Connect with us

Culture

സംഘര്‍ഷം നേരിടാന്‍ കാശ്മീരിലേക്ക് കല്ലുകളുമായി 1000 സന്യാസിമാര്‍

Published

on

കാണ്‍പൂര്‍: കാശ്മീരിലെ സംഘര്‍ഷത്തിലേക്ക് ഒരു ട്രക്ക് നിറയെ കല്ലുമായി 1000സന്യാസിമാര്‍ പോകാനൊരുങ്ങുന്നതായി റിപ്പോര്‍ട്ട്. സൈന്യത്തിനെതിരെ കല്ലെറിയുന്നവരെ നിയന്ത്രിക്കാനാണേ്രത സന്യാസിമാര്‍ കല്ലുമായി കാശ്മീരിലെത്തുന്നത്. കാണ്‍പൂര്‍ കേന്ദ്രമായി പ്രവര്‍ത്തിക്കുന്ന ‘ജന സേന’ എന്ന സംഘടനയാണ് സന്യാനിമാരെ കാശ്മീരിലേക്ക് അയക്കുന്നതിന് തയ്യാറെടുക്കുന്നത്.

പ്രധാനമന്ത്രി നരേന്ദ്രമോദിയോട് കാശ്മീരിലേക്ക് പോകുന്നതിനുള്ള അനുവാദം ചോദിച്ചിരുന്നെങ്കിലും കിട്ടിയിരുന്നില്ലെന്ന് ജന സേന സ്ഥാപക നേതാവ് ബാല്‍യോഗി അരുണ്‍പുരി ചൈതന്യ മഹാരാജ് പറയുന്നു. നരേന്ദ്രമോദിയോട് അനുവാദം ചോദിച്ചു. ലഭിച്ചില്ല. പിന്നീട് ജില്ലാ ഭരണകൂടത്തിനോട് അനുമതി ചോദിച്ചപ്പോഴും കിട്ടിയില്ല. എന്തുവന്നാലും ഞങ്ങളുടെ യാത്രക്കുള്ള പദ്ധതി ഉപേക്ഷിക്കില്ലെന്നും പുരി പറഞ്ഞു. ‘യുദ്ധ് വിജയ യാഗം’ എന്നതാണ് പദ്ധതിക്കിട്ടിരിക്കുന്ന പേര്. ഓരോരുത്തരും അവരവരുടെ കഴിവിനനുസരിച്ചാണ് യാത്രക്കൊരുങ്ങുന്നതെന്നും പുരി പറയുന്നു.

ഞായറാഴ്ച്ച രാവിലെ ഏഴുമണിയോടെയാണ് വിഘടനവാദികളെ തടയാനെന്ന പേരില്‍ സന്യാസിമാര്‍ കാശ്മീരിലേക്ക് പുറപ്പെടുന്നത്. വിവിധ കാറുകളിലായി സന്യാസിമാര്‍ ഷഹീദ് സ്മാരകത്തില്‍ എത്തുമെന്നും അവിടെ നിന്നംും കൂടുതല്‍ കല്ലുകള്‍ ശേഖരിക്കുമെന്നും പുരി പറയുന്നുണ്ട്. സൈനികരുടെ നേര്‍ക്കുള്ള ആക്രമണം തടയാനായി തങ്ങളെ ജവാന്‍മാരുടെ മുന്നില്‍ നിര്‍ത്തണമെന്ന് ആവശ്യപ്പെടുമെന്നും പുരി കൂട്ടിച്ചേര്‍ത്തു. ഞങ്ങളുടെ ജീവന്‍ നഷ്ടപ്പെട്ടാല്‍ കരയാന്‍ കുടുംബങ്ങളില്ല. ജവാന്‍മാര്‍ക്കുവേണ്ടി ജീവന്‍ ത്യജിക്കാന്‍ തയ്യാറാണെന്നും കാണ്‍പൂരില്‍ കല്ലേറിന് പരിശീലനം നല്‍കുന്ന കേന്ദ്രങ്ങള്‍ തുടങ്ങാന്‍ പദ്ധതിയുണ്ടെന്നും പുരി പറയുന്നുണ്ട്.

