Connect with us

Football

മാഞ്ചസ്റ്റര്‍ യുണൈറ്റഡ് പരിശീലകനായി ടെന്‍ ഹാഗ് തുടരും

കഴിഞ്ഞ രണ്ട് സീസണിലെ പ്രകടനം വിലയിരുത്തി ടെന്‍ ഹാഗിനെ തന്നെ നിലനിര്‍ത്താന്‍ ക്ലബ് മാനേജ്മെന്റ് തീരുമാനിക്കുകയായിരുന്നു.

Published

on

അഭ്യൂഹങ്ങള്‍ക്ക് വിരാമം. മാഞ്ചസ്റ്റര്‍ യുണൈറ്റഡ് പരിശീലകനായി എറിക് ടെന്‍ ഹാഗ് തന്നെ തുടരും. കഴിഞ്ഞ സീസണില്‍ ഇംഗ്ലീഷ് പ്രീമിയര്‍ ലീഗില്‍ ടീം പിന്നോക്കം പോയതിന് പിന്നാലെ പരിശീലകനെ മാറ്റുമെന്ന അഭ്യൂഹങ്ങളുണ്ടായിരുന്നു. എന്നാല്‍ കഴിഞ്ഞ രണ്ട് സീസണിലെ പ്രകടനം വിലയിരുത്തി ടെന്‍ ഹാഗിനെ തന്നെ നിലനിര്‍ത്താന്‍ ക്ലബ് മാനേജ്മെന്റ് തീരുമാനിക്കുകയായിരുന്നു. കൂടാതെ സീസണില്‍ എഫ്.എ കപ്പ് നേടാന്‍ ടെന്‍ ഹാഗിനായി.

ടെന്‍ ഹാഗിന് കാരാര്‍ പുതുക്കുന്നതിന് പകരം പുതിയ കരാര്‍ നല്‍കാനും ആലോചനയുണ്ട്. ടെന്‍ ഹാഗിന് ഈ സീസണില്‍ മികച്ച ട്രാന്‍സ്ഫര്‍ വിന്‌ഡോ ഒരുക്കി നല്‍കുമെന്നും വരാനിരിക്കുന്ന സീസണില്‍ മികച്ച പ്രകടനം കാഴ്ച വെക്കാനാവശ്യമായ എല്ലാ പിന്തുണയും നല്‍കുമെന്നും മാനേജ്മെന്റ് പറഞ്ഞു.

അവസാന രണ്ടു സീസണുകളിലാണ് ടെന്‍ ഹാഗ് മാഞ്ചസ്റ്റര്‍ യുണൈറ്റഡിന്റെ കൂടെയുണ്ടായിരുന്നത്. ആദ്യ സീസണില്‍ ലീഗ് കപ്പും ഈ സീസണില്‍ എഫ്എ കപ്പും നേടാന്‍ മാഞ്ചസ്റ്റര്‍ യുണൈറ്റഡിന് കഴിഞ്ഞിരുന്നു. ഈ സീസണില്‍ ലീഗ് കിരീടമടക്കം നേടുന്നതില്‍ വെല്ലുവിളിയായ പരിക്ക് മൂലമുള്ള വെല്ലുവിളി അടുത്ത സീസണില്‍ പരിഹരിച്ച് മികച്ച സീസണാക്കി മാറ്റാന്‍ കഴിയുമെന്ന ആത്മവിശ്വാസത്തിലാണ് ടെന്‍ ഹാഗും സംഘവും.

Football

പാരിസ് ഒളിമ്പിക്സ് മത്സരങ്ങൾക്ക് ഇന്ന് തുടക്കം; ഫുട്ബോളില്‍ അർജന്റീനയും സ്പെയിനും കളത്തിലിറങ്ങും

സെന്റ്‌ ഇറ്റിനിയിലെ ജെഫ്രി–-ഗുയിചാർഡ്‌ സ്‌റ്റേഡിയത്തിൽ വൈകിട്ട്‌ ആറരയ്‌ക്കാണ്‌ മത്സരം.

Published

on

പാരിസ് ഒളിമ്പിക്സ് മത്സരങ്ങൾക്ക് ഇന്ന് തുടക്കം. ഒളിമ്പിക്സിന്റെ ഔദ്യോഗിക ഉദ്ഘാടനം വെള്ളിയാഴ്ചയാണെങ്കിലും, മത്സരങ്ങൾക്ക് ഇന്ന് തുടക്കമാകും. ആദ്യ വിസിൽ ഫുട്‌ബോളിലാണ്. ലോകകപ്പും കോപയും നേടിയ അർജന്റീന ഇന്ന്‌ മൊറോക്കോയെ നേരിടും. സെന്റ്‌ ഇറ്റിനിയിലെ ജെഫ്രി–-ഗുയിചാർഡ്‌ സ്‌റ്റേഡിയത്തിൽ വൈകിട്ട്‌ ആറരയ്‌ക്കാണ്‌ മത്സരം.

