പതിമൂന്നു വര്‍ഷമായി ആഭ്യന്തര യുദ്ധം തുടരുന്ന സിറിയ ഒടുവില്‍ വിമതരുടെ ആധിപത്യത്തിനു കീഴിലായിരിക്കുന്നു. 54 വര്‍ഷത്തിനുശേഷം അസദ് കുടുംബം രാ ജ്യത്തിന്റെ അധികാര പദവയില്‍ നിന്ന് താഴെയിറങ്ങിയിരിക്കുകയാണ്. 1970ല്‍ ബഷാറുല്‍ അസദിന്റെ പിതാവ് ഹാഫിസ് അസദ് അട്ടിമറിയിലൂടെ അധികാരത്തിലെത്തുകയും 2000 ല്‍ അദ്ദേഹത്തിന്റെ വിയോഗത്തോടെ ബഷാറുല്‍ അസദ് പിന്തുടര്‍ച്ചാവകാശിയായെത്തുകയും ചെയ്ത ഭരണ സംവിധാനത്തിനാണ് ഇന്നലെ പുലര്‍ച്ചെയോടെ തിശ്ശിലവീണിരിക്കുന്നത്. 2011 ലെ അറബ് വിപ്ലവത്തിന്റെ അലയൊലിയെന്നോണമാണ് സിറിയയിലും രാഷ്ട്രിയാന്തരീക്ഷം വഷളായത്. അസദ് കുടുംബത്തിന്റെ അധികാരവാഴ്ച്ച അവസാനിപ്പിക്കണമെന്നും രാജ്യത്ത് ജനാധിപത്യം അനുവദിക്കണമെന്നുമാവശ്യപ്പെട്ടുമായിരുന്നു പ്രക്ഷോഭം ഉടലെടുത്തത്. വിമതരുടെ ശക്തമായ മുന്നേറ്റത്തില്‍ ഭരണകൂടം പതറിപ്പോകുമെന്ന് പ്രതീക്ഷിച്ചു വെങ്കിലും ഇറാന്റെയും റഷ്യയുടെയുമെല്ലാം സഹായത്തോടെ അസദ് കരുത്തുറ്റ ചെറുത്തുനില്‍പ്പ് നടത്തുകയും തിരിച്ചുവരികയും ചെയ്യുന്നതാണ് കണ്ടത്. പക്ഷേ തിരിച്ചടികളിലും പിടിച്ചുനിന്ന വിമതര്‍ നീണ്ട പതിമൂന്നുവര്‍ഷത്തിനുശേഷം രാജ്യത്തെ തന്നെ കൈപ്പിടിയിലൊതുക്കിയിരിക്കുകയാണ്.

രാജ്യത്തെ അസ്ഥിരപ്പെടുത്താന്‍ സിറിയയിലേക്ക് അയച്ച വിദേശ സ്‌പോണ്‍സര്‍ ചെയ്ത ‘സായുധ സംഘങ്ങളുടെ’ സ്യഷ്ടിയാണ് കലാപമെന്നാണ് ബഷാറുല്‍ അസദും ഭരണകൂടവും വിശ്വസിക്കുന്നത്. 2011 ല്‍ തന്നെ സിറിയ അന്താരാഷ്ട്ര ഒറ്റപ്പെടലിലേക്ക് നിങ്ങിയിരുന്നുവെന്നത് അസദിന്റെ ആരോപണങ്ങള്‍ക്ക് ബലം നല്‍കുന്നതാണ്. അമേരിക്കയും യൂറോപ്യന്‍ യൂണിയനും അസദിനെ ലക്ഷ്യമിട്ടുള്ള യാത്രാ നിരോധനവും ആസ്തി മരവിപ്പിക്കലും ഉള്‍പ്പെടെയുള്ള ഉപരോധങ്ങള്‍ ഏര്‍പ്പെടുത്തി. രാജ്യത്തെ വഷളായിക്കൊണ്ടിരിക്കുന്ന മാനുഷിക സാഹചര്യത്തിന്റെ പേരില്‍ അന്താരാഷ്ട്ര സൈനിക ഇടപെടലിനും ഇവര്‍ ആഹ്വാനം ചെയ്തുകൊണ്ടേയിരുന്നു. 2011ല്‍ വിമതര്‍ സ്വതന്ത്ര സിറിയന്‍ ആര്‍മി (എഫ്.എസ്.എ) രൂപീകരിക്കുകയും 2012 ആയപ്പോഴേക്കും രാജ്യം ആഭ്യന്തര യുദ്ധത്തിലേക്ക് വഴുതിവീണതും ഐ.എസ്.ഐ.എസ് ഉള്‍പ്പെടെയുള്ള പുതിയ ശക്തികള്‍ ഭരണകൂടത്തിനെതിരായ പോരാട്ടത്തില്‍ അണിനിരന്നതുമെല്ലാം അന്താരാഷ്ട്ര ഇടപെ ടലുകള്‍ അടിവരയിടുന്ന നീക്കങ്ങളാണെന്ന കാര്യത്തില്‍ സംശയമില്ല. ഡമാസ്‌കസിന് പുറത്ത് നടന്ന രാസായുധ ആക്രമണങ്ങളില്‍ നൂറുകണക്കിന് ആളുകള്‍ കൊല്ലപ്പെട്ടത് അമേരിക്ക ഒരു അവസരമാക്കിമാറ്റുകയാണുണ്ടായത്. സംഘര്‍ഷങ്ങളുടെ തുടക്കത്തില്‍ പ്രത്യക്ഷ ഇടപെടലിന് വിമുഖത കാണിച്ചിരുന്ന അവര്‍ രാസായുധ പ്രയോഗത്തിന്റെ ഉത്തരവാദിത്തം അസദ് ഭരണകൂടത്തിന്റെ ച മലില്‍ കെട്ടിവെക്കുകയും പ്രത്യക്ഷമായി തന്നെ യുദ്ധത്തില്‍ പങ്കാളികളായി മാറുകയുമായിരുന്നു. 2014 ല്‍ ഇറാഖിലെയും സിറിയയിലെയും വലിയ പ്രദേശങ്ങള്‍ ഐസിസിന് പിടിച്ചെടുക്കാന്‍ സാധിച്ചതും ഇവിടെ ചേര്‍ത്തു വായിക്കേണ്ടതാണ്.

