കണ്ണൂരില് ഭീതി പരത്തി തെരുവുനായുടെ അക്രമണം. ഇന്ന് രാവിലെ പതിനൊന്നരയോടെയാണ് കണ്ണൂരിലെ പുതിയ ബസ്റ്റാന്ഡ്, പ്രഭാത് ജങ്ഷന്, എസ്.ബി.ഐ പരിസരം തുടങ്ങിയ പ്രദേശങ്ങളില് തെരുവുനായ ആളുകളെ ഓടിച്ചിട്ട് കടിച്ചത്. പ്രദേശത്തെ 30 ഓളം ആളുകളെ തെരുവുനായ ആക്രമിച്ചു.
കാങ്കോലിലെ വിജിത്ത് (33), തമിഴ്നാട് ചിന്നസേലം സ്വദേശി ഭാഗ്യരാജ് (35), നീര്ക്കടവിലെ അവനീത് (16), ഫോര്ട്ട് റോഡ് ഇന്ത്യന് കോഫി ഹൗസ് ജീവനക്കാരന് കൂത്തുപറമ്പിലെ സിബിന്(32), മുഴപ്പിലങ്ങാട് സ്വദേശി അബ്ദുല്നാസര്(63), തളിപ്പറമ്പിലെ ഗണേഷ് കുമാര് (55), മുണ്ടേരിയിലെ റാഷിദ (22), അഞ്ചരക്കണ്ടിയിലെ റജില് (19), എസ്.ബി.ഐ ജീവനക്കാരന് രജീഷ് (39), എറണാകുളം സ്വദേശി രവികുമാര് (40), കണ്ണപുരത്തെ ശ്രീലക്ഷ്മി (22), കൊട്ടിയൂരിലെ സാജു (65), വിദ്യാര്ഥിനി കാഞ്ഞങ്ങാട്ടെ ലെനന്ദന (21), കുറുവ വട്ടക്കുളത്തെ അജയകുമാര് (60), വാരം സ്വദേശി സുഷില് (30), കൂത്തുപറമ്പിലെ സഹദേവന് (61), കീഴറയിലെ ഹമീദ് (70), രാമന്തളിയിലെ പവിത്രന് (71), കടമ്പൂരിലെ അശോകന് (60), നായാട്ടുപാറ സ്വദേശി സീന (52), കൂത്തുപറമ്പിലെ മനോഹരന് (66), പുതിയതെരുവിലെ വിജിന (37), മണിക്കടവിലെ ജിനോ (46) തുടങ്ങി 28 പേര്ക്കാണ് കടിയേറ്റത്. ഇവര് ജില്ലാശുപത്രിയില് ചികിത്സ തേടി. ഭൂരിഭാഗം പേര്ക്കും കാലിനാണ് കടിയേറ്റത്. രാവിലെ പരാക്രമം തുടങ്ങിയ നായ് ഉച്ചകഴിഞ്ഞും പലയിടങ്ങളിലായി സഞ്ചരിച്ച് യാത്രികരെ കടിക്കുകയായിരുന്നു.