Connect with us

Culture

അത്‌ലറ്റികോയെ സമനിലയില്‍ തളച്ച് ബാര്‍സ കിങ്‌സ് കപ്പ് ഫൈനലില്‍

Published

on

ബാര്‍സലോണ: രണ്ടാം പാദ സെമിയില്‍ അത്‌ലറ്റികോ മാഡ്രിഡിനെ സമനിലയില്‍ തളച്ച് ബാര്‍സലോണ സ്പാനിഷ് കിങ്‌സ് (കോപ ദെല്‍ റേ) ഫൈനലില്‍. അത്‌ലറ്റികോയുടെ ഗ്രൗണ്ടില്‍ ആദ്യപാദം 1-2 ന് ജയിച്ച ബാര്‍സ നൗകാംപില്‍ 1-1 സമനിലയിലാണ് സന്ദര്‍ശകരെ പിടിച്ചുകെട്ടിയത്. 43-ാം മിനുട്ടില്‍ ലൂയിസ് സുവാരസ് ബാര്‍സയെ മുന്നിലെത്തിച്ചപ്പോള്‍ 83-ാം മിനുട്ടില്‍ കെവിന്‍ ഗമീറോ ആണ് സമനില ഗോള്‍ നേടിയത്.

ആന്റോണിയോ ഗ്രീന്‍സ് പന്ത് വലയിലെത്തിച്ചപ്പോള്‍ റഫറി ഓഫ്‌സൈഡ് വിധിച്ച് ഗോള്‍ നിഷേധിച്ചതും ഗമീറോ പെനാല്‍ട്ടി പുറത്തേക്കടിച്ച് നഷ്ടപ്പെടുത്തിയതും അത്‌ലറ്റികോയ്ക്ക് വിജയനം നിഷേധിച്ചു. ഫൈനലിലെത്തിയെങ്കിലും സെര്‍ജി റോബര്‍ട്ടോ, ലൂയിസ് സുവാരസ് എന്നിവര്‍ ചുവപ്പുകാര്‍ഡ് കണ്ട് പുറത്തായത് ബാര്‍സക്ക് തിരിച്ചടിയായി. അത്‌ലറ്റികോ വിങര്‍ യാനിക് കരാസ്‌കോയും ചുവപ്പുകാര്‍ഡ് കണ്ട് പുറത്തായി.

അത്‌ലറ്റികോ പ്രതിരോധം കീറിമുറിച്ച് ലയണല്‍ മെസ്സി നടത്തിയ സോളോ റണ്‍ ആണ് ബാര്‍സലോണയുടെ ഗോളില്‍ കലാശിച്ചത്. ബോക്‌സിനു പുറത്തുനിന്ന് അര്‍ജന്റീനക്കാരന്‍ തൊടുത്ത ഗ്രൗണ്ടര്‍ അത്‌ലറ്റികോ കീപ്പര്‍ മിഗ്വേല്‍ മോയ ഡൈവ് ചെയ്ത് തടഞ്ഞെങ്കിലും റീബൗണ്ടില്‍ നിന്ന് സുവാരസ് നിഷ്പ്രയാസം ലക്ഷ്യം കണ്ടു.

77-ാം മിനുട്ടില്‍ 35 വാര അകലെ നിന്നുള്ള മെസ്സിയുടെ ഫ്രീകിക്ക് ക്രോസ്ബാറില്‍ തട്ടി മടങ്ങി. പ്രതിരോധക്കാരെ കാഴ്ചക്കാരാക്കിയ കിക്ക് ഗോള്‍കീപ്പര്‍ക്ക് അവസരം നല്‍കാതെ താണിറങ്ങിയെങ്കിലും ക്രോസ്ബാറിന്റെ അടിയില്‍ തട്ടി ഗ്രൗണ്ടില്‍ തിരിച്ചെത്തി.

79-ാം മിനുട്ടില്‍ ഗമീറോയെ ജെറാഡ് പിക്വെ ബോക്‌സില്‍ വീഴ്ത്തിയതിനാണ് ബാര്‍സ പെനാല്‍ട്ടി വഴങ്ങിയത്. കിക്കെടുത്ത ഫ്രഞ്ച് താരം പക്ഷേ, പന്ത് ബാറിനു മുകളിലൂടെ അടിച്ചുപറത്തുകയായിരുന്നു.

83-ാം മിനുട്ടില്‍ ആന്റോയിന്‍ ഗ്രീസ്മന്റെ ക്രോസില്‍ നിന്നാണ് ഗമീറോ സമനില ഗോള്‍ വഴങ്ങിയത്. അവസാന മിനുട്ടുകളില്‍ അത്‌ലറ്റികോ വാശിയോടെ പൊരുതിയെങ്കിലും ഗോള്‍ വഴങ്ങാതെ ബാര്‍സ പ്രതിരോധം പിടിച്ചുനിന്നു.

