Connect with us

Views

സ്ഥിതി ഗുരുതരമെന്ന് സുപ്രീംകോടതി; സഹകരണ ബാങ്കുകള്‍ക്ക് പുതിയ നോട്ട് നല്‍കണം

Published

on

മറ്റ് ബാങ്കുകള്‍ക്ക് നല്‍കുന്ന അതേ അനുപാതത്തില്‍ സഹകരണ ബാങ്കുകള്‍ക്കും പുതിയ നോട്ടുകള്‍ ലഭ്യമാക്കണമെന്ന് റിസര്‍വ് ബാങ്ക് ഓഫ് ഇന്ത്യയോട് സുപ്രീംകോടതി. സഹകരണ ബാങ്കുകള്‍ നേരിടുന്ന പ്രശ്‌നം ഗൗരവമേറിയതാണ്. എന്നാല്‍ പ്രശ്‌നത്തില്‍ തല്‍ക്കാലം ഇടപെടുന്നില്ലെന്നും സുപ്രീംകോടതി വ്യക്തമാക്കി.

നവംബര്‍ 10 മുതല്‍ 14 വരെ സഹകരണ ബാങ്കുകള്‍ നിക്ഷേപമായി സ്വീകരിച്ച അസാധു നോട്ടുകള്‍ റിസര്‍വ് ബാങ്കില്‍ നിക്ഷേപിക്കാമെന്ന് അറ്റോര്‍ണി ജനറല്‍ മുകുള്‍ റോഹ്താഗി ഇന്നലെ സുപ്രീംകോടതിയെ അറിയിച്ചിരുന്നു. ഇതില്‍ വ്യക്തത വരുത്തിക്കൊണ്ടാണ് പുതിയ നിര്‍ദേശം. നിക്ഷേപിക്കുന്ന തുകക്ക് പുതിയ കറന്‍സികള്‍ സഹകരണ ബാങ്കുകള്‍ക്ക് നല്‍കണം. മറ്റ് ബാങ്കുകള്‍ക്ക് നല്‍കുന്ന അതേ അനുപാതത്തില്‍ തന്നെയാവണം കറന്‍സികള്‍ വിതരണം ചെയ്യേണ്ടതെന്നും കോടതി വ്യക്തമാക്കി.

അഞ്ഞൂറ്, ആയിരം രൂപ നോട്ടുകള്‍ അസാധുവാക്കിയ കേന്ദ്ര സര്‍ക്കാര്‍ തീരുമാനം ചോദ്യം ചെയ്ത് സമര്‍പ്പിച്ച ഹര്‍ജികള്‍ പരിഗണിക്കുന്നത് കോടതി ഭരണഘടനാ ബെഞ്ചിന് വിട്ടു. നോട്ട് വിഷയത്തില്‍ ഇടക്കാല ഉത്തരവ് പുറപ്പെടുവിക്കുന്നില്ലെന്ന് വ്യക്തമാക്കിയ കോടതി, എന്നാല്‍ ആഴ്ചയില്‍ 24,000 രൂപ വീതം പിന്‍വലിക്കാന്‍ ഉപഭോക്താക്കള്‍ക്ക് കഴിയുന്നുണ്ടെന്ന് ഉറപ്പാക്കാന്‍ പരമാവധി ശ്രമിക്കണമെന്ന് കേന്ദ്ര സര്‍ക്കാറിനോട് ആവശ്യപ്പെട്ടു.

കള്ളപ്പണവും കള്ളനോട്ടും കണ്ടെടുക്കാനാണ് നോട്ട് അസാധുവാക്കല്‍ തീരുമാനം പ്രഖ്യാപിച്ചതെന്ന കേന്ദ്ര സര്‍ക്കാറിന്റെ ഉറപ്പ് വിശ്വസിക്കുന്നുവെന്ന് കോടതി പറഞ്ഞു. സ്വന്തം ധനകാര്യ, സാമ്പത്തിക നയങ്ങളിലെ സര്‍ക്കാറിന്റെ വിലയിരുത്തലിനെയാണ് പ്രാഥമികമായി വിശ്വാസത്തിലെടുക്കുന്നത്. മറിച്ചൊരു ഉത്തരവ് ഇറക്കുക നിലവിലെ സാഹചര്യത്തില്‍ സാധ്യമല്ല. ജനങ്ങള്‍ നേരിടുന്ന ദുരിതം പരിഹരിക്കുന്നതിന് സര്‍ക്കാര്‍ ഉചിതമായ സമയത്ത് ശരിയായ നടപടികള്‍ സ്വീകരിക്കുമെന്നാണ് കരുതുന്നതെന്നും ചീഫ് ജസ്റ്റിസ് ടി.എസ് ഠാക്കൂര്‍ അധ്യക്ഷനും ജസ്റ്റിസുമാരായ എ.എം ഖാന്‍വില്‍ക്കര്‍, ഡി.വൈ ചന്ദ്രചൂഡ് എന്നിവര്‍ അംഗങ്ങളുമായ ബെഞ്ച് പറഞ്ഞു.

