Connect with us

Video Stories

ട്രംപും ഓസ്‌ട്രേലിയന്‍ പ്രധാനമന്ത്രിയും ഫോണിലൂടെ കലഹിച്ചു

Published

on

വാഷിങ്ടണ്‍: അമേരിക്കന്‍ പ്രസിഡന്റ് ഡൊണാള്‍ഡ് ട്രംപും ഓസ്‌ട്രേലിയന്‍ പ്രധാനമന്ത്രി മാല്‍ക്കം ടേണ്‍ബുള്ളും തമ്മില്‍ ഫോണിലൂടെ വാക്കുതര്‍ക്കം. ഏറെ പരുഷമായാണ് ടേണ്‍ബുള്ളിനോട് ട്രംപ് സംസാരിച്ചത്. ഒരു മണിക്കൂര്‍ നീണ്ടുനില്‍ക്കേണ്ട ഫോണ്‍ സംഭാഷണം 25 മിനുട്ട് കഴിയും മുമ്പ് തന്നെ ട്രംപ് ഫോണ്‍ കട്ട് ചെയ്ത് അവസാനിപ്പിച്ചതായും വാഷിങ്ടണ്‍ പോസ്റ്റ് പറയുന്നു. ഇന്ന് റഷ്യന്‍ പ്രസിഡന്റ് വ്‌ളാദ്മിര്‍ പുടിന്‍ അടക്കം നാല് രാഷ്ട്രത്തലവന്മാരുമായി സംസാരിച്ചതില്‍ ഏറ്റവും മോഷപ്പെട്ട സംഭാഷണമാണ് ഇതെന്ന് അദ്ദേഹം ടേണ്ബുള്ളിനോട് പറഞ്ഞു.

അഭയാര്‍ത്ഥി പുനരവധിവാസ കരാറിനെ ചൊല്ലിയാണ് ഇരുനേതാക്കളും ഇടഞ്ഞത്. ഓസ്‌ട്രേലിയന്‍ തടങ്കല്‍ പാളയങ്ങളിലുള്ള 1250 അഭയാര്‍ത്ഥികളെ അമേരിക്കക്ക് കൈമാറാന്‍ മുന്‍ പ്രസിഡന്റ് ബറാക് ഒബാമയുടെ കാലത്ത് രണ്ട് രാജ്യങ്ങളും കരാറിലെത്തിയിരുന്നു.
ഓസ്‌ട്രേലിയന്‍ അഭയാര്‍ത്ഥി തടങ്കല്‍ പാളയങ്ങളിലുള്ളവരില്‍ ഭൂരിഭാഗവും സിറിയ, ഇറാഖ്, അഫ്ഗാനിസ്താന്‍ എന്നീ രാജ്യക്കാരാണ്. ഏഴ് മുസ്്‌ലിം രാജ്യങ്ങളില്‍നിന്നുള്ളവര്‍ക്ക് വിലക്കേര്‍പ്പെടുത്തി ഉത്തരവിറക്കിയിട്ടുണ്ടെങ്കിലും നേരത്തെ ഒപ്പുവെച്ച കരാര്‍ മാനിക്കണമെന്ന് ടേണ്‍ബുള്‍ ആവശ്യപ്പെട്ടതാണ് ട്രംപിനെ രോഷാകുലനാക്കിയത്.

റഷ്യയിലെ കോക്കസസ് മേഖലയില്‍നിന്ന് അമേരിക്ക ഇനിയും ബോസ്റ്റ്ണ്‍ ബോംബറുകളെ സ്വീകരിക്കണോ എന്ന് അദ്ദേഹം ചോദിച്ചു. ഫോണ്‍ സംഭാഷണത്തിന്റെ വിശദാംശങ്ങള്‍ പരസ്യമായതില്‍ ടേണ്‍ബുള്‍ നിരാശപ്രകടിപ്പിച്ചു. അമേരിക്കയുമായി ഉറ്റ നയതന്ത്ര ബന്ധമുള്ള രാജ്യമാണ് ഓസ്‌ട്രേലിയ. ഒബാമയുടെ കാലത്ത് രണ്ട് രാജ്യങ്ങളും നിരവധി കരാറുകളില്‍ ഒപ്പുവെച്ചിരുന്നു. ട്രംപിന്റെ വരവ് ഓസ്‌ട്രേലിയയും അമേരിക്കയും തമ്മിലുള്ള നയതന്ത്ര ബന്ധത്തെ വഷളാക്കുമോ എന്ന് ആശങ്കയുണ്ട്.

