Connect with us

Culture

താജ്മഹല്‍ വിരുദ്ധ പ്രസ്താവന ആസൂത്രിതം; ലക്ഷ്യം യു.പി തദ്ദേശ തെരഞ്ഞെടുപ്പ്

Published

on

ന്യൂഡല്‍ഹി: ഉത്തര്‍ പ്രദേശിലെ യോഗി മന്ത്രിസഭയില്‍ നിന്നുള്ള ബി.ജെ.പി എം.എല്‍.എ സംഗീത് സോം താജ്മഹലിനെ കുറിച്ച് നടത്തിയ പ്രസ്താവന തന്ത്രത്തിന്റെ ഭാഗം. അടുത്ത മാസം നടക്കാനിരിക്കുന്ന യു.പി തദ്ദേശ ഭരണ തെരഞ്ഞെടുപ്പ് ലക്ഷ്യമിട്ടാണ് സോം പഴയ തന്ത്രം പൊടിതട്ടിയെടുത്ത് രംഗത്തെത്തിയത്. തെരഞ്ഞെടുപ്പിന് മുമ്പ് വര്‍ഗീയ ദ്രുവീകരണമെന്ന തന്ത്രം ഇതാദ്യമായല്ല സോം പുറത്തെടുക്കുന്നത്.

2014ല്‍ മഹാപഞ്ചായത്ത് തെരഞ്ഞെടുപ്പിന് മുമ്പ് ലൗജിഹാദ് പ്രചരണമായിരുന്നു സംഗിത് സോമിന്റേത്. നിയമസഭാ തെരഞ്ഞെടുപ്പിന് മുമ്പ് ഇത്തവണത്തെ തെരഞ്ഞെടുപ്പ് ഹിന്ദുസ്ഥാനും പാകിസ്താനും തമ്മിലാണെന്നായിരുന്നു അദ്ദേഹം പ്രചരിപ്പിച്ചിരുന്നത്. മുസഫര്‍നഗര്‍ കലാപത്തിന്റെ സിഡികളും വീഡിയോ ക്ലിപ്പിങുകളും പ്രചരണത്തിനായി വ്യാപകമായി ഉപയോഗിക്കുകയും ചെയ്തു.

മുസഫര്‍ നഗര്‍ കലാപത്തില്‍ പ്രതിസ്ഥാനത്ത് ഉണ്ടായിരുന്ന ആള്‍ കൂടിയാണ് സംഗീത് സോം. 2015ല്‍ ബീഫ് സൂക്ഷിച്ചെന്നാരോപിച്ച് മുഹമ്മദ് അഖ്‌ലാഖിനെ സംഘ്പരിവാറുകാര്‍ തല്ലിക്കൊന്നപ്പോള്‍ ജാതീയമായി ഇതിനെ പ്രതിരോധിക്കാനായി ബി.ജെ.പി ഹൈക്കമാന്റ് രംഗത്തിറക്കിയത് സംഗീത് സോം അടക്കം അഞ്ചു നേതാക്കളെയായിരുന്നു.

ഔദ്യോഗികമായി സംഗീത് സോമിന്റെ പ്രസ്താവനകളില്‍ നിന്നും ബി.ജെ.പി നേതൃത്വം അകലം പാലിക്കുന്നുണ്ടെങ്കിലും വിവാദങ്ങള്‍ക്ക് എണ്ണ പകരാന്‍ വേണ്ടി അദ്ദേഹത്തെ പാര്‍ട്ടി വിദഗ്ധമായി ഉപയോഗിക്കുന്നുണ്ടെന്നതാണ് വസ്തുത. താജ്മഹലിനെ കുറിച്ചുള്ള സംഗീത് സോമിന്റെ പ്രസ്താവനകളും സരയു തീരത്ത് 100 മീറ്റര്‍ ഉയരമുള്ള രാമ പ്രതിമ സ്ഥാപിക്കാനുള്ള മുഖ്യമന്ത്രി യോഗി ആദിത്യനാഥിന്റെ തീരുമാനവും വരാനിരിക്കുന്ന തദ്ദേശ തെരഞ്ഞെടുപ്പിനായുള്ള ബി.ജെ.പിയുടെ ഒരുക്കങ്ങളായാണ് വിലയിരുത്തുന്നത്.