നോട്ട് പിന്‍വലിക്കല്‍ വിഷയത്തില്‍ രാജ്യത്തെ വിവിധ ഹൈക്കോടതികളില്‍ നിലനില്‍ക്കുന്ന കേസിലെ തുടര്‍ നടപടികള്‍ സ്റ്റേ ചെയ്തതായും ഈ കേസുകള്‍ സുപ്രീംകോടതിയുടെ ഭരണഘടനാ ബെഞ്ചിലേക്ക് മാറ്റിയതായും കോടതി പറഞ്ഞു. ഇതിനായി ഹര്‍ജിക്കാര്‍ക്ക് നോട്ടീസ് അയക്കാന്‍ ഹൈക്കോടതികളോട് ആവശ്യപ്പെട്ടു. കേസുകളുടെ ഇരട്ടിപ്പ് ഒഴിവാക്കുന്നതിനാണ് നടപടി. അസാധുവാക്കിയ അഞ്ഞൂറ്, ആയിരം രൂപ നോട്ടുകള്‍ ഉപയോഗിക്കുന്നതിന് നല്‍കിയ ഇളവുകള്‍ ദീര്‍ഘിപ്പിക്കണെന്ന ആവശ്യം കോടതി അംഗീകരിച്ചില്ല. ഇക്കാര്യത്തില്‍ തീരുമാനമെടുക്കാന്‍ ഉത്തരവാദപ്പെട്ടത് സര്‍ക്കാര്‍ ആണെന്നായിരുന്നു കോടതി നിലപാട്.

നോട്ട് അസാധുവാക്കിക്കൊണ്ടുള്ള നവംബര്‍ എട്ടിലെ ആര്‍.ബി.ഐ ഉത്തരവിന്റെ ഭരണഘടനാ സാധുത ചോദ്യം ചെയ്യുന്നത് ഉള്‍പ്പെടെ, ഡസനിലധികം കേസുകളാണ് സുപ്രീംകോടതിയുടെ പരിഗണനയില്‍ ഉള്ളത്. വിവിധ ഹൈക്കോടതികളിലായി നിരവധി കേസുകള്‍ വേറെയുമുണ്ട്. കേരളത്തിലെ 14 സഹകരണ ബാങ്കുകള്‍ നല്‍കിയ ഹര്‍ജിയില്‍ രണ്ടാഴ്ച കാത്തിരിക്കാനായിരുന്നു കഴിഞ്ഞ ദിവസം കോടതിയുടെ നിര്‍ദേശം. എന്നാല്‍ പുതിയ നിര്‍ദേശം സഹകരണ ബാങ്കുകള്‍ക്ക് ആശ്വാസം പകരും. കേന്ദ്രത്തിന്റെ വാദങ്ങള്‍ക്കുള്ള തിരിച്ചടി കൂടിയാണിത്. രാജ്യമെമ്പാടും നോട്ടു നിരോധനം നിലനില്‍ക്കെ ചിലയാളുകളുടെ കൈയില്‍ മാത്രം എങ്ങനെ കോടിക്കണക്കിന് രൂപയുടെ പുതിയ കറന്‍സികള്‍ ലഭിക്കുന്നു എന്ന ചോദ്യവും കോടതി ഉന്നയിച്ചിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Health

ആന്റിബയോട്ടിക് ഇനി നീല കവറിൽ

ആന്റിബയോട്ടിക്കുകളുടെ ഉപയോഗത്തിൽ കൃത്യത പാലിക്കുന്ന ആശുപത്രികൾക്കു പ്രത്യേക എംബ്ലവും സർട്ടിഫിക്കറ്റും നൽകും.

Published

on

ആന്റിബയോട്ടിക്കുകൾ തിരിച്ചറിയാനായി അവ നീല കവറിൽ നൽകുന്ന രീതി സംസ്ഥാനം മുഴുവൻ നടപ്പാക്കുമെന്നു മന്ത്രി വീണാ ജോർജ്. എറണാകുളം ജില്ലയിലാണ് ഈ രീതി ആദ്യം നടപ്പാക്കിയതെന്നു മന്ത്രി പറഞ്ഞു.