യൂറോ ചാമ്പ്യൻമാരായ സ്‌പെയ്‌നിന്‌ ഉസ്‌ബെകിസ്ഥാനാണ്‌ എതിരാളി. നിലവിലെ വെള്ളി മെഡൽ ജേതാക്കളാണ്‌ സ്‌പെയ്‌ൻ. ആതിഥേയരായ ഫ്രാൻസ്‌ ആദ്യകളിയിൽ അമേരിക്കയുമായി ഏറ്റുമുട്ടും. ഫ്രാൻസിലെ ഏഴ്‌ വേദികളിലാണ്‌ പുരുഷ–വനിതാ മത്സരങ്ങൾ. പുരുഷ വിഭാഗത്തിൽ 16 ടീമുകളാണ്‌. അണ്ടർ 23 കളിക്കാരാണ്‌ അണിനിരക്കുക. ഒരു ടീമിൽ മൂന്നു മുതിർന്ന കളിക്കാരെ ഉൾപ്പെടുത്താം.

അതേസമയം നിലവിലെ ചാമ്പ്യൻമാരായ ബ്രസീലിന്‌ യോഗ്യത നേടാനായില്ല. നാലുവീതം ഗ്രൂപ്പുകളിലായാണ്‌ മത്സരം. ആദ്യ രണ്ട്‌ സ്ഥാനക്കാർ ക്വാർട്ടറിലേക്ക്‌ കടക്കും. ഓഗസ്റ്റ് ഒൻപതിനാണ് ഫൈനൽ.

.ഗ്രൂപ്പ് എ : ഫ്രാൻസ്, യുണൈറ്റഡ് സ്റ്റേറ്റ്സ്, ഗിനിയ, ന്യൂസിലൻഡ്

.ഗ്രൂപ്പ് ബി : അർജന്റീന, മൊറൊക്കോ, യുക്രെയ്ൻ, ഇറാഖ്

.ഗ്രൂപ്പ് സി : ഉസബക്കിസ്ഥാൻ, സ്പെയിൻ, ഈജിപ്ത്, ഡൊമിനിക്കൻ റിപ്പബ്ലിക്ക്

.ഗ്രൂപ്പ് ഡി : ജപ്പാൻ, പരഗ്വായ്, മാലി, ഇസ്രാഈല്‍

മത്സരക്രമം (ഇന്ത്യൻ സമയ പ്രകാരം)

ജൂലൈ 24, ബുധൻ

⚫️അർജന്റീന vs മൊറോക്കോ (വൈകിട്ട് 6.30 ന്)
⚫️ഉസ്ബക്കിസ്ഥാൻ VS സ്പെയിൻ (വൈകിട്ട് 6.30 ကိ)
⚫️ഗിനിയ vs ന്യൂസിലൻഡ് (രാത്രി 8.30 ന്)
⚫️ഈജിപ്ത് vs ഡൊമിനിക്കൻ റിപ്പബ്ലിക്ക് (രാത്രി 8.30 ㎡)
⚫️ഇറാഖ് VS യുക്രെയ്ൻ (രാത്രി 10.30 ന്)
⚫️ജപ്പാൻ VS പരഗ്വായ് (രാത്രി 10.30 ന്)

ജൂലൈ 25, വ്യാഴം

⚫️ഫ്രാൻസ് vs യുണൈറ്റഡ് സ്റ്റേറ്റ്സ് (പുലർച്ചെ 12.30 ㎡)
⚫️മാലി vs ഇസ്രയേൽ (പുലർച്ചെ 12.30 ന്)

ജൂലൈ 27, ശനി

⚫️അർജന്റീന vs ഇറാഖ് (വൈകിട്ട് 6.30 ന്)
⚫️ഡൊമിനിക്കൻ റിപ്പബ്ലിക്ക് VS സ്പെയിൻ (വൈകിട്ട് 6.30 )
⚫️യുക്രെയ്ൻ VS മൊറോക്കോ ( രാത്രി 8.30 ന്)
⚫️ഉസ്ബക്കിസ്ഥാൻ VS ഈജിപ്‌ത് (രാത്രി 8.30 ന്)
⚫️ന്യൂസിലൻഡ് vs യുണൈറ്റഡ് സ്റ്റേറ്റ്സ് (രാത്രി 10.30 ㎡)
⚫️ഇസ്രയേൽ VS പരഗ്വായ് (രാത്രി 10.30 ന്)

