Connect with us

Cricket

ഇന്ത്യ- ദക്ഷിണാഫ്രിക്ക അവസാന ടി20; ദക്ഷിണാഫ്രിക്കക്ക് ആശ്വാസ ജയം

ദക്ഷിണാഫ്രിക്ക ഉയര്‍ത്തിയ 228 എന്ന വിജയ ലക്ഷ്യം പിന്തുടര്‍ന്ന ഇന്ത്യക്ക് 178 റണ്‍സ് മാത്രമേ നേടാന്‍ സാധിച്ചുള്ളു.

Published

on

ഇന്ത്യക്കെതിരായ മൂന്നാമത്തെയും അവസാനത്തെയും ടി20യില്‍ ദക്ഷിണാഫ്രിക്കയ്ക്ക് ജയം. 49 റണ്‍സിന്റെ വിജയമാണ് ദക്ഷിണാഫ്രിക്ക നേടിയത്. ദക്ഷിണാഫ്രിക്ക ഉയര്‍ത്തിയ 228 എന്ന വിജയ ലക്ഷ്യം പിന്തുടര്‍ന്ന ഇന്ത്യക്ക് 178 റണ്‍സ് മാത്രമേ നേടാന്‍ സാധിച്ചുള്ളു. നേരത്തേ ടോസ് നേടിയ ഇന്ത്യ ബോളിങ് തെരഞ്ഞെടുക്കുകയായിരുന്നു.

ഇന്ത്യക്കായി ദിനേശ് കാര്‍ത്തിക്കിന് മാത്രമാണ് തിളങ്ങിയത്. 46 റണ്‍സെടുത്തു. 21 പന്തില്‍ 4 സിക്‌സുകളും 4 ഫോറുകളും താരം നേടി. അവസാന ഓവറുകളില്‍ തകര്‍ത്തടിച്ച ദീപക് ചഹാറും ഭേദപ്പെട്ട പ്രകടനം നടത്തി. 17 പന്തില്‍ 31 റണ്‍സാണ് ദീപക് ചഹാര്‍ നേടിയത്. ക്യാപ്റ്റന്‍ രോഹിത് ശര്‍മ ഒരിക്കല്‍ കൂടി നിരാശപ്പെടുത്തി. റണ്ണൊന്നുമെടുക്കാതെയാണ് സൂപ്പര്‍ താരം പുറത്തായത്.

ദക്ഷിണാഫ്രിക്കക്കായി  പ്രിറ്റോറിയസ് മൂന്ന് വിക്കറ്റ് നേടി. ലുങ്കി എന്‍ഗിഡിയും വെയിന്‍ പാര്‍നലും കേശവ് മഹാരാജും രണ്ട് വിക്കറ്റ് വീതവും വീഴ്ത്തി.

ആദ്യം ബാറ്റ് ചെയ്ത ദക്ഷിണാഫ്രിക്ക മൂന്ന് വിക്കറ്റ് നഷ്ടത്തില്‍ 227 റണ്‍സെടുത്തിരുന്നു. റൂസോയുടെ സെഞ്ച്വറിയും ഡീക്കോക്കിന്റെ അര്‍ധ സെഞ്ച്വറിയുമാണ് ദക്ഷിണാഫ്രിക്കക്ക് ശക്തമായ സ്‌കോറിലേക്ക് എത്തിച്ചത്. ദക്ഷിണാഫ്രിക്കന്‍ ബാറ്റര്‍മാരുടെ വെടിക്കെട്ടാണ് ഇന്‍ഡോറില്‍ അരങ്ങേറിയത്. പരമ്പരയിലെ ആദ്യ രണ്ട് മത്സരങ്ങളും ഇന്ത്യ വിജയിച്ചിരുന്നു. ആയതിനാല്‍ 2-1 ന് ഇന്ത്യ പരമ്പര സ്വന്തമാക്കി.

Cricket

ടി20യില്‍ ഇന്ത്യക്ക് പതിഞ്ഞ തുടക്കം

ഏഴ് ഓവര്‍ പിന്നിടുമ്പോള്‍ ഒന്നിന് 42 എന്ന നിലയിലാണ് ഇന്ത്യ.

Published

on

രണ്ടാം ടി20യില്‍ ഇന്ത്യക്ക് പതിഞ്ഞ തുടക്കം. ഏഴ് ഓവര്‍ പിന്നിടുമ്പോള്‍ ഒന്നിന് 42 എന്ന നിലയിലാണ് ഇന്ത്യ. ഓപ്പണറായെത്തിയ റിഷഭ് പന്തിന്റെ (6) വിക്കറ്റാണ് ഇന്ത്യക്ക് നഷ്ടമായത്. സഹഓപ്പണര്‍ ഇഷാന്‍ കിഷന്‍ (29), സൂര്യകുമാര്‍ യാദവ് (6) എന്നിവരാണ് ക്രീസില്‍. ലോക്കി ഫെര്‍ഗൂസണാണ് വിക്കറ്റ്. മൗണ്ട് മോംഗനൂയി, ബേ ഓവളില്‍ ടോസ് നേടിയ ന്യൂസിലന്‍ഡ് ക്യാപ്റ്റന്‍ കെയ്ന്‍ വില്യംസണ്‍ ബൗളിംഗ് തിരഞ്ഞെടുക്കുകയായിരുന്നു.
റിഷഭ് തുടക്കം മുതല്‍ താളം കണ്ടെത്താന്‍ വിഷമിച്ചു.