Film

‘മഞ്ഞുമ്മല്‍ ബോയ്‌സ്’ നിര്‍മാതാക്കള്‍ക്കെതിരെ ഇഡി അന്വേഷണം: സൗബിന് ഷാഹിറിന് നോട്ടീസ്‌

കള്ളപ്പണ ഇടപാടുകളിലാണ് അന്വേഷണം നടക്കുന്നത്

Published

on

കൊച്ചി: ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളായ പറവ ഫിലിംസിനെതിരെ എൻഫോഴ്സ്മെന്റ് ഡയറക്ടറേറ്റ് (ഇ.ഡി) അന്വേഷണം. പറവ ഫിലിംസ് കള്ളപ്പണം ഇടപാടുകൾ നടത്തിയിട്ടുണ്ടോയെന്നാണ് ഇ.ഡി അന്വേഷിക്കുക. ഇതുമായി ബന്ധപ്പെട്ട് നടൻ സൗബിൻ ഷാഹിർ ഉൾപ്പെടെയുള്ളവരെ ഇ.ഡി ചോദ്യം ചെയ്യും.

ഇതിനായി സൗബിൻ ഷാഹിറിന് നോട്ടീസ് നൽകിയിട്ടുണ്ട്. കള്ളപ്പണ ഇടപാടുകളിലാണ് അന്വേഷണം നടക്കുന്നത്. സാമ്പത്തിക തട്ടിപ്പ് കേസിൽ മഞ്ഞുമ്മൽ ബോയ്സ് നിർമ്മാതാക്കൾക്കെതിരെ പൊലീസ് കേസുണ്ട്. സിനിമയ്ക്ക് 7 കോടി രൂപ മുടക്കിയ വ്യക്തിക്ക് 250 കോടി ലാഭമുണ്ടാക്കിയിട്ടും മുടക്കുമുതൽ പോലും നൽകിയില്ലെന്നായിരുന്നു പരാതി.

നേരത്തേ സിനിമയുടെ ലാഭവിഹിതം വാഗ്ദാനം ചെയ്ത് സാമ്പത്തിക തട്ടിപ്പ് നടന്നതിലും പറവ ഫിലിംസിനെതിരെ കേസുണ്ട്. ഏഴുകോടി രൂപ സിനിമയ്ക്കായി മുടക്കിയാല്‍ 40 % ശതമാനം ലാഭവിഹിതം വാഗ്ദാനം ചെയ്ത ശേഷം വഞ്ചിച്ചെന്ന് കാട്ടി അരൂര്‍ സ്വദേശി സിറാജ് വലിയതറ ഹമീദ് നല്‍കിയ കേസില്‍ നിര്‍മാതാക്കള്‍ തട്ടിപ്പ് നടത്തിയെന്ന് കേസന്വേഷിച്ച മരട് പൊലീസ് ഹൈക്കോടതിയില്‍ റിപ്പോര്‍ട്ട് നല്‍കിയിരുന്നു. ഇതിന് പിന്നാലെയാണ് അന്വേഷണവുമായി ഇ.ഡിയും എത്തുന്നത്.

Continue Reading

Celebrity

നടി മാളബിക ദാസിനെ മരിച്ചനിലയിൽ കണ്ടെത്തി; മൃതദേഹം അഴുകിയ നിലയിൽ

ഫ്ലാറ്റിൽ നിന്ന് ദുർ​ഗന്ധമുണ്ടായതിനെ തുടർന്ന് അയൽവാസികൾ പൊലീസിനെ അറിയിക്കുകയായിരുന്നു

Published

on

മുംബൈ: ബോളിവുഡ് നടി നൂർ മാളബിക ദാസിനെ (32) മരിച്ച നിലയിൽ കണ്ടെത്തി. മുംബൈയിലെ ഫ്ലാറ്റിലാണ് നടിയെ മരിച്ച നിലയിൽ കണ്ടെത്തിയത്. ജൂൺ ആറിനാണ് നടി മരിച്ചത്. ഫ്ലാറ്റിൽ നിന്ന് ദുർ​ഗന്ധമുണ്ടായതിനെ തുടർന്ന് അയൽവാസികൾ പൊലീസിനെ അറിയിക്കുകയായിരുന്നു.