Film

രശ്മിക സഞ്ചരിച്ച വിമാനം അടിയന്തരമായി തിരിച്ചിറക്കി; മരണത്തിൽ നിന്നും രക്ഷപ്പെട്ടുവെന്ന് താരം

മുംബൈയിൽനിന്ന് ഹൈദരാബാദിലേക്കുള്ള എയർ വിസ്താരയാണ് തിരിച്ചിറക്കിയത്

Published

on

ചലച്ചിത്ര താരം രശ്മിക മന്ദാന കയറിയ വിമാനം അടിയന്തരമായി തിരിച്ചിറക്കി. സാങ്കേതിക പിഴവുകളെ തുടർന്നാണ് വിമാനം തിരിച്ചിറക്കിയത്. മുംബൈയിൽനിന്ന് ഹൈദരാബാദിലേക്കുള്ള എയർ വിസ്താരയാണ് തിരിച്ചിറക്കിയത്. പറന്നുയർന്ന് 30 മിനിറ്റുകൾക്കുശേഷം പ്രശ്നങ്ങൾ കണ്ടെത്തിയതിനെ തുടർന്ന് വിമാനം തിരിച്ചു മുംബൈയിലേക്ക് പറക്കുകയായിരുന്നു. ആർക്കും പരിക്കില്ല.

വിമാനം തിരിച്ചിറക്കിയതിന് പിന്നാലെ യാത്രക്കാർക്കായി മറ്റൊരു വിമാനം ഏർപ്പെടുത്തി. ‘ഇങ്ങനെയാണ് ഞങ്ങൾ ഇന്ന് മരണത്തിൽ‌നിന്ന് രക്ഷപ്പെട്ടത്’ എന്ന കുറിപ്പോടെ രശ്‌മിക ഇക്കാര്യം ഇൻസ്റ്റഗ്രാം സ്റ്റോറി പങ്കുവെച്ചിട്ടുണ്ട്. നടി ശ്രദ്ധ ദാസിനൊപ്പമായിരുന്നു രശ്മികയുടെ യാത്ര.

Continue Reading

Film

ഈ മാസം22 മുതൽ മലയാള സിനിമകൾ പ്രദർശിപ്പിക്കില്ല: ഫിയോക്ക് തീയറ്റർ ഉടമകൾ

തിയേറ്റര്‍ ഉടമകൾ നേരിടുന്ന പ്രശ്നങ്ങൾ പരിഹരിക്കുക, ഒടിടി റിലീസ്, സിനിമ എഗ്രിമെന്റ് ഉൾപ്പടെയുള്ള കാര്യങ്ങളിൽ നിർമ്മാതാക്കൾ പരിഹാരം കാണുക എന്നിവയാണ് ആവശ്യം.

Published

on

ഈ മാസം 22 മുതൽ മലയാളസിനിമകൾ പ്രദർശിപ്പിക്കില്ലെന്ന് തിയേറ്റര്‍ ഉടമകളുടെ സംഘടനയായ ഫിയോക്ക് അറിയിച്ചു. തിയേറ്റര്‍ ഉടമകൾ നേരിടുന്ന പ്രശ്നങ്ങൾ പരിഹരിക്കുക, ഒടിടി റിലീസ്, സിനിമ എഗ്രിമെന്റ് ഉൾപ്പടെയുള്ള കാര്യങ്ങളിൽ നിർമ്മാതാക്കൾ പരിഹാരം കാണുക എന്നിവയാണ് ആവശ്യം.

40 ദിവസത്തിന്‌ ശേഷം മാത്രമേ ഒടിടി റീലീസ് അനുവദിക്കാവൂ എന്നാണ് കരാർ. ഇത് ലംഘിക്കപ്പെടുന്നു. ഈ പ്രശ്ങ്ങളിൽ പരിഹാരം കണ്ടില്ലെങ്കിൽ 22 മുതൽ മലയാളം സിനിമകൾ തിയേറ്ററുകളിൽ പ്രദർശിപ്പിക്കില്ലെന്നാണ് മുന്നറിയിപ്പ്.

