Connect with us

Article

ആദായ നികുതിയും മുന്നാക്ക സംവരണവും-എഡിറ്റോറിയല്‍

ജാതിസംവരണം മോശമാണെന്നും സാമ്പത്തിക സംവരണമാണ് വേണ്ടതെന്നും അതാണ് നീതിയെന്നും അതിലാണ് പുരോഗമനമുള്ളതെന്നുമാണ് എല്ലാകാലത്തും കമ്യൂണിസ്റ്റ് പാര്‍ട്ടികളുടെ നിലപാട്. ജാതിസംവരണം വഴി ജാതീയത നിലനിര്‍ത്താനേ കഴിയൂ എന്നും ജാതിസംവരണം മെറിറ്റിനെ നശിപ്പിക്കുമെന്നും കമ്യൂണിസ്റ്റ് ആചാര്യന്‍ ഇ.എം.എസ് നമ്പൂതിരിപ്പാട് വ്യക്തമാക്കിയിട്ടുണ്ട്.

Published

on

മദ്രാസ് ഹൈക്കോടതിയുടെ മധുരൈ ബെഞ്ചില്‍നിന്ന് കഴിഞ്ഞദിവസം ശ്രദ്ധേയമായ ഇടപെടല്‍ ഉണ്ടായിരിക്കുകയാണ്. എട്ട് ലക്ഷം രൂപയില്‍ താഴെ വരുമാനമുള്ള ആളുകളെ ആദായനികുതിയില്‍നിന്ന് ഒഴിവാക്കണമെന്ന് ആവശ്യപ്പെട്ടുകൊണ്ട് മദ്രാസ് ഹൈക്കോടതി കേന്ദ്ര സര്‍ക്കാരിന് നോട്ടീസയച്ചിരിക്കുകയാണ്. മുന്നോക്ക സംവരണം സംബന്ധിച്ച ഭരണഘടനാഭേദഗതി സുപ്രീംകോടതി ശരിവെച്ച പശ്ചാത്തലത്തില്‍ മദ്രാസ് ഹൈക്കോടതിയുടെ നോട്ടീസ് ശ്രദ്ധേയമാണ്. മുന്നാക്ക സംവരണം അംഗീകരിച്ചുകൊണ്ടുള്ള സുപ്രീംകോടതിവിധി അടിസ്ഥാനമാക്കി ആദായ നികുതി പിരിക്കുന്നത് 2.5 ലക്ഷമാക്കി നിശ്ചയിച്ചതിനെ ചോദ്യംചെയ്തുകൊണ്ടാണ് ഹൈക്കോടതിയുടെ നോട്ടീസ്. ജസ്റ്റിസ് ആര്‍. മഹാദേവന്‍, ജസ്റ്റിസ് സത്യനാരായണ പ്രസാദ് എന്നിവരടങ്ങിയ ബെഞ്ചാണ് തിങ്കളാഴ്ച കേന്ദ്ര നിയമനീതി മന്ത്രാലയം, പെന്‍ഷന്‍ മന്ത്രാലയം തുടങ്ങിയവക്ക് നോട്ടീസ് അയച്ചത്. നാലാഴ്ചക്കകം മറുപടി നല്‍കാനും കോടതി നിര്‍ദേശിച്ചു.

103ാം ഭരണഘടനാഭേദഗതി അനുസരിച്ച് മുന്നാക്ക സമുദായത്തിലെ സാമ്പത്തികമായി പിന്നാക്കം നില്‍ക്കുന്ന എട്ട് ലക്ഷം വരെ വരുമാന പരിധിയുള്ള ആളുകള്‍ക്കാണ് 10 ശതമാനം സംവരണം ലഭിക്കുക. ഇതിന്റെ അടിസ്ഥാനത്തില്‍ എട്ട് ലക്ഷത്തില്‍ താഴെ വരുമാനമുള്ളവരെ ആദായ നികുതിയില്‍നിന്ന് ഒഴിവാക്കണമെന്ന ആവശ്യമാണ് നോട്ടീസില്‍ പറയുന്നത്. ഡി.എം.കെ അസറ്റ് പ്രൊട്ടക്ഷന്‍ കൗണ്‍സില്‍ അംഗം കുന്നൂര്‍ ശ്രീനിവാസന്‍ നല്‍കിയ ഹരജിയിലാണ് കോടതി നടപടി. മുന്നാക്കക്കാരില്‍ സാമ്പത്തികമായി പിന്നാക്കം നില്‍ക്കുന്നവര്‍ക്ക് തൊഴിലിലും വിദ്യാഭ്യാസത്തിലും 10 ശതമാനം സാമ്പത്തിക സംവരണം ഏര്‍പ്പെടുത്തിയ 2019ലെ നിയമം സുപ്രീംകോടതി ഭരണഘടനാബെഞ്ച് ഭൂരിപക്ഷ വിധിയില്‍ നവംബര്‍ ഏഴിനാണ് ശരിവെച്ചത്. മുന്നാക്ക സംവരണത്തിന് സുപ്രീംകോടതി ശരിവെച്ച വ്യവസ്ഥകള്‍ അംഗീകരിക്കാനാകുന്നതല്ലെന്ന് വിവിധ സംഘടനകള്‍ വ്യക്തമാക്കിയിരുന്നു. സാധാരണക്കാര്‍ക്ക് ഏറ്റവും കുറഞ്ഞ വേതനമായി പറയുന്നത് മൂന്നര ലക്ഷം രൂപയാണ്. മുന്നാക്ക സംവരണത്തിന്റെ പരിധി എട്ട് ലക്ഷം രൂപയായി സ്വീകരിച്ചാല്‍ അര്‍ഹതയില്ലാത്തവര്‍ക്കും സംവരണം ലഭിക്കും. ഭൂമിയുടെ കാര്യത്തിലും ഇത് ബാധകമാണ്.

