജനങ്ങളുടെ പ്രശ്നത്തിൽ നിന്ന് ഒളിച്ചോടുന്നു. കടലിനടിയിലും ആകാശത്തും അദ്ദേഹത്തെ കാണാം. എന്നാൽ വിലക്കയറ്റം പോലുള്ള ജനകീയ പ്രശ്നങ്ങളെക്കുറിച്ച് അദ്ദേഹം സംസാരിക്കുന്നില്ലെന്നും രാഹുൽ ഗാന്ധി കുറ്റപ്പെടുത്തി.

എഎൻഐക്ക് നൽകിയ അഭിമുഖത്തിൽ പ്രധാനമന്ത്രി അഴിമതി മറിച്ചു വെയ്ക്കാൻ ശ്രമിച്ചു. ഇലക്ടറൽ ബോണ്ട് അഴിമതി മറയ്ക്കാനാണ് അദ്ദേഹം ശ്രമിച്ചത്. സിബിഐയെ ഉപയോഗിച്ച് ഇലക്ടറൽ ബോണ്ട് വഴി പണം സമാഹരിച്ചു. സർക്കാരിൻ്റെ റോഡ് നിർമാണ കരാർ നൽകിയ കരാറുകാരനിൽ നിന്നും ബോണ്ട് സ്വീകരിച്ചു. തെരുവ് ഗുണ്ടകളെ പോലെ കൊള്ളയടിക്കുകയാണ് നരേന്ദ്രമോദി. പകൽകൊളളയ്ക്കാണ് മോദി ഇലക്ടറൽ ബോണ്ട് എന്ന് പറയുന്നതെന്നും രാഹുൽ ഗാന്ധി കുറ്റപ്പെടുത്തി. ഇലക്ടറൽ ബോണ്ടിനെ കുറിച്ച് മാധ്യമങ്ങൾ പറയുന്നില്ലെന്നും രാഹുൽ ഗാന്ധി വിമർശിച്ചു.

കോൺഗ്രസ് അധികാരത്തിൽ വന്നാൽ ദരിദ്ര കുടുംബങ്ങളുടെ പട്ടിക ഉണ്ടാക്കുമെന്ന് വ്യക്തമാക്കിയ രാഹുൽ ഗാന്ധി ദരിദ്ര കുടുംബങ്ങളിൽ നിന്ന് തിരഞ്ഞെടുക്കുന്ന ഒരു സ്ത്രീയുടെ അക്കൗണ്ടിൽ കോൺഗ്രസ് ഓരോ വർഷവും ഒരു ലക്ഷം രൂപ നിക്ഷേപിക്കുമെന്നും ചൂണ്ടിക്കാണിച്ചു. തൊഴിലില്ലായ്മ പരിഹരിക്കും. കർഷകർക്ക് താങ്ങുവില ഉറപ്പുനൽകും. ഒരു നികുതി, ഏറ്റവും കുറഞ്ഞ നികുതി എന്നത് നടപ്പിലാക്കും. കോൺഗ്രസ് അധികാരത്തിലെത്തിയാൽ അഗ്നിപഥ് പദ്ധതി കോൺഗ്രസ് റദ്ദാക്കുമെന്നും കേന്ദ്ര സർക്കാർ ജോലിയിലെ കരാർ നിയമനങ്ങൾ റദ്ദാക്കുമെന്നും രാഹുൽ ഗാന്ധി വ്യക്തമാക്കി.

രാത്രിയാത്ര നിരോധനം, വന്യ ജീവി സംഘർഷം, വയനാട് മെഡിക്കൽ കോളജ് എന്നീ പ്രധാന വിഷയങ്ങൾ വയനാട്ടിലുണ്ട്. ഈ മൂന്ന് പ്രശ്നങ്ങളും പരിഹരിയ്ക്കാൻ ഇടപെടുമെന്നും രാഹുൽ ഗാന്ധി വ്യക്തമാക്കി. വയനാട് ലോക്സഭാ മണ്ഡലത്തിൽ രാഹുല്‍ ഗാന്ധിയുടെ ജനസമ്പർക്ക പരിപാടി രണ്ടാം ദിവസവും തുടരുകയാണ്. ഇന്ന് മലപ്പുറം ജില്ലയിലാണ് കോണ്‍ഗ്രസിന്റെ റോഡ് ഷോ. ഏറനാട്, വണ്ടൂര്‍, നിലമ്പൂര്‍ നിയമസഭാ മണ്ഡലങ്ങളിലാണ് റോഡ് ഷോ നടക്കുക.

