Connect with us

columns

സാങ്കേതിക മുന്നേറ്റങ്ങള്‍ മാനവികതയെ നിരാകരിക്കരുത്-പ്രൊഫ: പി.കെ.കെ തങ്ങള്‍

ഫേസ് ബുക്ക്, വാട്‌സ് ആപ്പ്, ട്വിറ്റര്‍, ഇന്‍സ്റ്റഗ്രാം ഇവയ്‌ക്കെല്ലാം അന്തമില്ലാത്ത വിധം അടിമപ്പെട്ട്, പരസ്പരം കണ്ട് മുട്ടുന്ന ഏതെങ്കിലും നിമിഷമുണ്ടെങ്കില്‍ അപ്പോഴെങ്കിലും ഒന്നു ചുണ്ടു തുറക്കുന്ന ശീലം മറന്നു കഴിഞ്ഞില്ലേ! ആധുനിക സംവിധാനങ്ങളെല്ലാം മനുഷ്യ മുന്നേറ്റത്തിന് അത്യാവശ്യം തന്നെ. എന്നാല്‍ അതിന്റെ പ്രയോഗ ശൈലി, കുടുംബ ബന്ധങ്ങളുടെ പ്രാധാന്യം, മറന്ന് പോയ്‌ക്കൊണ്ടിരിക്കുന്ന ധാര്‍മ്മിക മൂല്യങ്ങള്‍, സാമൂഹ്യ ബോധം, വ്യക്തിത്വ ബോധം എന്നിവയെല്ലാം എവിടെ? മുഖാമുഖമാണ് മനുഷ്യസമൂഹം അത് ഏത് തലത്തിലായാലും എന്ന അടിസ്ഥാന തത്വം പ്രാവര്‍ത്തികമാക്കിയേ പറ്റൂ. പുരോഗമനം മാനവികതയെ നിരാകരിക്കുന്നതാവരുത്.

Published

on

സൃഷ്ടികളില്‍ അത്യുന്നത പദവി അലങ്കരിക്കുന്നവനായിക്കൊണ്ടാണ് മനുഷ്യന്‍ ഭൂമുഖത്ത് പിറവി കൊണ്ടത്. അത് വരെ അഭൗമ സൃഷ്ടികളായിരുന്നു ഉന്നത പദവി അലങ്കരിച്ചിരുന്നത്. അങ്ങിനെയുള്ള ഉന്നത പദവി വഹിച്ചുകൊണ്ട് രംഗപ്രവേശം ചെയ്യുന്ന നേരം തൊട്ടു തന്നെ ഉന്നത പദവിക്ക് പൂരകമായ ഉത്തരവാദിത്തങ്ങളും അവനില്‍ അര്‍പ്പിതമായിട്ടുണ്ട്. ലോകത്തിന്റെ ഉത്തമമായ നിലനില്‍പിനും വളര്‍ച്ചക്കും ഉതകുന്ന നേര്‍വഴികളും ഉപാധികളുമെല്ലാം അവന് തുറന്ന് കാണിച്ചു കൊടുക്കപ്പെട്ടിട്ടുണ്ട്. അതിന് നേര്‍ വിപരീതമായി മനുഷ്യനെ ചീത്ത മാര്‍ഗത്തിലേക്ക് എത്തിക്കുന്ന പ്രവണതകളും അവന്റെ മുന്നില്‍ തുറന്ന് കിടപ്പുണ്ടല്ലോ. രണ്ട് വഴികള്‍ നിങ്ങള്‍ക്ക് മുന്നില്‍ തുറന്ന് കിടപ്പുണ്ട് നല്ലതും ചീത്തയും. നല്ല വഴികളും കര്‍മ്മങ്ങളും തെരഞ്ഞെടുത്ത് തദനുസൃതം ജീവിതം നയിക്കുന്നവന്‍ ആത്മീയ സുകൃതം പൂണ്ടവനും, ചീത്ത വഴികളും കര്‍മ്മങ്ങളും തെരഞ്ഞെടുത്തവന്‍ പൈശാചികത തെരഞ്ഞെടുത്തവനുമായിട്ടാണല്ലോ മനുഷ്യന് കിട്ടിയിരിക്കുന്ന പ്രഥമ മാര്‍ഗ ദര്‍ശനം മനുഷ്യജീവിതം എന്നാല്‍ ഒരു പ്രയാണമാണ്. ആ പ്രയാണത്തിന്റെ അന്ത്യം സുഖപര്യവസായിയാവണമെങ്കില്‍ അവന്‍ സുകൃതവാനായിരിക്കണം. അല്ലാത്ത പക്ഷം ജീവിതം പൂര്‍ണ്ണമായും ദുഃഖപര്യവസായിയായിരിക്കും. മനുഷ്യന് ഉല്‍പത്തിയില്‍ തന്നെ നല്‍കപ്പെട്ടിട്ടുള്ള മാര്‍ഗ ദര്‍ശനമാണിത്. നാളിതുവരെയും മനുഷ്യന്‍ പുലര്‍ത്തിപ്പോരുന്ന ജീവിതശൈലിയും അങ്ങിനെത്തന്നെയാണ്. നന്മകളില്‍ അടിയുറച്ച് കര്‍മ്മങ്ങള്‍ ക്രമപ്പെടുത്തി നല്ലവരായി കഴിയുന്നവരും അതിന് നേര്‍ വിപരീതമായി തന്നിഷ്ടവും ഹുങ്കും കൈമുതലായി ജീവിക്കുന്നവരും സമൂഹത്തിലുണ്ട്. നന്മകള്‍ പറഞ്ഞും, ചെയ്തു കാണിച്ചും ബോധ്യപ്പെടുത്തുകയും തിന്മകള്‍ തുറന്ന് പറഞ്ഞും, അതിന്റെ ഭവിഷ്യത്തുകള്‍ തെര്യപ്പെടുത്തിയും ജനങ്ങളെ ഉല്‍ബുദ്ധരാക്കുക എന്ന ലക്ഷ്യത്തോടെയാണ് പ്രവാചകന്മാരെ സ്രഷ്ടാവ് മനുഷ്യ സമൂഹത്തിലേക്ക് അയച്ചിട്ടുള്ളത്. കാര്യങ്ങള്‍ വ്യക്തവും സുതാര്യവുമാക്കിക്കൊടുക്കുകയെന്നല്ലാതെ ആരെയും പ്രലോഭിപ്പിച്ച്, അഥവാ നിര്‍ബന്ധം ചെലുത്തി നന്മയിലെത്തിക്കാനുള്ള ഉത്തരവാദിത്തം ആര്‍ക്കും നല്‍കപ്പെട്ടിട്ടില്ല. സ്വന്തം ഭാഗധേയം സ്വന്തം ഉത്തരവാദിത്തത്തില്‍ എന്ന് സാരം. തന്റെ മുന്നില്‍ തുറന്ന് കിടപ്പുള്ള സുരക്ഷിത മാര്‍ഗം നിരാകരിച്ച് പിഴച്ച വഴിയെ സഞ്ചരിച്ച് നാശത്തിലെത്തിച്ചേര്‍ന്നാല്‍ മറ്റാരെ കുറ്റം പറയാനാവും?