ജൂലൈ 28, ഞായർ

⚫️ഫ്രാൻസ് vs ഗിനിയ (പുലർച്ചെ 12.30 ന്)
⚫️ജപ്പാൻ vs മാലി (പുലർച്ചെ 12.30 ന്)

ജൂലൈ 30, ചൊവ്വ

⚫️ഡൊമിനിക്കൻ റിപ്പബ്ലിക്ക് VS ഉസ്ബക്കിസ്ഥാൻ (വൈകിട്ട് 6.30 ന്)
⚫️സ്പെയിൻ VS ഈജിപ്ത് (വൈകിട്ട് 6.30 ന്)
⚫️ഉക്രെയ്ൻ VS അർജന്റീന (രാത്രി 8.30 ന്)
⚫️മൊറോക്കോ VS ഇറാഖ് (രാത്രി 8.30 ന്)
⚫️ന്യൂസിലൻഡ് vs ഫ്രാൻസ് (രാത്രി 10.30 ന്)
⚫️യുണൈറ്റഡ് സ്റ്റേറ്റ്സ് vs ഗിനിയ (രാത്രി 10.30 ന്)

ജൂലൈ 31, ബുധൻ

⚫️ഇസ്രയേൽ vs ജപ്പാൻ (പുലർച്ചെ 12.30 ന്)
⚫️പരഗ്വായ് vs മാലി (പുലർച്ചെ 12.30 ന്)

Continue Reading

Football

ഡിബ്രുയിനെ സിറ്റി വിടില്ല: ഉറപ്പ് നല്‍കി പെപ് ഗ്വാര്‍ഡിയോള

നേരത്തെ കെവിന്‍ ഡിബ്രുയിനെ സഊദി അറേബ്യന്‍ ക്ലബ്ബുകളുമായി ചര്‍ച്ചകള്‍ നടത്തിയെന്നും അവരുമായി കരാര്‍ ധാരണയില്‍ എത്തി എന്നും റിപ്പോര്‍ട്ടുകള്‍ ഉണ്ടായിരുന്നു.

Published

on

സഹീലു റഹ്മാന്‍

ബെല്‍ജിയന്‍ ക്യാപ്ടനും മാഞ്ചസ്റ്റര്‍ സിറ്റിയുടെ മിഡ്ഫീല്‍ഡ് എന്‍ജിനുമായ കെവിന്‍ ഡി ബ്രുയിനെയെ ക്ലബ്ബ് ഈ വര്‍ഷം വില്‍ക്കില്ല എന്ന് ഉറപ്പുനല്‍കി മുഖ്യപരിശീലകന്‍ പെപ് ഗ്വാര്‍ഡിയോള. നേരത്തെ കെവിന്‍ ഡിബ്രുയിനെ സഊദി അറേബ്യന്‍ ക്ലബ്ബുകളുമായി ചര്‍ച്ചകള്‍ നടത്തിയെന്നും അവരുമായി കരാര്‍ ധാരണയില്‍ എത്തി എന്നും റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ ഈ റിപ്പോര്‍ട്ടുകളെ നേരത്തെതന്നെ താരം തള്ളിയിരുന്നു. ഇപ്പോള്‍ പരിശീലകന്‍ ഗ്വാര്‍ഡിയോളയും ഈ റിപ്പോര്‍ട്ടുകള്‍ക്കെതിരായി വന്നിരിക്കുകയാണ്.

2024-25 സീസണില്‍ കെവിന്‍ ഡി ബ്രുയിനെ മാഞ്ചസ്റ്റര്‍ സിറ്റിക്കൊപ്പം ഉണ്ടാകുമെന്ന് താന്‍ ഉറപ്പു നല്‍കുന്നു എന്ന് പരിശീലകനായ പെപ് പറഞ്ഞു. ഏറെ വര്‍ഷങ്ങളായി മാഞ്ചസ്റ്റര്‍ സിറ്റിയുടെ ഏറ്റവും പ്രധാനപ്പെട്ട താരമാണ് ഡി ബ്രുയിനെ. എന്നാല്‍ അവസാന സീസണുകളില്‍ ഇംഗ്ലീഷ് പ്രീമിയര്‍ ലീഗ് വിടാന്‍ ആഗ്രഹിക്കുന്നുണ്ട് എന്നും കരിയറിന്റെ അവസാനത്തില്‍ കൂടുതല്‍ പണം ലഭിക്കുന്ന ഓഫറുകള്‍ പരിഗണിക്കുമെന്നുമുള്ള പ്രസ്താവനകള്‍ ഡി ബ്രുയിനെ നടത്തിയിരുന്നു. ഇതാണ് താരത്തെ സഊദി അറേബ്യന്‍ ക്ലബ്ബുകളുമായി ബന്ധപ്പെടുത്താന്‍ കാരണം. കഴിഞ്ഞ സീസണില്‍ താരം പരിക്കിന്റെ പിടിയില്‍ അകപ്പെട്ടിരുന്നു.

