Connect with us

News

ബ്രസീല്‍ ഇന്ന് കാമറൂണിനെതിരെ

പുലര്‍ച്ചെ 12.30 നാണ് മല്‍സരം.

Published

on

ലുസൈലില്‍ ബ്രസീലിന് ടെന്‍ഷന്‍ തെല്ലുമില്ല. കോച്ച് ടിറ്റേ ആര്‍ക്കെല്ലാം കളിക്കാന്‍ അവസരം നല്‍കും എന്നത് മാത്രമാണ് ചോദ്യം. ആദ്യ മല്‍സരത്തില്‍ പരുക്കേറ്റ നെയ്മറിനെ അദ്ദേഹം ഇറക്കില്ലെന്നുറപ്പ്. നെയ്മറില്ലാതെ കളിച്ച ബ്രസീല്‍ സ്വിസുകാര്‍ക്കെതിരെ നിറം മങ്ങിയിരുന്നു. തന്റെ പ്രധാന മുന്‍നിരക്കാരന്‍ പൂര്‍ണ ആരോഗ്യത്തോടെ വരാന്‍ കാത്തിരിക്കയാണ് ടിറ്റേ. കാമറൂണ്‍ സംഘത്തിന് പ്രതീക്ഷകളുണ്ട്.

ബ്രസീലിനെ തോല്‍പ്പിക്കാനായാല്‍ അവര്‍ക്ക് നോക്കൗട്ട് പ്രതീക്ഷയുണ്ട്. നിലവിലെ ടേബിളില്‍ ബ്രസീലിന് (6) താഴെ സ്വിസുകാരാണ് (3). അവരിന്ന് സെര്‍ബിയയെ നേരിടുമ്പോള്‍ സാധ്യതകള്‍ സജീവമാണ്. പക്ഷേ കാമറൂണിന് ജയിക്കണം. അതും ബ്രസീലിനോട്. നിലവിലെ ഫോമില്‍ ബ്രസീലിനെ വീഴ്ത്തുക എളുപ്പമല്ല. പക്ഷേ കഴിഞ്ഞ ദിവസം ലോക ചാമ്പ്യന്മാരായ ഫ്രാന്‍സിനെ തുണീഷ്യക്കാര്‍ തോല്‍പ്പിച്ച ചരിത്രവുമുണ്ട്. റോജര്‍ മില്ലറുടെ ചരിത്രമുണ്ട് കാമറൂണിന്.

അസംഭവ്യമെന്നത് അവരുടെ അജണ്ടയില്‍ ഇല്ല, വിസന്‍ഡെ അബുബക്കറും സംഘവും പോരാട്ട വീര്യമുളളവരാണ്. സെര്‍ബിയക്കെതിരായ മല്‍സരത്തില്‍ 1-3ന് പിറകില്‍ നിന്ന ശേഷമായിരുന്നു അവര്‍ 3-3 ലെത്തിയത്. ഇന്നും നഷ്ടപ്പെടാന്‍ ഒന്നുമില്ലെന്നിരിക്കെ ബ്രസീലിനെ വിറപ്പിക്കാനാവുമെന്ന വിശ്വാസം ടീമിനുണ്ട്. ടിറ്റേ പറയുന്നത് കാര്യങ്ങള്‍ എളുപ്പമല്ലെന്നാണ്. ലോകകപ്പാണ്. എല്ലാവരും ഏറ്റവും മികച്ച ഫോമിലാണ് കളിക്കുക. അതിനാല്‍ ജാഗ്രതക്കൊപ്പം കരുത്തോടെ കളിക്കണം. ആദ്യ മല്‍സരത്തില്‍ സെര്‍ബിയക്കെതിരെ റിച്ചാര്‍ലിസണ്‍ ഗംഭീര ഫോമിലായിരുന്നു. പക്ഷേ അവസാന മല്‍സരത്തില്‍ അദ്ദേഹത്തിന് അതേ മികവ് പുലര്‍ത്താനായിരുന്നില്ല.

വിനീഷ്യസ് ജൂനിയറും ഇത് വരെ ഗോളിലേക്ക് വന്നിട്ടില്ല. റയല്‍ മാഡ്രിഡിന് വേണ്ടി സീസണില്‍ ഗോള്‍ വേട്ട നടത്തിയ യുവ സ്‌ട്രൈക്കറെ കൂടാതെ റഫീഞ്ഞോയെ പോലുള്ളവരും നോക്കൗട്ടിന് മുമ്പ് ഫോമിലേക്ക് വരുന്നതും കാത്തിരിക്കയാണ് ആരാധകര്‍. പുലര്‍ച്ചെ 12.30 നാണ് മല്‍സരം.

india

ഫുഡ് ഡെലിവറി ജീവനക്കാരന് മദ്യപാനികളുടെ ക്രൂരമര്‍ദ്ദനം

ഭക്ഷണം വിതരണം ചെയ്ത ശേഷം മടങ്ങി വരുന്നതിനിടെയാണ് വാസനെ ഇരുവരും ചേര്‍ന്ന് മര്‍ദ്ദിച്ചത്.

Published

on

ചെന്നൈ: തമിഴ്‌നാട്ടില്‍ ഫുഡ് ഡെലിവറി ജീവനക്കാരനെതിരെ മദ്യപാനികളുടെ മര്‍ദനം. രണ്ടുപേര്‍ ചേര്‍ന്ന് ക്രൂരമായി മര്‍ദിക്കുകയായിരുന്നു. മര്‍ദ്ദനത്തില്‍ ഗുരുതരമായി പരിക്കേറ്റ 22 വയസുള്ള തിരുമലൈ വാസനെ വെല്ലൂര്‍ ജില്ലാ ആശുപത്രിയില്‍ പ്രവേശിപ്പിച്ചു.