ബഷാറുല്‍ അസദിന്റെ ഏകാധിപത്യ സമീപനങ്ങളെ ന്യായീകരിക്കാനോ ഭരണകൂടത്തിനെതിരെ ഉയര്‍ന്ന ജനങ്ങളുടെ പ്രതിഷേധങ്ങളെ കണ്ടില്ലെന്നു നടിക്കാനോ സാധിക്കില്ലെങ്കിലും സിറിയയിലും നടപ്പാക്കപ്പെട്ടുകൊണ്ടിരിക്കുന്നത് അമേരിക്കയുടെയും പശ്ചാത്യ ശക്തികളുടെയും താല്‍പര്യങ്ങളാണ് എന്നതാണ് യാഥാര്‍ത്ഥ്യം. ഇസ്രാഈലിന്റെ നരനായാട്ടിന് സര്‍വ പിന്തുണയും നല്‍കി ഫലസ്തിന്‍ അധിനിവേശത്തെ ജ്വലിപ്പിച്ചു നിര്‍ത്തുന്ന ഇക്കൂട്ടര്‍ സംഘര്‍ഷത്തെ പശ്ചിമേഷ്യയൊന്നാകെ വ്യാപിപ്പിക്കാനുള്ള ഭഗീര പ്രയത്‌നത്തിലാണ് ഇപ്പോള്‍ ഏര്‍പ്പെട്ടിരിക്കുന്നത്. ഹമാസ് നേതാവ് ഇസ്മാഈല്‍ ഹനിയയെ സ്വന്തം രാജ്യത്ത് വെച്ച് കൊലപ്പെടുത്തിയും ലബനോണിലും സിറിയയിലും വിമത മുറ്റേങ്ങള്‍ക്ക് സഹായംചെയ്തും ഇറാനെ പ്രകോപിപ്പിച്ച് ഇസ്രാഈലിനെതിരായി പ്രത്യക്ഷ യുദ്ധത്തിലേക്ക് ഇറക്കിവിടാനുള്ള നീക്കങ്ങളെല്ലാം ഈ ഗൂഢാലോചനയുടെ ഭാഗമാണ്. സ്വന്തം താല്‍പര്യങ്ങള്‍ സംരക്ഷിക്കാന്‍ തീവ്രവാദ ശക്തികളെ കൈയ്യയച്ച് പ്രോത്സാഹിപ്പിക്കുകയും പിന്നീട് പാല്‍ കൊടുത്ത കൈക്ക്തന്നെ കടിയേല്‍ക്കുന്ന അവസ്ഥയുണ്ടാവുമ്പോള്‍ തള്ളിപ്പറയുകയും അവരെ ഇല്ലാതാക്കുകയും ചെയ്യുന്ന അമേരിക്കയുടെ തലതിരിഞ്ഞ സമീപനത്തിന് ലോകം നിരവധി തവണ സാക്ഷ്യംവഹിച്ചിട്ടുണ്ട്. സകല അന്താരാഷ്ട്ര മര്യാദകളും ലംഘിച്ച് മറ്റുള്ള രാജ്യങ്ങളുടെ ആഭ്യന്തര കാര്യങ്ങളില്‍ ഇടപെട്ട് രക്ഷകരായി സ്വയം അവരോധിക്കുന്ന അമേരിക്ക അതിനുള്ള പിന്നാമ്പുറ നീക്കങ്ങളെല്ലാം നേരത്തെ ഒരുക്കിവെക്കുന്നുവെന്നതാണ് യാഥാര്‍ത്ഥ്യം. ഇറാഖിലും അഫ്ഗാനിസ്ഥാനിലുമുള്‍പ്പെടെ കണ്ട കാഴ്ചകള്‍ക്ക് തന്നെയായിരിക്കും സിറിയയും സാക്ഷ്യം വഹിക്കുക.

