മൂന്നാറിലെ കാട്ടുകൊമ്പന്‍ പടപ്പയെ വിരട്ടിയ സംഭവത്തില്‍ ജീപ്പ് വനംവകുപ്പ് കസ്റ്റഡിയിലെടുത്തു. കണ്ണന്‍ദേവന്‍ കമ്പനി കടലാര്‍ എസ്റ്റേറ്റില്‍ ഫാക്ടറി ഡിവിഷനിലെ കരാറുകാരന്‍ ദാസ് എന്നു വിളിക്കുന്ന ചുടലെ(42)ക്ക് എതിരെയാണ് കേസെടുത്തത്. ഇയാള്‍ക്കെതിരെ ഇന്നലെ കേസെടുത്ത് അന്വേഷണം തുടങ്ങിയിരുന്നു. ദാസ് തമിഴ്‌നാട്ടിലേക്ക് മുങ്ങിയതായാണ് വനംവകുപ്പിന് വിവരം ലഭിച്ചത്. വന്യജീവി സംരക്ഷണ നിയമപ്രകാരമാണ് കേസെടുത്തത്.

മൂന്നാര്‍ ഡിഎഫ്ഒ രമേഷ് വിഷ്‌ണോയിയുടെ നിര്‍ദേശപ്രകാരം റേഞ്ച് ഓഫീസര്‍ അരുണ്‍ മഹാരാജയാണ് കേസെടുത്തത്. ഇയാള്‍ക്കെതിരെ ജാമ്യമില്ലാ വകുപ്പികള്‍ ചുമത്തിയിട്ടുണ്ട്. കഴിഞ്ഞ ദിവസമാണ് കേസിനാസ്പദമായ സംഭവം നടന്നത്. കടലാറിലേക്കുള്ള പ്രധാന പാതയുടെ മുകള്‍ ഭാഗത്തു നിന്നിരുന്ന ആനയെ വാഹനത്തിലെത്തിയ ദാസ് വാഹനം ഇരപ്പിച്ചു പ്രകോപിപ്പിച്ചെന്നാണ് കേസ്. ഏറെ നേരം ഹോണ്‍ അടിക്കുകയും വാഹനം ഇരപ്പിക്കുകയും ചെയ്ത് ആനയെ പ്രകോപിപ്പിച്ചു. ഇതിന്റെ ദൃശ്യങ്ങള്‍ കഴിഞ്ഞ ദിവസങ്ങളില്‍ സാമൂഹ്യമാധ്യമങ്ങളില്‍ പ്രചരിച്ചിരുന്നു.

മൂന്നാര്‍: ബൈക്ക് യാത്രികന്‍ കാട്ടാനയുടെ മുന്നില്‍ നിന്നും രക്ഷപ്പെട്ടത് തലനാരിഴയ്ക്ക്. മൂന്നാര്‍ ആനയിറങ്കലിന് സമീപത്തുവച്ച് ഇന്ന് രാവിലെ ആറരയോടെയാണ് സംഭവം. മൂന്നാര്‍ ഭാഗത്തു നിന്നും പൂപ്പാറയിലേക്ക് എത്തിയതായിരുന്നു സ്‌കൂട്ടര്‍ യാത്രക്കാര്‍. ആനയിറങ്കല്‍ ഡാമിന് സമീപത്തുവച്ചാണ് ഇവര്‍ ആനയുടെ മുന്നിലകപ്പെട്ടത്. ദേശീയപാതയില്‍ വളവു തിരിഞ്ഞ് വരുമ്പോഴാണ് കാട്ടാനയെ മുന്നില്‍ കണ്ടത്. പെട്ടെന്നുള്ള അമ്പരപ്പില്‍ സ്‌കൂട്ടര്‍ മറിഞ്ഞ് ബൈക്കിലുണ്ടായിരുന്ന ഇരുവരും റോഡിലേക്ക് വീണു. ഇതുകണ്ട ആന ഇവര്‍ക്കരികിലേക്കെത്തി. റോഡിന്റെ മറുവശത്തുണ്ടായിരുന്നവര്‍ ശബ്ദമുണ്ടാക്കിയതൊടെ, ആന റോഡിന്റെ വലതുവശം ചേര്‍ന്ന് നടന്നുപോയി. റോഡില്‍ വീണ ബൈക്ക് യാത്രക്കാര്‍ അപ്പോഴേക്കും ഓടി രക്ഷപ്പെട്ടിരുന്നു.

ഉത്തരാഖണ്ഡിലെ ജോഷിമഠില്‍ ഭൂമി ഇടിഞ്ഞ് താഴുന്ന സാഹചര്യത്തിലും നിരോധനാജ്ഞ മറികടന്ന് പുലര്‍ച്ചെ മണ്ണുതുരക്കല്‍ തകൃതിയായി നടക്കുന്നു. വിള്ളല്‍ വീണ വീടുകളുടെ എണ്ണം 723 ആയ സാഹചര്യത്തിലും അനധികൃത നിര്‍മാണങ്ങള്‍ തുടരുന്ന സാഹചര്യമാണ് നിലവില്‍. ബുധനാഴ്ച പുലര്‍ച്ചെ രണ്ടിന് ജോഷിമഠിനു തൊട്ടടുത്തുള്ള പ്രദേശത്തു പാറ പൊട്ടിക്കുന്നതും യന്ത്രങ്ങള്‍ ഉപയോഗിച്ച് മണ്ണ് തുരക്കുന്നതിന്റെയും വീഡിയോസാണ് പുറത്തുവന്നിരിക്കുന്നത്. ദേശീയപാതയ്ക്ക് അടുത്തായാണ് നിര്‍മ്മാണ പ്രവര്‍ത്തനങ്ങള്‍ നടക്കുന്നത്.

ഒരുകിലോമീറ്റര്‍ ദൂരെയോളം തുരങ്കമെടുക്കുന്നതിന്റെ ശബ്ദം കേള്‍ക്കാമായിരുന്നു, എന്നാല്‍ ആരും ജോലിക്കാരെ തടയാന്‍ ശ്രമിച്ചിട്ടില്ലെന്നും വിശ്വസിക്കാന്‍ കഴിയാത്തതാണ്. വീടുകള്‍ക്കും കെട്ടിടങ്ങള്‍ക്കും വിള്ളലുകള്‍ രൂപപ്പെട്ടതിന്റെ ഭാഗമായി ജോഷിമഠിലും സമീപപ്രദേളങ്ങളിലും നിര്‍മ്മാണ പ്രവര്‍ത്തനങ്ങള്‍ക്ക് വിലക്കുണ്ട്. വിള്ളലിനെ തുടര്‍ന്ന് 131 കുടുംബങ്ങളെ ദുരുതാശ്വാസ ക്യാമ്പുകളിലേക്ക് മാറ്റി.