മനുഷ്യനില്‍ നിക്ഷിപ്തമാക്കപ്പെട്ടിട്ടുള്ള സര്‍ഗ ശേഷികളെല്ലാം യഥാവിധി ഉപയോഗപ്പെടുത്തി നന്മ തെരഞ്ഞെടുത്ത് ശക്തനായിത്തീരാനുള്ള എല്ലാ ഉപാധികളും സഹിതമാണല്ലോ അവനിവിടെ കുടിയിരുത്തപ്പെട്ടിട്ടുള്ളത്. കാലമിന്നോളം മനുഷ്യന് നിലനിന്ന് പോരാന്‍ കഴിഞ്ഞതും യുക്തിപൂര്‍വ്വമായ അവന്റെ നിലപാട് മൂലമാണ്. മനുഷ്യന്‍ അവന്റെ നിലനില്‍പിനും മുന്നേറ്റത്തിനുമായി ഉപയോഗപ്പെടുത്തുന്ന നേട്ടങ്ങളെല്ലാം മനുഷ്യന്റെ തലമുറമാറ്റത്തിനനുസൃതമായി സ്വീകരിച്ചുപോന്ന പുരോഗമന നിലപാടുകള്‍ മൂലം ലഭ്യമായിട്ടുള്ളവയാണ്. പദാര്‍ത്ഥങ്ങളുടെ രൂപമാറ്റത്തിനല്ലാതെ സ്വയം സൃഷ്ടിക്കാനുള്ള കഴിവ് മനുഷ്യനില്‍ നിക്ഷിപ്തമല്ലെന്നുള്ളത് അടിസ്ഥാന യാഥാര്‍ത്ഥ്യമാണ്. അത്തരം രൂപാന്തരങ്ങളിലൂടെ മനുഷ്യന്‍ മുന്നേറുമ്പോള്‍ അവന്‍ ലക്ഷ്യമാക്കേണ്ടത് ആത്യന്തിക നന്മയും നേട്ടവും തന്നെയാണ്. അത്തരം കാഴ്ചപ്പാടിലൂടെയാണ് ഇന്ന്, നമ്മുടെ അനുഭവ സത്യങ്ങളായി നിലകൊള്ളുന്ന ആദര്‍ശ സംഹിതകളും, ശാസ്ത്രസാങ്കേതികവൈജ്ഞാനിക ഗവേഷണ നേട്ടങ്ങളുമെല്ലാം. മറിച്ച് ഇതൊന്നും അജ്ഞാത കേന്ദ്രങ്ങളില്‍ നിന്നും ഇറക്കുമതി ചെയ്യപ്പെട്ടിട്ടുള്ളവയല്ല. പ്രാപഞ്ചിക വിജ്ഞാനത്തെ മൊത്തത്തില്‍ വിലയിരുത്തുമ്പോള്‍ മനുഷ്യന്‍ ആര്‍ജ്ജിക്കുന്ന വിജ്ഞാനം മഹാ സമുദ്രത്തില്‍ നിന്നും സൂചി മുനയില്‍ ലഭ്യമാവുന്നതിന് സമമാണെങ്കിലും, അത്രയും ലളിതമാണെങ്കിലും, അതുമതി മനുഷ്യന് അവന്റെ ആയുഷ്‌ക്കാലം മുഴുവന്‍ കഴിവിനും ഭാവനക്കും അനുസൃതമായി ഉപയോഗപ്പെടുത്താന്‍. എന്നാല്‍ അതേ സമയം, മനുഷ്യന് ധൃതിയും, ആര്‍ത്തിയും അഹങ്കാരവുമെന്നെല്ലാമുള്ള ഒരു പ്രകൃതം കൂടിയുണ്ടെന്നത് അവന്റെ നേട്ടങ്ങളുടെയെല്ലാം വിലയിടിക്കുന്നുണ്ട്.രൂപാന്തരവും, കണ്ടെത്തലും കുതിപ്പുമെല്ലാം മനുഷ്യന്റെ ആര്‍ജ്ജിത ജ്ഞാനത്തിന്റെ ഉല്‍പന്നമാണെങ്കില്‍ തന്നെയും അതിന് ഉപയോഗപ്പെടുത്തിയിട്ടുള്ള സിദ്ധികളുടെ അടിത്തറ അവന് ഒരുവിധ നിയന്ത്രണവും അധികാരവും ഇല്ലാത്ത സ്രോതസ്സില്‍ നിന്നാണെന്ന വസ്തുത അവന്‍ മറന്നു കളയുന്നു. ജനനം മുതല്‍ മരണം വരെ ഒരു വ്യക്തി ക്രിയാത്മകമായി ഇടപെടുന്ന ഏതൊരു വിഷയത്തിലും അതിന്റെ അദൃശ്യമായ സ്രോതസ്സിന്റെ അടിസ്ഥാനപരമായ പങ്ക് മനുഷ്യന്‍ അംഗീകരിച്ചേ മതിയാവൂ. താന്‍ പോരിമയെന്ന ഭാവം നേട്ടങ്ങളുടെ മഹത്വം ഇല്ലാതാക്കുമെന്നത് പ്രത്യേകം എടുത്ത് പറയേണ്ടതില്ലല്ലോ.

വിശാല അര്‍ത്ഥത്തില്‍ അറിവെന്നത് ഒരു ഒറ്റമൂലിയാണ്. ഏത് വിഷയത്തിലാണെങ്കിലും മനുഷ്യന്‍ എത്തിച്ചേര്‍ന്നിട്ടില്ലാത്ത ഒരു കാര്യത്തില്‍ ബുദ്ധിപരമായോ, മാനസികമായോ, കാഴ്ചയിലൂടെയോ, കേള്‍വിയിലൂടെയോ, സ്പര്‍ശനത്തിലൂടെയോ, രുചിയിലൂടെയോ എത്തിച്ചേരുമ്പോള്‍ അതൊരു അറിവാണ.് പുതിയ അറിവ് ഏത് ചെറുതും വലുതുമായ പ്രാപഞ്ചിക കാര്യങ്ങളിലും അങ്ങനെ എത്തിച്ചേരുമ്പോള്‍ അതിന് കല്‍പിക്കേണ്ടുന്ന അര്‍ത്ഥം, ഒരു പുതിയ അറിവില്‍ എത്തിച്ചേര്‍ന്നുവെന്നുള്ളതാണ്. അങ്ങിനെ എത്തിച്ചേരുന്നതും പകര്‍ന്നു കിട്ടുന്നതുമായ അറിവ് ഉപയോഗപ്പെടുത്തിയാണ് വിശേഷ ബുദ്ധിയുള്ള മനുഷ്യന്‍ നേട്ടങ്ങളിലൂടെ മുന്നേറുന്നത്. അറിവില്‍ തന്നെ മനുഷ്യന് ഗുണകരമായ, പ്രയോജനപ്രദമായ അറിവാണ് പ്രധാനം. സമയം കൊല്ലിയും പ്രയോജനമില്ലാത്ത അറിവുകളും ഉണ്ട്. അത് തിരിച്ചറിയണം അവിടെയാണ് അറിവിലെ ധാര്‍മ്മികത മനുഷ്യന്‍ ഉള്‍ക്കൊള്ളേണ്ടത്. അറിവും പ്രവര്‍ത്തനശേഷിയും ഒപ്പത്തിനൊപ്പം കൊണ്ടുപോകേണ്ട കാര്യങ്ങളാണ്. അതും പ്രയോജനപ്രദമായ വിധം. ഖലീഫഹാറുല്‍ അല്‍ റഷീദിന്റെ രാജകൊട്ടാരത്തില്‍ ഒരു ജാലവിദ്യക്കാരന്‍ വന്നു. അയാള്‍ മേശപ്പുറത്ത് ഒരു സൂചി എറിഞ്ഞു പിടിപ്പിച്ചു കുത്തനെ നിര്‍ത്തിയശേഷം ആ സൂചിത്തുളയില്‍ മറ്റൊരു സൂചി അങ്ങിനെ തുടര്‍ന്ന് ഒട്ടനേകം സൂചികള്‍ എറിഞ്ഞ് പിടിപ്പിച്ച് രാജകൊട്ടാരത്തിന്റെ മാതൃക തീര്‍ത്തു. കൃത്യം കഴിഞ്ഞതിന് പിന്നാലെ, ഖലീഫ ജാലവിദ്യക്കാരന് കൈനിറയെ സമ്മാനങ്ങള്‍ നല്‍കി, പിന്നാലെ ശിക്ഷ നടപ്പാക്കുന്ന ആളെ വിളിച്ച് അമ്പത് ചാട്ടവാറടിയും നല്‍കി. സദസ്യര്‍ അമ്പരപ്പ് പ്രകടിപ്പിച്ചപ്പോള്‍ ഖലീഫ മറുപടിയായി പറഞ്ഞത് ‘അയാളുടെ കഴിവിനെ അഭിനന്ദിച്ചാണ് സമ്മാനങ്ങള്‍, ആ കഴിവ് ഉപയോഗിച്ചത് എന്തിന് വേണ്ടിയാണ്? അതുകൊണ്ടാര്‍ക്കെന്ത് പ്രയോജനം? അതിനാണ് ശിക്ഷ’.