വാഷിങ്ടണ്‍ പോസ്റ്റ് വാര്‍ത്ത പുറത്തുവന്ന ശേഷം ഓസ്‌ട്രേലിയയുമായുള്ള അഭയാര്‍ത്ഥി കരാറനെ ചോദ്യംചെയ്ത് ട്രംപ് വീണ്ടും രംഗത്തെത്തി. കുടിയേറ്റക്കാരെ ഏറ്റെടുക്കുമെന്ന് ഒബാമയുടെ കാലത്ത് ഉറപ്പുകൊടുത്തതായി വിശ്വസിക്കാന്‍ സാധിക്കുമോ എന്നും അത്തരമൊരു നടക്കാത്ത കരാറിനെക്കുറിച്ച താന്‍ എന്തിന് പഠിക്കണമെന്നും അദ്ദേഹം ട്വിറ്ററില്‍ കുറിച്ചു.

മെക്‌സിക്കോ അടക്കമുള്ള പല രാജ്യങ്ങളുടെയും രാഷ്ട്രത്തലന്മാരോട് ട്രംപ് കര്‍ക്കശ ഭാഷയിലാണ് സംസാരിച്ചതെന്ന് യു.എസ് വൃത്തങ്ങള്‍ പറയുന്നു. അല്‍പമെങ്കിലും മയപ്പെട്ടത് ഓസ്‌ട്രേലിയന്‍ പ്രധാനമന്ത്രിയോടാണെന്നും അവര്‍ അറിയിച്ചു. അന്താരാഷ്ട്ര സമൂഹത്തില്‍ അമേരിക്കയെ ഒറ്റപ്പെടുത്തുന്ന നീക്കങ്ങളുമായി ട്രംപ് മുന്നോട്ടുപോകുകയാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

Football

ഇനി ഫുട്‌ബോള്‍ വസന്തത്തിന്റെ നാളുകള്‍; കോപ്പയ്ക്ക് നാളെ കിക്കോഫ്‌

15 നഗരങ്ങളിലായി 15 സ്റ്റേഡിയങ്ങളിലാണ് കോപ്പ അമേരിക്ക മത്സരങ്ങള്‍ നടക്കുക.

Published

on

സഹീലു റഹ്മാന്‍

കോപ്പ അമേരിക്ക 48-ാം പതിപ്പിന് നാളെ തുടക്കം. അമേരിക്ക ആതിഥേയത്വം വഹിക്കുന്ന ഇത്തവണത്തെ ടൂര്‍ണമെന്റില്‍ നിലവിലെ ചാംമ്പ്യന്‍മാരായ അര്‍ജന്റീനയും കാനഡയും തമ്മിലാണ് ഉദ്ഘാടന മത്സരം. ഇന്ത്യന്‍ സമയം പുലര്‍ച്ചെ 5.30 മുതലാണ് മത്സരം ആരംഭിക്കുന്നത്. 15 നഗരങ്ങളിലായി 15 സ്റ്റേഡിയങ്ങളിലാണ് കോപ്പ അമേരിക്ക മത്സരങ്ങള്‍ നടക്കുക. നാല് ഗ്രൂപ്പുകളിലായാണ് മത്സരം നടക്കുക. ചാമ്പ്യന്‍ഷിപ്പിന് ആദ്യ വിസില്‍ മുഴങ്ങുമ്പോള്‍ ലോകം ഒരു മിനിവേള്‍ഡ്കപ്പിന്റെ ആരവങ്ങളിലമരും.

ദേശീയ ടീമുകള്‍ ഉള്‍പ്പെടുന്ന ലോകത്തിലെ പഴക്കമുള്ള ഫുട്‌ബോള്‍ ടൂര്‍ണമെന്റായ കോപ്പ അമേരിക്കയില്‍ ഫേവറേറ്റുകളായി അര്‍ജന്റീനയും, ബ്രസീലും, ഉറുഗ്വേയും, കൊളംബിയയും ഒക്കെ എത്തുമ്പോള്‍ മത്സരത്തിന് വീറും വാശിയും നിറയും.