 

13 പന്തുകളാണ് റിഷഭ്പന്ത് നേരിട്ടത്. ഇതില്‍ ഒരു ബൗണ്ടറി മാത്രമാണ് ഇന്ത്യന്‍ വൈസ് ക്യാപ്റ്റന് നേടാനായത്. ലോക്കിയെ പുള്‍ ചെയ്യാനുള്ള ശ്രമത്തിലാണ് റിഷഭ് മടങ്ങുന്നത്. ഇഷാന്‍ ഇതുവരെ 18 പന്തുകള്‍ നേരിട്ടു. ഒരു സിക്സും നാലു ഫോറും ഇഷാന്റെ ഇന്നിംഗ്സിലുണ്ട്.

 

Continue Reading

Cricket

ട്വന്റി 20 ലോകകപ്പ്; പാകിസ്ഥാന്‍ ഫൈനലില്‍

അഞ്ച് പന്ത് ബാക്കി നില്‍ക്കെയാണ് പാകിസ്താന്‍ വിജയം ഉറപ്പിച്ചത്

Published

on

ട്വന്റി 20 ലോകകപ്പില്‍ പാകിസ്ഥാന്‍ പാട്ടുംപാടി ഫൈനലില്‍. ന്യൂസിലാന്‍ഡിനെ ഏഴ് വിക്കറ്റിന് മുട്ടുകുത്തിച്ചാണ് ഫൈനലില്‍ കടന്നത്. ടോസില്‍ ആദ്യ ബാറ്റിങ് ന്യൂസിലാന്‍ഡിന് ലഭിച്ചെങ്കിലും പാകിസ്താന്‍ ബൗളര്‍മാര്‍ റണ്ണെടുക്കാന്‍ അനുവദിച്ചില്ല. ഡാറില്‍ മിച്ചലിന്റെ അര്‍ധ സെഞ്ച്വറിയാണ് നാലിന് 152 എന്ന സ്‌ക്വാറിലെത്തിച്ചത്. പിന്നെ തുണയായത് ക്യാപ്റ്റന്‍ കെയ്ന്‍ വില്യംസണിന്റെ റണ്‍സാണ് (46). ഡെവോണ്‍ കോണ്‍വെ (21), ഫിന്‍ അലന്‍ (4), ഗ്ലെന്‍ ഫിലിപ്‌സ് (6), ജെയിംസ് നിഷം (16) മറ്റാര്‍ക്കും കാര്യമായി സ്‌കോറെടുക്കാന്‍ കഴിഞ്ഞില്ല.

പാകിസ്താന്‍ ടീമില്‍ നിന്നും ഓപണര്‍മാരായി ഇറങ്ങിയത് മുഹമ്മദ് റിസ്വാനും ക്യാപ്റ്റന്‍ ബാബര്‍ അസമുമാണ്. ഇരുവരും അര്‍ധ സെഞ്ച്വറിയുമായി കളം നിറച്ചു. അഞ്ച് പന്ത് ബാക്കി നില്‍ക്കെയാണ് പാകിസ്താന്‍ വിജയം ഉറപ്പിച്ചത്. നാളെ നടക്കുന്ന ഇന്ത്യ-ഇംഗ്ലണ്ട് രണ്ടാം സെമിയിലെ വിജയികളാകും പാകിസ്താന്റെ എതിരാളികള്‍.

Continue Reading

Cricket

രോഹിതിനെ കാണാന്‍ കുട്ടി ഓടിയെത്തി; പിന്നാലെ പിഴയും

ക്രിക്കറ്റ് ഗ്രൗണ്ടിലെ അച്ചടക്കം ലംഘിച്ചതിനാണ് പിഴ

Published

on

മെല്‍ബണ്‍: ട്വന്റി 20 ലോകകപ്പ് മത്സരത്തിനിടെ ഇന്ത്യന്‍ നായകന്‍ രോഹിത് ശര്‍മ്മയുടെ അടുത്തേക്ക് ഓടിയെത്തിയ ആരാധകന് 6 ലക്ഷം രൂപ പിഴ. സിംബാബ്‌വെക്കെതിരായ മത്സരത്തിനിടെയാണ് ആണ്‍കുട്ടി സുരക്ഷാ ഉദ്യോഗസ്ഥരെ മറികടന്ന് രോഹിത് ശര്‍മ്മയുടെ അടുത്തെത്തിയത്.

ഇന്ത്യന്‍ ക്യാപ്റ്റന്‍ രോഹിതിന്റെ മുന്നില്‍ കരഞ്ഞുകൊണ്ടാണ് കുട്ടി ഓടിയെത്തിയത്. തൊട്ടുപിന്നാലെ സുരക്ഷാ ഉദ്യോഗസ്ഥര്‍ കുട്ടിയെ പിടിച്ചുകൊണ്ട് പോവുകയായിരുന്നു. ക്രിക്കറ്റ് ഗ്രൗണ്ടിലെ അച്ചടക്കം ലംഘിച്ചതിനാണ് പിഴ കിട്ടിയത്. കുട്ടി ഓടുന്ന വീഡീയോ ദൃശ്യം സമൂഹ മാധ്യമങ്ങളില്‍ പ്രചരിക്കുന്നുണ്ട്.

Continue Reading

Trending