Continue Reading

Film

അല്ലു അർജുൻ്റെ ഭാര്യാപിതാവ് കോൺഗ്രസിൽ ചേർന്നു; ഗുണമാകുമെന്ന വിലയിരുത്തലിൽ നേതൃത്വം

കാഞ്ചര്‍ലയെ കൂടാതെ ഹൈദരാബാദ് മുന്‍ മേയര്‍ ബോന്തു രാംമോഹനും ഭാര്യ ബോന്തു ശ്രീദേവിയും മുന്‍ മന്ത്രി പട്‌നം മഹേന്ദര്‍ റെഡ്ഡിയും കോണ്‍ഗ്രസിലേക്ക് മാറി.

Published

on

നടന്‍ അല്ലു അര്‍ജുന്റെ ഭാര്യാപിതാവ് കാഞ്ചര്‍ല ചന്ദ്രശേഖര്‍ റെഡ്ഡി ബിആര്‍എസ് വിട്ട് കോണ്‍ഗ്രസില്‍ ചേര്‍ന്നു. കാഞ്ചര്‍ലയെ കൂടാതെ ഹൈദരാബാദ് മുന്‍ മേയര്‍ ബോന്തു രാംമോഹനും ഭാര്യ ബോന്തു ശ്രീദേവിയും മുന്‍ മന്ത്രി പട്‌നം മഹേന്ദര്‍ റെഡ്ഡിയും കോണ്‍ഗ്രസിലേക്ക് മാറി. നല്‍ഗൊണ്ടയിലെ നാഗാര്‍ജുന സാഗറിലെ ബിആര്‍എസ് നേതാവായിരുന്നു ചന്ദ്രശേഖര്‍ റെഡ്ഡി.

വ്യാഴാഴ്ച മുഖ്യമന്ത്രി രേവന്ത് റെഡ്ഡിയെ കണ്ട് പാര്‍ട്ടിയില്‍ ചേരുന്നത് സംബന്ധിച്ച് കാഞ്ചര്‍ല ചര്‍ച്ച നടത്തി. അടുത്ത പാര്‍ലമെന്റ് തിരഞ്ഞെടുപ്പില്‍ മല്‍കാജിഗിരി പാര്‍ലമെന്റ് സീറ്റില്‍ നിന്ന് മത്സരിക്കാനാണ് കാഞ്ചര്‍ല ചന്ദ്രശേഖര്‍ റെഡ്ഡി ഉദ്ദേശിക്കുന്നത്.

2014-ന് മുമ്പ് താന്‍ കോണ്‍ഗ്രസ് പാര്‍ട്ടിയില്‍ ഉണ്ടായിരുന്നുവെന്ന് അദ്ദേഹം മാധ്യമങ്ങളോട് പറഞ്ഞു. വിദ്യാഭ്യാസ കാലത്ത് കോണ്‍ഗ്രസിന്റെ യുവജന വിഭാഗത്തില്‍ പ്രവര്‍ത്തിച്ചിരുന്നുവെന്നും അദ്ദേഹം കൂട്ടിച്ചേര്‍ത്തു.

ഇപ്പോള്‍ കോണ്‍ഗ്രസ് പാര്‍ട്ടിയിലേക്ക് വരുന്നത് സ്വന്തം കൂടിലേക്ക് വരുന്നതുപോലെയാണെന്നും അദ്ദേഹം പറഞ്ഞു. കാഞ്ചര്‍ലയെ ഉള്‍പ്പെടുത്തുന്നത് തങ്ങള്‍ക്കും ഗുണം ചെയ്യുമെന്നാണ് കോണ്‍ഗ്രസിന്റെ പ്രതീക്ഷ. തെലങ്കാന രൂപീകരണത്തിന് ശേഷം 2014-ല്‍ ഇബ്രാഹിംപട്ടണം മണ്ഡലത്തില്‍ ടിആര്‍എസിനുവേണ്ടി കാഞ്ചര്‍ല ചന്ദ്രശേഖര്‍ റെഡ്ഡി മത്സരിച്ച് പരാജയപ്പെട്ടിരുന്നു.

 

Continue Reading

Trending