ഏതൊരു സമ്പത്തും ചെലവഴിക്കുമ്പോള്‍ അതൊരു പ്രയോജനത്തിനായിരിക്കണം. പ്രയോജനപ്രദമല്ലാത്ത വിധം ഉപയോഗിക്കേണ്ടുന്ന ഒന്നല്ല ‘വിദ്യാധനം സര്‍വ്വധനാല്‍ പ്രധാനം’ എന്ന അമൂല്യ നിധി. അറിവിന്റെ പ്രയോജനവും അതിന്റെ പ്രയോഗത്തിന്റെ സ്ഥാനവും അസ്ഥാനവും തിരിച്ചറിയുകയെന്നത് കൂടി അറിവിന്റെ ഭാഗമാണെന്ന ബോധം ഉണ്ടായിരിക്കണം.

ഈ കാലഘട്ടത്തെക്കുറിച്ച് ചിന്തിക്കുമ്പോള്‍ കാണാനാവുക നേട്ടങ്ങള്‍ കൊയ്യാനുള്ള വ്യഗ്രതയില്‍ അതിവേഗം കുതിച്ചോടുന്ന ഒരു സമൂഹത്തെയാണ്. കുതിച്ചോട്ടം നടത്തി ദൈനം ദിനമെന്നോണം നേട്ടങ്ങള്‍ വാരിക്കൂട്ടുകയും ചെയ്യുന്നു. മുതിര്‍ന്ന തമലുറ പുത്തന്‍ തലമുറയുടെ രീതികള്‍ കാണുമ്പോള്‍ അതിശയപ്പെടുന്നെങ്കില്‍ അതില്‍ അത്ഭുതമില്ല. കാരണം അവരുടെ മുന്നോട്ടുള്ള പ്രയാണം അത്യാശ്ചര്യകരമാണ്. മുതിര്‍ന്ന തലമുറക്ക് ഉള്‍ക്കൊള്ളാന്‍ ഏറെ പ്രയാസം അനുഭവപ്പെട്ടേക്കാം. സാമൂഹ്യ ജീവിതം എന്നത് അടുത്ത കാലം വരെ അങ്ങേയറ്റം ഹൃദ്യമായ അനുഭവമായിരുന്നെങ്കില്‍ ഇന്ന് ഹൃദ്യതക്കായി ഹൃദയം എന്നൊന്ന് വേണമോ എന്ന് വരെ ചിന്തിച്ചേക്കാം. കൂട്ടായ്മയും സൗഹൃദവുമൊക്കെയാണല്ലോ യഥാര്‍ത്ഥത്തില്‍ സമൂഹത്തിന്റെ ശാന്തമായ ഭദ്രതക്കടിസ്ഥാനം. എന്നാല്‍ ഇന്നത്തെ സാഹചര്യത്തില്‍ കൂട്ടായ്മയും സൗഹൃദവുമൊക്കെ എവിടെയാണ് പ്രകടമാവുന്നത്? സമൂഹം എന്ന ആശയം (കോണ്‍സപ്റ്റ്) തന്നെ അപ്രത്യക്ഷമായിക്കൊണ്ടിരിക്കയല്ലേ? എല്ലാവരിലേക്കും എന്നത് പോയിട്ട് ഒരു വീട്ടിലെ കുട്ടികള്‍ രക്ഷിതാക്കളെ കാണുന്നുണ്ടോ? ഒരേ വീടിന്റെ വിവിധ മൂലകളിലല്ലേ ഓരോരുത്തരും കഴിയുന്നത്? മുതിര്‍ന്നവരും അങ്ങിനെത്തന്നെ.

ഫേസ് ബുക്ക്, വാട്‌സ് ആപ്പ്, ട്വിറ്റര്‍, ഇന്‍സ്റ്റഗ്രാം ഇവയ്‌ക്കെല്ലാം അന്തമില്ലാത്ത വിധം അടിമപ്പെട്ട്, പരസ്പരം കണ്ട് മുട്ടുന്ന ഏതെങ്കിലും നിമിഷമുണ്ടെങ്കില്‍ അപ്പോഴെങ്കിലും ഒന്നു ചുണ്ടു തുറക്കുന്ന ശീലം മറന്നു കഴിഞ്ഞില്ലേ! ആധുനിക സംവിധാനങ്ങളെല്ലാം മനുഷ്യ മുന്നേറ്റത്തിന് അത്യാവശ്യം തന്നെ. എന്നാല്‍ അതിന്റെ പ്രയോഗ ശൈലി, കുടുംബ ബന്ധങ്ങളുടെ പ്രാധാന്യം, മറന്ന് പോയ്‌ക്കൊണ്ടിരിക്കുന്ന ധാര്‍മ്മിക മൂല്യങ്ങള്‍, സാമൂഹ്യ ബോധം, വ്യക്തിത്വ ബോധം എന്നിവയെല്ലാം എവിടെ? മുഖാമുഖമാണ് മനുഷ്യസമൂഹം അത് ഏത് തലത്തിലായാലും എന്ന അടിസ്ഥാന തത്വം പ്രാവര്‍ത്തികമാക്കിയേ പറ്റൂ. പുരോഗമനം മാനവികതയെ നിരാകരിക്കുന്നതാവരുത്.