മുന്നോക്ക സംവരണത്തിനെതിരെ ശക്തമായ നിലപാട് സ്വീകരിച്ച സംസ്ഥാനമാണ് തമിഴ്‌നാട്. സുപ്രീംകോടതി വിധിക്കെതിരെ പുന:പരിശോധനാഹര്‍ജി നല്‍കാന്‍ തീരുമാനിച്ച സംസ്ഥാനവും തമിഴ്‌നാടാണ്. സാമ്പത്തിക സംവരണത്തിന് നിശ്ചയിക്കപ്പെട്ട മാനദണ്ഡങ്ങള്‍ അശാസ്ത്രീയമാണെന്നും എട്ട് ലക്ഷം വാര്‍ഷിക വരുമാനമുള്ളവര്‍ എങ്ങനെ പാവപ്പെട്ടവരാകുമെന്നുമായിരുന്നു തമിഴ്‌നാട് മുഖ്യമന്ത്രി എം.കെ സ്റ്റാലിന്‍ ചോദിച്ചത്. എന്നാല്‍ തൊട്ടയല്‍ സംസ്ഥാനമായ കേരളമാകട്ടെ ബി.ജെ.പി സര്‍ക്കാരിനേക്കാള്‍ മുമ്പേയാണ് മുന്നോക്ക സംവരണം നടപ്പാക്കിയത്. സി.പി.എമ്മിന്റെ നേതൃത്വത്തിലുള്ള ഗവണ്‍മെന്റ് തിരുവിതാംകൂര്‍ ദേവസ്വം ബോര്‍ഡില്‍ സാമ്പത്തിക സംവരണം എന്ന പേരുപറഞ്ഞ് മുന്നാക്ക ജാതിസംവരണം നേരത്തെതന്നെ നടപ്പാക്കിയിരുന്നു. ജാതിസംവരണം മോശമാണെന്നും സാമ്പത്തിക സംവരണമാണ് വേണ്ടതെന്നും അതാണ് നീതിയെന്നും അതിലാണ് പുരോഗമനമുള്ളതെന്നുമാണ് എല്ലാകാലത്തും കമ്യൂണിസ്റ്റ് പാര്‍ട്ടികളുടെ നിലപാട്. ജാതിസംവരണം വഴി ജാതീയത നിലനിര്‍ത്താനേ കഴിയൂ എന്നും ജാതിസംവരണം മെറിറ്റിനെ നശിപ്പിക്കുമെന്നും കമ്യൂണിസ്റ്റ് ആചാര്യന്‍ ഇ.എം.എസ് നമ്പൂതിരിപ്പാട് വ്യക്തമാക്കിയിട്ടുണ്ട്.

തികച്ചും അശാസ്ത്രീയമാണ് മുന്നോക്ക സംവരണം. സംവരണമെന്ന ലക്ഷ്യത്തെതന്നെ അട്ടിമറിക്കുന്നതാണിത്. ജാതി സമ്പ്രദായത്തിനെ മുന്‍നിര്‍ത്തിയുള്ള സംവരണം മുന്നോട്ടുവെക്കുന്ന ആശയങ്ങള്‍ ആസൂത്രിതമായി അട്ടിമറിക്കുന്നതിനുള്ള ശ്രമമാണ് നടക്കുന്നത്. അതുകൊണ്ടാണ് ഇപ്പോള്‍ സംവരണം ലഭിക്കുന്ന വിഭാഗങ്ങളിലെ ദരിദ്രര്‍ സാമ്പത്തിക സംവരണത്തില്‍നിന്നും ഒഴിവാക്കപ്പെട്ടിരിക്കുന്നത്. ഒരു വശത്ത് വരേണ്യ ജാതികളിലെ ദരിദ്രരാണ് യഥാര്‍ത്ഥ ദരിദ്രരെന്ന് ചിത്രീകരിക്കുകയും മറുവശത്ത് അടിച്ചമര്‍ത്തപ്പെട്ട വിഭാഗങ്ങളില്‍ നിന്നുള്ള ദരിദ്രരെ അദൃശ്യവത്കരിക്കുകയും ചെയ്യുന്ന പ്രക്രിയയാണിത്. ഇതിന്റെ ആകത്തുകയാണ് സമത്വത്തിന്റെയും ഉള്‍ക്കൊള്ളലിന്റെയും പുതിയ മന്ത്രമായി സാമ്പത്തിക സംവരണം അവതരിപ്പിക്കപ്പെടുന്നത്. ബിസിനസ്, രാഷ്ട്രീയം, ഭൂമി, തൊഴില്‍, വിദ്യാഭ്യാസം എന്നീ മേഖലകളിലുള്ള ഭൂരിഭാഗം വിഭവങ്ങളും വരേണ്യ വിഭാഗങ്ങളുടെ നിയന്ത്രണത്തിലാണെന്ന വസ്തുത മറന്നുപോകരുത്. സാമ്പത്തിക സംവരണം വരേണ്യ വിഭാഗങ്ങള്‍ക്ക് കൂടുതല്‍ സമ്പത്തും അധികാരവും നല്‍കും. കോടതി നോട്ടീസിന്റെ പശ്ചാത്തലത്തില്‍ ആദായനികുതി പരിധി ഉയര്‍ത്തുകയോ മുന്നാക്ക സംവരണ പരിധി കുറയ്ക്കുകയോ ചെയ്യേണ്ടിയിരിക്കുന്നു. ദാരിദ്ര്യത്തിന്റെ പരിധിയും ആദായ നികുതി പരിധിയും തമ്മിലുള്ള അന്തരമാണ് കോടതി ചോദ്യംചെയ്തിരിക്കുന്നത്.

Article

ഗുജറാത്തില്‍ ഭരണവിരുദ്ധ വികാരം

യുവാക്കളിലെ തൊഴിലില്ലായ്മയാണ് ബി.ജെ.പി നേരിടുന്ന ഏറ്റവും വലിയ വെല്ലുവിളി. ശതകോടീശ്വരന്മാരുള്ള നാടാണ് ഗുജറാത്ത് എങ്കിലും ഉള്ളവനും ഇല്ലാത്തവനും തമ്മിലുള്ള അനന്തരം വര്‍ധിച്ചുവരികയാണ്. ഇതുമൂലം ദാരിദ്ര്യത്തിനും താഴെയുള്ളവര്‍ ഇന്ത്യയുടെ ശരാശരിയെക്കാള്‍ കൂടുതലാണ്. ജി.എസ്.ടി നടപ്പാക്കിയതില്‍ വ്യാപാരികള്‍ക്കിടയില്‍ ശക്തമായ അമര്‍ഷമാണുള്ളത്.

Published

on

അലി കട്ടയാട്ട്

കായിക പ്രേമികളുടെ കണ്ണ് ലോകകപ്പ് ഫുട്‌ബോള്‍ നടക്കുന്ന ഖത്തറിലാണെങ്കിലും ഇന്ത്യയുടെ ശ്രദ്ധ ഏവരും ഉറ്റുനോക്കുന്ന ഗുജറാത്ത് നിയമസഭാതിരഞ്ഞെടുപ്പിലാണ്. കായികപ്രേമികള്‍ക്കുള്ള ആവേശം പോലെയാണ് ഗുജറാത്തിലെ നിയമസഭാതിരഞ്ഞെടുന്റെ പ്രചാരണ പ്രവര്‍ത്തനങ്ങളില്‍ നിഴലിച്ചുനില്‍ക്കുന്നത്. വീറും വാശിയും ശക്തമാണ് ഗുജറാത്തില്‍. 1957 ല്‍ ബോംബെ സംസ്ഥാനത്തിന്റ ഭാഗമായിരുന്ന ഗുജറാത്ത് 1960 ലാണ് പുതിയ സംസ്ഥാനമാകുന്നത്. 1962ല്‍ ആണ് ആദ്യത്തെ തിരഞ്ഞെടുപ്പ് നടക്കുന്നത്. പ്രധാനമന്ത്രിയുടെയും ആഭ്യന്തര മന്ത്രിയുടെയും തട്ടകമാണ് ഗുജറാത്ത്. 27 വര്‍ഷമായി ബി.ജെ.പി ഭരിക്കുന്ന സംസ്ഥാനത്ത് ഗ്രാമങ്ങളിലും പട്ടണങ്ങളിലും വ്യത്യാസമില്ലാതെ ശക്തമായ ഭരണവിരുദ്ധ വികാരമാണ് പ്രതിഫലിക്കുന്നത്.