പെപ് ഇത്തരത്തിലുള്ള പ്രസ്താവന നടത്തിയതിനാല്‍ കെഡിബി ഈ വര്‍ഷം ക്ലബ്ബ് വിട്ട് പോകില്ലെന്ന്  ആരാധകര്‍ക്ക് ഉറപ്പിക്കാന്‍ ആകും. പ്രീമിയര്‍ ലീഗ് കിരീടം നിലനിര്‍ത്താനായി മാഞ്ചസ്റ്റര്‍ സിറ്റി ഇപ്പോള്‍ പ്രീസീസണില്‍ ഒരുങ്ങുകയാണ്. സിറ്റിയുടെ മാസ്റ്റര്‍ ബ്രെയിനായ കെഡിബി ചാമ്പ്യന്‍സ് ലീഗ് ഉള്‍പ്പെടെ നിരവധി കിരീടങ്ങള്‍ ഇത്തിഹാദ് സ്‌റ്റേഡിയത്തിലേക്ക്‌  എത്തിക്കാന്‍ കഴിഞ്ഞിരുന്നു.

Continue Reading

Football

സാവോ പോളോയുമായുള്ള കരാര്‍ റദ്ദാക്കാന്‍ ജെയിംസ് റോഡ്രിഗസ്; യൂറോപ്പിലേക്ക് തിരിച്ചേത്തിയേക്കും

ഏത് ക്ലബിലേക്ക് താരം എത്തുമെന്നതിലാണ് ആരാധകരുടെ ആകാംക്ഷ.

Published

on

കോപ്പ അമേരിക്ക ഫുട്‌ബോള്‍ ടൂര്‍ണമെന്റിലെ തകര്‍പ്പന്‍ പ്രകടനത്തിന് പിന്നാലെ യൂറോപ്പ്യന്‍ ഫുട്‌ബോളിലേക്ക് തിരിച്ചുവരവിന് ലക്ഷ്യമിട്ട് കൊളംബിയന്‍ സൂപ്പര്‍ താരം ജെയിംസ് റോഡ്രിഗസ്. നിലവില്‍ ബ്രസീലിയന്‍ ക്ലബായ സാവോ പോളോയുമായുള്ള കരാര്‍ താരം റദ്ദാക്കാനൊരുങ്ങുകയാണ്. എന്നാല്‍ ഏത് ക്ലബിലേക്ക് താരം എത്തുമെന്നതിലാണ് ആരാധകരുടെ ആകാംക്ഷ.

മുമ്പ് യൂറോപ്യന്‍ ക്ലബുകളായ റയല്‍ മാഡ്രിഡിനായും എവര്‍ട്ടണായും ജര്‍മ്മന്‍ ക്ലബ് ബയേണ്‍ മ്യൂണികിനായും താരം കളിച്ചിട്ടുണ്ട്. ഏതാനും മാസങ്ങള്‍ക്ക് മുമ്പ് വീട്ടിലേക്ക് തിരിച്ചുവരാന്‍ റോഡ്രിഗസിനോട് എവര്‍ട്ടന്‍ അഭ്യര്‍ത്ഥിച്ചിരുന്നു. അത് തന്റെ അവസാന മത്സരമാകുമോയെന്നാണ് താരം മറുപടിയായി ചോദിച്ചത്.

യൂറോപ്പ്യന്‍ ക്ലബ് ഫുട്‌ബോളില്‍ കാര്യമായ നേട്ടങ്ങള്‍ ഉണ്ടാക്കാതിരുന്നതാണ് മുമ്പ് റോഡ്രിഗസിന് തിരിച്ചടിയായത്. കോപ്പ അമേരിക്ക ടൂര്‍ണമെന്റില്‍ കൊളംബിയ ഫൈനലില്‍ കടന്നതോടെ താരം വീണ്ടും ശ്രദ്ധിക്കപ്പെട്ടു. ടൂര്‍ണമെന്റില്‍ 6 അസിസ്റ്റും ഒരു ഗോളും റോഡ്രിഗസ് സംഭാവന ചെയ്തു. ഇപ്പോള്‍ 33കാരനായ താരം വീണ്ടും യൂറോപ്പിലെത്തിയാല്‍ എത്ര മാത്രം തിളങ്ങാനാകുമെന്നാണ് കാത്തിരുന്ന് കാണേണ്ടത്.

Continue Reading

Trending