വാട്‌സ്ആപ്പ് സന്ദേശങ്ങള്‍ക്ക് മറുപടി നല്‍കാന്‍ നിങ്ങള്‍ മറന്നോ? വരുന്നു പുതിയ ഫീച്ചര്‍. റിപ്ലെ നല്‍കാന്‍ കഴിയാതിരുന്ന സന്ദേശങ്ങളും സ്റ്റാറ്റസുകളെ കുറിച്ചും സൂചന നല്‍കുന്ന റിമൈന്‍ഡര്‍ ഫീച്ചറിനെ കുറിച്ച് വാട്‌സ്ആപ്പ് ആലോചിക്കുന്നതായാണ് റിപ്പോര്‍ട്ട്.

ആഡ്രോയിഡിലെ ബീറ്റ പതിപ്പില്‍ സ്റ്റാറ്റസ് അപ്‌ഡേറ്റുകളെ കുറിച്ച് ഉപയോക്താക്കള്‍ക്ക് മുന്നറിയിപ്പ് നല്‍കിയിരുന്ന റിമൈന്‍ഡര്‍ ഫീച്ചര്‍ വാട്സ്ആപ്പ് വിപുലീകരിച്ചു. കോണ്‍ടാക്റ്റുകളില്‍ നിന്നുള്ള അപ്‌ഡേറ്റുകളെയും സന്ദേശങ്ങളെയും കുറിച്ച് അറിയിക്കുന്നതാണ് ഈ ഫീച്ചര്‍.

എന്നാല്‍ റിമൈന്‍ഡറുകള്‍ ലഭിക്കാന്‍ താല്‍പര്യമില്ലാത്തവരാണെങ്കില്‍ റിമൈന്‍ഡര്‍ ഓഫ് ചെയ്യാനും ഓപ്ഷനുണ്ട്. വാട്‌സ്ആപ്പ് ബീറ്റാ (2.24.25.29) ഉപഭോക്താക്കള്‍ക്ക് ഈ സേവനം ലഭ്യമായിത്തുടങ്ങിയതായി വാബീറ്റ ഇന്‍ഫോ റിപ്പോര്‍ട്ട് ചെയ്തു.

കല്‍പ്പറ്റ: വയനാട്ടിൽ പോക്സോ കേസിൽ തിരുവനന്തപുരം സ്വദേശിയടക്കം രണ്ട് പേർ അറസ്റ്റിൽ. വെള്ളമുണ്ട പൊലീസ് സ്‌റ്റേഷന്‍ പരിധിയില്ലെ പോക്‌സോ കേസിൽ തിരുവനന്തപുരം കരമന പത്തുമുറി കോമ്പൗണ്ട് സുനില്‍കുമാര്‍ (47), തൊണ്ടര്‍നാട് മക്കിയാട് കോമ്പി വീട്ടില്‍ സജീര്‍ കോമ്പി എന്നിവരാണ് അറസ്റ്റിലായത്. 2024 ഒക്ടോബറിലാണ് സംഭവം.

മൊബൈൽ ഫോൺ നൽകി വശീകരിച്ച് കുട്ടിയെ വാടക ക്വാർട്ടേസിൽ എത്തിച്ചായിരുന്നു ലൈംഗിക അതിക്രമം നടത്തിയത്. സ്ഥിരമായി മേൽവിലാസമില്ലാത്ത സുനിൽ കുമാറിനെ പ്രത്യേക അന്വേഷണ സംഘം പിടികൂടിയത് ഏറെ പണിപ്പെട്ടാണ്.

മൂന്ന് വിവാഹം കഴിച്ച ശേഷം അവരെയെല്ലാം ഉപേക്ഷിച്ചാണ് വയനാട്ടിലെത്തിയത്. നവംബര്‍ 17ന് രജിസ്റ്റര്‍ ചെയ്ത കേസില്‍ പൊലീസ് വിവിധ സ്ഥലങ്ങള്‍ കേന്ദ്രീകരിച്ച് നടത്തിയ നിരന്തരമായ അന്വേഷണത്തിലൂടെയാണ് പ്രതി വലയിലായത്. മാനന്തവാടി എ.എസ്.പിയുടെ നിര്‍ദേശപ്രകാരം വെള്ളമുണ്ട ഇന്‍സ്പെക്ടര്‍ എസ്.എച്ച്.ഒ എല്‍. സുരേഷ് ബാബുവിന്റെ നേതൃത്വത്തില്‍ എസ്.ഐ സാദിര്‍, എ.എസ്.ഐ ഷിദിയ ഐസക്, സിവില്‍ പൊലീസ് ഓഫീസര്‍മാരായ നിസാര്‍, റഹീസ്, റഹീം, ഷംസുദ്ദീന്‍, വിപിന്‍ ദാസ്, പ്രതീഷ് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്. ഇരുവരെയും റിമാന്‍ഡ് ചെയ്തു.