ജൊഹന്നാസ് ബെര്‍ഗില്‍ ബാറ്റ്‌സ്മാന്മാരുടെ പറുദീസയില്‍ അഞ്ചു വിക്കറ്റു വേട്ടയുമായി തിളങ്ങിയ ഭുവിയുടെ കരുത്തില്‍ ട്വന്റി20 പരമ്പരയിലെ ആദ്യ മല്‍സരത്തില്‍ ദക്ഷിണാഫ്രിക്കയ്‌ക്കെതിരെ ഇന്ത്യ 28 റണ്‍സിന്റെ വിജയം കൊയ്തപ്പോള്‍ മുന്‍ നായകന്‍ മഹേന്ദ്ര സിങ് ധോണിയെ തേടി മറ്റൊരു അപൂര്‍വ റെക്കോര്‍ഡ് കൂടി എത്തി.
ട്വന്റി 20 യില്‍ ഏറ്റവും കൂടുതല്‍ ക്യാച്ച് സ്വന്തമാക്കുന്ന വിക്കറ്റ് കീപ്പര്‍ എന്ന റെക്കോര്‍ഡാണ് ഇന്നലെ മുതല്‍ ധോണിയുടെ പേരില്‍ കുറിക്കപ്പെട്ടത്.
ശ്രീലങ്കന്‍ ഇതിഹാസം കുമാര്‍ സംഗക്കാരയുടെ റെക്കോര്‍ഡാണ് ധോണി പഴങ്കഥയാക്കിയത്. ഭുവനേശ്വര്‍ കുമാറിന്റെ പന്തില്‍ ദക്ഷിണാഫ്രിക്കന്‍ താരം റീസ ഹെന്‍ഡ്രിക്‌സിനെ ഗ്ലൌസിനുള്ളില്‍ ഭദ്രമാക്കിയതോടെ ധോണി ഈ നേട്ടം സ്വന്തം പേരിലേക്ക് എഴുതിച്ചേര്‍ക്കുകയായിരുന്നു. 254 മത്സരങ്ങളില്‍ നിന്ന് 133 ഇരകളെ കൈകളില്‍ ഒതുക്കിയ സംഗക്കാരയുടെ നേട്ടം ഇതോടെ തകര്‍ന്നു. ധോണിയുടെ 275 ാം മത്സരമായിരുന്നു ജോഹന്നാസ് ബര്‍ഗിലേത്. 22 മത്സരങ്ങളില്‍ നിന്നായി 123 ക്യാച്ചുകള്‍ സ്വന്തമാക്കിയ ഇന്ത്യയുടെ തന്നെ ദിനേശ് കാര്‍ത്തിക്കാണ് ഈ ശ്രേണിയിലെ മൂന്നാമന്‍. 115 ക്യാച്ചുമായി പാക് താരം കമ്രാന്‍ അക്മല്‍ നാലാമതും 108 ക്യാച്ചുകളുമായി വെസ്റ്റിന്‍ഡീസ് താരം റാംദിന്‍ അഞ്ചാമതുമുണ്ട്.
223 മത്സരങ്ങളില്‍ നിന്ന് 123 ക്യാച്ചുകള്‍ സ്വന്തമാക്കിയ ഇന്ത്യന്‍ താരം ദിനേശ് കാര്‍ത്തിക്കാണ് മൂന്നാം സ്ഥാനത്തുളളത്. 211 മത്സരങ്ങളില്‍ നിന്ന് 123 ക്യാച്ചുകള്‍ നേടിയ കമ്രാന്‍ അക്മലല്‍ നാലാം സ്ഥാനത്തും 168 മത്സരങ്ങളില്‍ നിന്ന് 108 ക്യാച്ചുകള്‍ സ്വന്തമാക്കിയ ദിനേഷ് രാദിന്‍ അഞ്ചാം സ്ഥാനത്തുമാണ് ഉളളത്
Be the first to write a comment.