യുവാക്കളിലെ തൊഴിലില്ലായ്മയാണ് ബി.ജെ.പി നേരിടുന്ന ഏറ്റവും വലിയ വെല്ലുവിളി. ശതകോടീശ്വരന്മാരുള്ള നാടാണ് ഗുജറാത്ത് എങ്കിലും ഉള്ളവനും ഇല്ലാത്തവനും തമ്മിലുള്ള അനന്തരം വര്‍ധിച്ചുവരികയാണ്. ഇതുമൂലം ദാരിദ്ര്യത്തിനും താഴെയുള്ളവര്‍ ഇന്ത്യയുടെ ശരാശരിയെക്കാള്‍ കൂടുതലാണ്. ജി.എസ്.ടി നടപ്പാക്കിയതില്‍ വ്യാപാരികള്‍ക്കിടയില്‍ ശക്തമായ അമര്‍ഷമാണുള്ളത്. ഗുജറാത്തില്‍ ഏറ്റവും കൂടുതല്‍ പ്രചാരമുള്ള മറ്റൊരു വിഷയമണ് മോര്‍ബി തൂക്കുപാലം തകര്‍ന്നു 53 കുട്ടികള്‍ ഉള്‍പ്പെടെ 140 ഓളം പേര്‍ മരിച്ചത്. ഈ ദുരന്തത്തിന് ഗുജറാത്ത് ഹൈക്കോടതിയുടെ വിമര്‍ശംവരെ ഗവണ്‍മെന്റിന് നേരിടേണ്ടിവന്നിട്ടുണ്ട്. ദുരന്തം ഉണ്ടായി നാള്‍ ഏറെയായിട്ടും ഇതുവരെ മുഖ്യമന്ത്രിയോ പ്രധാനമന്ത്രിയോ ബി.ജെ.പി നേതൃത്വമോ ഖേദം പോലും പ്രകടിപ്പിക്കാത്തത് ജനങ്ങള്‍ക്കിടയില്‍ ശക്തമായ പ്രതിഷേധമുണ്ട്. സാമ്പത്തിക രംഗത്തും സര്‍ക്കാര്‍ ഏറെ പിന്നോട്ടായ അവസ്ഥയിലാണ്.

11 ശതമാനം ഉണ്ടായിരുന്ന ഡി.ജി.പി വളര്‍ച്ച നിരക്ക് എട്ടു ശതമാനത്തിന് താഴെയായി. ആരോഗ്യരംഗത്തും ഗുജറാത്ത് മറ്റു സംസ്ഥാനങ്ങളെ അപേക്ഷിച്ച് ഏറെ പിറകിലാണ്. 1995 മുതല്‍ 2014 വരെ മുഖ്യമന്ത്രിയായിരുന്ന നരേന്ദ്രമോദിയുടെ പ്രതാപമാണ് ബി.ജെ.പി ഇപ്പോഴും ഉയര്‍ത്തിപ്പിടിക്കുന്നത്. നരേന്ദ്രമോദിക്ക്‌ശേഷം കഴിഞ്ഞ എട്ടു വര്‍ഷത്തിനുള്ളില്‍ മൂന്നു മുഖ്യമന്ത്രിമാരെ പരീക്ഷിക്കേണ്ടിവന്നു. ബി.ജെ.പിയുടെ ഭരണ പരാജയമാണ് ഇത് തെളിയിക്കുന്നത്. ആനന്ദ് പട്ടേല്‍ രണ്ടുവര്‍ഷം മാത്രമാണ് മുഖ്യമന്ത്രിയായത.് അപ്പോഴേക്കും അദ്ദേഹത്തിനെതിരെ കലാപക്കൊടി ഉയര്‍ന്നു. അവര്‍ ഉന്നയിച്ച വിഷയം ഭരണ പരാജയമായിരുന്നു. പിന്നീട് വിജയ് രൂപാണിയെ പരീക്ഷിച്ചു. 2021 സെപ്തംബറില്‍ വിജയ് രൂപാണി ബി.ജെ.പി നിര്‍ദ്ദേശപ്രകാരം രാജിവച്ചു. കോവിഡ് ഉള്‍പ്പെടെയുള്ള കാര്യങ്ങളില്‍ മുഖ്യമന്ത്രിയും മന്ത്രിമാരും പരാജയമാണെന്ന് പൊതു വിലയിരുത്തല്‍ ഉണ്ടായി. പിന്നീട് ഭൂപേന്ദ്ര പട്ടേലിനെ മുഖ്യമന്ത്രിയാക്കി. വിജയ് രൂപാണി മന്ത്രിസഭയിലെ ഒരാളെപ്പോലും മന്ത്രിസഭയില്‍ ഉള്‍പ്പെടുത്താന്‍ ഭൂപേന്ദ്ര പട്ടേല്‍ തയ്യാറായില്ല.

ഭരണവിരുദ്ധ വികാരവും ബി.ജെ. പിയിലെ ആഭ്യന്തര കലാപവും വോട്ടാക്കി മാറ്റിയാല്‍ കോണ്‍ഗ്രസ് അധികാരത്തില്‍ വരുമെന്നാണ് ടൈംസ് ഓഫ് ഇന്ത്യ പ്രവചിക്കുന്നത്. സ്ഥാനാര്‍ഥി നിര്‍ണയത്തിലും ബി.ജെ.പി നേതാക്കള്‍ക്കിടയില്‍ മുറുമുറുപ്പുണ്ട്. മുന്‍ മുഖ്യമന്ത്രി വിജയരൂപാര്‍ണി ഉള്‍പ്പെടെയുള്ളവര്‍ക്ക് 75 വയസ്സ് മാനദണ്ഡംവെച്ച് സീറ്റ് നിഷേധിച്ചപ്പോള്‍ 77 വയസ്സുള്ള യോഗേഷ് പട്ടേലിന് വാഡോദരയില്‍ സ്വീറ്റ് നല്‍കിയത് ഒരു വിഭാഗം ബി.ജെ.പി നേതാക്കളെ ചൊടി പ്പിച്ചിട്ടുണ്ട്. ഏഴു എം.എല്‍.എമാര്‍ ഔദ്യോഗിക സ്ഥാനാര്‍ഥികള്‍ക്കെതിരെ മത്സരരംഗത്തുണ്ട്. ഇവരെ പാര്‍ട്ടിയില്‍ നിന്നും ബി.ജെ.പി പുറത്താക്കിയിരിക്കുകയാണ്. ബല്‍കീസ് ബാനു വധ കേസിലെ പ്രതികളെ ജയില്‍ മോചിതരാക്കാന്‍ മുന്‍കൈ എടുത്ത സി കെ റൗല്‍ ജിക്ക് സീറ്റ് നല്‍കിയത് ഏറെ വിവാദമായിട്ടുണ്ട്. സംസ്‌കാരമുള്ള ബ്രാഹ്മണന്‍ എന്നാണ് പ്രതികളെ അദ്ദേഹം വിശേഷിപ്പിച്ചത്. കോണ്‍ഗ്രസില്‍നിന്ന് കൂറുമാറി വന്ന എം.എല്‍.എമാര്‍ക്ക് ബി.ജെ.പി സീറ്റ് നല്‍കിയതും ബി.ജെ.പി നേതാക്കള്‍ ക്കിടയില്‍ പ്രതിഷേധത്തിന് ഇടയാക്കിയിട്ടുണ്ട്.

