ലോക്സഭാ പ്രതിപക്ഷ നേതാവ് രാഹുല് ഗാന്ധിയെ ഉത്തര്പ്രദേശിലെ നോയിഡ ജില്ലാ കളക്ടര് ‘പപ്പു’ എന്ന് വിശേഷിപ്പിച്ച സംഭവത്തില് വിവാദം മുറുകുന്നു. കളക്ടര് മനീഷ് വര്മയാണ് രാഹുലിനെ പപ്പുവെന്ന് സോഷ്യല് മീഡിയയില് വിശേഷിപ്പിച്ചത്.
കോണ്ഗ്രസ് വക്താവ് സുപ്രിയ ശ്രീനേറ്റിന്റെ എക്സ് പോസ്റ്റിന് കളക്ടറുടെ ഔദ്യോഗിക അക്കൗണ്ടില് നിന്ന് പ്രതികരണമുണ്ടാവുകയായിരുന്നു. ‘നിങ്ങള് നിങ്ങളെ കുറിച്ചും നിങ്ങളുടെ പപ്പുവിനെ കുറിച്ചും മാത്രം ചിന്തിച്ചാല് മതി,’ എന്നായിരുന്നു കമന്റ്. ഇതിനെതിരെ കോണ്ഗ്രസ് രൂക്ഷവിമര്ശനം ഉയര്ത്തിയതോടെ കമന്റ് ഡിലീറ്റ് ചെയ്യുകയുമുണ്ടായി.