Continue Reading
Advertisement
Click to comment

Leave a Reply

Your email address will not be published. Required fields are marked *

columns

കേരളീയം എന്ന ധൂര്‍ത്ത് മേള-എഡിറ്റോറിയല്‍

സംസ്ഥാനം സാമ്പത്തിക പ്രതിസന്ധിയുടെ വന്‍ ഗര്‍ത്തത്തില്‍ അകപ്പെട്ട് നില്‍ക്കുമ്പോള്‍ കേരളീയത്തിന്റെ പേരില്‍ കോടികള്‍ പൊടിപൊടിക്കുന്ന സര്‍ക്കാര്‍ റോമാ നഗരം കത്തിയെരിയുമ്പോള്‍ വീണ വായിച്ച നീറോ ചക്രവര്‍ത്തിമാരെയാണ് ഓര്‍മപ്പെടുത്തുന്നത്.

Published

on

സംസ്ഥാനം സാമ്പത്തിക പ്രതിസന്ധിയുടെ വന്‍ ഗര്‍ത്തത്തില്‍ അകപ്പെട്ട് നില്‍ക്കുമ്പോള്‍ കേരളീയത്തിന്റെ പേരില്‍ കോടികള്‍ പൊടിപൊടിക്കുന്ന സര്‍ക്കാര്‍ റോമാ നഗരം കത്തിയെരിയുമ്പോള്‍ വീണ വായിച്ച നീറോ ചക്രവര്‍ത്തിമാരെയാണ് ഓര്‍മപ്പെടുത്തുന്നത്. ചരിത്രത്തിലെ ഏറ്റവും വലിയ കടബാധ്യതയുമായി, എല്ലാ വകുപ്പുകളിലും കോടികളുടെ കുടിശ്ശിക നിലനില്‍ക്കുന്ന ഒരു സര്‍ക്കാറാണ് കേരളം ഭരിച്ചുകൊണ്ടിരിക്കുന്നത്. ക്ഷേമ പെന്‍ഷനുകള്‍ മുടങ്ങിയിട്ട് മാസങ്ങള്‍ പിന്നിട്ടു, കെ.എസ്.ആര്‍.ടി.സിയില്‍ ശമ്പളവും പെന്‍ഷനുമില്ല, സ്‌കൂള്‍ കുട്ടികളുടെ ഉച്ചഭക്ഷണത്തിനു പോലും പണം നല്‍കാനില്ല, നെല്‍കര്‍ഷകരുടെ കുടിശ്ശിക കൊടുത്തുവീട്ടാന്‍ കഴിയുന്നില്ല, കുടിശ്ശിക നല്‍കാത്തതിനാല്‍ സപ്ലൈക്കോയില്‍ വിതരണക്കാര്‍ ടെണ്ടര്‍ എടുക്കുന്നില്ല, ലൈഫ് മിഷന്‍ പദ്ധതിയിലും കാരുണ്യ ഫണ്ടിലുമൊന്നും തുക ലഭ്യമാകുന്നില്ല തുടങ്ങിയ അതി ഗുരുതരമായ സാമ്പത്തിക സാഹചര്യമാണ് സംസ്ഥാനത്ത് നിലനില്‍ക്കുന്നത്. സാമ്പത്തിക തകര്‍ച്ചയിലേക്ക് കൂപ്പുകുത്തിയ ഭരണകൂടങ്ങള്‍ പ്രകടമാക്കിയ എല്ലാ തരത്തിലുള്ള അസ്ഥിരതകളും ഈ സര്‍ക്കാര്‍ കാണിച്ചുകൊണ്ടിരിക്കുകയാണ്. ഈ ഘട്ടത്തിലാണ് തകര്‍ച്ചക്ക് ആക്കം കൂട്ടുന്ന രീതിയില്‍ ധൂര്‍ത്തിന്റെ മഹാമേളയായി കേരളീയം തലസ്ഥാന നഗരിയില്‍ അരങ്ങേറുന്നത്. 27 കോടി രൂപ ചിലവഴിച്ച് സര്‍ക്കാര്‍ നടത്തുന്ന ഈ മഹാമഹം ധൂര്‍ത്തിന്റെ മാത്രമല്ല അഴിമതിയുടെയും കൂടിച്ചേരല്‍ കൂടിയാണ്. ടെണ്ടര്‍പോലുമില്ലാതെ ഇഷ്ടക്കാര്‍ക്ക് പരിപാടിയുടെ കരാര്‍ നല്‍കിയതു മുതല്‍ തുടങ്ങുന്നു അഴിമതിയുടെ ഗന്ധം.

കേരളം നിലവില്‍ വന്നതിനു ശേഷമുള്ള മുഴുവന്‍ വികസന പ്രവര്‍ത്തനങ്ങളുടെയും പിതൃത്വം നിര്‍ലജ്ജം തന്റെ പേരിനോട് ചേര്‍ത്തുവെക്കുന്ന മുഖ്യമന്ത്രി അതേ അല്‍പ്പത്തരത്തോടെ തന്നെ കേരളീയവുമായി ബന്ധപ്പെട്ട് സംസ്ഥാനത്തുടനീളം തന്റെ മുഖം പ്രതിഷ്ടിച്ചുകൊണ്ടിരിക്കുകയാണ്. മാധ്യമങ്ങളായ മാധ്യമങ്ങളിലെല്ലാം ബഹുവര്‍ണ ചിത്രങ്ങള്‍ വെച്ചുള്ള പരസ്യം നല്‍കിയിട്ടും മതിവരാഞ്ഞിട്ട് പ്രധാന നഗരങ്ങളില്‍ കോടികള്‍ ചിലവഴിച്ച് ബഹുരാഷ്ട്ര കമ്പനികളുടെ പരസ്യബോര്‍ഡുകളെ വെല്ലുന്ന ഫോള്‍ഡിങ്ങുകള്‍ സ്ഥാപിച്ച് സായൂജ്യമടയുകയാണ്. ജി ട്വന്റി ഉച്ചകോടിയുടെ പേരില്‍ ഡല്‍ഹി നഗരം തന്റെ മാത്രം ചിത്രങ്ങളാല്‍ അലങ്കരിച്ച് ലോക രാഷ്ട്രങ്ങള്‍ക്കു മുന്നില്‍ രാജ്യത്തെ നാണംകെടുത്തിയ പ്രധാനമന്ത്രിയുടെ അതേ പാത പിന്തുടര്‍ന്ന് കേരളീയം നടക്കുന്ന തിരുവനന്തപുരം നഗരത്തെ തന്റെ സ്വന്തമാക്കിമാറ്റിയിരിക്കുകയാണ് മുഖ്യമന്ത്രി. വിവിധ സെഷനുകളില്‍ പങ്കെടുക്കുമ്പോള്‍ സ്വന്തം പേര് പ്രിന്റ് ചെയ്ത മുണ്ടും ഷര്‍ട്ടും കൂടി ധരിക്കാന്‍ ശ്രദ്ധിച്ചാല്‍ പ്രധാനമന്ത്രിയെപോലെ സമ്മേളനത്തെ കൈയ്യിലെടുക്കാന്‍ മുഖ്യമന്ത്രിക്കും സാധിക്കുന്നതേയുള്ളൂ.