kerala

‘മുഖ്യമന്ത്രി സർക്കാർ നേട്ടങ്ങളെ കുറിച്ച് മിണ്ടുന്നില്ല’: രമേശ് ചെന്നിത്തല

യുഡിഎഫിന് സമ്പൂർണ ആധിപത്യമാണ് 20 ലോക്സഭാ മണ്ഡലങ്ങളിലും ഉള്ളതെന്നും ചെന്നിത്തല ചൂണ്ടിക്കാണിച്ചു

Published

31 mins ago

April 16, 2024

webdesk14

തിരുവനന്തപുരം: മുഖ്യമന്ത്രി സർക്കാർ നേട്ടങ്ങളെ കുറിച്ച് മിണ്ടുന്നില്ലെന്ന് കോൺഗ്രസ് നേതാവ് രമേശ് ചെന്നിത്തല. സർക്കാരിനെ കുറിച്ച് ഓർമിപ്പിച്ചാൽ തിരിച്ചടി ഉണ്ടാകുമെന്ന് കരുതിയാണ് മുഖ്യമന്ത്രി നേട്ടങ്ങളെ കുറിച്ച് മിണ്ടാത്തതെന്നും ചെന്നിത്തല കുറ്റപ്പെടുത്തി. സർക്കാർ എന്ന് കേട്ടാൽ ജനങ്ങൾക്ക് വാശി കൂടും എന്നത് കൊണ്ടാണ് മുഖ്യമന്ത്രി മിണ്ടാത്തത്. കഴിഞ്ഞ 8 വർഷമായി ഇടത് മുന്നണിക്ക് ചൂണ്ടികാണിക്കാൻ ഏതെങ്കിലും ഭരണ നേട്ടമുണ്ടോയെന്നും അദ്ദേഹം ചോദിച്ചു. തെരഞ്ഞെടുപ്പ് അവസാന റൗണ്ടിലേക്ക് എത്തിക്കഴിഞ്ഞുവെന്നും യുഡിഎഫിന് സമ്പൂർണ ആധിപത്യമാണ് 20 ലോക്സഭാ മണ്ഡലങ്ങളിലും ഉള്ളതെന്നും ചെന്നിത്തല ചൂണ്ടിക്കാണിച്ചു.

സംസ്ഥാന സർക്കാരിനെതിരെ രൂക്ഷവിമർശനമാണ് ചെന്നിത്തല ഉന്നയിച്ചത്. ഒരു ദുഃസ്വപ്നം പോലെയാണ് ജനങ്ങൾ കെ റെയിൽ പദ്ധതിയെ കണ്ടത്. കെ ഫോൺ എപ്പോൾ പൂട്ടുമെന്ന് കണ്ടാൽ മതി, ഏകദേശം നിലച്ച മട്ടിൽ ആണ്. യഥാർത്ഥത്തിൽ കെ ഫോണും പരാജയമാണെന്നും ചെന്നിത്തല കുറ്റപ്പെടുത്തി. ഇവർക്ക് ആകെ അറിയുന്നത് കൊലപാതകമാണ്. പാനൂർ ബോംബ് നിർമാണം തിരഞ്ഞെടുപ്പ് അട്ടിമറിക്കാൻ. അത് എല്ലാവർക്കും അറിയുന്ന കാര്യമാണ്. അഴിമതിയും അക്രമവും ആണ് സർക്കാരിന്റെ മുഖമുദ്രയെന്നും ചെന്നിത്തല കുറ്റപ്പെടുത്തി.