നിലവിലെ കോപ്പ അമേരിക്ക ചാമ്പ്യന്മാരാണ് സാക്ഷാല്‍ ലിയോ മെസ്സിയുടെ അര്‍ജന്റീന. ഏറ്റവും കൂടുതല്‍ കോപ്പ നേടിയിട്ടുള്ള ബഹുമതിയും അര്‍ജന്റീനയ്ക്കുണ്ട്. ഫുട്‌ബോള്‍ ഗോട്ട് എന്ന് വിശേഷിപ്പിക്കുന്ന ലയണല്‍ മെസ്സി തന്നെയാണ് ആല്‍ബിസെലിസ്റ്റകളുടെ തുറുപ്പ്ചീട്ട്. നീണ്ട നാളത്തെ കിരീട വരള്‍ച്ച മെസ്സിയും സംഘവും കോപ്പയിലൂടെയാണ് മാറ്റി കുറിച്ചത്. മാരക്കാനയില്‍ ബ്രസീലിനെ മുട്ടുകുത്തിച്ചാണ് അര്‍ജന്റീന കിരീടക്ഷാമം ഇല്ലാതാക്കിയത്. കഴിഞ്ഞ സൗഹൃദ മത്സരത്തില്‍ ഗ്വാട്ടിമാലയെ തകര്‍ത്ത ആത്മവിശ്വാസത്തിലാണ് അര്‍ജന്റീന ഇറങ്ങുന്നത്.

മെസ്സിയെ കൂടാതെ വെറ്ററന്‍ വിങര്‍ ഡിമരിയ, ലോകകപ്പ് ഗോള്‍ഡന്‍ ഗ്ലോവ് വിന്നര്‍ എമി മാര്‍ട്ടിനെസ്, പ്രതിരോധത്തില്‍ ക്രിസ്റ്റ്യന്‍ റൊമേറോ, നിക്കോളാസ് ഒട്ടാമെന്‍ഡി, ലിസാന്‍ഡ്രോ മാര്‍ട്ടിനെസ് എന്നിവര്‍ ടീമിലുണ്ട്. സീരി എയിലെ ടോപ് സ്‌കോറര്‍ ലൗട്ടാരോ മാര്‍ട്ടിനെസ്, മാഞ്ചസ്റ്റര്‍ സിറ്റിയുടെ ജൂലിയന്‍ അല്‍വാരസ് എന്നിവര്‍ മുന്നേറ്റ നിരയില്‍ കളിക്കും. എഎസ് റോമയ്ക്കായി 16 ഗോളുകളും 10 അസിസ്റ്റുകളും നേടിയിട്ടും പൗലോ ഡിബാലയ്ക്ക് താല്‍ക്കാലിക ടീമില്‍ പോലും ഇടം ലഭിച്ചിരുന്നില്ല. കോപ്പ അമേരിക്കയില്‍ ഗ്രൂപ്പ് എയിലാണ് അര്‍ജന്റീന.

ടൂര്‍ണമെന്റില്‍ പത്താം കിരീടമാണ് ബ്രസീലിന്റെ ലക്ഷ്യം. സൂപ്പര്‍ താരം നെയ്മറിന്റെ അഭാവം ബ്രസീലിനുണ്ട്. സ്ഥിരം വില്ലനാകുന്ന പരിക്ക്് തന്നെയാണ് നെയ്മറിനെ ടീമില്‍ നിന്ന് തടഞ്ഞത്. സംാബാ താളക്കാരുടെ എല്ലാ കണ്ണുകളും റയല്‍ മാഡ്രിഡ് സൂപ്പര്‍ താരമായ വിനിഷ്യസ് ജൂനിയറിന്‍ മേലാണ്. കൂടാതെ ബാഴ്‌സ താരം റഫീഞ്ഞ, റോഡ്രിഗോ ,മാര്‍ട്ടിനെല്ലി, ബ്രൂണോ തുടങ്ങിയ പ്രമുഖ താരങ്ങളും ബ്രസീല്‍ ടീമിലുണ്ട്.

സുവാരസിന്റെ മികവില്‍ പന്ത് തട്ടാന്‍ ഇറങ്ങുന്ന ഉറുഗ്വേയും മികച്ച ടീമുമാണ് ടൂര്‍ണമെന്റിലേക്ക് വരുന്നത്. യുവനിരയാണ് ഉറുഗ്വേയുടെ കരുത്ത്. ടൂര്‍ണമെന്റിലെ കറുത്ത കുതിരകളാകാന്‍ മെക്‌സിക്കോയും,വെനസ്വലയും, ഇക്വാഡറുമൊക്കെ പന്തു തട്ടുമ്പോള്‍ തീപാറും മത്സരം തന്നെ പ്രതീക്ഷിക്കാം.