ലോക കേരള സഭ പോലെ സംസ്ഥാന സര്‍ക്കാറിന്റെ നേട്ടങ്ങളെ ലോകം മുഴുവന്‍ എത്തിക്കുക എന്നതാണ് പരിപാടിയുടെ പ്രഖ്യാപിത ലക്ഷ്യമായി സര്‍ക്കാര്‍ പറയുന്നത്. എന്നാല്‍ കോടികള്‍ ചിലവഴിച്ച് നടത്തുന്ന ലോക കേരള സഭകള്‍ സംസ്ഥാനത്തിന് എന്ത് നേട്ടമുണ്ടാക്കി എന്നന്വേഷിക്കുമ്പോഴാണ് ഈ പരിപാടികളുടെ പൊള്ളത്തരം വ്യക്തമാകുന്നത്. വേണ്ടപ്പെട്ടവരെ ആനയിച്ചു കൊണ്ടുവന്ന് തങ്ങളെക്കുറിച്ച് മുഖസ്തുതി പറയിപ്പിക്കുക എന്നതല്ലാതെ ലോക കേരള സഭ വഴി സംസ്ഥാനത്തുണ്ടായ എന്തെങ്കിലുമൊരു നേട്ടം എടുത്തുകാണിക്കാന്‍ സര്‍ക്കാറിന് സാധ്യമല്ല. ഈ സാഹചര്യത്തിലാണ് ഇതേ മാതൃകയില്‍ തന്നെ വിവിധ മേഖലകളിലെ പ്രമുഖരെക്കൊണ്ട് മുഖ്യമന്ത്രിയുടെയും സര്‍ക്കാറിന്റെയും അവതാനങ്ങള്‍ പാടിപ്പുകഴ്ത്തിക്കുകയും അതുകാണിച്ച് ആരാധക വൃന്തത്തെ ആനന്ദലബ്ധിയില്‍ ആറാടിപ്പിക്കുകയും ചെയ്യുന്നത്. തിരഞ്ഞെടുപ്പ് പ്രചരണം പോലെയുള്ള രംഗങ്ങളില്‍ ഈ സംവിധാനങ്ങളെല്ലാം ഉപയോഗപ്പെടുത്തുകയും ചെയ്യുക എന്ന ലക്ഷ്യവും ഇതിനെല്ലാം പിന്നിലുണ്ടാകാം. നഷ്ടപ്പെട്ടുപോയ ജന പിന്തുണ തിരിച്ചു പിടിക്കാന്‍ പി.ആര്‍ ഏജന്‍സികള്‍ പറഞ്ഞു തരുന്ന എന്ത് ചെപ്പടി വിദ്യകളും ഉപയോഗിക്കാനുള്ള പൂര്‍ണ സ്വാതന്ത്ര്യം പിണറായി വിജയനുണ്ട്. പക്ഷേ അത് സ്വന്തം ചിലവില്‍ ആകണമെന്നു മാത്രം. ജനങ്ങളുടെ നികുതിപ്പണം ഉപയോഗിച്ച് നടത്തിക്കൊണ്ടിരിക്കുന്ന ഈ കോപ്രായങ്ങല്‍ക്കെല്ലാം കാലം മറുപടി പറയിപ്പിക്കുമെന്ന കാര്യം നിസ്സംശയമാണ്.

 

Continue Reading

columns

ഗസ്സ മരണ മുനമ്പാക്കിയത് ആര്

അമേരിക്കന്‍ പിന്തുണയോടെ ഇസ്രാ ഈല്‍ നിരപരാധികളായ നൂറുകണക്കിന് ഫലസ്തീന്‍ കുഞ്ഞുങ്ങളേയും സ്ത്രീകളേയും നിഷ്‌കരുണം ബോംബിട്ട് കൊല്ലുകയാണ്. മരണ മുനമ്പായിമാറിയിരിക്കുന്നു ഗസ്സ.

Published

on

റിയാസ് ഹുദവി പുലിക്കണ്ണി

അമേരിക്കന്‍ പിന്തുണയോടെ ഇസ്രാ ഈല്‍ നിരപരാധികളായ നൂറുകണക്കിന് ഫലസ്തീന്‍ കുഞ്ഞുങ്ങളേയും സ്ത്രീകളേയും നിഷ്‌കരുണം ബോംബിട്ട് കൊല്ലുകയാണ്. മരണ മുനമ്പായിമാറിയിരിക്കുന്നു ഗസ്സ. അയ്യായിരത്തോളം പൗരന്‍മാന്‍ നിഷ്ഠൂരമായി കൊല്ലപ്പെട്ടു, നിരപരാധികളായ ആയിരക്കണക്കിന് കുട്ടികളും സ്ത്രീകളും അവയില്‍ ഉള്‍പ്പെടുന്നുണ്ട്. യുദ്ധത്തിന്റെ സര്‍വ മര്യാദകളും ധാരണകളും ലംഘിച്ച് ഇസ്രാ ഈല്‍ നരനായാട്ട് തുടരുകയാണ്. കഴിവതും വേഗം പ്രശ്‌നങ്ങള്‍ പരിഹരിച്ച് സമാധാനം പുന:സ്ഥാപിക്കേണ്ട ഐക്യരാഷ്ട്ര സഭയും മറ്റു ലോക രാഷ്ട്രങ്ങളും ഇസ്രാ ഈലിന്റെ കിരാതന തേര്‍വാഴ്ചയെ തള്ളിപറയുന്നതിനപ്പുറം കര്‍ക്കശമായ മറ്റൊരു കടുത്ത നിലപാടിലേക്കും കടക്കാതെ കാഴ്ചക്കാരായി നില്‍ക്കുന്നുവെന്നതാണ് ഏറെ ദു:ഖകരം. ഭക്ഷണം, കുടിവെള്ളം, വൈദ്യുതി, ഇന്ധനം തുടങ്ങി സര്‍വ മേഖലയിലും ഉപരോധം ഏര്‍പ്പെടുത്തിയും പാര്‍പ്പിടങ്ങളും സ്‌കൂളുകളും അഭയാര്‍ത്ഥി ക്യാമ്പുകളും ബോബിട്ട് നിലം പരിശാക്കിയും ഫലസ്തീന്‍ ജനതയെ ക്രൂരമായി പീഡിപ്പിച്ചിട്ടും, അക്രമിച്ചിട്ടും യാതൊരു ദാക്ഷിണ്യവുമില്ലാതെ ആയിരക്കണക്കായ പിഞ്ചുകുഞ്ഞുങ്ങളും സ്ത്രീകളും പരിക്കേറ്റ് ചികിത്സയില്‍ കഴിയുന്ന ആശുപത്രികള്‍പോലും മനുഷ്യത്വം ഇല്ലാത്ത ഇസ്രാ ഈല്‍ സൈന്യം ബോംബിട്ട് നശിപ്പിച്ചു. പ്രാചീന കാലത്തേക്കാള്‍ ലോകം മനുഷ്യത്വപരമായും ധാര്‍മികമായും വളര്‍ച്ച കൈവരിച്ചുവെന്ന് അവകാശവാദം ഉന്നയിക്കുന്ന പുതിയ കാലത്ത് ഇങ്ങനെയൊക്കെ സംഭവിക്കുന്നുവെന്നത്തന്നെ മനുഷ്യത്വമുള്ളവര്‍ക്ക് ചിന്തിക്കാനും ചെയ്യാനും കഴിയാത്തതാണ്. അത്രമേല്‍ ഭീകരമാണ് ഹമാസിനെ പ്രത്രിരോധിക്കുന്നുവെന്ന പേരില്‍ ഇസ്രാ ഈല്‍ ഗസ്സയിലും ഫലസ്തീനിന്റെ മറ്റു പ്രദേശങ്ങളിലും നടത്തികൊണ്ടിരിക്കുന്ന മനസ്സുലക്കുന്ന കൃത്യങ്ങള്‍.