ഭരണവിരുദ്ധ വികാരവും പാര്‍ട്ടിയിലെ ആഭ്യന്തര കലാപവും മറികടക്കാനാണ് തിരഞ്ഞെടുപ്പ് കമ്മീഷന്‍ ഹിമാചല്‍പ്രദേശിനൊപ്പം ഗുജറാത്തിലെ തിരഞ്ഞെടുപ്പ് പ്രഖ്യാപിക്കാതിരുന്നത്. തിരഞ്ഞെടുപ്പ് പ്രഖ്യാപിച്ചാല്‍ പെരുമാറ്റചട്ടം നിലവില്‍ വരും. ഈ സമയത്ത് പ്രധാനമന്ത്രി ഉള്‍പ്പെടെയുള്ള ബി.ജെ.പി നേതാക്കള്‍ നിരവധി വാഗ്ദാനങ്ങളാണ് ജനങ്ങള്‍ക്ക് നല്‍കിയതും നിരവധി പദ്ധതികള്‍ക്ക് തുടക്കം കുറിച്ചതും. 33 ജില്ലകളില്‍ പ്രധാനമന്ത്രി നേരിട്ട് പ്രചാരണത്തിന് എത്തുന്നുണ്ട്. പ്രധാനമന്ത്രിക്ക്പുറമേ ആഭ്യന്തരമന്ത്രി അമിത് ഷായും ബി.ജെ.പി മുഖ്യമന്ത്രിമാരും തിരഞ്ഞെടുപ്പ് ഗോദയില്‍ സജീവമാണ്. ഭൂപെന്ദ്ര പട്ടേല്‍ തന്നെയാണ് ബി.ജെ.പിയുടെ മുഖ്യമന്ത്രി സ്ഥാനാര്‍ഥി. ഘത് ലോടിയ മണ്ഡലതില്‍നിന്നാണ് അദ്ദേഹം ജനവിധി തേടുന്നത്.

മുഴുവന്‍ സ്ഥാനാര്‍ത്ഥികളെയും പ്രഖ്യാപിച്ച കോണ്‍ഗ്രസ് വര്‍ധിത ആത്മവിശ്വാസത്തോടെ തിരഞ്ഞെടുപ്പ് പ്രചാരണത്തി ല്‍ സജീവമാണ്. രാഹുല്‍ ഗാന്ധി ജോഡോ യാത്രക്ക് ബ്രേക്ക് പ്രഖ്യാപിച്ച് സൂറത്തിലും രാജുഗട്ടിലും തിരഞ്ഞെടുപ്പ് പ്രചാരത്തിന് തുടക്കംകുറിച്ചു. പ്രിയങ്ക ഗാന്ധിയും കോണ്‍ഗ്രസ് പ്രസിഡന്റ് മല്ലികാര്‍ജുന ഖാര്‍ഗയും വരുംദിവസങ്ങളില്‍ ഗുജറാത്ത് തിരഞ്ഞെടുപ്പ് ഗോധയില്‍ ഉണ്ടാകും. 27 വര്‍ഷത്തെ ബി.ജെ.പി ഭരണ പരാജയമാണ് കോണ്‍ഗ്രസിന്റെ പ്രധാന തിരഞ്ഞെടുപ്പായുധം.
ബി.ജെ.പിയെയും ആം ആദ്മി പാര്‍ട്ടി യെയും പോലെ കോണ്‍ഗ്രസ് മുഖ്യമന്ത്രി സ്ഥാനാര്‍ഥിയെ പ്രഖ്യാപിച്ചിട്ടില്ല. മതേതര വോട്ടുകളില്‍ വിള്ളല്‍ ഉണ്ടാക്കാന്‍ തീവ്ര ഹിന്ദുത്വവും മൃദു ഹിന്ദുത്വവും പ്രചരിപ്പിച്ച് ആം ആദ്മി പാര്‍ട്ടിയും തിരഞ്ഞെടുപ്പ് ഗോദയില്‍ സജീവമാണ്.

മാധ്യമപ്രവര്‍ത്തകനായ ഇസുദാഗഡ് വിയാണ് ആം ആദ്മിയുടെ മുഖ്യമന്ത്രി സ്ഥാനാര്‍ത്ഥി. ദ്വാരക മണ്ഡലത്തില്‍ നിന്നാണ് അദ്ദേഹം തിരഞ്ഞെടുപ്പില്‍ മത്സരിക്കുന്നത്. സൗരാഷ്ട്ര മേഖലയില്‍ ആണ് ആം ആദ്മിയുടെ പ്രധാന കണ്ണ്. 54 നിയമസഭ സീറ്റുകള്‍ ആണ് ഈ മേഖലയിലുള്ളത്. പട്ടേല്‍ വിഭാഗത്തിന് ഏറെ പ്രാധാന്യമുള്ള പ്രദേശമാണ് സൗരാഷ്ട്ര മേഖല. കഴിഞ്ഞതവണ ഈ മേഖലയില്‍ കോണ്‍ഗ്രസിന് 30 സീറ്റ് ലഭിച്ചിരുന്നു. അന്ന് ഹാര്‍ദിക് പട്ടേല്‍ കോണ്‍ഗ്രസിനൊപ്പമായിരുന്നു. അരവിന്ദ് കെജ്രിവാളും പഞ്ചാബ് മുഖ്യമന്ത്രിയുമാണ് ആം ആദ്മിയുടെ താര പ്രചാരകര്‍. ആം ആദ്മി ഏതാനും ചില സീറ്റുകള്‍ കൈക്കലാക്കുമെങ്കിലും മുഖ്യമത്സരം കോണ്‍ഗ്രസ്സും ബി.ജെ.പിയും തമ്മിലാണ്. ബി.എസ്.പി, ഉവൈസയുടെ മജ്‌ലിസ് പാര്‍ട്ടി തുടങ്ങി 39 രാഷ്ട്രീയപാര്‍ട്ടികള്‍ മത്സര രംഗത്തുണ്ട്. ഡിസംബര്‍ 1, 5 തീയതികളിലാണ് തിരഞ്ഞെടുപ്പ് നടക്കുന്നത്. ഡിസംബര്‍ എട്ടിനാണ് വോട്ടെണ്ണല്‍. കഴിഞ്ഞ തവണ ആകെയുള്ള 182 സീറ്റില്‍ ബി. ജെ.പിക്ക് 99 സീറ്റ് ലഭിച്ചു. കോണ്‍ഗ്രസിന് 77 ഉം മറ്റുള്ളവര്‍ക്ക് നാല് സീറ്റുമാണ് ലഭിച്ചത്.