അര്‍ജന്റീനയും ഉറുഗ്വേയും 15 തവണ വീതം കോപ്പ കിരീടം നേടിയിട്ടുണ്ട്. ബ്രസീല്‍ 9 തവണയും. ചിലി, പരാഗ്വയ്, പെറു ടീമുകള്‍ 2 തവണ വീതവും ബൊളീവിയ, കൊളംബിയ എന്നിവര്‍ ഓരോ തവണയും കിരീടം നേടി. രണ്ടു വന്‍കരകളില്‍ നിന്നായി 16 ടീമുകള്‍ മത്സരിക്കുന്നുണ്ടെങ്കിലും കോപ്പയില്‍ ഇത്തവണയും ആരാധകര്‍ കാത്തിരിക്കുന്നത് അര്‍ജന്റീന-ബ്രസീല്‍ നേര്‍ക്കുനേര്‍ പോരാട്ടത്തിനാവും. പക്ഷേ അര്‍ജന്റീന എ ഗ്രൂപ്പിലും ബ്രസീല്‍ ഡി ഗ്രൂപ്പിലും ആയതിനാല്‍ ഫൈനലില്‍ മാത്രമേ അതിനു സാധ്യതയുള്ളൂ.

 

Continue Reading

india

രാഹുൽ ഗാന്ധിക്ക് ഇന്ന് 54ാം ജന്മദിനം

ഡല്‍ഹിയിലെ നമ്പര്‍ 10 ജനപഥിലെ സോണിയ ഗാന്ധിയുടെ വസതിക്ക് മുന്നില്‍ പ്രവര്‍ത്തകര്‍ ബാനറുകളുയര്‍ത്തി ആഘോഷപ്രകടനം നടത്തി.

Published

on

കോണ്‍ഗ്രസ് നേതാവും എം.പിയുമായ രാഹുല്‍ ഗാന്ധിക്ക് ഇന്ന് 54ാം ജന്മദിനം. രാഷ്ട്രീയ നേതാക്കളും മറ്റ് പ്രമുഖരും പാര്‍ട്ടി പ്രവര്‍ത്തകരും രാഹുല്‍ ഗാന്ധിക്ക് ആശംസ നേര്‍ന്നു.

കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ രാഹുലിന് ആശംസ നേര്‍ന്നു. ഇന്ത്യന്‍ ഭരണഘടന ഉയര്‍ത്തിപ്പിടിക്കുന്ന മൂല്യങ്ങളോടുള്ള അചഞ്ചലമായ പ്രതിബദ്ധതയും കേള്‍ക്കപ്പെടാതെ പോകുന്ന ദശലക്ഷക്കണക്കിനാളുകളുടെ ശബ്ദത്തോടുള്ള ദൃഢമായ അനുകമ്പയും താങ്കളെ വ്യത്യസ്തനാക്കുന്നുവെന്ന് ഖാര്‍ഗെ ആശംസയില്‍ പറഞ്ഞു.

സന്തോഷം നിറഞ്ഞ ഒരു വര്‍ഷമുണ്ടാകട്ടെയെന്ന് ആശംസിക്കുന്നതായി മുഖ്യമന്ത്രി പിണറായി വിജയന്‍ ജന്മദിനാശംസയില്‍ പറഞ്ഞു. രാജ്യത്തെ ജനങ്ങളോടുള്ള അര്‍പ്പണബോധം രാഹുലിനെ ഉയരങ്ങളിലേക്ക് നയിക്കുമെന്ന് തമിഴ്‌നാട് മുഖ്യമന്ത്രി എം.കെ. സ്റ്റാലിന്‍ ആശംസയില്‍ പറഞ്ഞു. വരുംനാളുകളിലും മുന്നേറാനും വിജയിക്കാനും കഴിയട്ടെയെന്ന് അദ്ദേഹം എക്‌സില്‍ പറഞ്ഞു.