ഇറാന്‍, ഖത്തര്‍, സഊദി അടക്കമുള്ള അറബ് രാജ്യങ്ങള്‍ ഇസ്രാഈലിന്റ അതിരുകടന്ന അക്രമങ്ങളെയും ഫലസ്തീന്‍ അധിവേശത്തേയും അപലപിച്ചിട്ടും നിലവിലെ ഇസ്രാഈലിന്റെ ഇടപെടലുകള്‍ പശ്ചിമേഷ്യയില്‍ കൂടുതല്‍ രക്ത ചൊരിച്ചിലുകള്‍ക്ക് വഴിവെക്കുമെന്ന് വ്യക്തമാക്കിയിട്ടും തങ്ങളുടെ പ്രഖ്യാപിത നിലപാടില്‍നിന്ന് പിന്നോട്ട് പോകാതെ ഇസ്രാഈല്‍ രക്തരൂക്ഷിതമായ യുദ്ധത്തിനു മുതിരുന്നതിന്റെ പൂര്‍ണ ഉത്തരവാദിത്വം ലോക പൊലിസായി ചമയുന്ന അമേരിക്കക്കു മാത്രമാണ്. കാരണം ഇസ്രാഈലിനെതിരെ ഹമാസിന്റെ അപ്രതീക്ഷിത ആക്രമണം നടന്നപ്പോള്‍ മുമ്പും പിമ്പും നോക്കാതെ പൂര്‍ണ പിന്തുണ പ്രഖ്യാപിച്ച രാജ്യമാണ് അമേരിക്ക. മാത്രമല്ല, തങ്ങളുടെ വിദേശകാര്യ സെക്രട്ടറി ആന്റണി ബ്ലിങ്കണ്‍ ഹമാസിന്റെ ആക്രമണത്തെ അപലപിച്ചു നടത്തിയ ആദ്യ പ്രതികരണം താനും ഒരു ജൂതനാണെന്നാണ്. അതോടൊപ്പം നാളിതുവരെ തങ്ങള്‍ ചെയ്ത്‌കൊണ്ടിരിക്കുന്ന കണ്ണില്ലാത്ത ക്രൂരതകളെ മറച്ചുപിടിക്കാനും ലോക രാജ്യങ്ങളുടെ പിന്തുണ നേടാനും ഹമാസിനെ തീവ്രവാദ സംഘടനയായി മുദ്രകുത്താനും ജൂത സൈന്യം പടച്ചുണ്ടാക്കിയ ‘ബന്ദികളായ 40 കുട്ടികളെ ഹമാസ് പോരാളികള്‍ കഴുത്തറത്ത് കൊന്നെന്ന’ കല്ലുവെച്ച നുണകള്‍ അപ്പാടെ നിസ്സംശയം മാധ്യമങ്ങള്‍ക്ക്മുമ്പാകെ ഏറ്റുപറഞ്ഞ് ഇസ്രാഈലിനെ പരസ്യമായി പിന്തുണക്കുന്ന അമേരിക്കന്‍ പ്രസിഡന്റ് ബൈഡന്റെ കാഴ്ചയും കണ്ടതാണ്. ഫലസ്തീനിലെ നിലവിലെ സാഹചര്യങ്ങളെ കൂടുതല്‍ വഷളാക്കിയത് അമേരിക്കയാണെന്ന് പറയുന്നതായിരിക്കും കൂടുതല്‍ നല്ലത്. റഷ്യ യുക്രെന്‍ യുദ്ധം പൊട്ടി പുറപ്പെട്ടപ്പോള്‍ യൂറോപ്യന്‍ യൂണിയനെ കൂട്ടുപ്പിടിച്ച് റഷ്യക്കെതിരെ സാമ്പത്തിക ഉപരോധം ഏര്‍പ്പെടുത്തി ഇരയോടൊപ്പമാണെന്ന് പ്രസ്താവിച്ച അമേരിക്കയും ബൈഡനും സയണിസ്റ്റ് സൈന്യത്തിന്റെ മിസൈല്‍ ആക്രമണത്തില്‍ ദിനംപ്രതി മരിച്ച് വീഴുന്ന നൂറുകണക്കിനു കുഞ്ഞുങ്ങള്‍ക്കു വേണ്ടിയും തകര്‍ന്നടിഞ്ഞ പാര്‍പ്പിടങ്ങള്‍ക്കിടയില്‍ സര്‍വതും നഷ്ടപ്പെട്ട് നിലവിളിക്കുന്ന നിരപരാധികളായ ആയിരങ്ങള്‍ക്കു വേണ്ടിയും പ്രസ്താവന പോലും നടത്താത്തത്. പിറന്ന മണ്ണില്‍ അധിവസിക്കാന്‍ അധിനിവേശ ശക്തിക്കെതിരെ പോരാട്ടം നടത്തുന്ന ‘ഹമാസിനെ’ ഇസ്‌ലാമിക് സ്റ്റേറ്റിന്റെ അക്രമങ്ങളോട് തുലനം ചെയ്യാനും ഇസ്രാഈലിനെ വെള്ളപൂശാനും അമേരിക്കയും മറ്റു പാശ്ചാത്യശക്തികളും ശ്രമിക്കുന്നത് ജൂതരാഷ്ട്ര പിറവിയുടെ ചരിത്രം അറിയാത്തതു കൊണ്ടോ ഓര്‍മയില്ലാത്തതുകൊണ്ടോയല്ല, മറിച്ച് മുസ്‌ലിം വിരോധത്തിന്റെയും മത വര്‍ഗ വെറിയുടേയും അവര്‍ണ ബോധം ഇപ്പോഴും വെള്ളക്കാരന്റെ മനോമുകുരങ്ങളില്‍ അന്തര്‍ലീനമായി കിടപ്പുണ്ടെന്നതിന്റെ പ്രകടമായ പ്രതീകം കൂടിയാണ്. രണ്ടാം ലോക യുദ്ധാനന്തര ജാരസന്തതിയായി പാശ്ചാത്യ രാജ്യങ്ങളുടെ കുടില തന്ത്രങ്ങളാല്‍ പിറവി കൊണ്ട ജൂത രാഷ്ട്രത്തിന് ഇപ്പോഴും നല്‍കികൊണ്ടിരിക്കുന്ന അകമഴിഞ്ഞ പിന്തുണയും. കൂടാതെ പശ്ചിമേഷ്യന്‍ രാജ്യങ്ങളില്‍ ഇടക്കിടെ യുദ്ധവും ഒടുങ്ങാത്ത ആഭ്യന്തര കലാപങ്ങളും സംഘര്‍ഷങ്ങളും സൃഷ്ടിച്ചു ആയുധ കച്ചവടം പൊടിപൊടിക്കാനും അതിലൂടെ സാമ്പത്തിക നേട്ടം കൊയ്യാനും അമേരിക്കയടങ്ങുന്ന പാശ്ചാത്യന്‍ സാമ്രാജ്യത്വ ശക്തികള്‍ കാലങ്ങളായി നടത്തികൊണ്ടിരിക്കുന്ന മനുഷ്യത്വരഹിതമായ നാടകം കൂടിയാണ് ഇസ്രാഈല്‍ ഫലസ്തീന്‍ വിഷയത്തില്‍ അമേരിക്ക ഇപ്പോള്‍ നടത്തികൊണ്ടിരിക്കുന്ന അനുനയനീക്കങ്ങള്‍ എന്നു കൂടി അനുമാനിക്കാം. അതിനാല്‍ നിലവിലെ ഫലസ്തീന്‍ ഇസ്രാഈല്‍ സംഘട്ടനങ്ങളുടെ താത്കാലിക വിരാമത്തിനുള്ള നയതന്ത്ര നീക്കങ്ങളല്ല ലോക രാജ്യങ്ങളും ഐക്യരാഷ്ട്ര സഭയും നടത്തേണ്ടത്, മറിച്ച് കുടിയിറക്കപ്പെട്ട് ആട്ടിയോടിക്കപ്പെട്ട ഒരു വിഭാഗം ജനതക്ക് അധിവസിക്കാനൊരിടം അനുവദിച്ചതിന്റെ പേരില്‍ സൈ്വര്യമായ ഉറക്കവും സുരക്ഷിതമായ പാര്‍പ്പിടവും സ്വരാജ്യംതന്നെയും കാലങ്ങളായി നഷ്ടപ്പെട്ട ഫലസ്തീനികള്‍ക്ക് സ്വതന്ത്രമായൊരു രാജ്യം സാക്ഷാത്കരിച്ച് കൊടുക്കുകയെന്നതാണ് സുതാര്യമായ പരിഹാരം. എങ്കിലേ നിരന്തരം ഉയരുന്ന ഗസ്സയിലെ പതിനായിരങ്ങളുടെ രോദനം എന്നെന്നേക്കുമായി നിലച്ച് സമാധാനത്തിന്റെ പുതിയ സൂര്യോദയങ്ങള്‍ ഉദയം ചെയ്യൂ.