Continue Reading

Article

നിയന്ത്രണമില്ലാതെ വില; അനക്കമില്ലാതെ സര്‍ക്കാര്‍

സ്‌കൂളില്‍ ഉച്ചഭക്ഷണം കൊടുക്കാന്‍ സാമ്പത്തിക ബാധ്യത പറയുന്ന അതേ മുഖ്യമന്ത്രിയുടെ വസതിയില്‍ മ്യൂസിക് സിസ്റ്റത്തോടെ കാലിത്തൊഴുത്ത് ഉണ്ടാക്കാന്‍ ലക്ഷങ്ങള്‍ മുടുക്കുന്നു. ഭിന്നശേഷിക്കാരായ കുട്ടികള്‍ക്കുള്ള ആനുകൂല്യങ്ങള്‍ മാസങ്ങളായി നിലച്ചിരിക്കുകയാണ്. നിത്യോപയോഗ സാധനങ്ങളായ അരി, ആട്ട, ബ്രഡ്, പാല്‍, പഞ്ചസാര, ബിസ്‌ക്കറ്റ്, ഉള്ളി ഉള്‍പ്പെടെയുള്ള പച്ചക്കറികള്‍ എന്നിവക്കെല്ലാം കേരളത്തില്‍ വില വര്‍ധിച്ചു.

Published

on

പി.എം.എ സലാം

പൊള്ളുന്ന വിലക്കയറ്റത്തില്‍ വീര്‍പ്പുമുട്ടുകയാണ് കേരളം. വിലക്കയറ്റം നിയന്ത്രിക്കാന്‍ ഇടപെടേണ്ട സര്‍ക്കാര്‍ നിസംഗമായ മൗനം തുടരുകയാണ്. കോവിഡ് പ്രതിസന്ധിയില്‍നിന്ന് കരകയറാത്ത സാധാരണക്കാര്‍ രൂക്ഷമായ വിലക്കയറ്റത്തിന്റെ കെടുതി കൂടി അനുഭവിക്കുകയാണ്. ഉപ്പ് തൊട്ട് കര്‍പ്പൂരം വരെയുള്ള അവശ്യസാധനങ്ങള്‍ക്ക് വിലകൂടിയിട്ടും സര്‍ക്കാര്‍ അനങ്ങുന്നില്ല. അറിഞ്ഞ ഭാവം പോലും നടിക്കുന്നില്ല. ജനം പട്ടിണിയുടെ പൊരിവെയിലത്ത് നെട്ടോട്ടമോടുമ്പോഴും മന്ത്രിമാരുടെ ധൂര്‍ത്തിനോ സര്‍ക്കാര്‍ പരിപാടികളിലെ ആര്‍ഭാടത്തിനോ യാതൊരു കുറവുമില്ല. ആവശ്യത്തിന് ഖജനാവില്‍ പണമില്ലെന്ന് വിലപിക്കുന്ന മന്ത്രിമാര്‍ തന്നെ ധൂര്‍ത്തിന് വേണ്ടി മുടക്കുന്നത് കോടികളാണ്. മന്ത്രിമാര്‍ക്ക് ഇന്നോവ ക്രിസ്റ്റ വാങ്ങുന്നതിനായി കഴിഞ്ഞ ദിവസമാണ് 1.30 കോടി അനുവദിച്ചത്. ഇതിനൊന്നും യാതൊരു മുട്ടും വന്നിട്ടില്ല. മുഖ്യമന്ത്രിയും കുടുംബവും പരിവാരങ്ങളും കോടികള്‍ മുടക്കിയാണ് വിദേശ പര്യടനം നടത്തുന്നത്.

സ്‌കൂളില്‍ ഉച്ചഭക്ഷണം കൊടുക്കാന്‍ സാമ്പത്തിക ബാധ്യത പറയുന്ന അതേ മുഖ്യമന്ത്രിയുടെ വസതിയില്‍ മ്യൂസിക് സിസ്റ്റത്തോടെ കാലിത്തൊഴുത്ത് ഉണ്ടാക്കാന്‍ ലക്ഷങ്ങള്‍ മുടുക്കുന്നു. ഭിന്നശേഷിക്കാരായ കുട്ടികള്‍ക്കുള്ള ആനുകൂല്യങ്ങള്‍ മാസങ്ങളായി നിലച്ചിരിക്കുകയാണ്. നിത്യോപയോഗ സാധനങ്ങളായ അരി, ആട്ട, ബ്രഡ്, പാല്‍, പഞ്ചസാര, ബിസ്‌ക്കറ്റ്, ഉള്ളി ഉള്‍പ്പെടെയുള്ള പച്ചക്കറികള്‍ എന്നിവക്കെല്ലാം കേരളത്തില്‍ വില വര്‍ധിച്ചു. തൊഴിലും വരുമാനവും നിലച്ചു പോയ സാധാരണക്കാരാണ് ഈ വിലക്കയറ്റത്തില്‍ ഏറെയും ദുരിതം അനുഭവിക്കുന്നത്. ചരിത്രത്തിലെ ഏറ്റവും ഉയര്‍ന്ന നിരക്കിലാണ് അരിവില കുതിക്കുന്നത്. ഗോതമ്പ് ഉല്‍പ്പനങ്ങള്‍ക്കും വില വര്‍ദ്ധിച്ചു. പാക്കറ്റുകളില്‍ എത്തുന്ന ഭക്ഷ്യോല്‍പന്നങ്ങള്‍ക്ക് വില കൂടി. അലക്ക് പൊടികള്‍, സോപ്പ് തുടങ്ങിയ അവശ്യ വസ്തുക്കളും വില വര്‍ധനവില്‍നിന്ന് മുക്തമല്ല. സോപ്പ്, പേസ്റ്റ്, ഡിറ്റര്‍ജന്റ് തുടങ്ങിയവക്ക് ഇരട്ടിയോളമാണ് വില കൂടിയത്. അതേസമയം വിലകൂട്ടാതെ അളവ് കുറച്ചാണ് ചില കമ്പനികള്‍ ഉല്‍പന്നങ്ങള്‍ പുറത്തിറക്കുന്നത്. പേസ്റ്റ്, ഡിറ്റര്‍ജന്റ്, ഡിഷ് വാഷ് തുടങ്ങിയവക്ക് ഒരു വര്‍ഷത്തിനിടെ 40 ശതമാനത്തോളം വില വര്‍ദ്ധിച്ചു. പൊതുവിതരണ ശൃംഖലയെ ശക്തിപ്പെടുത്തിയും വിപണിയില്‍ ശക്തമായ ഇടപെടല്‍ നടത്തിയും ഈ പ്രതിസന്ധി പരിഹരിക്കേണ്ട സര്‍ക്കാര്‍ വിലക്കയറ്റത്തെ സംബന്ധിച്ച് അറിഞ്ഞ ഭാവം പോലും കാണിക്കുന്നില്ല. ഗവര്‍ണറുമായുള്ള പ്രശ്‌നവും ഉപരിപ്ലവമായ വിവാദങ്ങളും മാത്രമാണ് സര്‍ക്കാറിന്റെ ഫോക്കസ് ഏരിയ. സാധാരണക്കാര്‍ പരിഗണനയില്‍ വരുന്നേയില്ല.

