Connect with us

kerala

പത്തനംതിട്ടയിൽ സ്കൂളിൽ എസ്.എഫ്.ഐ മെമ്പർഷിപ്പ് വിതരണപരിപാടി; വിവാദമയപ്പോൾ പരിപാടി മാറ്റിവെച്ചു

സംഭവത്തില്‍ യൂത്ത് കോണ്‍ഗ്രസ് പരാതിയുമായി വന്നതോടെ പരിപാടി മാറ്റിവെക്കുകയായിരുന്നു.

Published

on

പത്തനംതിട്ടയില്‍ ഹൈസ്‌കൂളില്‍ എസ്.എഫ്.ഐ മെമ്പര്‍ഷിപ്പ് വിതരണപരിപാടി നടത്താന്‍ നിശ്ചയിച്ചതായി ആരോപണം. പ്രവൃത്തി ദിവസം എസ്.എഫ്.ഐ മെമ്പര്‍ഷിപ്പ് വിതരണപരിപാടി നടത്താന്‍ ശ്രമിച്ചുവെന്നാണ് ആരോപണം. വിവാദമയപ്പോള്‍ പരിപാടി മാറ്റിവെച്ചു. ഇന്നലെയാണ് സംഭവം നടന്നത്. പ്രിന്‍സിപ്പാളിന്റെ അനുവാദം ഉണ്ടായിരുന്നുവെന്നാണ് എസ്എഫ്‌ഐ വിശദീകരണം.

ചിറ്റാര്‍ വയ്യാറ്റുപുഴ ഹൈസ്‌കൂളിലാണ് മെമ്പര്‍ഷിപ്പ് വിതരണപരിപാടി നടത്താന്‍ നിശ്ചയിച്ചിരുന്നത്. സംഭവത്തില്‍ യൂത്ത് കോണ്‍ഗ്രസ് പരാതിയുമായി വന്നതോടെ പരിപാടി മാറ്റിവെക്കുകയായിരുന്നു. പത്തനംതിട്ട നഗരത്തിലെ ഒരു സ്‌കൂളിലേക്കാണ് പരിപാടി നടത്തിയത്. സ്‌കൂളിനകത്ത് കൊടി തോരണങ്ങള്‍ കെട്ടിയുള്ള ദൃശ്യങ്ങള്‍ പ്രചരിക്കുന്നുണ്ട്.

സ്‌കൂള്‍ ഓഡിറ്റോറിയത്തില്‍ എസ്എഫ്‌ഐയുടെ കൊടികള്‍ കെട്ടുകയും കസേരകള്‍ നിരത്തുകയും ചെയ്തിരുന്നു. മുറ്റത്ത് കൊടിമരം നാട്ടി പതാക ഉയര്‍ത്തുകയും ചെയ്തുരുന്നു. സംഭവത്തില്‍ കേസെടുക്കണമെന്നാവശ്യപ്പെട്ട് ബിജെപി പഞ്ചായത്ത് കമ്മിറ്റി പൊലീസില്‍ പരാതി നല്‍കി.

Health

സംസ്ഥാനത്ത് വീണ്ടും നിപ മരണം; മലപ്പുറത്തെ 14കാരന്‍ മരിച്ചു

കോഴിക്കോട് മെഡിക്കൽ കോളജിൽ ചികിത്സയിലിരിക്കെയാണ് മരണം

Published

on

നിപ ബാധിച്ച് കോഴിക്കോട് മെഡിക്കല്‍ കോളജില്‍ ചികിത്സയിലിരുന്ന 14കാരന്‍ മരിച്ചു. മലപ്പുറം പാണ്ടിക്കാട് സ്വദേശിയായ കുട്ടിയാണ് മരിച്ചത്. അതീവ ഗുരുതരാവസ്ഥയില്‍ ഇന്നലെയാണ് കുട്ടിയെ കോഴിക്കോട് മെഡിക്കല്‍ കോളജിലേക്ക് മാറ്റിയത്.

നിപ സ്ഥിരീകരിച്ച കുട്ടിക്ക് ഈ മാസം 10ന് ആണ് പനി ബാധിച്ചത്. പാണ്ടിക്കാട് ചെമ്പ്രശേരി സ്വദേശിയായ 14 വയസ്സുകാരന്റെ സാംപിൾ വിദ​ഗ്ധ പരിശോധനയ്ക്കായി പൂനെ നാഷനൽ ഇൻസ്റ്റിറ്റ്യൂട്ട് ഓഫ് വൈറോളജിയിലേക്കയച്ചിരുന്നു. ഈ സാംപിൾ ഫലം പോസിറ്റീവ് ആയതോടെയാണ് ഇന്നലെ നിപ സ്ഥിരീകരിക്കുന്നത്.