 

Continue Reading

columns

പ്രവാചക നാമത്തിൻ്റെ പൊരുൾ

ലോകത്ത് വളരെ കൂടുതൽ ഉച്ചരിക്കുകയും സ്തുതി കീർത്തനങ്ങൾക്ക് വിധേയമാവുകയും ചെയ്യുന്ന നാമമാണ് മുഹമ്മദ് .പ്രാർത്ഥനകളിൽ, കാവ്യങ്ങളിൽ , കഥാവിഷ്കാരങ്ങളിൽ ആ നാമം ആവർത്തിച്ചു വരുന്നു.

Published

on

പാണക്കാട് സയ്യിദ് മുനവ്വറലി
ശിഹാബ് തങ്ങൾ

ലോകത്ത് വളരെ കൂടുതൽ ഉച്ഛരിക്കുകയും സ്തുതി കീർത്തനങ്ങൾക്ക് വിധേയമാവുകയും ചെയ്യുന്ന നാമമാണ് മുഹമ്മദ് .പ്രാർത്ഥനകളിൽ, കാവ്യങ്ങളിൽ , കഥാവിഷ്കാരങ്ങളിൽ ആ നാമം ആവർത്തിച്ചു വരുന്നു .തിരുനബിയുടെ നാമകരണ ചടങ്ങിൽ പ്രപിതാവായ അബ്ദുൽ മുത്തലിബിനോട് ബന്ധുക്കളായ ഖുറൈശികൾ ചോദിക്കുന്നുണ്ട്: കൊച്ചു മകനെ എന്ത് പേരാണ് വിളിക്കുന്നത്? അദ്ദേഹം മറുപടി നൽകി: പ്രിയങ്കരനായ പേര് മുഹമ്മദ് .ലോകാലോകങ്ങളിൽ ഉള്ളവർ അവനെ അനുധാവനം ചെയ്യണമെന്ന് ആഗ്രഹിക്കുന്നു.” വന്ധ്യവയോധികനായ ഉപ്പൂപ്പയുടെ ആഗ്രഹത്തിന് പടച്ചവൻ ഉത്തരം നൽകി. മണ്ണിൽ മനുഷ്യരും ആകാശത്ത് മാലാഖമാരും ആ പേര് ഉൾപ്പുള്കത്തോടെ ഉരുക്കഴിക്കുന്നു .തിരുനബിയുടെ നാമകീർത്തനം പാഠവത്കരിക്കുകയും അത് വിശ്വാസിയുടെ ഉത്തരവാദിത്തമാണെന്ന് നിർദ്ദേശിക്കുകയും ചെയ്ത ഖുർആൻ ഇങ്ങനെ പ്രഖ്യാപിച്ചു :നബിയുടെ മേൽ അല്ലാഹു അനുഗ്രഹം വർഷിക്കുന്നു, മലക്കുകൾ പ്രാർത്ഥിക്കുന്നു, സത്യവിശ്വാസികളെ നബിക്ക് അനുഗ്രഹം. സമാധാന വർഷത്തിനായി നിങ്ങളും പ്രാർത്ഥിക്കുക.