പ്രമുഖ ബ്രാന്‍ഡ് സോപ്പിന് 8 മാസം മുമ്പ് 48 രൂപയായിരുന്നു വില. ഇത് മൂന്ന് തവണയായി കൂട്ടി ഇപ്പോള്‍ 78 രൂപയായി. സസ്യ എണ്ണയുടെ ഒരു ബ്രാന്‍ഡിന് ലിറ്ററിന് 136 രൂപയായിരുന്നു. ഇത് 154 ആയി ഉയര്‍ന്നു. മട്ട അരിക്കും ജയ അരിക്കും 60 രൂപ കടന്നു. ഗോതമ്പ് വിലയും പാല്‍ വിലയും വര്‍ദ്ധിച്ചു. പച്ചക്കറികള്‍ക്ക് ഓരോ ദിവസവും തോന്നിയ വിലയാണ്. ഇടപെടേണ്ട സര്‍ക്കാര്‍ ഇതൊന്നുമറിഞ്ഞിട്ടില്ല. പ്രസ്താവനകള്‍ നടത്തി പിന്‍മാറുന്നു എന്നല്ലാതെ ഭരണപരമായ യാതൊരു ഇടപെടലും ഇതുവരെ പൊതുവിപണിയില്‍ ഉണ്ടായിട്ടില്ല. ഇതേ അവസ്ഥയാണ് നിര്‍മാണ മേഖലയും അഭിമുഖീകരിക്കുന്നത്. സിമന്റ്, കമ്പി, കോണ്‍ക്രീറ്റ് കട്ട, പ്ലമ്പിങ് ഇലക്ട്രിക് ഉപകരണങ്ങള്‍, എം സാന്റ്, ഇഷ്ടിക തുടങ്ങി എല്ലാ നിര്‍മാണ സാമഗ്രികള്‍ക്കും കുത്തനെ വില കൂടിക്കൊണ്ടിരിക്കുന്നു. തൊടുന്നതെല്ലാം പൊള്ളുന്ന അവസ്ഥയാണ്.

സംസ്ഥാനത്തെങ്ങും നിര്‍മാണ മേഖല സ്തംഭിക്കുന്ന മട്ടിലാണ് കാര്യങ്ങള്‍. വില കൂടിയതോടെ 30 ശതമാനത്തിലേറെ ജോലികള്‍ കുറഞ്ഞു. ഇതോടെ ഈ മേഖലയില്‍ തൊഴിലെടുക്കുന്ന പതിനായിരങ്ങള്‍ പ്രയാസത്തിലായി. ഇരട്ടി ദുരിതം പോലെ വിലക്കയറ്റം കൂടി നേരിടേണ്ട അവസ്ഥയിലാണ് തൊഴിലാളികള്‍. നിര്‍മാണം നിലച്ച കെട്ടിടങ്ങള്‍ സംസ്ഥാനത്തെ നേര്‍ക്കാഴ്ചയായി മാറിയിരിക്കുന്നു. അതിഥി തൊഴിലാളികളില്‍ നിരവധി പേര്‍ ജോലിയില്ലാതെ സ്വന്തം നാടുകളിലേക്ക് മടങ്ങി. സിമന്റ് നാല് മാസത്തിനകം 70 രൂപ വരെ വില വര്‍ധിച്ചു. ബ്രിക്‌സിന് അഞ്ച് രൂപ വരെ കൂടി. ഇലക്ട്രിക്കല്‍ വസ്തുക്കള്‍ക്ക് 15 ശതമാനം മുതല്‍ 30 ശതമാനം വരെ വില വര്‍ധിച്ചു. കോവിഡ് കാലത്തിന് ശേഷം നിര്‍മാണച്ചെലവ് 35 ശതമാനം വര്‍ധിച്ചു എന്നാണ് കണക്കുകള്‍ സൂചിപ്പിക്കുന്നത്. കുറഞ്ഞ തുകക്ക് നിര്‍മാണ കരാര്‍ എടുത്ത ആളുകളെയും സാമഗ്രികളുടെ വില വര്‍ദ്ധനവ് ബാധിച്ചു.

വിലക്കയറ്റം രൂക്ഷമായി തുടരുന്നതിനിടെയാണ് വൈദ്യുതി ബില്‍ വര്‍ധിപ്പിക്കുമെന്ന ഇരുട്ടടി കൂടി വരുന്നത്. സംസ്ഥാനത്ത് വൈദ്യുതി നിരക്ക് 50 ശതമാനത്തോളം വര്‍ധിപ്പിക്കാനാണ് പദ്ധതി. സാധാരണക്കാരുടെ നട്ടെല്ലൊടിക്കുന്ന നീക്കമാണ് സംസ്ഥാന സര്‍ക്കാര്‍ നടത്തുന്നത്. വൈകുന്നേരം ആറ് മണി മുതല്‍ പത്ത് മണി വരെ ഉപയോഗിക്കുന്ന വൈദ്യുതിക്കാണ് നിരക്ക് കൂട്ടുന്നത്. ജനം ഏറ്റവുമധികം വൈദ്യുതി ഉപയോഗിക്കുന്നത് ഈ സമയത്താണെന്ന് സര്‍ക്കാറിനറിയാം. വിലക്കയറ്റം കൊണ്ട് ദുരിതമനുഭവിക്കുമ്പോഴാണ് ഈ പ്രഹരം. ഒരു ദിവസത്തെ വൈദ്യുതി ഉപയോഗത്തെ ഉപഭോഗം ഏറ്റവും കൂടിയ വൈകീട്ട് 6 മുതല്‍ 10 വരെ ഉപയോഗം ഏറ്റവും കുറഞ്ഞ രാത്രി 10 മുതല്‍ രാവിലെ 6 വരെ ശരാശരി ഉപഭോഗം നടക്കുന്ന പകല്‍ 6 മുതല്‍ 6 വരെ എന്നിങ്ങനെ മൂന്നായി തിരിച്ച് മൂന്ന് നിരക്കായി ഈടാക്കണം എന്നാണ് കെഎസ്ഇബിയുടെ ആവശ്യം. ഉപയോഗം കൂടിയ സമയത്ത് കൂടിയ നിരക്ക് ഈടാക്കി ജനത്തെ ദ്രോഹിക്കാനാണ് നീക്കം.