നിപ ബാധിതനായ കുട്ടിയുടെ റൂട്ട് മാപ്പ് ഇന്നലെ രാത്രി ആരോഗ്യ വകുപ്പ് പുറത്തുവിട്ടിരുന്നു. നിലവില്‍ 246 പേരാണ് സമ്പര്‍ക്കപ്പട്ടികയിലുള്ളതെന്നും ആരോ​ഗ്യമന്ത്രി അറിയിച്ചു. നിപ രോഗലക്ഷണങ്ങളുടെ പശ്ചാത്തലത്തില്‍ നിരീക്ഷണത്തിലുള്ള രണ്ടുപേരുടെ സാംപിള്‍ വിദഗ്ധ പരിശോധനയ്ക്കായി അയച്ചു. ഇതില്‍ 63 പേര്‍ ഹൈ റിസ്‌ക് കാറ്റഗറിയിലാണുള്ളത്. ഹൈറിസ്‌ക് കാറ്റഗറിയിലുള്ളവരുടെ എല്ലാവരുടേയും സാംപിളുകള്‍ പരിശോധനയ്ക്കായി എടുക്കുമെന്നും മന്ത്രി അറിയിച്ചു.

 

Continue Reading

india

ഉമ്മൻ ചാണ്ടി ഫൗണ്ടേഷന്‍ പ്രഥമ പുരസ്കാരം രാഹുൽ ഗാന്ധിക്ക്

ഭാരത് ജോഡോ യാത്ര നടത്തി ജനങ്ങളുടെ പ്രശ്നങ്ങൾ കേൾക്കുകയും അവയ്ക്ക് പരിഹാരം കണ്ടെത്തുകയും ചെയ്ത ദേശീയ നേതാവ് എന്ന നിലയ്ക്കാണ് പ്രഥമ പുരസ്കാരം രാഹുൽ ഗാന്ധിക്ക് നൽകാൻ തീരുമാനിച്ചത്.

Published

on

ഉമ്മൻ ചാണ്ടി ഫൗണ്ടേഷൻ ഏർപ്പെടുത്തിയ പ്രഥമ പൊതുപ്രവർത്തക പുരസ്കാരം രാഹുല്‍ ഗാന്ധിക്ക്. ഭാരത് ജോഡോ യാത്ര നടത്തി ജനങ്ങളുടെ പ്രശ്നങ്ങൾ കേൾക്കുകയും അവയ്ക്ക് പരിഹാരം കണ്ടെത്തുകയും ചെയ്ത ദേശീയ നേതാവ് എന്ന നിലയ്ക്കാണ് പ്രഥമ പുരസ്കാരം രാഹുൽ ഗാന്ധിക്ക് നൽകാൻ തീരുമാനിച്ചത്.

ഒരു ലക്ഷം രൂപയും നേമം പുഷ്പരാജ് രൂപകല്‍പന ചെയ്ത ശില്‍പവുമാണ് പുരസ്കാരം. ഡോ. ശശി തരൂർ എംപി ചെയർമാനും പെരുമ്പടവം ശ്രീധരൻ, ഡോ. എം.ആർ. തമ്പാൻ, ഡോ. അച്ചുത് ശങ്കർ, ജോൺ മുണ്ടക്കയം എന്നിവർ അംഗങ്ങളുമായുള്ള ജഡ്ജിംഗ് കമ്മിറ്റിയാണ് പുരസ്കാര ജേതാവിനെ തിരഞ്ഞെടുത്തത്.

Continue Reading

kerala

കേരളത്തിൽ പ്രതിഭാശാലികളെ വളർത്തിയത് ചന്ദ്രിക: ഷാഫി പറമ്പിൽ എം.പി

ചന്ദ്രിക സ്പെഷ്യൽ ഡ്രൈവ് ക്യാമ്പയിൻ കൊയിലാണ്ടി മണ്ഡല തല ഉൽഘാടനം ഷാഫി പറമ്പിൽ എം.പി നിർവ്വഹിച്ചു

Published

on

കൊയിലാണ്ടി:കേരളത്തിൽ നിരവധി പ്രതിഭാശാലികളായ എഴുത്തുകാരെയും സാഹിത്യകാരൻമാരെയും വളർത്തുന്നതിൽ നിർണ്ണായക പങ്ക്വഹിച്ചത് ചന്ദ്രികയാണെന്നും കൃത്യമായ മാധ്യമ ധർമ്മം ചന്ദ്രിക നിർവ്വഹിച്ചെന്നും ഷാഫി പറമ്പിൽ എം.പി പറഞ്ഞു.

ചന്ദ്രിക ഡ്രൈവ് സ്പെഷ്യൽ ക്യാമ്പയിന്റെ കൊയിലാണ്ടി നിയോജക മണ്ഡലം തല ഉൽഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം.ചടങ്ങിൽ മണ്ഡലം പ്രസിഡൻറ് ഇൻചാർജ്ജ് ടി അഷ്റഫ്,ട്രഷറർ മoത്തിൽ അബ്ദുറഹ്മാൻ,മണ്ഡലം സിക്രട്ടറി പി.വി അഹമ്മദ് ചന്ദ്രിക കോഡിനേറ്റർ പി.കെ മുഹമ്മദലി ,കെ.കെ റിയാസ്,സിഫാദ് ഇല്ലത്ത് എന്നിവർ സംബന്ധിച്ചു

Continue Reading

Trending