മൈക്ക് പോലും മുഖ്യമന്ത്രിയോട് പ്രതിഷേധിക്കുന്നു. ഇന്ന് തൃശ്ശൂരും പ്രതിഷേധിച്ചു. ഇതൊരു പ്രതിഭാസമായി മാറി. ചിലപ്പോൾ അദ്ദേഹം തന്നെ മൈക്ക് ഒടിച്ചിടും. ജോസ് കെ മാണിയുടെ ആകെയുള്ള ജോലി ഇപ്പോൾ മൈക്ക് നന്നാക്കൽ ആണ്. അതാണ് എൽഡിഎഫിൽ ആകെ ലഭിക്കുന്ന പാരിതോഷികം. തിരഞ്ഞെടുപ്പ് കഴിയുമ്പോഴെങ്കിലും അദ്ദേഹത്തിന് നല്ല ബുദ്ധി തോന്നട്ടെ. ഇനിയുണ്ടാകാൻ പോകുന്നത് സിപിഐ കേരളാ കോൺഗ്രസ് രാജ്യസഭാ സീറ്റ് തർക്കമാണെന്നും മൈക്ക് നന്നാക്കാത്ത ബിനോയ്‌ വിശ്വത്തിനാണോ ജോസിനാണോ സീറ്റ് ലഭിക്കുകയെന്നും ചെന്നിത്തല പരിഹസിച്ചു.

kerala

എക്സാലോജിക് സിഎംആർഎൽ ഇടപാട്; ശശിധരൻ കർത്തയ്ക്ക് വീണ്ടും ഇഡി നോട്ടീസ്

ഇന്ന് 10.30ന് ഹാജരാകാനായിരുന്നു നിർദേശം

Published

2 hours ago

April 16, 2024

webdesk14

സി എൻ ശശിധരൻ കർത്തയ്ക്ക് വീണ്ടും ഇ ഡി നോട്ടീസ്. ഇന്ന് ഹാജരാകാനാണ് ഇ ഡി നോട്ടീസ് നൽകിയത്. എന്നാൽ ഇന്ന് ഹാജരാകില്ലെന്ന് അറിയിച്ചു. ആരോഗ്യ പ്രശ്‌നമുണ്ട് എന്ന് അറിയിച്ചു. രേഖകൾ കൈമാറാം എന്നും അദ്ദേഹം അറിയിച്ചു. CMRL വീണ്ടും കോടതിയെ സമീപിച്ചേക്കും. ഇന്ന് 10.30ന് ഹാജരാകാനായിരുന്നു നിർദേശം. ഇന്നലെ രാത്രിയാണ് ഇഡി സമൻസ് അയച്ചത്.

തിങ്കളാഴ്ച ഹാജരാകാതിരുന്നതിനെ തുടർന്നായിരുന്നു ഇഡി വീണ്ടും സമൻസയച്ചത്. സിഎംആര്‍എല്‍ മാസപ്പടി കേസില്‍ തിങ്കളാഴ്ച ഹാജരാകണമെന്ന് ആവശ്യപ്പെട്ടായിരുന്നു ഇഡി സിഎംആര്‍എല്‍ എംഡിക്ക് നേരത്തെ നോട്ടീസ് നല്‍കിയിരുന്നത്. ഇതിനെതിരെ ഹൈക്കോടതിയെ സമീപിച്ച ശശിധരന്‍ കര്‍ത്തയ്ക്ക് തിരിച്ചടി ലഭിച്ചിരുന്നു. എന്‍ഫോഴ്‌സ്‌മെന്റ് ഡയറക്ട്രേറ്റിന്റെ അന്വേഷണത്തില്‍ ഇടപെടാനാകില്ലെന്നായിരുന്നു ഹൈക്കോടതി നിലപാട്.

ഇ ഡി സമന്‍സ് ചോദ്യം ചെയ്ത് സിഎംആര്‍എല്‍ എംഡി ശശിധരന്‍ കര്‍ത്ത നല്‍കിയ ഹര്‍ജി പരിഗണിച്ചപ്പോഴായിരുന്നു ഹൈക്കോടതി നിലപാട് അറിയിച്ചത്.