മാസങ്ങള്‍ക്ക് മുമ്പാണ് ഭൂമിയുടെ ഫെയര്‍ വാല്യൂ വര്‍ധിപ്പിച്ചത്. അതുവഴി രജിസ്‌ട്രേഷന്‍ ഫീസും സ്റ്റാമ്പ് ഡ്യൂട്ടിയും ക്രമാതീതമായി വര്‍ദ്ധിച്ചു. തദ്ദേശ സ്വയംഭരണ സ്ഥാപനങ്ങളില്‍ കെട്ടിട നികുതി വര്‍ദ്ധനവും നടപ്പാക്കി. വിലക്കയറ്റം കൊണ്ട് പൊറുതിമുട്ടുന്ന ജനം കൂടുതല്‍ ദുരിതം അനുഭവിക്കുന്ന അവസ്ഥ വന്നു. ജനദ്രോഹത്തില്‍ ക്രൂരതയുടെ പര്യായമായി ഈ സര്‍ക്കാര്‍ മാറിയിരിക്കുന്നു. വിലക്കയറ്റം നിയന്ത്രിക്കാന്‍ അടിയന്തരമായി ഇടപെടണം. നിര്‍മ്മാണ മേഖലയില്‍ വില നിയന്ത്രിക്കുന്നതിന് സര്‍ക്കാര്‍ റെഗുലേറ്ററി ബോര്‍ഡ് രൂപീകരിക്കണം. പൊതുവിതരണ ശൃംഖലയെ ശക്തിപ്പെടുത്തണം. ഇക്കാര്യങ്ങള്‍ ആവശ്യപ്പെട്ടുകൊണ്ടാണ് ഇന്ന് സംസ്ഥാനത്തെ മുഴുവന്‍ പഞ്ചായത്ത്, മുനിസിപ്പല്‍ കേന്ദ്രങ്ങളിലും മുസ്‌ലിംലീഗ് പ്രതിഷേധ സംഗമങ്ങള്‍ സംഘടിപ്പിക്കുന്നത്. വിലക്കയറ്റം നിയന്ത്രിക്കാന്‍ ഒന്നും ചെയ്യാതെ സര്‍ക്കാര്‍ നിസ്സംഗത തുടരുന്നതില്‍ പ്രതിഷേധിച്ചാണ് സമര പരിപാടി. അടിസ്ഥാന പ്രശ്‌നങ്ങളില്‍നിന്ന് ശ്രദ്ധ തിരിക്കാന്‍ സര്‍ക്കാര്‍ അനാവശ്യ വിവാദങ്ങളുടെ പിന്നാലെ പോവുകയാണ്. ഇത് അനുവദിക്കില്ല. പൊതുവിപണിയില്‍ സര്‍ക്കാര്‍ ഇടപെടുന്നത് വരെ പ്രതിഷേധം തുടരും.

Continue Reading

Article

യുടേണ്‍ രാജ-എഡിറ്റോറിയല്‍

നാളിതുവരെ എല്ലാ അനുമതിയും കിട്ടിയെന്ന് കൊട്ടിഘോഷിച്ച് ന്യായീകരിച്ച സഖാക്കളൊക്കെ വാ പൊളിച്ച് നില്‍ക്കുന്ന അവസ്ഥ

Published

on

കേരള മുഖ്യമന്ത്രി നിലപാടുകളുടെ സ്വന്തം ആളാണെന്നാണ് സി.പി.എമ്മുകാരും ഇടതുപക്ഷത്തെ പാടിപുകഴ്കത്തുന്ന പാണന്‍മാരും പാടി നടക്കാറുള്ളത്. എന്നാല്‍ യുടേണ്‍ അടിക്കുന്നതിലാണ് മുഖ്യന്റെ മിടുക്കെന്നാണ് അദ്ദേഹത്തിന്റെ ഇതുവരെയുള്ള പ്രവൃത്തികളില്‍നിന്നും മലയാളികള്‍ക്ക് വ്യക്തമാവുന്നത്. ഏറ്റവും ഒടുവിലായി നിലപാടു മാറ്റം കെ റെയിലുമായി ബന്ധപ്പെട്ടാണ്. എന്തും ഏതും പ്രഖ്യാപിക്കും പിന്നാലെ യു ടേണ്‍ അടിക്കും അതാണ് കേരള മോഡല്‍ എന്ന പ്രതീതിയാണ് പിണറായി ഇപ്പോള്‍ സൃഷ്ടിക്കുന്നത്. എന്ത് തന്നെയായാലും കെ റെയില്‍ വരും കെട്ടോ.. എന്ന് പറഞ്ഞിരുന്നയാള്‍ ഇപ്പോള്‍ പറയുന്നു കേന്ദ്രം അനുമതി തന്നാല്‍ മാത്രമെന്ന്. നാളിതുവരെ എല്ലാ അനുമതിയും കിട്ടിയെന്ന് കൊട്ടിഘോഷിച്ച് ന്യായീകരിച്ച സഖാക്കളൊക്കെ അണ്ടി പോയ അണ്ണാന്‍ കണക്കെ വാ പൊളിച്ച് നില്‍ക്കുന്ന അവസ്ഥ.