ഫുഡ് ഡെലിവറി ജീവനക്കാരനെ മര്‍ദ്ദിക്കുന്ന സമയത്ത് ഇരുവരും മദ്യപിച്ചിരുന്നതായി പൊലീസ് പറയുന്നു. സംഭവവുമായി ബന്ധപ്പെട്ട് ഒരാളെ പൊലീസ് കസ്റ്റഡിയിലെടുത്തു.

വെല്ലൂര്‍ കാട്ട്പാടിയില്‍ വ്യാഴാഴ്ച രാത്രിയാണ് സംഭവം. ഭക്ഷണം വിതരണം ചെയ്ത ശേഷം മടങ്ങി വരുന്നതിനിടെയാണ് വാസനെ ഇരുവരും ചേര്‍ന്ന് മര്‍ദ്ദിച്ചത്. മദ്യപിച്ച് വാഹനം ഓടിച്ച പ്രതികള്‍ സഞ്ചരിച്ച ബൈക്ക് വാസന്റെ ബൈക്കുമായി കൂട്ടിയിടിച്ചു. ഇതിന് പിന്നാലെയായിരുന്നു മര്‍ദനം.

Continue Reading

kerala

ചാലക്കുടിയില്‍ കെഎസ്ആര്‍ടിസി സൂപ്പര്‍ ഫാസ്റ്റ് ബസിന് നേരെ കല്ലേറ്; മുന്നിലെ ചില്ല് തകര്‍ന്നു

ബസിനെ ബൈക്കില്‍ പിന്തുടര്‍ന്ന യുവാവാണ് കല്ലെറിഞ്ഞത്.

Published

on

തൃശൂര്‍: ദേശീയപാതയില്‍ കെഎസ്ആര്‍ടിസി സൂപ്പര്‍ ഫാസ്റ്റ് ബസിന് നേരെ കല്ലേറ്. കല്ലേറില്‍ ബസിന്റെ മുന്നിലെ ചില്ല് പൂര്‍ണമായി തകര്‍ന്നു. ചാലക്കുടിയിലാണ് സംഭവം.

കെഎസ്ആര്‍ടിസി ബസിനെ ബൈക്കില്‍ പിന്തുടര്‍ന്ന യുവാവാണ് കല്ലെറിഞ്ഞത്. തൃശൂരില്‍ നിന്ന് ചാലക്കുടി വരെ ബൈക്കിലെത്തിയ യുവാവ് ചാലക്കുടിയില്‍ കല്ലുമായി കാത്തുനിന്നു. ബസ് എത്തിയ സമയത്ത് കല്ലെറിഞ്ഞ ശേഷം ബൈക്കില്‍ യുവാവ് രക്ഷപ്പെടുകയായിരുന്നു.

തിരുവനന്തപുരത്തേയ്ക്ക് പോവുകയായിരുന്ന കെഎസ്ആര്‍ടിസി സൂപ്പര്‍ ഫാസ്റ്റ് ബസിന് നേരെയായിരുന്നു കല്ലേറ് നടന്നത്. സംഭവത്തില്‍ പൊലീസ് അന്വേഷണം ആരംഭിച്ചു.

Continue Reading

india

പ്രയാപൂര്‍ത്തിയാകാത്ത പെണ്‍കുട്ടിക്കെതിരെ ലൈംഗീക പീഡനം: അമ്മയുടെ സുഹൃത്ത് അറസ്റ്റില്‍

മുന്‍ സൈനികനായ പ്രതി ഗുരുവായൂര്‍ ദേവസ്വത്തിലെ സെക്യൂരിറ്റി ജീവനക്കാരനായി ജോലി ചെയ്ത് വരികയായിരുന്നു

Published

on

പാലക്കാട്: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗിക പീഡനത്തിനിരയാക്കിയ കേസില്‍ സുരക്ഷാ ജീവനക്കാരന്‍ അറസ്റ്റില്‍. കൂറ്റനാട് വാവനൂര്‍ സ്വദേശി പ്രജീഷ് കുമാറിനെയാണ് ചാലിശ്ശേരി പൊലീസ് അറസ്റ്റു ചെയ്തത്.

പീഡനത്തിനിരയായ പെണ്‍കുട്ടിയുടെ അമ്മയുടെ സുഹൃത്തായിരുന്നു പ്രജീഷ് കുമാര്‍. ഈ സൗഹൃദം മുതലെടുത്താണ് ഇയാള്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡനത്തിരയാക്കിയതെന്ന് പൊലീസ് പറയുന്നു. ബസ് യാത്രയ്ക്കിടയിലും ഒരു സ്വകാര്യ പാലിയേറ്റീവ് ഹോം സന്ദര്‍ശന വേളയിലുമെല്ലാം ഇയാള്‍ പെണ്‍കുട്ടിയെ പീഡിപ്പിച്ചതായാണ് പരാതി.

മുന്‍ സൈനികനായ പ്രതി ഗുരുവായൂര്‍ ദേവസ്വത്തിലെ സെക്യൂരിറ്റി ജീവനക്കാരനായി ജോലി ചെയ്ത് വരികയായിരുന്നു. ഇയാളെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.

Continue Reading

Trending