56 തലമുറകളിലൂടെ തുടരുന്ന ഈ മുഹമ്മദീയ പ്രകീർത്തനത്തിൻറെ പൊരുൾ എന്താണ് ?അനുയായികളാൽ ആപാദചൂഢം പിന്തുടരുന്ന ഒന്നായി മുഹമ്മദ് എന്ന നാമവും നബിയുടെ ചര്യകളും മാറുന്നതെന്തുകൊണ്ട് എന്നത് വിമർശകരെ പോലും വിസ്മയിപ്പിക്കുന്നതാണ്. കൗമാരപ്രായത്തിൽ കേട്ട മുഹമ്മദ് എന്ന നാമത്തിന്റെ സൗന്ദര്യത്തിന് പിന്നാലെ സഞ്ചരിക്കുകയും ചരിത്രത്തിലും കവിതയിലും നാടകത്തിലും ആവർത്തിക്കുന്ന ആ പേരിൻറെ ആവിഷ്കാരങ്ങളെ നാലു പതിറ്റാണ്ടുകളിലൂടെ നീളം പഠിക്കുകയും ചെയ്ത ജർമൻ ഓറിയന്റലിസ്റ്റ് ആൻമേരി ഷിമ്മൽ രചിച്ച ‘ മുഹമ്മദ് ദൈവത്തിൻറെ തിരുദൂതർ ‘എന്ന പുസ്തകം പ്രസിദ്ധമാണ്. മധ്യകാലത്ത് നിലനിന്ന നബിനിന്ദക്കുള്ള പണ്ഡിതോചിതമായ പ്രായശ്ചിത്തമായി വേണം ഈ പുസ്തകത്തെ കണക്കാക്കാൻ. സെമറ്റിക്പാരമ്പര്യത്തിലും ആഫ്രിക്കാൻ പാശ്ചാത്യ പൗരസ്ത്യ ദേശങ്ങളിലും നബി ചരിത്രരചനയുടെയും കീർത്തനങ്ങളുടെയും കുത്തൊഴുക്ക് വലിയൊരു പഠന മേഖലയാണ് തോമസ് കാർലൈൽ 19-)0 നൂറ്റാണ്ടിന്റെ ആദ്യത്തിൽ ലണ്ടനിൽ നടത്തിയ മൂന്നു പ്രഭാഷണങ്ങളിൽ ഒന്ന് ഹീറോ ആസ് എ പ്രോഫറ്റ് ‘ എന്ന തലവാചകത്തിൽ മുഹമ്മദ് നബിയെ കുറിച്ചായിരുന്നു .അതുവരെ പ്രചരിക്കപ്പെട്ടിരുന്ന എല്ലാ ആരോപണങ്ങൾക്കും വസ്തുതകൾ അപഗ്രഥിച്ച് യുക്തിസഹമായി മറുപടി പറഞ്ഞു .ഇസ്ലാം വാളുകൊണ്ട് പ്രചരിപ്പിക്കപ്പെട്ട മതമാണെന്ന വിമർശനത്തിന് അദ്ദേഹം നൽകിയ മറുപടി പ്രസക്തമാണ്. കാറിൽ പറയുന്നു ,ഏതൊരു രാഷ്ട്രീയവും ഒരാളുടെ മനസ്സിൽ ആണല്ലോ ആദ്യമായി ഉദിക്കുക.മുഹമ്മദിന് ലഭിച്ച ഇസ്ലാം എന്ന ആശയം പ്രചരിപ്പിക്കാൻ ലോകത്ത് അപ്പോൾ മുഹമ്മദ് മാത്രമേയുള്ളൂ .തന്റെ കയ്യിൽ ഒരു വാളും. ഈ അവസ്ഥയിൽ എങ്ങനെയാണ് മുഹമ്മദിന് ലോകം കീഴടക്കാൻ സാധിക്കുക? വാളുകൊണ്ട് പ്രചരിപ്പിക്കാൻ ആണെങ്കിൽ വേണ്ടത്ര വാളുകളും പ്രയോഗിക്കാൻ അനുയായികളും വേണം. മുഹമ്മദിന് അതിനായി അനുയായികൾ ഉണ്ടായേ പറ്റൂ. ഈ വസ്തുത തെളിയിക്കുന്നത് വാളുകൊണ്ടല്ല ഇസ്ലാം പ്രചരിച്ചത് എന്ന സത്യമാണ് .തിരുനബിനൽകിയ രണ്ട് സന്ദേശങ്ങൾ എടുത്തു പറയേണ്ടതാണ്. ഒന്ന് ,ഐഹികവും പാരത്രികവുമായ അഥവാ ഭൗതികവും ആധ്യാത്മവുമായ രണ്ട് തലങ്ങൾ ഉൾച്ചേർന്നതാണ് ജീവിതം എന്ന കാഴ്ചപ്പാട്. മതമെന്നത് പ്രാർത്ഥനകളുടെയും ആരാധനകളുടെയും (സഷ്ടാവുമായുള്ള കെട്ടുപാടുകളുടെയും കേവലസംഹിതം മാത്രമല്ല, മറിച്ച് നാഗരിക രാഷ്ട്രീയ നിർമാണത്തിന്റെ ബഹുപാOങ്ങൾ ചേർത്ത് സർഗാത്മകവും സാമൂഹികോ ന്മുഖവുമാക്കേണ്ടതാണെന്ന് തിരുനബി പഠിപ്പിച്ചു. ഇത് കൂടുതൽ ജനപ്രിയമായ ഒരു മതത്തിന്റെയും ജനോപകരമായ ജീവിത പദ്ധതിയുടെയും ഉയർപ്പിന് കാരണമായി.അബ്ബാസിയ ഖിലാഫത്തിൻ്റെയും സ്പാനിഷ് മുസ്ലിം ഭരണത്തിന്റെയും കാലത്ത് തുടക്കം കുറിച്ച വൈജ്ഞാനിക പുരോഗതിയുടെയും നാഗരിക വളർച്ചയുടെയും പാരമ്പര്യം ഈ സാമൂഹിക കാഴ്ചപ്പാടിന്റെ ഭാഗമായിരുന്നു. നവോത്ഥാനകാലത്ത് ഉയർന്നു വരാൻ യൂറോപ്പിന് സകല സാധ്യതയും നൽകിയതിൽ തിരുനബിയുടെ പിന്തുണക്കാരിലൂടെ വളർന്ന വൈജ്ഞാനിക വിപ്ലവത്തിന് ചെറുതല്ലാത്ത പങ്ക് ഉണ്ടായിരുന്നു .ഇസ്ലാം തുടങ്ങിയത് പൂർത്തീകരിക്കുക അല്ലാതെ യൂറോപ്പിന് മറ്റൊന്ന് ചെയ്യാൻ ഉണ്ടായിരുന്നില്ല എന്ന് ഫിലിപ് കെ ഹിറ്റി ഈ ചരിത്രത്തെ പറ്റി എഴുതുന്നുണ്ട് .ഇത്തരത്തിൽ ആഘോഷിക്കപ്പെട്ട ഒരു ജനകീയ പ്രവാചകൻ ലോകത്തിനു മുമ്പിൽ ഉണ്ട്. അതിലൂടെയാണ് മുഹമ്മദ് എന്ന സ്തുതിക്കപ്പെട്ട നബി രൂപപ്പെട്ടുവന്നത്. രണ്ടാമതായി എടുത്തു പറയേണ്ടത്, സഹിഷ്ണുത എന്ന വലിയ മൂല്യത്തെ യാഥാർത്ഥ്യമാക്കുന്നതിലും ജനകീയമാക്കുന്നതിലും മുഹമ്മദ് നബി വഹിച്ച പങ്കാണ് പതിറ്റാണ്ടുകൾ യുദ്ധത്തിൽ ഏർപ്പെട്ടുപോകുന്ന ഗോത്രങ്ങളെ തമ്മിലടുപ്പിക്കിയും സഹോദര മതക്കാരെ വിശ്വാസത്തിൽ എടുത്തും മദീനയിൽ നിർമ്മിച്ച രാഷ്ട്രത്തിൻറെ അത്ഭുതം എടുത്തു പറയേണ്ടതാണ് .വിടവാങ്ങൽ പ്രസംഗത്തിൽ ലോക മനസ്സാക്ഷിക്ക് നൽകിയ സമഭാവനയുടെ ഉൾക്കാഴ്ചകൾ അവസാനമില്ലാത്തതാണ്. ഇത്തരത്തിൽ ഇന്ന് കാണുന്ന ലോകത്തെ സമാധാനപൂർണ്ണമായ നിലനിർത്തുന്നതിൽക്കുള്ള പങ്കാളിത്തത്തിന്റെ പേരിൽ കൂടിയാണ് മുഹമ്മദ് സ്തുതിക്കപ്പെട്ടവൻ എന്ന പേര് അർത്ഥപൂർണ്ണം ആകുന്നത്

(മലയാള മനോരമ ദിനപത്രത്തിൽ 28-09-2023 ന് പ്രസിദ്ധീകരിക്കപ്പെട്ടത് )

Continue Reading

Trending