എന്ത് സംഭവിച്ചാലും സില്‍വര്‍ലൈന്‍ പദ്ധതിയില്‍ നിന്നും പിന്നോട്ടുപോകില്ലെന്ന നിലപാടിലായിരുന്നു മുഖ്യമന്ത്രി പിണറായി വിജയന്‍. പ്രതിഷേധം കണ്ടില്ലെന്ന് നടിച്ച് വീട്ടുമുറ്റത്തും അടുപ്പിലുംവരെ മഞ്ഞക്കുറ്റികളിട്ട് നാട്ടുകാരുടെ മുതുകില്‍ പൊലീസിനെകൊണ്ട് കോല്‍ക്കളി കളിപ്പിച്ചശേഷം ഇപ്പോള്‍ പറയുന്നു കേന്ദ്ര സര്‍ക്കാര്‍ അനുകൂല നിലപാട് സ്വീകരിച്ചാല്‍ മാത്രമേ പദ്ധതിയുമായി മുന്നോട്ടുപോകാന്‍ കഴിയൂ എന്ന്. ഇത്രയും കാലം മുന്നോട്ടുപോയതും കേന്ദ്ര ഭരണക്കാരുടെ പിന്തുണയില്‍ത്തന്നെ ആണെന്നത് വേറെ സത്യം. എന്തൊക്കെയായിരുന്നു തള്ള് വിദഗ്ധരുമായി ചര്‍ച്ചയെന്ന പേരില്‍ സി.പി.എം അനുഭാവികളെ കുത്തിനിറച്ച് പ്രധാന സ്ഥലങ്ങളിലെല്ലാം സില്‍വര്‍ ലൈന്‍ ചര്‍ച്ച. ചര്‍ച്ചയില്‍ മുന്‍കൂട്ടി തയാറാക്കിയ ചോദ്യങ്ങള്‍ വിദഗ്ധരെന്ന വ്യാജേന എത്തുന്ന പാര്‍ട്ടിക്കാര്‍ ചോദിക്കുന്നു, മറുപടി. തീര്‍ന്നില്ല. അഞ്ച് മുതല്‍ പന്ത്രണ്ടാം ക്ലാസ് വരെയുള്ള വിദ്യാര്‍ഥികള്‍ക്കായി കേരള റെയില്‍ ഡവലപ്‌മെന്റ് കോര്‍പറേഷന്‍ (കെ റെയില്‍) സിംപോസിയം, കാസര്‍കോട് മുതല്‍ തിരുവനന്തപുരം വരെ മൂന്ന് മണിക്കൂര്‍ 54 മിനിറ്റെന്നും പറഞ്ഞ് നാടുനീളെ മുഖ്യന്റെ പടമുള്ള ബോര്‍ഡുകള്‍, എസ്.എഫ്.ഐ പിള്ളാരെ കൊണ്ട് തൊട്ടപൊട്ടുമാറ് ഉച്ചത്തില്‍ കെ റെയിലിന് സിന്ദാബാദ് വിളിപ്പിക്കല്‍. മുകളില്‍ കെ റെയില്‍ അതിനു താഴെ മെട്രോ അതിനു താഴെ വാട്ടര്‍ മെട്രോ, പിന്നെ നെതര്‍ലന്‍ഡ്‌സില്‍ ടൂറ് പോയി കണ്ടുപിടിച്ച റൂം ഫോര്‍ റിവര്‍ പദ്ധതി അങ്ങനങ്ങനെ…

രാവിലെ തിരുവനന്തപുരത്ത് നിന്നു കാസര്‍കോട് എത്തി തൊഴില്‍ ഉറപ്പു ജോലിയും കഴിഞ്ഞു ബിരിയാണിയും കഴിച്ചു വൈകുന്നേരം തിരികെ തിരുവനന്തപുരത്ത് എത്തി വീട്ടില്‍ കിടന്നുറങ്ങുക എന്ന സ്വപ്‌നമായിരുന്നു പല സഖാക്കന്‍മാരും പങ്കുവെച്ചിരുന്നത്. ഹാ പ്രതിപക്ഷം കുത്തിത്തിരിപ്പ് നടത്തിയ സ്ഥിതിക്ക് ഇനി സ്വപ്‌നം സ്വപ്‌നമായി അവശേഷിക്കും. ഒടുവില്‍ പതിവ് പോലെ പവനായി ശവമായി. കേന്ദ്രത്തെ സോപ്പിടാന്‍ എന്തൊക്കെ തിത്തൈ തികൃതൈ കളികളാണ് സര്‍ക്കാറും മുഖ്യനും കാണിച്ചത്. ഭരണം സ്‌ക്രീനില്‍ നോക്കി വിലയിരുത്താന്‍ ബെസ്റ്റ് ഗുജറാത്താണെന്നു പറഞ്ഞ് ചീഫ് സെക്രട്ടറിയടക്കമുള്ളവരെ മോദിയുടെ നാട്ടിലേക്ക് പഠനത്തിന്‌വിട്ടു. തൃക്കാക്കര ഉപതിരഞ്ഞെടുപ്പ് സമയത്ത് കെ റെയില്‍ വികസനം ചര്‍ച്ചയാവുമെന്ന് ആദ്യം പറഞ്ഞ സര്‍ക്കാറും സി.പി.എമ്മും തിരഞ്ഞെടുപ്പ് കഴിയുവോളം കെ റെയിലിന്റെ മഞ്ഞക്കുറ്റികള്‍ നാട്ടിയില്ല. തിരഞ്ഞെടുപ്പ് ഫലം വന്നു എട്ടു നിലയില്‍ പൊട്ടി പിന്നീട് ഇതേ കുറിച്ച് നിലപാടിന്റെ ആശാന്‍മാര്‍ മിണ്ടിയതുമില്ല.

യു ടേണ്‍ അടിക്കുന്ന കാര്യത്തില്‍ മുഖ്യന് റെക്കോഡ് തന്നെയുണ്ട്. നേരത്തെ പൊതുമേഖല സ്ഥാപനങ്ങളിലെ പെന്‍ഷന്‍ പ്രായം 60 ആക്കി ഉത്തരവിട്ടു. പ്രതിഷേധം വന്നു നിലപാട് മാറ്റി, യു ടേണ്‍. വഖഫ് ബോര്‍ഡ് നിയമനങ്ങള്‍ പി.എസ്.സിക്ക് വിട്ടു. മുസ്്‌ലിംലീഗിന്റെ ശക്തമായ പ്രതിഷേധം വന്നു. മുസ്്‌ലിംലീഗിനെ ആരു കണക്കാക്കുന്നുവെന്ന് വീമ്പിളക്കിയ മുഖ്യന്‍ പ്രതിഷേധം കനത്തതോടെ വീണ്ടും യു ടേണ്‍. ജന്‍ഡ്രല്‍ ന്യൂട്രല്‍ ഡ്രസെന്നും പറഞ്ഞ് മതനിരാസത്തിനുള്ള വഴിയായിരുന്നു പിന്നീട് തുറന്നത്. ഒടുവില്‍ പ്രതിഷേധം കാരണം അവിടേയും യു ടേണ്‍ തന്നെ ഗതി. കെ റെയിലുമായി ബന്ധപ്പെട്ട് ഒരു അനുമതിയും നേരത്തെ കിട്ടിയിരുന്നില്ല. എന്നാല്‍ അന്ന് അതിനെ കുറിച്ച് ചോദിക്കുമ്പോഴൊക്കെ ആ ചോദ്യം മുഖ്യമന്ത്രിയും മറ്റു ഇടതു നേതാക്കളും കണ്ടില്ലെന്ന് നടിക്കുകയായിരുന്നു. നേരത്തെ തൃക്കാക്കര ഉപതിരഞ്ഞെടുപ്പില്‍ എന്തുവന്നാലും കെ റെയില്‍ ഓടിക്കും എന്നു തന്നെയായിരുന്നു മുഖ്യമന്ത്രി പറഞ്ഞത്. നാട്ടുകാര്‍ വോട്ട് ചെയ്ത് ഓടിച്ചപ്പോഴാണ് യു ടേണിനെ കുറിച്ച് പതിയെ ചിന്ത വന്നത്. ലോകായുക്തയുടെ പല്ല് പറിച്ച് അഴിമതിക്ക് കുടപിടിച്ച സര്‍ക്കാര്‍ മുന്നാക്ക സംവരണ കാര്യത്തില്‍ കാണിച്ച ധൃതിയായിരുന്നു കെ റെയിലിന് കല്ലിടാനും കാണിച്ചിരുന്നത്.]

Continue Reading

Trending