തുടർന്ന് പൊലീസെത്തി ഫ്ലാറ്റിൽ പരിശോധന നടത്തിയപ്പോഴാണ് അഴുകിയ നിലയിൽ നടിയുടെ മൃതദേഹം കണ്ടെത്തിയത്. മൃതദേഹം പോസ്റ്റ്‌മോർട്ടത്തിനായി ഗോരേഗാവിലെ സിദ്ധാർത്ഥ് ആശുപത്രിയിലേക്ക് മാറ്റി.

അസം സ്വദേശിയായ നൂർ അഭിനയ രംഗത്തേക്കെത്തുന്നതിന് മുമ്പ് ഖത്തർ എയർവേയ്‌സിൽ എയർ ഹോസ്റ്റസായിരുന്നു. കജോൾ നായികയായെത്തിയ ദ് ട്രയലിൽ ശ്രദ്ധേയമായ വേഷത്തിൽ നൂർ അഭിനയിച്ചിട്ടുണ്ട്. സിസ്‌കിയാൻ, വാക്ക്മാൻ തുടങ്ങി നിരവധി വെബ് സീരീസുകളിലും നടി ഭാഗമായിട്ടുണ്ട്.

Continue Reading

Film

‘മുസ്‌ലിം സമുദായത്തെ അധിക്ഷേപിക്കുന്നു’;’ഹമാരെ ബാരാ’ ചിത്രത്തിന്റെ റിലീസ് വിലക്കേര്‍പ്പെടുത്തി കര്‍ണാടക സര്‍ക്കാര്‍

സംസ്ഥാനത്തെ മതസാഹോദര്യവും സമാധാനാന്തരീക്ഷവും തകര്‍ക്കുമെന്നു ചൂണ്ടിക്കാട്ടിയാണ് കര്‍ണാടക സര്‍ക്കാര്‍ ഉത്തരവിട്ടിരിക്കുന്നത്

Published

on

ഹിന്ദി ചിത്രം ‘ഹമാരെ ബാരാ’യുടെ ചിത്രീകരണം നിരോധിച്ച് കര്‍ണാടക. അടുത്തൊരു ഉത്തരവുണ്ടാകുന്നതു വരെയാണു വിലക്ക്. സിനിമയില്‍ മുസ്‌ലിം സമുദായത്തെ അധിക്ഷേപിക്കുന്നുവെന്നു ചൂണ്ടിക്കാട്ടി മുസ്‌ലിം സംഘടനകളുടെ പ്രതിഷേധം നടക്കുന്നതിനിടെയാണു സംസ്ഥാനത്തെ തിയറ്ററുകളില്‍ ചിത്രം പ്രദര്‍ശിപ്പിക്കുന്നതു തടഞ്ഞിരിക്കുന്നത്.

1964ലെ കര്‍ണാടക സിനിമാ(നിയന്ത്രണ) നിയമം പ്രകാരമാണ് സിദ്ധരാമയ്യ സര്‍ക്കാരിന്റെ നടപടി. നിരവധി സംഘടനാ നേതാക്കള്‍ വിഷയത്തില്‍ സര്‍ക്കാരിന്റെ ഇടപെടല്‍ ആവശ്യപ്പെട്ടിരുന്നു. ചിത്രം റിലീസ് ചെയ്യുന്നതിനു പുറമെ ഇലക്ട്രോണിക് മാധ്യമങ്ങളിലും സോഷ്യല്‍ മീഡിയയിലും ചിത്രത്തിന്റെ ട്രെയിലര്‍ പ്രദര്‍ശിപ്പിക്കുന്നതിനും വിലക്കുണ്ട്. സംസ്ഥാനത്തെ മതസാഹോദര്യവും സമാധാനാന്തരീക്ഷവും തകര്‍ക്കുമെന്നു ചൂണ്ടിക്കാട്ടിയാണ് കര്‍ണാടക സര്‍ക്കാര്‍ ഉത്തരവിട്ടിരിക്കുന്നത്.

മുസ്‌ലിം സമുദായത്തെ ബോധപൂര്‍വം വേട്ടയാടുന്നതാണു ചിത്രമെന്നാണു പരാതി ഉയര്‍ന്നിരിക്കുന്നത്. സമൂഹത്തില്‍ നിലനില്‍ക്കുന്ന സമാധാനാന്തരീക്ഷം തകര്‍ക്കുകയാണു ചിത്രത്തിന്റെ അണിയറ പ്രവര്‍ത്തകര്‍ ഇതിലൂടെ ലക്ഷ്യമിട്ടിരിക്കുന്നതെന്നു ചൂണ്ടിക്കാട്ടി ഇതിനോടകം പല സംഘടനകളും രംഗത്തുവന്നിട്ടുണ്ട്.

Continue Reading

Trending