‘എല്ലായ്പ്പോഴും എന്റെ സുഹൃത്ത്, സഹയാത്രികനും, വഴികാട്ടിയും, തത്ത്വചിന്തകന്‍, നേതാവുമാണ്’ രാഹുലെന്ന് സഹോദരി പ്രിയങ്ക ഗാന്ധി എക്‌സില്‍ എഴുതി. നിങ്ങളെ ഞാന്‍ ഏറ്റവും കൂടുതല്‍ സ്‌നേഹിക്കുന്നു. ജീവിതത്തെയും പ്രപഞ്ചത്തെയും എല്ലാറ്റിനെയും കുറിച്ചുള്ള അതുല്യമായ വീക്ഷണ പാത പ്രകാശിപ്പിക്കുന്ന എന്റെ പ്രിയ സഹോദരന് ജന്മദിനാശംസകള്‍ എന്നും പ്രിയങ്ക പങ്കുവെച്ച കുറിപ്പില്‍ പറയുന്നു.

ഡല്‍ഹിയിലെ നമ്പര്‍ 10 ജനപഥിലെ സോണിയ ഗാന്ധിയുടെ വസതിക്ക് മുന്നില്‍ പ്രവര്‍ത്തകര്‍ ബാനറുകളുയര്‍ത്തി ആഘോഷപ്രകടനം നടത്തി. പാര്‍ട്ടി ആസ്ഥാനത്തും ജന്മദിനാഘോഷം നടന്നു.

Continue Reading

Education

പ്ലസ് വണ്‍ മൂന്നാം ഘട്ട അലോട്ട്‌മെന്റ്: മലപ്പുറം ജില്ലയില്‍ സീറ്റ് പ്രതിസന്ധി രൂക്ഷം

82,446 ആണ് ജില്ലയിലെ അപേക്ഷകരുടെ എണ്ണം. മെറിറ്റ് 50,080 ആണ് സീറ്റുകള്‍. പ്രവേശനം ലഭിച്ച വിദ്യാര്‍ത്ഥികളുടെ എണ്ണം 50,036 ആണ്.

Published

on

പ്ലസ് വണ്‍ മൂന്നാം ഘട്ട അലോട്ട്മെന്റ് വന്നിട്ടും മലപ്പുറം ജില്ലയില്‍ സീറ്റ് പ്രതിസന്ധി രൂക്ഷം. 82,446 ആണ് ജില്ലയിലെ അപേക്ഷകരുടെ എണ്ണം. മെറിറ്റ് 50,080 ആണ് സീറ്റുകള്‍. പ്രവേശനം ലഭിച്ച വിദ്യാര്‍ത്ഥികളുടെ എണ്ണം 50,036 ആണ്. 32,410 വിദ്യാര്‍ത്ഥികള്‍ക്ക് ഇനിയും അവസരം ലഭിച്ചിട്ടില്ല. മെറിറ്റില്‍ ഇനി ശേഷിക്കുന്നത് 44 സീറ്റുകള്‍ മാത്രമാണ്. മാനേജ്മെന്റ്, സ്പോര്‍ട്സ്, കമ്മ്യൂണിറ്റി ക്വാട്ടകള്‍ ഉള്‍പ്പടെ ചേര്‍ത്താലും ബാക്കിയുള്ളത് 6437 സീറ്റുകള്‍ മാത്രമായിരിക്കും.

ഇതുള്‍പ്പെടെ പരിഗണിച്ചാലും 25973 വിദ്യാര്‍ഥികള്‍ പുറത്ത് നില്‍ക്കേണ്ടിവരും. ഇവര്‍ സ്വകാര്യ വിദ്യാഭ്യാസ സ്ഥാപനങ്ങളെയോ സമാന്തര വിദ്യാഭ്യാസ സംവിധാനങ്ങളെയോ ആശ്രയിക്കേണ്ടി വരും. സ്വകാര്യ മേഖലയെ ആശ്രയിച്ചാലും ജില്ലക്ക് രക്ഷയില്ല. ജില്ലയില്‍ അണ്‍എയ്ഡഡ് സ്‌കൂളുകളില്‍ ശേഷിക്കുന്നത് 10,877 സീറ്റുകള്‍ മാത്രമാണ്. അപ്പോഴും 15,096 വിദ്യാര്‍ത്ഥികള്‍ പുറത്ത് തന്നെ നില്‍ക്കണം.

 

Continue Reading

Trending