പല കാരണങ്ങള്‍ കൊണ്ടും ബി.ജെ.പി നേതൃത്വത്തിന് യു. പി തദ്ദേശ തെരഞ്ഞെടുപ്പ് നിര്‍ണായകമാണ്. നവംബറില്‍ ഹിമാചല്‍, ഗുജറാത്ത് നിയമസഭാ തെരഞ്ഞെടുപ്പ് നടക്കാനിരിക്കെ തദ്ദേശ തെരഞ്ഞെടുപ്പ് മറ്റിടങ്ങളില്‍ ബാധിച്ചേക്കുമെന്ന് ബി. െജ.പി നേതൃത്വം ഭയപ്പെടുന്നു. ഇതിനു പുറമെ ആദിത്യനാഥിന്റെ മണ്ഡലമായ ഗോരക്പൂര്‍, ഉപമുഖ്യമന്ത്രിയുടെ മണ്ഡലമായ ഫു ല്‍പൂര്‍ എന്നിവിടങ്ങളിലേക്ക് ഉപതെരഞ്ഞെടുപ്പ് നടക്കാനിരിക്കുന്നതിനാല്‍ തദ്ദേശ തെരഞ്ഞെടുപ്പ് ഫലം ലോക്‌സഭാ ഉപതെരഞ്ഞെടുപ്പിലും പ്രതിഫലിച്ചേക്കും. ഇതോടൊപ്പം എട്ടു മാസം പ്രായമായ യോഗി മന്ത്രിസഭ നേരിടുന്ന ആദ്യ വെല്ലുവിളി കൂടിയാണ് തദ്ദേശ തെരഞ്ഞെടുപ്പ്.

നോട്ട് അസാധുവാക്കലിന് പിന്നാലെ സംസ്ഥാന ഭരണം നേടിയ ബി.ജെ.പി യു.പി തെരഞ്ഞെടുപ്പ് വിജയമാണ് കേന്ദ്രത്തിന്റെ നോട്ട് അസാധുവാക്കല്‍ വിജയമെന്ന് സ്ഥാപിക്കാനായി ഇപ്പോഴും ഉന്നയിക്കുന്നത്. തദ്ദേശ തെരഞ്ഞെടുപ്പ് വിജയം ജി.എസ്.ടി വിജയമായി ഉന്നയിക്കാമെന്നും ബി.ജെ.പി നേതൃത്വം കണക്കു കൂട്ടുന്നു. കഴിഞ്ഞ ആഴ്ച കാണ്‍പൂരില്‍ നടന്ന ബി.ജെ.പിയുടെ സംസ്ഥാന പ്രവര്‍ത്തക സമിതിയില്‍ തദ്ദേശ തെരഞ്ഞെടുപ്പിന് വേണ്ടിയുള്ള തയാറെടുപ്പുകള്‍ ചര്‍ച്ച ചെയ്തിരുന്നു.

ഇതിനു പിന്നാലെയാണ് മുഖ്യമന്ത്രിയും സംഗീത് സോമും വിവിധ പ്രസ്താവനകളുമായി എത്തിയതെന്നതും ശ്രദ്ധേയമാണ്.  യൂണിവേഴ്‌സിറ്റികളിലെ തെരഞ്ഞെടുപ്പ് പരാജയത്തിനു പുറമെ ഗുരുദാസ്പൂര്‍, നന്ദേഡ് സിവിക് പോള്‍, വേങ്ങര ഉപതെരഞ്ഞെടുപ്പ് എന്നിവിടങ്ങളില്‍ ശക്തമായ തിരിച്ചടിയേറ്റ ബി. ജെ.പിക്ക് 2019ലെ പൊതു തെരഞ്ഞെടുപ്പിന് മുമ്പ് അണികളെ കൂടെ നിര്‍ത്തണമെങ്കില്‍ തെരഞ്ഞെടുപ്പ് വിജയം അനിവാര്യമാണ്. സംഗീത് സോമിനെ പോലെ യു.പിയിലെ തീവ്ര ഹിന്ദുത്വ വാദികളായ നേതാക്കളെല്ലാം യോഗി ആദിത്യനാഥ് അധികാരത്തിലെത്തിയതോടെ തല്‍ക്കാലത്തേക്ക് നിശബ്ധത പാലിക്കുന്നുണ്ടെങ്കിലും തദ്ദേശ തെരഞ്ഞെടുപ്പ് അടുക്കുന്നതോടെ ഇവര്‍ വീണ്ടും വിവാദ പരാമര്‍ശങ്ങളുമായി രംഗത്തെത്താന്‍ സാധ്യതകള്‍ ഏറെയാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Film

‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്

Published

on

പിവിആർ– മലയാള സിനിമ തർക്കം പുതിയ തലത്തിലേക്ക്. പ്രദർശനം നിർത്തിയതിനെ തുടർന്നുണ്ടായ നഷ്ടം നികത്താതെ മലയാള സിനിമകൾ ഇനി പിവിആർ തിയറ്ററുകളിൽ പ്രദർശിപ്പിക്കില്ലെന്നു ഫെഫ്ക അറിയിച്ചു. വിർച്വൽ പ്രിന്റ് ഫീ (വിപിഎഫ്) വിഷയത്തിൽ പിവിആറും പ്രൊഡ്യൂസേഴ്സ് അസോസിയേഷനുമായുള്ള ചർച്ചകൾ നടക്കുന്നതിനിടെ ഏകപക്ഷീയമായി രാജ്യത്താകെയുള്ള പിവിആർ സ്ക്രീനുകളിൽ മലയാള സിനിമകൾ ബഹിഷ്കരിച്ചെന്നു ഫെഫ്ക ജനറൽ സെക്രട്ടറി ബി.ഉണ്ണികൃഷ്ണൻ പറഞ്ഞു.

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്. ഡിജിറ്റൽ കണ്ടന്റ് പ്രൊജക്‌ഷനെ തുടർന്നുള്ള തർക്കവുമായി ബന്ധപ്പെട്ടായിരുന്നു തീരുമാനം. 11-ന് റിലീസിനൊരുങ്ങിയ മൂന്നിലധികം മലയാള സിനിമകളുടെ പിവിആറിലെ ഷോകളാണ് ഇതോടെ മുടങ്ങിയത്. കൊച്ചി, തിരുവനന്തപുരം എന്നിവിടങ്ങളിലൊന്നും മലയാള സിനിമകളുടെ പ്രദർശനം പിവിആർ് ഇപ്പോൾ നടത്തുന്നില്ല.

ഉണ്ണികൃഷ്ണനെ കൂടാതെ സിബി മലയിൽ, രൺജി പണിക്കർ, സോഹൻ സീനുലാൽ, നിലവിൽ തിയറ്ററുകളിൽ പ്രദർശിപ്പിക്കുന്ന സിനിമകളെ പ്രതിനിധീകരിച്ച് ബ്ലെസി, വിനീത് ശ്രീനിവാസൻ, വിശാഖ് സുബ്രഹ്മണ്യം, അൻവർ റഷീദ്, സൗബിൻ ഷാഹിർ, ജിത്തു മാധവന്‍ തുടങ്ങിയവർ ചേർന്നാണു തീരുമാനങ്ങള്‍ പ്രഖ്യാപിച്ചത്. മുൻകൂറായി വിപിഎഫ് തുക അടച്ചിട്ടുപോലും ആടുജീവിതത്തിന്റെ പ്രദർശനം നിർത്തുന്നതു ഫോൺ വഴി പോലും അറിയിച്ചില്ലെന്നു ബ്ലെസി പറഞ്ഞു. മറ്റു സംസ്ഥാനങ്ങളിലെങ്കിലും പ്രദർശിപ്പിക്കണമെന്ന് ആവശ്യപ്പെട്ടിട്ടും അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.

Continue Reading

Trending