ആന്റിബയോട്ടിക്കുകളുടെ ഉപയോഗത്തിൽ കൃത്യത പാലിക്കുന്ന ആശുപത്രികൾക്കു പ്രത്യേക എംബ്ലവും സർട്ടിഫിക്കറ്റും നൽകും. രാജ്യത്തെ ആദ്യത്തെ ജില്ലാതല ആന്റിബയോഗ്രാം പുറത്തിറക്കുന്ന സംസ്ഥാനമായി കേരളം മാറി. എറണാകുളം ജില്ലയാണ് ആന്റിബയോഗ്രാം പുറത്തിറക്കിയത്.

ബാക്ടീരിയകൾക്ക് ആന്റിബയോട്ടിക്കുകളോടുള്ള പ്രതിരോധശേഷി അളന്നു ക്രോഡീകരിക്കുന്നതാണ് ആന്റിബയോഗ്രാം.

Continue Reading

Food

വെളുത്തുള്ളി വില സർവകാല റെക്കോഡിൽ; പാടത്ത് സി.സി.ടി.വി ക്യാമറകൾ സ്ഥാപിച്ച് കർഷകർ

കിലോഗ്രാമിന് 400 രൂപ മുതല്‍ 500 രൂപ വരെയാണ് വിപണിയില്‍ വെളുത്തുള്ളിയുടെ വില.

Published

on

മധ്യപ്രദേശിലെ ചിന്ത്വാരയില്‍ വെളുത്തുള്ളിയുടെ വില കുതിക്കവേ പാടത്തെ വിളകള്‍ സംരക്ഷിക്കുവാന്‍ സി.സി.ടി.വി ക്യാമറകള്‍ സ്ഥാപിച്ച് കര്‍ഷകര്‍.കിലോഗ്രാമിന് 400 രൂപ മുതല്‍ 500 രൂപ വരെയാണ് വിപണിയില്‍ വെളുത്തുള്ളിയുടെ വില. ഈ സാഹചര്യത്തില്‍ പാടങ്ങളില്‍ നിന്ന് വെളുത്തുള്ളി മോഷണം പോയ നിരവധി സംഭവങ്ങളുണ്ടായി.

തുടര്‍ന്ന് വിളകള്‍ സംരക്ഷിക്കുവാന്‍ പുതിയ വഴികള്‍ തേടുകയാണ് കര്‍ഷകര്‍. ക്യാമറകള്‍ സ്വന്തമായി വാങ്ങിയും വാടകക്കെടുത്തുമൊക്കെ കര്‍ഷകര്‍ ഭൂമി സംരക്ഷിക്കുകയാണ്. ‘നേരത്തെ എന്റെ പാടത്ത് നിന്ന് ഒരു കള്ളന്‍ എട്ട് മുതല്‍ 10 കിലോ വരെ വെളുത്തുള്ളി മോഷ്ടിച്ചിരുന്നു. പിന്നീട് പൊലീസ് ഇയാളെ പിടികൂടി. ഇപ്പോള്‍ ഞാന്‍ സി.സി.ടി.വി ക്യാമറകള്‍ സ്ഥാപിച്ച് എന്റെ നിലം സംരക്ഷിക്കുകയാണ്,’ മോഖേഡിലെ വെളുത്തുള്ളി കര്‍ഷകനായ രാഹുല്‍ ദേശ്മുഖ് പറഞ്ഞു.

25 ലക്ഷം രൂപ നിക്ഷേപിച്ച് 13 ഏക്കറില്‍ വെളുത്തുള്ളി കൃഷി നടത്തിയ രാഹുല്‍ വിപണിയില്‍ നിന്ന് ഒരു കോടിയോളം രൂപയാണ് തിരിച്ചുപിടിച്ചത്. വെളുത്തുള്ളിയുടെ വാര്‍ഷിക നിരക്ക് പൊതുവേ കിലോഗ്രാമിന് 80 രൂപ വരെ എത്താറുണ്ടെങ്കിലും ഈ പ്രാവശ്യം വലിയ കുതിപ്പ് നടത്തി കിലോഗ്രാമിന് 300 രൂപയും കടന്നിരിക്കുകയാണ്. വെളുത്തുള്ളിക്ക് ഇത്രയും വില വര്‍ധനവ് ഉണ്ടാകുന്നത് ആദ്യമായാണ്.

 

Continue Reading

india

5 ലക്ഷം രൂപയുടെ പ്രവാസി കുടുംബ സുരക്ഷാ പദ്ധതിയുമായി എ.ഐ.കെ.എം.സി.സി

പദ്ധതിയിൽ ചേർന്ന ശേഷം അംഗമോ ജീവിത പ ങ്കാളിയോ മരണപ്പെടുന്ന സാഹചര്യത്തിൽ അവരുടെ കുടുംബത്തിന് 5 ലക്ഷം രുപ സഹായം നൽകുന്നതാണ് പദ്ധതി.

Published

on

ബംഗളൂരു : ജീവകാരുണ്യ പ്ര വർത്തനരംഗത്ത് ഒട്ടേറെ സംരംഭങ്ങൾക്ക് നേതൃത്വം നൽ കുന്ന എ ഐ കെ എം സി സി ബംഗ്ലൂരു സെൻട്രൽ കമ്മിറ്റി അംഗങ്ങളുടെ കുടുംബ സഹായത്തിനായി 5 ലക്ഷം രൂ പയുടെ പ്രവാസി കുടുംബ സഹായ പദ്ധതി “ഒപ്പം” പ്രഖ്യാ പിച്ചു. പദ്ധതിയിൽ ചേർന്ന ശേഷം അംഗമോ ജീവിത പ ങ്കാളിയോ മരണപ്പെടുന്ന സാഹചര്യത്തിൽ അവരുടെ കുടുംബത്തിന് 5 ലക്ഷം രുപ സഹായം നൽകുന്നതാണ് പദ്ധതി.

ഇപ്പോൾ നടന്ന് വരു ന്ന എ ഐ കെ എം സി സി ബംഗളൂരു കമ്മിറ്റിയുടെ മെമ്പർഷിപ്പ് കാമ്പയിനിലൂടെ സംഘടനയുടെ അംഗത്വം നേടുന്നവർക്കാണ് ഒപ്പം പദ്ധതിയിൽ അംഗമാവാൻ കഴി യുക. അംഗങ്ങൾക്കിടയിലെ പരസ്പ‌ര സഹായ നിധി എന്ന രീതിയിലാണ് ഇതിൻ്റെ പ്രവർത്തനങ്ങൾ ക്രമീകരിച്ചിരി ക്കുന്നത്.

ബനശങ്കരിയിൽ ശിഹാ ബ്തങ്ങൾ സെന്റർ ഫോർ ഹ്യൂമാനിറ്റിക്ക് സംഭാവനായി ലഭിച്ച കെട്ടിടത്തിൻ്റെ ഉദ്ഘാ ടനത്തോടനുബന്ധിച്ച് പദ്ധതി നിലവിൽ വരും. പാലിയേറ്റീവ് കെയർ കിടത്തി ചികിത്സാ കേന്ദ്രം, ജനിച്ചത് മുതൽ 6 വയസ് വരെയുള്ള ഭിന്നശേ ഷിക്കാരായ കുട്ടികൾക്കുള്ള ഏർലി ഇന്റർവെൻഷൻ സെന്റർ, ഭിന്നശേഷി കുട്ടി കൾക്കായുള്ള പകൽ വീട് എന്നിവയാണ് പുതുതായി.

ശിഹാബ് തങ്ങൾ സെന്ററിന് കീഴിൽ ബനശങ്കരിയിൽ ഹൈദരലി തങ്ങൾ ക്രോണിക് കെയർ സെന്റർ എന്ന പേരിൽ
ആരംഭിക്കുന്നത്. ഇത് സംബന്ധിച്ച് ചേർന്ന പ്രവർത്തക സമിതി യോഗ ത്തിൽ പ്രസിഡന്റ് ടി ഉസ് മാൻ അധ്യക്ഷത വഹിച്ചു. ഓണംപിള്ളി മുഹമ്മദ് ഫൈസി മുഖ്യപ്രഭാഷണം നടത്തി. ഡോ എം എ അമീറലി പ്രവാ സി കുടുംബ സുരക്ഷ പദ്ധതി അവതരിപ്പിച്ചു. നാസർ ടി വരവ് ചിലവ് കണക്കുകൾ അവതരിപ്പിച്ചു. ജനറൽ സെ ക്രട്ടറി എം കെ നൗഷാദ് സ്വാഗതവും സെക്രട്ടറി എം റഷീ ദ് മൗലവി നന്ദിയും പറഞ്ഞു.

Continue Reading

Trending